ក្រុមមេធាវី យុត្តិធម៌កម្ពុជា / Cambodia Justice Law Group - CJLG

10/08/2026

ធ្វើអោយសេវាយុត្តិធម៌ និងគុណភាពនៃយុត្តិធម៌ កាន់តែប្រសើឡើង🥰🌹🥰

04/08/2026

29/07/2026

ចំណាប់អារម្មណ៍ករណីចៅក្រមស៊ើបសួរចេញដីការសម្រេចមិនឃុំខ្លួនជនត្រូវចោទនៃបណ្តឹងព្រហ្មទណ្ឌទាកទងនឹងបទមិនបំពេញកាយព្វកិច្ចចំពោះការចេញមូលប្បទានបត្រ ប៉ុន្មានថ្ងៃនេះ!

»ខ្ញុំមើលឃើញថា ស្ថានភាពបច្ចុប្បន្ន នៃប្រជាជនកម្ពុជា កំពុងតែប្រឈមនឹងរឿងក្តីខ្ចីប្រាក់ដាក់តម្កល់មូលប្បទានប័ត្រ ដែលម្ចាស់បំណុលតែងតែតម្រូវអោយអ្នកខ្ចីប្រាក់ចេញមូលប្បទានប័ត្រ ទុកសម្រាប់ការពារហានិភ័យនៃប្រតិបត្តិការកម្ចីឯកជនរបស់ខ្លួន បណ្តាលអោយកូនបំណុលជាច្រើននៃកិច្ចសន្យាខ្ចីបរិភោគ (ទាំងលាយលក្ខណ៍អក្ស និងផ្ទាល់មាត់) ត្រូវបានរងការចោទប្រកាន់ និងផ្តន្ទាទោស ពីបទមិនបំពេញកាតព្វកិច្ចចំពោះឧបករណ៍អាចជួញដូរបាន នៅពេលដែលខ្លួនអស់លទ្ធភាពរកប្រាក់សងបំណុលដែលកើតចេញពីកិច្ចសន្យាខ្ចីបរិភោគ ដូច្នេះក៏បណ្តាលអោយកូនបំណុលមិនអាចបំពេញកាតព្វកិច្ចចំពោះមូលប្បទានប័ត្រដែលខ្លួនបានចេញតាមតម្រូវការរបស់ម្ចាស់ប្រាក់។

ក្នុងនាមអ្នកច្បាប់ គប្បីឆ្វេងយល់អំពីធាតុផ្សំទាំង៣ នៃបទល្មើសនីមួយៗដែលត្រូវបានគេប្តឹង ពិសេសធាតុអត្តនោម័ត ចំពោះបទល្មើសដែលតម្រូវអោយមានបំណង និង/ឬចេតនា ក្នុងការប្រព្រឹត្ត ។ បើមានអង្គហេតុឬភស្តុតាងដែលបង្ហាញថា ជនសង្ស័យ ឬជនត្រូវចោទគ្មានបំណង និង/ឬគ្មានចេតនាធ្វើអោយខូចខាតដល់អ្នកប្តឹងទេ នោះព្រះរាជអាជ្ញាគបកបីសម្រេចតម្កល់រឿងទុកឥតចាត់ការ បើចៅក្រមស៊ើបសួរគប្បីសម្រេចលើកលែងការចោទប្រកាន់។
ដោយឡែកការឃុំខ្លួនបណ្តោះអាសន្នគឺជាបញ្ញត្តិពិសេស និងជាវិធានការចុងក្រោយប៉ុណ្ណោះដែលអាចអនុវត្តបាន ក្នុងករណីដែលវិធានការដាក់អោយស្ថិតក្រោមការត្រួតពិនិត្យតាមផ្លូវតុលាការត្រូវបានអនុវត្តហើយនៅតែមិនមានប្រសិទ្ធិភាព។
ប្រសិនបើរឿងរ៉ាវក្តីក្តាំនោះផ្តើមចេញពីអង្គហេតុនៃកិច្ចសន្យាខ្ចីបរិភោគពិតមែន ខ្ញុំយល់ឃើញថា ចៅក្រមស៊ើបសួរដែលបានចេញដីកាសម្រេចមិនឃុំខ្លួនជនត្រូវចោទនោះ គឺបានពិចារណារច្បាស់លាស់ និងបានធ្វើចំណាត់ការដ៏ត្រឹមត្រូវតាមផ្លូវច្បាប់ហើយ៕
*បញ្ជាក់: ខ្ញុំមិនស្គាល់ជនត្រូវចោទ និងមិនស្គាល់ដើមបណ្តឹង ទេ!

21/07/2026