05/03/2026
https://www.facebook.com/share/1CMd7xM2cT/?mibextid=wwXIfr
အိမ်၊ခြံမြေအတွက်
အရောင်းအဝယ်ပြုနိုင်သော ရက်ကောင်းများ
မတ်လ ၆ ရက်နေ့ကနေ မတ်လကုန်အထိ ကာလအတွင်းမှာ မြေအရောင်းအဝယ်ပြုလုပ်ဖို့ အားသန်နေတဲ့သူများအတွက် မြေအရောင်းအဝယ်အတွက် အကျိုးပေးမယ့် ရက်ကောင်းတွေနဲ့ သတိထားရမယ့်အချက်တွေကို ကျမ အသေးစိတ် ဖော်ပြပေးလိုက်ပါတယ်။
အရောင်းအဝယ်တွေအတွက် ရက်ကောင်းတွေကတော့
၁။ မတ်လ ၆ ရက် (သောကြာနေ့):
ဒီနေ့ဟာ အရောင်းအတွက်ဆွဲ ဆောင်မှုအားကောင်းတဲ့နေ့ဖြစ်လို့ ဝယ်သူကို စိတ်ကျေနပ်မှုပေးနိုင်ပြီး အပေးအယူတည့်စေတတ်ပါတယ်။
အချိန်: မနက် ၇ နာရီခွဲမှ ၉ နာရီအတွင်း အထူးကောင်းပါတယ်။
၂။ မတ်လ ၁၁ ရက် (ဗုဒ္ဓဟူးနေ့):
ဗုဒ္ဓဟူးနေ့ဟာ ဆက်သွယ်ရေးနဲ့ စာချုပ်စာတမ်းကိစ္စတွေအတွက် အင်မတန် အကျိုးပေးပါတယ်တယ်ရှင်။ စကားပြောဆို ညှိနှိုင်းရတာ ချောမွေ့စေနိုင်ပါတယ်။
အချိန်: မနက် ၉ နာရီမှ ၁၀ နာရီခွဲအတွင်း။
၃။ မတ်လ ၁၆ ရက် (တနင်္လာနေ့):
စိတ်အေးချမ်းမှုနဲ့ ယုံကြည်မှုကို ပေးတဲ့နေ့ဖြစ်လို့ မြေအရောင်းအဝယ်အတွက် အခြေခိုင်စေပါတယ်။
အချိန်: နေ့လယ် ၁ နာရီခွဲမှ ၃ နာရီအတွင်း။
၄။ မတ်လ ၂၅ ရက် (ဗုဒ္ဓဟူးနေ့):
အဟန့်အတားတွေ ကျော်လွှားပြီး အရောင်းအဝယ် အောင်မြင်နိုင်ပါတယ်။
၅။ အကောင်းဆုံးက တော့ March 21–March 31 အတွင်း ရက်တွေက ကောင်းပါတယ်။
Mercury Retrograde က March 20 (နေ့လယ် PT) ထိ ရှိနေလို့ March 6–20 အတွင်း
စာချုပ်/လက်မှတ်ထိုး/ငွေလွှဲ လိုမျိုးမှာ အလွဲအမှား/စကားနားလည်မှု/အချက်အလက်လွဲ ဖြစ်လွယ်ပါတယ်။
ထို့ပြင် Moon က March 20–31 မှာ Waxing (တိုးလာတဲ့လ) ဖြစ်လို့
“တိုးချဲ့/တည်ဆောက်/ဝယ်ယူ” လိုမျိုးကိစ္စတွေကို ပိုသင့်တော်တယ်လို့ ယူဆကြပါတယ်။
ရောင်းမှား/ဝယ်မှား မဖြစ်စေဖို့ ဂရုစိုက်ရမယ့်အချက်တွေ (အရေးကြီး)
Mercury retrograde မဟုတ်ဘဲ မဟုတ်ဘဲ အမှားအများဆုံးက ဒီအချက်တွေကနေ ဖြစ်တတ်ပါတယ်—
⚠️ ရောင်းမှား ဝယ်မှား မဖြစ်စေဖို့ သတိပြုရန်
မြေအရောင်းအဝယ်မှာ အမှားအယွင်းမရှိစေဖို့ အောက်ပါအချက်တွေကို အထူးဂရုစိုက်ပါရှင် -
စာချုပ်စာတမ်း စစ်ဆေးပါ: (အထူးသဖြင့် မြေပုံ၊ မြေရာဇဝင်နဲ့ ပိုင်ဆိုင်မှု အထောက်အထားများ)။
မတ်လ ၂၀၊ ၂၁၊ ၂၂ ရက်တွေမှာ အရေးကြီးတဲ့ ဆုံးဖြတ်ချက်ချတာ
ဒါမှမဟုတ် စရန်ငွေပေးချေတာမျိုးကို တတ်နိုင်သမျှ ရှောင်ကြဉ်ပါရှင်။
ဒီကာလမှာ ဆုံးဖြတ်ချက်တွေဟာ နောင်တရစရာ ဖြစ်လာတတ်ပါတယ်။
ပတ်ဝန်းကျင် စစ်ဆေးပါ:
မြေရဲ့ အနေအထားတင်မကဘဲ အနီးနားမှာရှိတဲ့ ရေနုတ်မြောင်း၊
လျှပ်စစ်မီးတိုင်နဲ့ လမ်းအနေအထားတွေကို နေ့ခင်းဘက်မှာ သေချာသွားရောက်ကြည့်ရှုပါရှင်။
မြေအမြန်ရောင်းထွက်စေမည့် ယတြာများ
မြေဓာတ်ကို နိုးကြားစေပြီး ဝယ်သူကို ဆွဲဆောင်နိုင်ဖို့ အောက်ပါယတြာတွေကို လုပ်ဆောင်ပါရှင် -
မိမိရောင်းချမည့် မြေကွက်ထဲမှာ (သို့မဟုတ်) အိမ်ရှေ့မှာ သကြားလုံး ၉ လုံး ကို မြေပေါ်မှာ ချထားပြီး
"မြေနန်းရှင်များ၊ မြေစောင့်နတ်များခင်ဗျာ၊ ဤမြေကို အမြန်ဆုံး အကျိုးရှိရှိ ရောင်းထွက်အောင်ကူညီပေးပါ" လို့ တောင်းဆိုပြီး မေတ္တာ သုတ်ကို ၉ ခေါက်ပူဇော်ပါ၊ အမျှဝေပေးခဲ့ပါ။
၂။ ရောင်းမဲ့ အိမ်၊မြေတို့ကို သန့်စင်ပေးပါ။
အရမ်းထိရောက်တဲ့ နည်းဖြစ်ပါတယ်။အရောင်းအဝယ်စွမ်းအင်အတွက် “လမ်းဖွင့်” ပေးလိုက်တာပါပဲ၊ Crystal တွေနဲ့ လမ်းဖွင့်တာကတော့ ပိုမြန်ပြီး ပိုထိရောက်ပါတယ်။ နေ့နံသားအလိုက် အသုံးပြုရတဲ့ Crystal တွေနဲ့ အနှောက်အယှက်တွေကို ဖယ်ရှားခြင်းနဲ့ ငွေဝင်လမ်း ဖွင့်ခြင်းတို့ကို လုပ်ဆောင်နိုင်ပါတယ်။
စွမ်းအင်ပညာနဲ့သန့်စင်ခြင်းနည်းလမ်းကို မျှဝေလိုက်ပါတယ်။
အသံရဲ့စွမ်းအင်တုန်ခါမှုနဲ့အသံလှိုင်းတွေက မကောင်းတဲ့ ဝိဉာဉ်တွေနဲ့ မကောင်းတဲ့ စွမ်းအင်တွေကို အသံစွမ်းအင်နဲ့ ဖယ်ရှားပေးနိုင်ပါတယ်ရှင်။
ဒါ့အပြင် ဖယောင်းတိုင်နဲ့ နံ့သာတိုင်တွေကလည်း မကောင်းတဲ့ စွမ်းအင်တွေနဲ့ မကောင်းတဲ့ ဝိဉာဉ်တွေကို ဖယ်ရှားရမှာ အသုံးပြုနိုင်ပါတယ်။
အသံစွမ်းအင်+ဖယောင်တိုင်ရဲ့ အလင်း စွမ်းအင်+ နံ့သာစွမ်းအင် အဲဒီ စွမ်းအင် သုံးမျိုးစလုံးပေါင်းစည်းပြီး ပတ်ဝန်းကျင်က မကောင်းသောစွမ်းအင်များနဲ့ မကောင်းသောဝိဉာဉ်များကို ဖယ်ရှားပေးနိုင်ပါတယ်။
ဒါကြောင့် မကောင်းသောစွမ်းအင်တွေကို ဖယ်ရှားပေးနိုင်တဲ့ အသံဖိုင်ကို ကျမက နံ စီစဉ်ထားပါတယ်။ ကျမရဲ့ ယူကျူ့မှာ တင်ထားပါတယ်။ comment မှာ link ချထားပေးပါမယ်နော်
Clean Dark Spirits And Negative Energy“ ဆိုတဲ့ အမည်နဲ့ အသံဖိုင်ပါ။ ဒီအသံဖိုင်ကို နေ့စဉ် ဖွင့်ပေးပါ။ ၂၇ ရက်တိတိ ဖွင့်ပေးရပါမယ်နော်။ အိမ်နဲ့ ဆိုင် နှစ်နေရာစလုံးလမှာ ဖွင့်ပေးရပါမယ်နော်။
https://youtu.be/YwZFRzpZOE4?si=ygZlxMPi_-lCJ3_Z
လုပ်ဆောင်ရမှာတွေကတော့
(၁) Clean Dark Spirits And Negative Energy အသံဖိုင်ကို ဖွင့်ပါ။
(၂) ဖယောင်းတိုင်မီးထွန်းထားပါ။ ဖယောင်းတိုင်က အဖြူရောင်ဖြစ်ရပါမယ်။
(၃) နံ့သာတိုင် (အမွှေး)တိုင်ကို ၃ ချောင်းထွန်းပါ။
တစ်နေရာတည်းမှာ အဲဒီသုံးမျိုးကို တစ်စုတစ်စည်းတည်းထားပေးပါ။
အသံထွက်နေရာနဲ့မနီးမဝေးမှာ ထားပါ။ ပြောချင်တာက တစ်ခန်းထဲမှာ ထားဖို့ပါ။
ဘုရားစင်ရျေ့မှာ မီးထွန်းပြီး အသံဖိုင်ကိုတော့ အခန်းထဲမှာ ဖွင့်ထားတာမျိုး မလုပ်ပါနဲ့နော်။
အခန်းကိုလည်း သန့်စင်မယ်ဆို၇င် အဲဒီအခန်းထဲမှာပဲ အသံ+အလင်း+အနံ့ စွမ်းအင် သုံးမျိုး ပေါင်းစပ်ပြီး တစ်နေရာတည်းမှာ ထားပေးပါနော်။
နံ့သာတိုင်က အငွေ့တွေလှိုင်နေပြီး အငွေ့တွေက နေရာအနှံ့ရောက်နိုင်တဲ့အတွက် မကောင်းသော စွမ်းအင်တွေက ခိုအောင်းနေလို့မရတော့ပါဘူး။
ကိုယ့်အိမ်မှာ၊ ဆိုင်မှာ...အခန်းထဲမှာ စတဲ့ မသန့်သောနေရာများတွေသာမက
မည်သည့်နေရာမှာ မဆို နေ့စဉ် ဖွင့်ထားခြင်းအားဖြင့် မကောင်းသောစွမ်းအင်တွေကို ဖယ်ရှားနိုင်ပါတယ်။
မကောင်းသောစွမ်းအင်တွေက ပတ်ဝန်းကျင်က ကောင်းသောစွမ်းအင်တွေကို မောင်းထုတ်ဖယ်ရှားနိုင်တဲ့အတွက်ကောင်းမွန်သော စွမ်းအင်တွေချည်းပဲ စုစည်းမိစေဖို့ ဒီအသံဖိုင်ကို ဖွင့်ထားပါနော်။
၃။ မြေဝယ်မဲ့ သူတွေ ပွဲစားတွေကိုလည်း ၊ မြေအရောင်းအဝယ်နဲ့ပတ်သက်တဲ့သူတွေကိုလည်း မေတ္တာပို့ + ဆုတောင်းပါနော်။
“ရောင်းမှားဝယ်မှား မဖြစ်စေဘဲ မှန်ကန်တဲ့သူနဲ့ အဆင်ပြေပါစေ” လို့ ဆုတောင်းပါ။
မုဒိတာစိတ်ထား — “တစ်ဖက်လည်းအကျိုးရှိ၊ ကိုယ့်ဘက်လည်းအကျိုးရှိ” ဆိုတဲ့ စိတ်နဲ့ ဈေးညှိ ပေးပါ၊ဒါဆိုရင်ကိ စ္စချောမွေ့စေတတ်ပါတယ်။
မြေအရောင်းအဝယ်ဆိုတာ စိတ်ရှည်ဖို့ လိုအပ်ပါတယ်။
အခုပြောပြတဲ့ ရက်ကောင်းတွေမှာ အားစိုက်ပြီး ကြိုးစားကြည့်မယ်ဆိုရင် မတ်လကုန်ပိုင်းမှာ သတင်းကောင်း ကြားရဖို့ အလားအလာ ရှိပါတယ်။
ဒါကတော့ အများအတွက် ယေဘူယျ အဟောဖြစ်ပါတယ်။
တစ်ယောက်ချင်းစီအတွက် ဇာတာနဲ့ တွက်ပေးတဲ့ ယတြာအစီအရင်ကို လိုချင်တယ်ဆိုရင်တော့
ကျမရဲ့ မက်ဆင်ဂျာကနေ တစ်ဆင့် ဆက်သွယ်ပါနော်။
ချစ်သောသူများအားလုံး
ကျန်းမာပါစေ၊ ချမ်းသာပါစေ။
ဘေးကင်းလိုရာပြည့်ပါစေ။
မေတ္တာဖြင့်
May Thingyan Hein-Myitmakha
