https://www.facebook.com/359022337592723/

Legal Aid Lawyers Network, No. 37, Yaw Min Gyi Street, Dagon Township, Yangon, Dagon (2026)

12/09/2022

ကော်ဖီဆိုင်မှာကော်ဖီသောက်ရင်း ကျနော့်သူငယ်ချင်းတစ်ယောက်မေးတယ် "ငါ့ကကုမ္ပဏီတစ်ခုမှာအစုရှယ်ယာရှင်တစ်ယောက်ဖြစ်ကြောင်းသက်သေပြဖို့ ဘယ်စာရွက်စာတမ်းတွေ လက်ဝယ်ထားရှိရမလဲ"တဲ့ ဟာဒီကောင်ကတော့ငါ့လာစားနေပြီလို့ကျွန်တော်ကရယ်ကာြပန်ဖြေလိုက်ပါတယ်။ သေချာတာကတော့ သူ့မှာ ဘာစာရွက်စာတမ်းမှ သူ့ကုမ္ပဏီကအစုရှယ်ယာြဖစ်ကြောင်းမပေးထားလို့ပါပဲ။ အစုရှယ်ယာရှင်တစ်ယောက်ဖြစ်တယ်လို့ သိသာနိုင်တဲ့စာရွက်စာတမ်းတွေအများကြီးပါပဲ။ (ဥပမာ-Company Extract, Company Register Book, Corporate Secretary file ကြည့်ပြီးသိနိုင်ပါတယ်။) ဒါပေ့မယ် မြန်မာနိုင်ငံကုမ္ပဏီများဥပဒေ-၂၀၁၇ အရ မဖြစ်မနေပြုလုပ်ရမဲ့ စုရှယ်ယာအာမခံလက်မှတ် အကြောင်း‌မျှဝေချင်ပါတယ် ဘာကြောင့်လဲဆိုတော့ မြန်မာနိုင်ငံသားပိုင် ကုမ္ပဏီတွေမှာအဲသလို အစုရှယ်ယာအာမခံလက်ကိုအစုရှယ်ယာထံထုတ်ဝေပေးထားတာမရှိသလောက်ရှားလို့ပဲ။
စုရှယ်ယာအာမခံလက်မှတ် (SHARES CERTIFICATE)
ကျွန်တော့်တို့မြန်မာနိုင်ငံကုမ္ပဏီများဥပဒေ-၂၀၁၇ ကိုလေ့လာဖတ်ရှုတဲ့အခါ အစုရှယ်ယာအာမခံလက် မှတ်နှင့်ပတ်သက်ပြီးပြဌာန်းထားတဲ့ပုဒ်မတွေအများကြီးပါပဲဗျ။ အစုရှယ်ယာအာမခံလက်မှတ်နဲ့ပတ်က်ပြီးတော့တစ်ချို့ကတော့သိပြီးဖြစ်ပါလိမ့်မည်။ မသိသေးတဲ့လူကြီးမင်းများအားလုံးသိအောင် ဒီနေရာမှာကျွန်တော်ရှင်းပြမျှဝေခြင်းဖြစ်ပါတယ်-
၁။ ကုမ္ပဏီတစ်ခုမှ ကုမ္ပဏီမှာပါဝင်သူ (သို့) အစုရှယ်ယာရှင် ထံသို့ထုတ်ပေးထားသော စုရှယ်ယာအာမခံလက်မှတ်သည် မှန်ကန်ကြောင်းထင်းရှားသော ပိုင်ဆိုင်ခွင့်အထောက်အထားဖြစ်စေရမည်။
၂။ စုရှယ်ယာအာမခံလက်မှတ် တစ်ခုတွင် အခြေခံအားဖြင့် ပါဝင်ရမည့်အချက်တွေရှိပါတယ် ဥပမာ- ကုမ္ပဏီအမည်၊ရုံးခန်းလိပ်စာ၊ အစုရှယ်ယာရှင်အမည်၊ အစုရှယ်ယာစုစုပေါင်း၊ ရှယ်ယာအမျိုးအစား စသည်တို့ကိုဖော်ပြပါရှိရမည်ဖြစ်ပါသည်။
၃။ ကုမ္ပဏီတစ်ခုသည် ကုမ္ပဏီမှာပါဝင်သူ (သို့) အစုရှယ်ယာရှင် အားမှတ်ပုံတင်စာရင်းတွင်ရေးသားပြီး DICA မှာ သက်ဆိုင်ရာ ပုံစံဖြင့်မှတ်ပုံတင်ပြီးနောက် ၂၈ ရက်အတွင်း အခြားသက်ဆိုင်ရာဥပဒေတစ်ရပ်ရပ်ပါ ပြဌာန်းချက်များနှင့်အညီအစုရှယ်ယာရှင်အားပေးအပ်ရန်အတွက်အသင့်ပြုလုပ်ထားရှိရမည်ဖြစ်ပါသည်။
၄။ စုရှယ်ယာအာမခံလက်မှတ်ကို ကုမ္ပဏီမှဒါရိုက်တာတွေလက်မှတ်ရေးထိုးပြီနောက် သို့မဟုတ် လက်မှတ်ရေးထိုးခြင်းမပြုမီ အ‌ပေါ်က (နံပါတ်-၃) မှာပြောထားသလို အခြားသက်ဆိုင်ရာဥပဒေတစ်ရပ်ရပ်ပါ ပြဌာန်းချက်များနှင့်အညီဆိုတဲ့အတိုင်း တံဆိပ်ခေါင်းခွန်အက်ဥပဒေနှင့်အညီ စုရှယ်ယာအာမခံလက်မှတ်ကို တံဆိပ်ခေါင်းခွန်ကပ်ရမှာဖြစ်ပါတယ်။
၅။ အပေါ်ကပြဌာန်းချက်များကို လိုက်နာရန်ပျက်ကွက်ခြင်းသည် အစုရှယ်ယာ သို့မဟုတ် မှတ်ပုံတင်ထားသော အကျိုးခံစားခွင့်များကို လက်ဝယ်ထားရှိသူတစ်ဦးဦး၏ အခွင့်အရေးများကိုအကျိုးသက်‌‌ရောက်ခြင်းမရှိစေရဟုမြန်မာနိုင်ငံကုမ္ပဏီများဥပဒေ-၂၀၁၇မှာပြဌာန်းထားကြောင်းအသိပေးလိုက်ပါတယ်ခင်ဗျား။
အနှစ်ချုပ်‌ပြောရရင် လူကြီးမင်းတို့ အထူးသဖြင့် အစုရှယ်ယာရှင်တို့က ကုမ္ပဏီတစ်ခုမှာ အစုရှယ်ယာအနေဖြင့်ပါဝင်မယ်ဆို ကုမ္ပဏီစတည်ထောင်ပြီး သို့မဟုတ် ကုမ္ပဏီမှာအစုရှယ်ထုတ်ဝေခြင်းပြုလုပ်ပြီး ၂၈ ရက်အတွင်းမိမိပိုင်ဆိုင်သော အစုရှယ်ယာအာမခံလက်မှတ်ကို ကုမ္ပဏီကထုတ်ပေးရန်အသိပေးဖို့လိုအပ်ပါတယ်။
အားလုံးလေးစားလျှက်ပါ
U Kyaw Yee Smith

Crd:

10/09/2022

မြန်မာနိုင်ငံကုမ္ပဏီများဥပဒေ-၂၀၁၇ ပါ နို့တစ်စာနှင့်ပတ်သက်သောပြဌာန်းချက်များ
တစ်နေ့ကျွန်တော်သူငယ်ချင်းတစ်ယောက်ကဖုန်းဆက်လာပါတယ် ကုမ္ပဏီတစ်ခုကို ကိစ္စတစ်ခုကြောင်း နို့တစ်စာပို့ချင်တာ DICA မှာတင်ထားတဲ့ရုံးခန်းလိပ်စာလည်းအမှားကွာ နောက်ထပ်ဘယ်လိုနို့တစ်စာပို့ရမှန်း မသိတော့ဘူးတဲ့။ အဲမှာ ပြဿနာကစပြီလေ မြန်မာပြည်ကကုမ္ပဏီပိုင်ရှင်တွေ DICA မှာ စာရွက်စာမ်းတွေက အချက်အလက်တွေကို အမှန်အတိုင်းဖော်ပြရမယ်ဖြစ်ပါတယ်။ မှားယွင်းစွာ သို့မဟုတ် လိမ်လည်ဖော်ပြတာ ဟာမြန်မာနိုင်ငံကုမ္ပဏီများ ဥပေဒအရရော့ တစ်ခြားတည်ဆဲဥပဒေအရရောပြစ်မှုမြောက် ပြီးဥပ‌ဒေအရချမှတ် သည့်ပြစ်ဒဏ်ကိုကျခံရမည်ကိုကောင်းစွာသိရှိနား လည်ထားရပါမယ်။
မှတ်ပုံတင်ထားသောကုမ္ပဏီရုံးခန်းလိပ်စာ
မြန်မာနိုင်ငံကုမ္ပဏီများအရ ကုမ္ပဏီတစ်ခုသည် စတင်ဖွဲ့စည်းတည်ထောင်သည့်နေ့မှစ၍ ကုမ္ပဏီနှင့်ဆက်သွယ် ဆောင်ရွက်မှုများ၊ အကြောင်းကြားမှုများအတွက် လိပ်မူပေးပို့နိုင်မည့်မှတ်ပုံတင်ထားသော ကုမ္ပဏီရုံးခန်း တစ်ခုရှိရမည်။ ဒါပြင်ကုမ္ပဏီရုံးခန်းလိပ်စာပြောင်းလဲမှုပြုလုပ်သည့်အခါတိုင်း ထိုသို့ပြောင်းလဲပြင်ဆင်သည့် နေ့ရက်မတိုင်မီသတ်မှတ်ထားသောပုံစံဖြင့် မှတ်ပုံတင်အရာရှိထံတင်ပြရမည်။ ထိုသို့သတ်မှတ်ထားသည့် အချက်များကိုလိုက်နာရန်ပျက်ကွက်ပါခဲ့လျှင် ဒဏ်ကြေးငွေကျပ်(၄၀၀,၀၀၀) သိန်းပေး ဆောင်ရမည်ဟုမြန်မာ နိုင်ငံကုမ္ပဏီများဥပဒေမှာအတိအလင်းဖော်ပြပါရှိပါတယ်။ (မှတ်ချက်-ခုထိတော့ DICA ကအဲသလိုပျက်ကွက် နေတဲ့ကုမ္ပဏီတွေကို ခုထိတော့အရေးယူတာ မတွေ့ရှိရသေးပါဘူးခင်ဗျား၊ ဘယ်လိုအရေးယူမလဲဆိုတာကိုလည်း စောင့်ကြည့်ရပါမယ်။)
ကုမ္ပဏီ၏အမည်ကိုဖော်ပြရခြင်း
ကုမ္ပဏီများအားလုံးသည် ယင်း၏အမည်အား မှတ်ပုံတင်ထားသော ကုမ္ပဏီရုံးခန်းတွင်လည်းကောင်း၊ အများပြည် သူနှင့်ဆက်သွယ်ဆောင်ရွက်သည့်ရုံးခန်း သို့မဟုတ် နေရာအားလုံးတို့တွင်လည်းကောင်းမြင်သာသည့် နေရာ၌ မြန်မာဘာသာ သို့မဟုတ် အင်္ဂလိပ်ဘာသာဖြင့် ရှင်းလင်းစွာရေးသားဖော်ပြရမည်။ ထိုသို့ ကုမ္ပဏီ၏အမည်ကိုဖော် ပြခြင်းမပြုသည့်အတွက်လည်းဒဏ်ငွေသတ်မှတ်ထားတာလည်းရှိပါတယ်။
ကုမ္ပဏီသို့စာရွက်စာတမ်းများကိုအခြားနည်းလမ်းများဖြင့်ပေးပို့ခြင်း
(က) ကုမ္ပဏီ၏ မှတ်ပုံတင်ထားသောရုံးခန်းသို့ ကိုယ်တိုင်ပေးပို့ခြင်း သို့မဟုတ် စာတိုက်မှပေးပို့ခြင်း၊ (ခ) ကုမ္ပဏီဒါရိုက်တာများအဖြစ် အမည်စာရင်းပါရှိသောသူတစ်ဦးဦးထံသို့ပေးပို့ခြင်း၊(ဂ)ကုမ္ပဏီ၏ဝန်ထမ်း တစ်ဦးဦး ထံသို့ပေးပို့ခြင်း၊ (ဃ) တရားရုံးကညွှန်ကြားသည့်နည်းလမ်းနှင့်အညီပေးပို့ခြင်း (င) ကုမ္ပဏီနှင့်ပြုလုပ်ထားသော သဘောတူညီချက်တစ်ရပ်ရပ်ဖြင့်ပေးပို့ခြင်းစသည့် နည်းလမ်းများဖြင့်ပေးပို့နိုင်တယ်လို့ မြန်မာနိုင်ငံကုမ္ပဏီ ဥပဒေမှာပြဌာန်းထားပါတယ်။ ဒါအပြင် ကုမ္ပဏီတစ်ခုရဲ့ဖွဲ့စည်းပုံအခြေခံစည်းမျဉ်းတွင် အကြောင်းကြားစာကို မည်သို့မည်ပုံ ပို့နိုင်တာကိုဖော်ပြထားပြီး အကြောင်းကြားစာပို့ပြီးဖြစ်သည့်ဟုမှတ်ယူနိုင်ခြင်း ကိစ္စရပ်တွေပါအတိ အလင်း ဖော်ပြထားပါတယ်။(မှတ်ချက်-ကုမ္ပဏီရဲ့ဒါရိုက်တစ်ဦးဦးအချက်အလက်ကိုMyCo မှတစ်ဆင့် Company Extract ဝယ်ပြီးသိရှိနိုင်ပါတယ်။)
နိဂုံးချုပ်အနေဖြင့်ပြောရရင် အပေါ်မှာဖော်ပြထားတဲ့ မြန်မာနိုင်ငံကုမ္ပဏီများဥပဒေပါ ပြဌာန်းချက်များနှင့်အညီ နိုတစ်ကိုပို့နိုင်သလို့တစ်ခြားနို့တစ်စာနှင့်ဆက်စပ်သော တည်ဆဲဥပဒေများအရလည်း ကုမ္ပဏီတစ်ခုထံသို့ ဥပဒေနှင့်အညီနို့တစ်စာပို့နိုင်ကြောင်းအကြမ်းအားဖြင့်မျှဝေလိုက်ပါတယ်ခင်ဗျား..
အားလုံးလေးစားလျှက်
U Kyaw Yee Smith
Crd:

09/09/2022

သိစေရန်အလို့ငှာ
ကုမ္ပဏီတွေဒီလောက် MyCo မှတ်ပုံတင်စာရင်းမှ (Struck off) ပယ်ဖျက်ခံနေရတာကြည့်မကောင်းဘူးဗျ ဘာလို့ဆိုတော့ ကုမ္ပဏီထောင်တဲ့သူတွေက ကုမ္ပဏီထောင်တာ တကယ့်ရည်ရွယ်ချက်ရှိရှိ စီးပွားရေးလုပ်ငန်း တစ်ခုကိုအတည် တကျလုပ်ကိုင်ပြီးလည်ပတ်ရန်မဟုတ်ဘဲ သူများကုမ္ပဏီထောင်ရင်လိုက်ထောင်ကြတဲ့သဘော သက်ရောက်နေတယ်။ ကုမ္ပဏီတစ်ခုထောင်တာလည်း မျက်မှောက်ကာလမှာ Gmail account သို့မဟုတ် Facebook account ဖွင့်သလိုမျိုး လွယ်ကူပေ့မယ်လည်း Gmail account သို့မဟုတ် Facebook account ဖွင့်ပြီးမသုံးရင် ဘာကိစ္စ၊ဘာပြဿနာမှမဖြစ်ဘူး။ ကုမ္ပဏီမထောင်ခင် ကုမ္ပဏီဘာကြောင့်ထောင်ချင်သလဲ ပြီးရင် အနည်းဆုံးအခြေခံအားဖြင့်ကုမ္ပဏီတည်ပြီးရင်လိုက်နာမည့်စည်းမျဉ်းစည်းကမ်းတွေကိုသိထားရမည်။ တစ်ချို့ အကျိုးဆောင်တွေက လည်းသူတို့ပိုက်ဆံရဖို့အတွက် ကုမ္ပဏီထောင်ချင်တဲ့သူတွေ (Clients) ကိုဘာ ဥပဒေမှသေချာမဆွေးနွေးပဲ လိုအပ်တဲ့အချက်အလက်တွေလောက်ဖြည့်ပြီးတစ်ခါတည်းတမ်း ထောင်ပေးလိုက်ကြ တာပဲဗျ။ အဲသလို့လုပ်လိုက်တဲ့အတွက် အခက်အခဲတွေအများကြီးတွေ့ရမည့်အပြင် တစ်ခါလုပ်ရမည့်ကိစ္စတွေကို ၂ခါလုပ် ၃ ခါလုပ်နဲ့ အချိန်ကုန်တယ် ငွေကုန်တယ်။ မြန်မာနိုင်ငံသားပိုင်ကုမ္ပဏီအများစုကလည်း မိသားစု (Family Type Companies) ဖြစ်တဲ့အတွက် Shareholders လည်းသူပဲ Directors လည်းသူပဲ အဲဒါကကိစ္စ တော့မရှိပါဘူးလက်တွေ့မှာ Shareholder နဲ့ Director ကဘာလဲဆိုတဲ့သီဟိုရီကိုကွဲပြားသိဖို့လိုတယ်။ တစ်ချို့ဆို ကုမ္ပဏီ ထောင်ထားတယ် ဘာအစည်းဝေးဆုံးဖြတ်ချက်လည်းမရှိ၊ ဘာဆိုဘာစာရွက်မှ Company’s records အနေဖြင့်သိမ်းထားတာမရှိဘူး။ တစ်ချို့က ကုမ္ပဏီထောင်ပြီးတာနဲ့ မြန်မာနိုင်ငံကုမ္ပဏီများဥပဒေအောက်မှာပါတဲ့ လုပ်ငန်း (၉၉) မျိုးကသက်ဆိုင်ရာဌာနကဘာလိုင်စင်မယူဘဲကုမ္ပဏီလိုင်စင်တစ်ခုတည်းဖြင့် လုပ်ကိုင်လို့ ရပြီထင်နေကြတုန်းပါပဲဗျ။ နောက်ဆုံး ကုမ္ပဏီကသာမှတ်ပုံတင်စာရင်းမှပယ်ဖျက်ခြင်း (Struck off) ဖြစ်သွားတယ် ဘာကြောင့် (Struck off) ဖြစ်သွားလဲ သေချာမသိကြဘူးဗျ။ နှစ်စဉ်အစီရင်ခံစာ (Annual Return) ကိုဥပဒေနှင့်အညီမတင်လို့ မိမိကုမ္ပဏီက မှတ်ပုံတင်စာရင်းမှ ပယ်ဖျက်ခံရတာဖြစ်တယ်။ ကုမ္ပဏီတစ်ခု ထောင်လိုက်ပြီဆိုတာနဲ့ (Annual Return)ကို ယင်းကုမ္ပဏီဖွဲ့ စည်းတည်ထောင်သည့်နေ့မှ (၂)လအတွင်းတစ်ကြိမ် တင်ရပါတယ်။ ပြီးရင် ကုမ္ပဏီတည် ထောင်ဖွဲ့စည်းပြီးသည့်နေ့မှ (၁) တစ်နှစ်အတွင်းတစ်ခါတင်ဖို့လိုမယ် ဒါအပြင် တစ်နှစ်(၁) တစ်ခါပုံမှန် မှတ်ပုံတင်အရာရှိကို သတ်မှတ်ထား တဲ့ပုံစံဖြင့်တင်ပြရတာဖြစ်တယ်။ အခြားတစ်ဖက်မှာကုမ္ပဏီတစ်ခုအနေဖြင့် မဖြစ်မနေလိုက်နာကျင့်သုံး ရမည့်ကိစ္စရပ် တွေအများကြီးရှိပါတယ်ဥပမာ-နှစ်ပတ်လည်အထွေထွေအစည်းအဝေး ( Annual General Meeting-AGM) ကို ကုမ္ပဏီတည် ထောင်ဖွဲ့စည်းပြီးသည့်နေ့မှ (၁၈) လအတွင်း နှစ်ပတ်လည်အထွထွေ အစည်းအဝေး တစ်ခါကျင်းပရပါမယ် ယင်းသို့ဆောင်ရွက်ပြီးသည်နောက်(၁၅) လတစ်ခါပုံမှန် လုပ်ဖို့လိုမယ်။ တစ်ခြား Audit report, financial statement, tax, လုပ်ငန်းလိုင်စင် ကိစ္စရပ်တွေအများကြီးရှိပါသေးတယ်။
အားလုံးလေးစားလျှက်
U Kyaw Yee Smith

Crd: U Kyaw Yee Smith

03/09/2022

လေးစားရပါသောလူကြီးမင်းများခင်ဗျား

လတ်တလော DICA မှကုမ္ပဏီပေါင်းမြောက်မြားစွာကို နှစ်စဉ်အစီရင်ခံစာ(Annual Return ) ကိုတင်ပြရန်ပျက်ကွက်ခဲ့သောကြောင်း MyCo ကုမ္ပဏီမှတ်ပုံတင်စာရင်းမှပယ်ဖျက်ခြင်း(Struck off) ကို မြန်မာနိုင်ငံကုမ္ပဏီများဥပဒေနှင့်အညီဆောင်ရွက်နေပါသည်။

ယခုကအခါထိုသို့ပယ်ဖျက်ခြင်းကိုခံရသည့်အပြင် ပယ်ဖျက်ခြင်းခံရသောကုမ္ပဏီတွင်ပါဝင်သော ဒါရိုက်တာများ၊အစုရှယ်ယာရှင်များကိုလည်း၎င်းတို့၏ပယ်ဖျက်ခံရသောကုမ္ပဏီများကိုဥပဒေနှင့်အညီပြန်လည်မှတ်ပုံတင်ခြင်းမပြုလုပ်ပါကထိုဒါရိုက်တာများနှင့်အစုရှယ်ယာရှင်များအား MyCo တွင်ကုမ္ပဏီအသစ်ထောင်ရန်ကန့်သတ်ခြင်းကို DICA ရဲ့ရုံးတွင်း Policy အရပြုလုပ်ဆောင်ရွက်နေပါကြောင်းအသိပေးအပ်ပါသည်။

လေးစားစွာဖြင့်
Legal Aid Lawyers Network

01/09/2022

Most ASEAN countries are not required a visa for entering to Myanmar.

01/09/2022

The stamp duty fees for various contracts and agreements, including copying & searching documents fees.

31/08/2022

ဒီကနေ့ လယ်မြေပဲဝယ်ဝယ်၊ လယ်ယာမြေပဲ ဝယ်ဝယ် အဆင့် (၁၀) ဆင့်လိုအပ်ကြောင်းဖော်ပြပေးပါမယ်။

ဆရာ – ဥယျာဉ်ခြံမြေ တစ်ကွက်ဝယ်တာ အဆင့် (၁၀)ဆင့်တောင် လိုသလား? ကျွန်တော့်ဘကြီးတွေ ဝယ်ကြရောင်းကြတာတော့ အရပ်စာချုပ် တစ်စောင်ပါပဲ ဆရာရယ်။

ကျွန်တော်ကတော့ ယုံချင်လည်းယုံ၊ မယုံလည်းပုံပြင်မှတ်ကြပါ၊ ကျွန်တော်ကတော့ (၁၀)ဆင့်ကို စနစ်တကျ သင်မှာပါ၊ ခင်ဗျားတို့က “ဟုတ်ပါပြီဗျာ” လို့ (၁၀)ခါပြောဖို့သာ ပြင်ထားပါ။

အဆင့် (၁) – ပုံစံ(၇) မြေစာရင်းရုံးမှာ အရင်စစ်
ဥပမာ – ဦးဖြူဆိုတဲ့သူ ပိုင်တဲ့ ဥယျာဉ်ခြံမြေတစ်ကွက်ကို ရောင်းချင်တယ်၊ ပုံစံ(၇)လည်းပြတယ်၊ မိတ္တူလည်း ပေးလိုက်သေးတယ်၊ လယ်ယာမြေ ၅ ဒသမ ၅ ဧကတဲ့၊ ရှင်းလိုက်တာဆိုပြီး ဝယ်ခဲ့တယ်။ စရန်ပေးပြီး သုံးရက်လောက်ကြာမှ မြေစာရင်းရုံးမှာ မေးစမ်းကြည့်တော့ –

ဦးဖြူအမည်ပေါက်တော့ မှန်ပါတယ်၊ ဦးဖြူဆုံးသွားတာကြောင့် သားကြီး ကိုနီက သူပိုင်တယ်ဆိုပြီး လိုက်ရောင်းနေတာ၊ သားအငယ်နဲ့ သမီးတို.က မြေစာရင်းရုံးမှာ ကန့်ကွက်ထားကြတယ်တဲ့ဗျာ။

ပြီးတော့အကျယ်အဝန်းကလည်း ၅ ဒသမ ၅ ဧကမဟုတ်ဘူး၊ ၅ ဒသမ ဝ ဧကတဲ့ ဒီမြေကွက်က နည်းနည်းရှုပ်နေပါတယ်ဗျာလို့ သိလိုက်ရတယ်။
ကဲ – စရန်ကလည်း တန်ဖိုးရဲ့ လေးပုံတစ်ပုံလောက် ချလိုက်ပြီးပြီးတဲ့၊ ဘယ်လိုလုပ်ကြမလဲဗျာ။

ကျွန်တော် ပြောသလို “ပုံစံ(၇) မြေစာရင်းရုံးမှာ အရင်စစ်” ဆိုတာလေးကို မလုပ်ခဲ့ရင် ပြဿနာဖြစ်လာမှ ရှင်းရတာခက်ပါတယ်။ ခင်ဗျားတို့ထက်နည်းနည်းစောတဲ့ သင်တန်းသားတစ်ယောက်လည်း တစ်ပုံစံတည်း မှားခဲ့ဖူးပြီး၊ သိန်း ၄၅၀ကို “တရားမ” ကြောင်းက ပြန်တောင်းနေရတာရှိခဲ့ပါတယ်၊ နာမည်တော့ မပြောတော့ပါဘူး။

မြေစာရင်းရုံးက OK (သို့) Clear (သို့) ဝယ်လို့ရပါတယ်ဆိုတဲ့အဖြေကို ပုံစံစာရွက်နဲ့ ပြန်ဖြေမှာလေဗျာ။ ဒီလောက်စနစ်ကောင်းတွေရှိနေတဲ့အချိန်မှာ ဘာကြောင့် “အမှား” ကို ရအောင် ယူကြမှာတုန်း “ပုံစံ(၇) မြေစာရင်းရုံးမှာ အရင်စစ်” ပေါ့ဗျာ။

အဆင့် (၂) – အော်ပုံစံ (၇)မြင်မှ စရန်ချ
စရန်ချမည့်နေ့လည်း ရောက်ရော၊ ပုံစံ(၇)(လယ်ယာမြေလုပ်ပိုင်ခွင့်ပြုလက်မှတ်) က ဓာတ်ပုံမိတ္တူ (Photo Stat) ပဲပြပြီး စရန်လက်ခံရင် ငွေမချေပါနဲ့။

မူရင်းပုံစံ(၇)၊ (အော်ပုံစံ) ကို မမြင်ရဘူးဆိုရင် အဲဒီမူရင်းပုံစံ(၇)ကို ပေါင်းထားတာလည်းဖြစ်နိုင်သလို၊ ရောင်းထားတာလည်း ဖြစ်နိုင်ပါတယ်ဗျာ (အခု – ပိုင်ရှင်တွေဆိုတာက၊ ရွာမှာနေကြတာမဟုတ်ဘူးနော်၊ အရောင်းအဝယ်လုပ်ခါနီးမှ “ပရာဒို” ကြီးနဲ့ မြေကွက်ရှိရာ အရပ်ကို ရောက်လာတာ၊ မြို့ကြီးပေါ်မှာ နေကြတာ များပါတယ်ဗျာ။

အဆင့် (၃) – ရပ်/ကျေးဥက္ကဋ္ဌကို အသိပေးပါတော့
အဲဒီလို အစစအဆင်ပြေလို့ ဥယျာဉ်ခြံမြေအတွက် စရန်ချပြီးပြီဆိုရင် ရပ်/ကျေးဥက္ကဋ္ဌကို အသိပေးပါတော့(အဝင်အထွက် လုပ်ပါတော့)။

ရပ်/ကျေးဥက္ကဋ္ဌဆီကနေ သတင်းတွေအများကြီး ရနိုင်ပါတယ်။ “ဆရာ ရပ်/ကျေးဥက္ကဌကို စရန်ပေးပြီးမှ အသိပေးတာထက် စောစောက မေးပြီး ဝယ်ကြပြုကြရင် မကောင်းပါလားဆရာရယ်” လို့ သင်တန်းသားတစ်ဦးက ပြောလာပါတယ်။

ခင်ဗျားပြောတာ ဟုတ်သင့်သလောက်တော့ ဟုတ်ပါတယ်၊ ဒါပေမဲ့ “ခင်ဗျားမိန်းကလေးတစ်ယောက်ကိုတကယ်ကြိုက်ပြီဆိုရင် သူ့မိဘညီအစ်ကို မောင်နှမတွေအားလုံးကို အသိပေးပြီးမှ ချစ်ခွင့်ပန်မှာလား။

ရည်းစားစကားပြော၊ ကြိုက်ကြပြေလည်ကြပြီးမှ မိဘနဲ့ အသိုင်းအဝိုင်းတွေကို အသိပေးသင့်တယ်လေ။မဟုတ်လို့တော့ “လွဲပြန်ပြီ တစ်ခါ” ပဲပေါ့။
ကျွန်တော်က လက်တွေ့မို့ သင်နေတာပါ။

တကယ်လို့များ သက်ဆိုင်ရာ လူကြီးကို အသိပေးပြီးမှ မြေဝယ်တယ်ဆိုရင် အဲဒီလူကြီးရဲ့သမက်က “မြေပွဲစား”၊ သားက “မြေဝယ်ရောင်း”၊ ညီဝမ်းကွဲတို့က ပွဲစားတို့ရဲ့သတင်းပေး၊ အိုဗျာ အစုံအစုံ ဖြစ်နိုင်စရာရှိလို့ “ဒီတစ်ဆင့်ကိုတော့ စွန်စားရပါတယ်၊ မဟုတ်ရင် ခင်ဗျားကို “အခြားမြေကွက်” က ပိုကောင်းတယ်လို့ အဖျက်တွေ ပေါ်လာမှာပါ။

(ကိုယ်တွေ့ပါ ခင်ဗျာ)
ရပ်/ကျေးဥက္ကဋ္ဌ ဆိုတာက ရှေ့ဆက်ကြရမယ့် အဆင့်ဆင့်တွေမှာ ပတ်သက်ရဦးမှာမို့ ချန်ထားလို့မရပါဘူးခင်ဗျာ။ အဆင့်(၃) ရောက်ရင် အသိသာ ပေးလိုက်ပါတော့။

ခင်ဗျားတို့ လယ်ယာမြေကို “အခြားနည်းသုံးခွင့်” လျှောက်ကြမယ်ဆိုရင် ရပ်ကျေးဥက္ကဋ္ဌက စပြီး ထောက်ခံမှရမယ်ဆိုတာကိုလည်း သတိရှိကြပါ။

အဆင့် (၄) – မြေစာရင်းပုံစံ (၁၀၅)
စရန်က ပေးပြီးပြီလို့ ငွေပြေပေးဖို့လည်း လိုပါတယ်။ ငွေပြေမပေးခင်မှာ မူလ “လယ်ယာမြေ” ပိုင်ရှင်
“ရောင်းသူ” က မြေစာရင်းပုံစံ(၁၀၅)ကို မြို့နယ်မြေစာရင်းဦးစီးဌာနကနေ အဆင်သင့် တောင်းထားပြီး ဖြစ်နေရပါမယ်။

ပုံစံ(၁၀၅)ဆိုတိုင်း မပြီးပါဘူးနော်။ အဲဒီ(၁၀၅)ပုံစံရဲ့ ရေးကူးပေးသည့် အကြောင်းအရာဆိုတဲ့ အကွက်မှာ “အရောင်းအဝယ် ပြုလုပ်ရန်အတွက်သာ”ဆိုတဲ့ မှတ်ချက် ပါရပါမယ်။

ဒါမှသာ မြို့နယ်မြေစာရင်းရုံးမှာ အရောင်းအဝယ်စာချုပ် ရေးသားချုပ်ဆိုလို့ ရမှာပါ၊ အဲဒါ လျှို့ဝှက်ချက်ပါပဲ၊ အခြားသောကိစ္စ၊ အခြားသောအကြောင်းအရာတွေနဲ့ ထုတ်ယူထားတဲ့ မြေစာရင်းပုံစံ (၁၀၅) ကို အရောင်းအဝယ်ချုပ်ဆိုတဲ့နေရာမှာ သုံးလို့မရပါဘူးခင်ဗျာ။

သေချာမသိရင်(၂)ခါ(၃)ခါပြန်ပြီး အလုပ်ရှုပ်ကြရပါတယ်၊ ကျွန်တော် ဒီကနေ့ သင်ထားတဲ့မှတ်စုကို ကိုင်ပြီး တစ်ချက်ချင်းသာ ရွှေ့သွားကြပါ။ အားလုံးဟာ လွယ်ပါတယ်၊ ပျော်စရာကြီးပါ။

တကယ်တော့ မြေစာရင်းပုံစံ (၁၀၅) အကြောင်းပြောပြရင်း သူ့ရဲ့အစ်ကိုတော် မြေစာရင်းပုံစံ (၁၀၆) ဆိုတာလည်း ရှိသေးတယ်။ ပုံစံ(၁၀၆)ဆိုတာက “လယ်ယာမြေ” ရဲ့ မြေရာဇဝင် ဖြစ်ပါတယ်။

ကျွန်တော် သိသလောက်တော့ ပုံစံ(၁၀၆) ကို အသုံးပြုကြတာ နည်းပါတယ်။ (ဒါပေမဲ့ သိထားရုံတော့ ပြောရမှာပါ။) ပုံစံ(၁၀၆) ကို “မြေရာဇဝင် (သို့မဟုတ်) ဦးပိုင်တစ်ခု၏ရာဇဝင်” လို့ ခေါ်ပါတယ်။

အဆင့် (၅) – အထူးကိုယ်စားလှယ် လွှဲစာ
ငွေကျေ/ငွေပြေပေးချေတဲ့နေ့မှာ ဒုတိယ အရေးတကြီးရရှိဖို့ကတော့ မူလအမည်ပေါက်သူက လွှဲအပ်ပေးမယ့် SP ပါပဲ။

အထူးကိုယ်စားလှယ်လွှဲစာလို့ ခေါ်ပါတယ်။ ဒါပေမဲ့ SP လို့ ပိုပြီးသိကြပါတယ်။
သင်တန်းသားတစ်ယောက်က ဖြည့်ပြီး မေးလာပြန်ပါတယ်။ SP က ဘာလုပ်ဖို့တုန်းဆရာရဲ့ တဲ့။

ဘာလုပ်ဖို့တုန်းလို့တော့ မပြောပါနဲ့ဗျာ။ နယ်ဘက်မှာ “လယ်ယာမြေ” ရောင်းချတဲ့သူတွေရဲ့အများစုက ရောင်းရငွေ၊ ငွေပြေငွေကျေရရင် မြို့ပေါ်တက်သွားကြ၊ တိုက်ခန်းငှားနေ ကားဝယ်စီးကြတာ များပါတယ်ဗျာ။

မြို့နယ်မြေစာရင်းရုံးမှာ တကယ်စာချုပ်ချုပ်ကြတယ်ဆိုတဲ့ နေ့မှာ လယ်ပိုင်ရှင်ကို ဘယ်လိုက်ရှာရမှန်းမသိလို့ အခက်ကြုံကြတဲ့သူတွေ အများကြီးပါဗျာ၊ အဲဒီအချိန်ကျတော့ လက်မှတ်လာထိုးပေးရမယ့် မူရင်းအမည်ပေါက်မြေပိုင်ရှင်က ဟိုကိစ္စ၊ ဒီကိစ္စအမျိုးမျိုး အကြောင်းပြကြပါလေရောဗျာ။

ပစ္စည်းလွှဲပြောင်းရေး အက်ဥပဒေပုဒ်မ – ၅၅ မှာတော့ မူလမြေပိုင်ရှင်မှာ တာဝန်ရှိတယ်လို့ ဖော်ပြထားပါတယ်၊ ဒါပေမဲ့ လက်တွေ့မှာ ဟိုရှောင် ၊ ဒီရှောင် လုပ်တတ်ကြတယ်။ ငွေ ၄သိန်း ၊ ၅သိန်း ထပ်တောင်းတတ်ကြတယ်။

ဒါကြောင့် ငွေပြေမချေခင်မှာ ရောင်းချတဲ့ မူလမြေပိုင်ရှင်က လက်မှတ်ရေးထိုးပေးထားတဲ့ SP ကိုလည်းသက်ဆိုင်ရာမြို့နယ် မြေစာရင်းရုံးမှာ မှတ်ပုံတင်ပြီးသား ဖြစ်နေရပါမယ်။

အဆင့် (၆) – ပုံစံ (၇) နဲ့ဆက်စပ်သည့် မူရင်းစာရွက်စာတမ်းများ
ငွေပြေငွေကျေပေးချေတဲ့နေမှာ ဝယ်သူ ရယူရမယ့် အရေးကြီးတစ်ခုကတော့ ပုံစံ(၇)မူရင်းနှင့် အခြား အဆက်အစပ်ရှိတဲ့မူရင်း စာရွက်တွေဖြစ်ပါတယ်။

တချို့ “လယ်ယာမြေ” တွေက ပိုင်ဆိုင်မှုနဲ့ပတ်သက်ပြီး ရှေ့တစ်ဆင့်မှာ ပိုင်ဆိုင်သူဖြစ်လာရတဲ့ အကြောင်းရင်းတွေက မတူကြပါဘူး။ အချို့တွေမှာက တရားရုံးအနိုင်ဒီဂရီ၊ တချို့တွေမှာက သူများထံက ဝယ်ယူထားခဲ့တဲ့ဆက်စပ်စာချုပ်၊ အချို့မြေတွေမှာတော့ ကျမ်းကျိန်လွှာကြောင့် ပိုင်ရှင်အမည်ပေါက် ဖြစ်လာကြတာက စလို့ပေါ့ဗျာ။

ဆက်စပ်မှုတွေမှာ အမျိုးမျိုးရှိတတ်ပါတယ်၊ တစ်မျိုးမျိုးရှိခဲ့ရင် အဲဒီဆက်စပ်မှုတွေရဲ့ မူရင်းစာရွက်စာတမ်းတွေကိုလည်း ငွေပြေချေတဲ့နေ့မှာ တစ်ခါတည်း တစ်ပါတည်းတောင်းယူရမှာ ဖြစ်ပါတယ်။

(ငွေပြေချေတဲ့နေ့မှာ တောင်းမထားခဲ့ရင် နောင် ဘယ်တော့မှ တောင်းလို့ရတော့မှာ မဟုတ်ပါဘူး)
အဆင့် (၇) – “လယ်ယာမြေ” ကွက်ကိုလည်း လက်ရောက် ရယူပါ
တချို့လယ်ယာမြေ ဝယ်ယူသူတွေက ငွေပြေချေတဲ့အချိန်မှာ ကျန်တာတွေ အကုန်စနစ်ကျပြီး မြေကွက်ကို စနစ်တကျ လက်ရောက်ရယူဖို့ မေ့နေတတ်ကြပါတယ်၊ (၁၀)ရက်ကြာမှ သွားကြည့်တတ်ကြတယ်။

တကယ်လို့ ကျူးကျော်တဲတစ်လုံး အခိုင်အမာ ရှိနေပြီတဲ့ဗျာ၊ ဘယ်လိုလုပ်ကြမလဲ။ ရိုက်ပုတ်ပြီး နှင်ထုတ်မှာလား၊ ရိုက်မှုက သက်သက်ဖြစ်မှာပါ။ မီးရှို့မှာလား၊ ဆွဲဖျက်မှာလား (ကိုယ့်မှာ လုပ်ပိုင်ခွင့်မရှိပါဘူးဗျာ)

ဒီတော့ ငွေပြေချေတဲ့နေ့မှာ မူလပိုင်ရှင်က “ဒါကတော့ နောင်ကြီးတို့ကို လွှဲပေးရမယ့်မြေပါဗျာ” ဆိုပြီး မြေကွက်ရဲ့ ဟိုဘက်အစွန်း၊ ဒီဘက်အစွန်း၊ ကိုယ်တတ်သလောက်၊ မှတ်သလောက်၊

လက်လှမ်းမီသလောက်၊ စစ်ဆေးမေးမြန်းပြီး ပေးတဲ့သူက ပေးလို့၊ လက်ခံတဲ့သူကလည်း လက်ခံလို့ လုပ်ကြရပါတယ် (လက်ရောက်ရယူတယ်လို့ ခေါ်ပါတယ်)
တကယ်လို့ ဒီလိုလက်ရောက်ရယူရမှာကို အားနာလို့၊ အကြောင်းကြောင်းကြောင့် မလုပ်မိခဲ့ကြရင်နောက်နောင်မှသိရတဲ့ ကိစ္စတွေကို ဖြေရှင်းရတာမလွယ်ပါဘူးဗျာ။

ဒီတော့ ငွေပြေငွေကျေချေတဲ့နေ့မှာ အဆင့်(၄)ဖြစ်တဲ့ ၁၀၅၊ အဆင့်(၅)ဖြစ်တဲ့ SP၊ အဆင့်(၆)ဖြစ်တဲ့ ပုံစံမူရင်း၊ အဆင့်(၇)ဖြစ်တဲ့ လယ်ယာကွက်တို့(၄)မျိုးကို လက်ရောက်ရယူဖို့ မမေ့ကြပါနဲ့၊ နောင်မှဆိုတဲ့စကားကို မသုံးကြပါနဲ့ဗျာ။

အဆင့် (၈) – တန်ဖိုးလျော့ချုပ်တဲ့ စာချုပ်က တစ်စောင်
ပြောတော့သာ “လယ်ယာမြေ” ဝယ်တာ။ တစ်ဧကတန်ဖိုးက သိန်းရာကျော်တယ်၊ ဆယ်ဧကကို သိန်းထောင်ကျော်တယ်၊ တန်ဖိုးရဲ့ ၅% က တံဆိပ်ခေါင်းခွန် ကပ်မှသာ မြို့နယ်မြေစာရင်းမှာ စာချုပ်ချုပ်ရမှာမို့ နည်းနည်းတော့ သက်သာချင်ကြတာပေါ့။

ဒီတော့ တကယ်ဝယ်တဲ့တန်ဖိုးထက် နည်းတဲ့တန်ဖိုးနဲ့ “လျော့ချုပ်တဲ့စာချုပ်” တစ်စောင်လုပ်ကြရပါတယ်။ ဆရာ စာချုပ်ကို အရောင်း/အဝယ် တန်ဖိုးလျော့ချုပ်ကြရင် အပြစ်ရှိတယ်မဟုတ်လားဆရာ။
ရှိတာပေါ့ဗျာ။

အပြစ်ပေးမယ်သာဆိုရင် စာချုပ်စာတမ်း အတုပြုလုပ်မှု( ပြစ်မှု-၁၉၃) ရယ်၊ မြေဝယ်ယူရာမှာ မမှန်မကန် ပြုလုပ်တဲ့အတွက် “မရွှေ့၊ လွှဲပြောင်းကန့်သတ်-၁၃” အရရယ်၊ စွဲချက်တွေအများကြီးရှိနိုင်ပါတယ်။

ဒါပေမဲ့လည်း လိမ်မှန်းသိလျက်နဲ့ ခွင့်လွှတ်ထားတာ “တန်ဖိုးလျော့စာချုပ်” တစ်ခုပဲ ရှိတယ်လို့ ပြောလို့ရပါတယ်၊ ဒါကလည်း ကာလတန်ဖိုး စိစစ်ရေးအဖွဲ့ / ရာဖြတ်ရှိနေလို့ ဒီအဖွဲ့ကို ကျော်ပြီး လိမ်လို့မရမှန်း သိလို့နေမှာပါ။

တန်ဖိုးလျော့ချုပ်ပြီး ရာဖြတ်တင်လို့ ပြဿနာဖြစ်တယ်ဆိုတာ ကျွန်တော်တော့ တစ်ခါမှမကြားဖူးပါဘူး။ ဒါပေမဲ့ ရာဖြတ်က ဆုံးဖြတ်ခဲ့တဲ့ တန်ဖိုးနဲ့သာ တံဆိပ်ခေါင်းခွန်/အမြတ်တော်ခွန်တို့ဆောင်ထားကြရင် ပြီးတာပါပဲ။

ဒါတွေ ထားပါဦးတော့။ အဲဒီလျော့ချုပ်တဲ့ စာချုပ်ကလည်း မလုပ်လို့မရပါဘူးခင်ဗျာ၊ သက်ဆိုင်ရာ ရာဖြတ်က စံနှုန်းတွေနဲ့ ပြန်ပြင်ပေးမှာပါ။

အဆင့် (၉) – တံဆိပ်ခေါင်းခွန်နှင့် မှတ်ပုံတင်ကြေး
မြို့နယ်မြေစာရင်းဦးစီးဌာနမှာ စာချုပ်ကြီး ချုပ်ဆိုဖို့၊ အခွန်တော်တံဆိပ်ခေါင်းတွေ ဝယ်ရပါ့မယ်၊ “ရာဖြတ်”က ကန့်သတ်ပေးလိုက်တဲ့ တန်ဖိုးနှင့်သာ ဝယ်ယူဖို့ မြို့နယ်မြေစာရင်းက စီစဉ်ပေးမှာပါ။

အဲဒီရာဖြတ်က ဖြတ်ပေးတဲ့မြေတန်ဖိုးရဲ့ ဝ.၂ % နဲ့တွက်ပြီး “စာချုပ်စာတမ်း မှတ်ပုံတင်ကြေး”ရယ်လို့လည်း ပေးဆောင်ရပါသေးတယ်၊ ဒီတန်ဖိုးကိုတော့ တံဆိပ်ခေါင်း (သို့မဟုတ်) ဖြတ်ပိုင်းစာရွက်နဲ့ ပေးသွင်းကြရပါတယ်။

အဲဒီလို အခွန်တော်တံဆိပ်ခေါင်းတွေနဲ့ မှတ်ပုံတင်ကြေးတွေ ပေးဆောင်ပြီးမှ မြို့နယ်မြေစာရင်းဦးစီးဌာနမှာ “လယ်ယာမြေ” အရောင်းအဝယ်စာချုပ် ချုပ်ဆိုလို့ရတော့မှာပါ။

“SP” သာ ယူမထားခဲ့ရင် လက်မှတ်ရေးထိုးဖို့ အမည်ပေါက်မြေပိုင်ရှင် လိုအပ်သွားနိုင်ပါတယ်။
အဆင့် (၁၀) – အမည်ပြောင်းလို့ ရပါပြီ
ရှေ့မှာ ဆရာပြောတဲ့ အဆင့်(၉)ဆင့်ပြီးသွားမှသာ မြို့နယ်မြေစာရင်းဦးစီးဌာနမှာ ဝယ်သူရဲ့နာမည်ပေါက် လျှောက်လို့ ရပါတယ်။

ပထမဆုံး “လယ်ယာမြေလုပ်ပိုင်ခွင့် လျှောက်ထားရန်အတွက်” ပုံစံ(၁၀၅)ကို ဝယ်သူနာမည်နဲ့ ထုတ်ယူရပါတယ်။ ပုံစံ(၁၀၅)ရပြီးမှ ပုံစံ(၇)မှာ နာမည်သစ်၊ ပိုင်ရှင်သစ်နဲ့ ပြန်ပြီး လျှောက်ထား ထုတ်ယူရပါတယ်၊

ရှေ့က အဆင့်ဆင့်ပြည့်စုံခဲ့ရင် အမည်ပြောင်းတဲ့ကိစ္စက မြို့နယ်မြေစာရင်းရုံးမှာတင် ပြီးပါတယ်၊
ဒါပေမဲ့ ဆရာပြောခဲ့သလို ဒီကိစ္စမှာ ရပ်/ကျေးဥက္ကဋ္ဌ လက်မှတ်ကတော့ လိုလာပြန်ပါပြီ။

(ဆရာကြီး ဦးကြည်စိုး IC (အိမ်ဘုရင်)
ကူးယူဖော်ပြပါသည််။

29/08/2022

မြေအမျိုးအစားများနှင့်၎င်းမြေများ၏အရောင်အက္ခရာသင်္ကေတများ

ဒီနေ့ဧည့်သည်တစ်ယောက်က မြေလေး ဝယ်ချင်လို့ ကျနော့ဆီ ဖုန်းဆက်မေးတယ်၊ဝယ်လို့ရမရပေါ့။ ရွာမြေလို့ပြောတာပဲ၊ပေ ၆၀×၇၀ လောက်ကျယ်တယ်၊အကြံပေးပါအုံးတဲ့။
ဒါနဲ့ကျနော်လည်း ခင်များဝယ်မဲ့မြေအတွက်
ရှိတဲ့စာရွက်လေးပို့ပေးပါပေါ့ ။
သူကလည်း viber ကနေ မြေပုံလေးတစ်ပုံပို့ပေးတယ်။
ကျနော်ကကြည့်ပီး ခင်များဟာ လယ်မြေအမျိုးအစားပဲ
သစ်ပင်စိုက်ဖို့ဝယ်တာလားလို့မေးတော့
မဟုတ်ဘူး နေဖို့ပဲ
၊ဘေးပတ်ဝန်းကျင်မှာ အိမ်တွေ၊ဝိုင်းကွက်တွေနဲ့ပဲတဲ့။
ဆရာကဒီနေရာကိုရောက်ဘူးလားတဲ့။
ကျနော်ကလည်း မရောက်ဘူးပါဘူး။
မြေပုံမှာ ပါတဲ့ သင်္ကေတနဲ့ မြေပုံဆွဲထားတဲ့
အရောင်ကိုကြည့်ပီးပြောတာပါလို့ပြောလိုက်တော့ ။
အဲလိုကြည့်လို့ရလားတဲ့။
ရပါတယ်
ဂရန်မြေဆိုရင် သင်္ကေတ L နဲ့ပြပီး မြေပုံကို အနီရောင်နဲ့ဆွဲတယ်ဗျာ၊
ဘိုးဘပိုင်မြေဆိုရင် သင်္ကေတ B နဲ့ ပြပီး မြေပုံကို အပြာရောင်နဲ့ဆွဲတယ်ဗျာ၊
အစိုးရ မြေဆိုရင် သင်္ကေတ A နဲ့ပြပီး မြေပုံကို ခရမ်းရောင်နဲ့ ဆွဲတယ်ဗျာ၊
ဒီလိုပဲ ရွာမြေဆိုရင် လိမ္မော်ရောင်နဲ့ မြေပုံဆွဲပီး၊သာသနာ့မြေဆိုရင် အစိမ်းရောင်နဲ့ ဆွဲကြတယ်လို့ ။
အက္ခရာ သင်္ကေတတွေကိုကြည့်ပီးလည်း
ဘာမြေအမျိုးအစားဖြစ်နိူင်တယ်
၊မြေပြန့်လား၊ကုန်းကျလား၊မြောင်းဘေးလား၊ဆည်ရေသောက်လား
၊မြစ်ရေဝင်လား၊သုသာန်နဲ့နီးလား.....စသည်ဖြင့်
ခွဲခြားလို့ရတယ်လို့ အများလည်းသိအောင်၊
ကျနော်လည်း စုပီးသားဖြစ်သွားအောင်
သိထားသလောက်လေး ပြောရရင်..
မြေအမျိုးအစားများနဲ့ သင်္ကေတ အက္ခရာများကတော့....
၁။ မိုးကောင်းလယ်မြေ၊သာမန်လယ်မြေဆိုရင် R/P/M တို့နဲ့ပြသတက်ပီး၊
ပထမတန်းစားဆိုရင် R1
ဒုတိယတန်းစားဆိုရင် R2
တစ် ဧကအထွက်နှုန်း တင်း၃၀ အောက် ဆိုရင် တတိယတန်းစား R3
တစ် ဧကအထွက်နှူန်း တင်း ၂၀ အောက်ဆိုရင် စတုတ္ထတန်းစား R4 နဲ့ ပြကြပါတယ်။

၂။ အစိုးရ ဆည်ရေသောက်လယ်မြေဆိုရင် RG

၃။ ပုဂ္ဂလိက ဆည်ရေသောက်လယ်မြေဆိုရင် RP

၄။ ကန်ရေသောက်မူရင်းလယ်ဆိုရင် TM

၅။ မူရင်းလယ်မြေဆိုရင် M/MY

၆။ ချောင်းရေဝင် မြေဆိုရင် C

၇။ ယာမြေ ဆိုရင် Y

၈။ ရာဘာကြက်ပေါင်စေးစိုက်မြေဆိုရင် RR

၉။ တောင်ယာ မြေဆိုရင် TY/YY

၁၀။ ကိုင်းမြေ ဆိုရင် K/KA/KY

၁၁။ ကိုင်းမြေရင့်ဆိုရင် KY

၁၂။ ဥယျာဉ်ခြံမြေဆိုရင် G/U

၁၃။ ဓနိမြေဆိုရင် D

၁၄။ အပိုင်ရမြေ O

၁၅။ အပိုင် ဂရန်မြေ G

၁၆။ အငှားဂရန်မြေ L ..... စသည်ဖြင့် အမျိုးမျိုးရှိကြပါတယ်။

မိမိဝယ်မဲ့မြေရဲ့မြေပုံမှာပါတဲ့ သင်္ကေတလေးကိုကြည့်ပီးမိမိဘာသာ အကြမ်းဖျင်းခွဲခြားနိူင်ပါတယ်။

CRD . . . Original

28/08/2022

The public holidays in 2023.

Legal Aid Lawyers Network

12/09/2022

10/09/2022

09/09/2022

03/09/2022

01/09/2022

01/09/2022

31/08/2022

29/08/2022

28/08/2022

Address

Telephone

Website

Alerts

Contact The Business

Shortcuts

Share

Category

Know the laws well, at least you can be protected.