Huissier de Justice, Brickaville

01/04/2026

TSARA HO FANTATRA

⚖️ NDAO INDRAY ISIKA HIRESAKA MOMBA NY FANDRAVANA TRANO
Tsara marihina fa tsy azo ravaina tsotr'izao fotsiny ny trano iray.
👉 Miaro ny zon’ny fananana ny lalàna ary mametraka fomba ara-dalàna hentitra.

🏠 REHEFA TOY NY AHOANA NO AZO RAVANA NY TRANO ?
Ny trano dia azo ravana raha misy ireto antony ireto ihany :
✔️ Fanorenana tsy nahazo alalana (tsy misy permis de construire)
✔️ Fipetrahana tsy ara-dalàna amin’ny tany (tany fanjakana na an’olona hafa)
✔️ Tetikasa ho an’ny daholobe (expropriation)
✔️ Loza mitatao (mety hirodana ny trano)

📜 LALÀNA MIFEHY
📘 Lalàna momba ny fanorenana sy ny tanàn-dehibe
📘 Lalàna momba ny tany fanjakana (domaine public)
📘 Ordonnance n°62-023 tamin’ny 19 Septambra 1962 (expropriation)
📘 Fitsipika ao amin’ny Lalàmpanorenana miaro ny fananana

⚙️ DINGANA
1️⃣ Fanamarinana ny tsy fetezana
2️⃣ Fampitandremana mialoha (mise en demeure / préavis)
3️⃣ Fanapahan-kevitra ofisialy (arrêté na didim-pitsarana)
4️⃣ Fahafahana manao fitoriana na fanoherana
5️⃣ Fanatanterahana ny fandravana

👥 IZA NO TOKONY HO EO REHEFA MANDRAVA TRANO ?
Raha ara-dalàna ny fandravana dia misy matetika :
✔️ Solontenan’ny kaominina na sampan-draharahan’ny fanorenana
✔️ Manampahefana avy amin’ny fanjakana
✔️ Mpitandro filaminana (polisy na zandary)
✔️ Mpanatanteraka didy (huissier de justice)

👉 Izy no :
- manao fanamarinana
- manoratra procès-verbal
- miantoka ny porofo ara-dalàna

📄 TARATASY TOKONY HO EO
Alohan’ny sy mandritra ny fandravana dia tsy maintsy misy :
📌 Fanapahan-kevitra ofisialy
(arrêté na didim-pitsarana)
📌 Fampitandremana mialoha (préavis)
(manaporofo fa nampahafantarina ianao)
📌 Baiko fanatanterahana
(fahazoan-dalana hanao ny asa)
📌 Procès-verbal ataon’ny huissier
(atao mandritra na aorian’ny fandravana)

01/04/2026

TSARA HO FANTATRA

19/10/2025

Tsara ho fantatra

19/05/2024

🇲🇬 𝘼𝙛𝙖𝙠𝙖 𝙢𝙖𝙝𝙖𝙯𝙤 𝙩𝙖𝙣𝙞𝙢-𝙥𝙖𝙣𝙟𝙖𝙠𝙖𝙣𝙖 𝙢𝙖𝙞𝙢𝙖𝙞𝙢-𝙥𝙤𝙖𝙣𝙖 𝙞𝙖𝙣𝙖𝙤 𝙧𝙖𝙝𝙖 tafiditra ao anatin'ireto sokajin'olona ireto.

✅ Afaka azonao maimaim-poana ny tanim-panjakana azo amidy eny Ambanivohitra, izay tsy mihoatra ny 10 Hektara. Izany hoe tsy misy vidin-tany alohanao amin'ny Fanjakana Malagasy, raha toa ka :

👉🏽 𝙏𝙖𝙣𝙩𝙨𝙖𝙝𝙖 𝙈𝙥𝙖𝙢𝙗𝙤𝙡𝙮 𝙣𝙖 𝙈𝙥𝙞𝙤𝙢𝙥𝙮 ianao, ary voamarina fa asa foto-pivelomanao ny fambolena na ny fiompiana nataonao eo amin’ny tanim-panjakana

👉🏽 𝙈𝙥𝙞𝙖𝙨𝙖𝙢-𝙥𝙖𝙣𝙟𝙖𝙠𝙖𝙣𝙖 𝙎𝙞𝙫𝙞𝙡𝙮 𝙨𝙮 𝙈𝙞𝙖𝙧𝙖𝙢𝙞𝙡𝙖 nahavita asam-panjakana nanditry ny 20 taona ianao

👉🏽 𝙈𝙥𝙞𝙖𝙣𝙖𝙩𝙧𝙖 avy amin’ny Ivon-toerana fampiofanana ny asa manodidina ny fambolena ianao.
❌ 𝙎𝘼𝙈𝙄𝘼 𝙈𝙄𝙕𝘼𝙍𝘼

___
Pejy : Ndao hahay Lalàna ⚖
Loharano :
--> Fananan-tany, inona no tokony ho fantatra ?
--> Transparency international

28/04/2024

⚖️ Araky ny voalazan'ny lalàna momba ny fanambadiana dia :
❎ Tsy azo atao ny manambady fanindroany raha tsy efa rava ny fanambadiana teo aloha.

▶ Raha fahafatesana no nandrava ny fanambadiana, ny fampisehoana sora-piankohonana (sora-pahaterahana, sora-pahafatesana, sora-panambadiana, bokim-pianakaviana, etc ...), misy filazana momba izany fahafatesana izany dia ampy ho porofon'ny faharavana.

▶ Raha didim-pitsarana no nandrava ny fanambadiana dia sora-piankohonana misy filazana momba ny didy na fanamarinana ny fandikana ny didim-pitsarana ao amin'ny bokim-piankohonana no angatahina ho porofo.

28/04/2024

Tsara ho fantatra ho anao manana tany, indrindra raha hanomboka hikarakara taratasin-tany.

🧐INONA AVY IREO KARAZAN-TANY MISY ETO MADAGASIKARA ❓❗️
▶ TANIM-PANJAKANA :
- Tany ampiasain’ny be sy ny maro ary ho tombotsoan’ny olona rehetra (lalana, renirano, sisin-dranomasina…)
- Tanim-panjakana azo amidy (Tany misoratra amin’ny Fanjakana sy ny tany tsy misy tompony mbola tsy nisy nampiasa mihitsy (sisindranomasina, nosy, nosy kely, tany lava volo…)
▶ TANIN’OLON -TSOTRA :
- Tanin’olon-tsotra vita Titra na kadasitra
- Tanin’olon-tsotra tsy vita titra, tsy vita kadasitra nefa misy fisitrahana
▶ TANY MANANA SATA MANOKANA :
- Tany manana sata manokana (tany misy ala, kijana, tany voatokana hanaovana famantsiam-bola isan-karazany, faritra arovana..)

👉 Zo fototra ny zo fananan-tany ary antoky ny fampandrosoana ara-tsosialy sy ara-toekarena, zava-dehibe ny fampahafantarana azy ho an’ny vahoaka eny ifotony.☑️

05/04/2024

RAHA HIVIDY TANY NY OLONA IRAY DIA IREO NY DINGANA ARAHINA

✅ Dingana 1 : Tena Ilaina ny fijerevana ifotony ilay tany hovidiana

✅ Dingana 2 : Hanontaniana ny olona mipetraka aminy manodidina ilay tany raha sanatria ka misy ady tany

✅ Dingana 3 : ireto avy ny homanin'ilay mpivarotra alohany handehanana hanao "acte de vente" :
- Cerificat juridique (latsakin'ny 3 volana) isany 2 ( alaina eny amin'ny sampandraharahan'ny fananantany
- dika mitovy ny karapanondro ny mpivarotra sy ny mpividy hamarinin'ny kaominina( latsakin'ny 3 volana) isany 2

1-ny sarintany ( plan topographique ) isany 5 ny iray asiana " coordonnée)
2-ny fanamarinam-ponenan'ny mpivarotra sy mpividy ( latsakin'ny 3 volana) isany 2
3- Ny taratasy fiantohana soniavin'ny mpivarotra sy mpividy) legalisé en forme foncier isany 2
4- taratasy fangatahana ataony mpividy hamadihana azy ilay boky tany "legalisé" soniavin'ny mpividy ihany isany 2
5- ny "Autorisation de transaction" alaina ao amin'ny Amenagement de territoire
6-ny duplicata titre

✅ Dingana 4 : misafidy ny hanaovana ny acte " acte sous seing privé, na acte authentique na acte notariat"

✅ Dingana 5 : mila tonga eo daholo ny mpivarotra sy ny mpividy amin'ny fotoana hanaovana ny acte" raha tsy izay dia manome procuration.

Maki immo