AMRA

23/08/2026

23/08/2026

22/08/2026

20/08/2026

18/08/2026

13/08/2026

06/08/2026

តិចណាស់ដែលយល់មិនដល់គំនិតច្បាប់នៃមាត្រានេះ ហើយដេកឱបទុកបណ្តាលមកពីការចាញ់ក្តី និងអនុវត្តដោយបង្ខំចប់។

ពេលសាលក្រមចូលជាស្ថាពរ ហើយការអនុវត្តដោយបង្ខំរួចរាល់ ចៅក្រមចាត់ទុកថា ករណីនេះ គឺអាជ្ញាជំនុំដោយសារធាតុ(នៅតែចាត់ទុកថាជាការអនុវត្តបណ្តោះអាសន្នតែប៉ុន្មោះ) ប៉ុន្តែ បើមានការផ្លាស់ប្តូរសាលក្រម ដោយសាលដីកា គឺចុងចម្លើយ អាចទាមទាឱ្យដើមចោទ សង និងសំណងនៃការខូចខាតដែលបណ្តាលមកពីការអនុវត្តជាបណ្តោះអាសន្ននោះវិញ។

ក្រមនីតិវិធីរដ្ឋប្បវេណី គន្ថីទី ២ នីតិវិធីនៃការជម្រះក្តីលើកទី ១
មាត្រា ១៩៧.- ការបាត់បង់អានុភាពនៃការប្រកាសឱ្យអនុវត្តជា
បណ្តោះអាសន្ន និងបដិទានស្ថានភាពដើម

១- ការប្រកាសឱ្យអនុវត្តជាបណ្តោះអាសន្នត្រូវបាត់បង់អានុភាព ដោយការប្រកាសសាលដីការបស់តុលាការជាន់ខ្ពស់ដែលសម្រេចផ្លាស់ប្តូរការប្រកាសឱ្យអនុវត្តជាបណ្តោះអាសន្ននោះ ឬ សាលក្រមសម្រេចអង្គសេចក្តី តាមទំហំនៃការផ្លាស់ប្តូរ ។

២- ក្នុងករណីដែលតុលាការផ្លាស់ប្តូរសាលក្រមសម្រេចអង្គសេចក្តី តុលាការត្រូវបង្គាប់ក្នុងសាលដីកាឱ្យដើមចោទសងតាវកាលិកដែលចុងចម្លើយបានផ្តល់ ដោយផ្អែកលើការប្រកាសឱ្យអនុវត្តជាបណ្តោះអាសន្ន និង ឱ្យសងការខូចខាតដែលចុងចម្លើយបានទទួល ដោយសារការអនុវត្តជាបណ្តោះអាសន្ន ឬ ដើម្បីធ្វើឱ្យរួចផុតពីការអនុវត្តជាបណ្តោះអាសន្ននោះ តាមពាក្យសុំរបស់ចុងចម្លើយ ។

៣-ក្នុងករណីដែលតុលាការបានផ្លាស់ប្តូរតែចំពោះការប្រកាសឱ្យអនុវត្តជាបណ្តោះអាសន្នប៉ុណ្ណោះ បញ្ញត្តិនៃកថាខណ្ឌទី ២ ខាងលើនេះ ត្រូវយកមកអនុវត្តផងដែរ ចំពោះសាលដីកាដែលផ្លាស់ប្តូរសាលក្រមសម្រេចអង្គសេចក្តីនៅពេលក្រោយ ។

ដូចនេះ មាន ៣ មាត្រា ត្រូវច្របាច់ ដើម្បីមានការកែប្រែ គឺ
មាត្រា ១៩៤ មាត្រា ១៩៧ និង មាត្រា ៣០៧ ។