ច្បាប់ និង ជំនួញ Laws & Businesses

25/04/2026

✍️✍️✍️🦅🦅🦅🐉🐉🐉

23/04/2026

តើការផុសរូបដើម្បីជូនដំណឹងទៅកូនបំណុលឱ្យចូលខ្លួនមកទូទាត់សងប្រាក់ អាចត្រូវជាប់ជាបទល្មើសបរិហាកេរ្តិ៍ជាសាធារណៈដែរឬទេ?

បទបរិហាកេរ្តិ៍ជាសាធារៈដែលបានចែងក្នុង មាត្រា ៣០៥ គ្រប់ការអះអាងបំផ្លើស ឬទំលាក់កំហុសដោយអសុទ្ធចិត្តលើអំពើណាមួយ ដែលនាំឱ្យប៉ះពាល់ដល់កិត្តិយស ឬកិត្តិស័ព្ទនៃបុគ្គល ឬសា្ថប័ន គឺជាការបរិហាកេរ្តិ៍" ។

👉ដើម្បីអាចដឹងថាការផុសរូបដើម្បីជូនដំណឹងដល់កូនបំណុលឲ្យចូលខ្លួនមកទូទាត់សងប្រាក់តើអាចចាត់ទុកជាបទល្មើសបរិហាកេរ្តិ៍ជាសាធារណ:ដែរឫទេ? សូមពិនិត្យទៅលើធាតុផ្សំនៃបទល្មើសបរិហាកេរ្តិ៍ជាសាធារណៈក្នុង មាត្រា ៣០៥ នៃក្រមព្រហ្មទណ្ឌ
១- ធាតុផ្សំនីត្យានុកូល សំដៅដល់ធាតុច្បាប់(មានច្បាប់ចែង)
👉 ចំពោះបទបរិហាកេរ្តិ៍ជាសាធារណៈគឺមានចែងក្នុង មាត្រា ៣០៥ ក្រមព្រហ្មទណ្ឌនៃព្រះរាជាណាចក្រកម្ពុជា ៚

២.ធាតុផ្សំសត្យានុម័ត សំដៅដល់ធាតុសម្ភារៈ ឬសកម្មភាព(ទង្វើ បានធ្វើ ឫ មិនធ្វើ)
👉ចំពោះបទបរិហាកេរ្តិ៍ជាសាធារណៈ មាត្រា ៣០៥ នៃក្រមព្រហ្មទណ្ឌ ត្រង់កថាខណ្ឌទី១បានចែងថា «គ្រប់ការអះអាងដោយបំផ្លើស ទំលាក់កំហុសដោយអសុទ្ធចិត្ត(និយាយអ្វីដែលមិនមែនជាការពិត) ឬទំលាក់កំហុសដោយអសុទ្ធចិត្តទៅលើបុគ្គលណាមួុយ ៚
ឧទាហរណ៍ : គេមិនបានជំពាក់ប្រាក់អ្នកទេ តែអ្នកបែរជាយករូបគេមកផុសហើយនិយាយបំផ្លើសនូវអ្វីមិនមែនជាការពិត ៚

៣.ធាតុផ្សំអត្តនោម័ត សំដៅដល់សកម្មភាពប្រព្រឹត្តចេតនា ឬអចេតនា
👉ចំពោះបទបរិហាកេរ្តិ៍ជាសាធារណៈ ចេតនាដែលនាំឱ្យចាត់ទុកជាបទល្មើស គឺស្ថិតត្រង់ថាតើម្ចាស់បំណុលផុសរូបនោះក្នុងចេតនាអ្វីៈ
១- ផុសក្នុងចេតនាផុសដើម្បីនាំឱ្យខូចកិត្តិយសអ្នកដទៃ
២- ផុសក្នុងចេតនាដើម្បីជូនដំណឹងដល់កូនបំណុលដើម្បីឱ្យចូលខ្លួនមកដោះស្រាយបំណុល ព្រោះម្ចាស់បំណុលអស់មធ្យោបាយក្នុងការទំនាក់ទំនងទៅកូនបំណុល(តេមិនលើក ឆាតមិនចូលមើល មើលហើយមិនតប ប្លុកគ្រប់ប្រព័ន្ធទំនាក់ទំនង ផ្លាស់ប្តូរអាសយដ្ឋានដោយគ្មានការជូនដំណឹងមកម្ចាស់បំណុល) ។

👉ដូច្នេះដែលអាចចាត់ទុកអំពើមួយថាជាបទល្មើសបានលុះត្រាតែអំពើនោះប្រព្រឹត្តទៅឃើញថាគ្រប់ទៅតាមធាតុផ្សំនៃបទល្មើសទាំងបីខាងលើនេះ ។
👉ចំណាំការលើកឡើងខាងលើមិនមែនជាការលើកទឹកចិត្តដល់ភាគីណាឡើយ ម្ចាស់បំណុល និងកូនបំណុលគួរតែព្យាយាមពិភាក្សាគ្នាដោយសន្តិវិធី ហើយអនុវត្តកាតព្វកិច្ចឲ្យបានល្អរៀងៗខ្លួន ។

#គុណធម៌ #ក្រមសីលធម៌ #សច្ចធម៌ ៚
Credit: មេធាវី កែវមករា

Credit

14/04/2026

✍️🦅🐉

06/04/2026

🔴•លក្ខខណ្ឌអត្ថិភាពនៃការញុះញង់
🚨មាត្រា ៤៩៤.លក្ខខណ្ឌអត្ថិភាពនៃការញុះញង់
ដើម្បីអនុវត្ដផ្នែកនេះ ការញុះញង់អាចត្រូវផ្ដន្ទាទោស កាលបើអំពើនេះត្រូវបាន ប្រព្រឹត្ដ :
១-ដោយសំដីតាមប្រភេទណាក៏ដោយ ដែលប្រកាសនៅក្នុងទីកន្លែងសាធារណៈ ឬនៅក្នុងពេលប្រជុំជាសាធារណៈ ។
២-ដោយសំណេរ ឬគំនូរ តាមប្រភេទណាក៏ដោយ ដែលត្រូវផ្សព្វផ្សាយ នៅក្នុងចំណោមសាធារណជន ឬតាំងឱ្យសាធារណជនមើល ។
៣-ដោយគ្រប់មធ្យោបាយទូរគមនាគមន៍សោតទស្សន៍សម្រាប់សាធារណជន ។
🚨មាត្រា ៤៩៥.បទញុះញង់ឱ្យប្រព្រឹត្ដបទឧក្រិដ្ឋ ជាអាទិ៍
អំពើញុះញង់ដោយផ្ទាល់ឱ្យប្រព្រឹត្ដបទឧក្រិដ្ឋ ឬប្រព្រឹត្ដអំពើបង្កឱ្យមានភាព វឹកវរធ្ងន់ធ្ងរដល់សន្ដិសុខសង្គម តាមមធ្យោបាយណាមួយ ក្នុងចំណោមមធ្យោបាយ ដែលមានចែងក្នុងមាត្រា ៤៩៤ (លក្ខខណ្ឌអត្ថិភាពនៃការញុះញង់) នៃក្រមនេះ ត្រូវផ្ដន្ទាទោសដាក់ពន្ធនាគារពី ៦ (ប្រាំមួយ) ខែ ទៅ ២ (ពីរ) ឆ្នាំ និងពិន័យជា ប្រាក់ពី ១.០០០.០០០ (មួយលាន) រៀល ទៅ ៤.០០០.០០០ (បួនលាន) រៀល ប្រសិនបើការញុះញង់នេះគ្មានប្រសិទ្ធភាពទេ ។
🚨មាត្រា ៤៩៦. បទញុះញង់ឱ្យមានការរើសអើង
អំពើញុះញង់ដោយផ្ទាល់តាមមធ្យោបាយណាមួយ ដែលមានចែងក្នុងមាត្រា ៤៩៤ (លក្ខខណ្ឌអត្ថិភាពនៃការញុះញង់) នៃក្រមនេះ ឱ្យប្រព្រឹត្ដការរើសអើង ការគុំកួន ឬហិង្សា ចំពោះបុគ្គលណាម្នាក់ ឬក្រុមណាមួយ ដោយមូលហេតុបុគ្គលនេះ ជាសមាជិក ឬមិនមែនជាសមាជិកនៃជាតិពនុ្ធ ក្រុមជាតិ ពូជសាសន៍ ឬនៃសាសនា ណាមួយជាកំណត់នោះ ត្រូវផ្ដន្ទាទោសដាក់ពន្ធនាគារពី ១ (មួយ) ឆ្នាំ ទៅ ៣ (បី) ឆ្នាំ និងពិន័យជាប្រាក់ពី ២.០០០.០០០ (ពីរលាន) រៀល ទៅ ៦.០០០.០០០ (ប្រាំមួយលាន) រៀល ប្រសិនបើការញុះញង់នេះគ្មានប្រសិទ្ធភាពទេ ។

05/04/2026

ការទទួលផលចោរកម្ម គឺជាប្រភេទបទល្មើសមជ្ឈិមដែលត្រូវមានបញ្ញត្តិនៅក្នុងមាត្រា៣៩៩ នៃក្រមព្រហ្មទណ្ឌ ឆ្នាំ ២០០៩ ហើយត្រូវបានកំណត់និយមន័យថា «គឺជាអំពើទទួល លាក់បំបាំងរក្សាទុក ឬបញ្ជូនវត្ថុអ្វីមួយ ដោយដឹងថាវត្ថុនោះបានមកពីបទឧក្រិដ្ឋ ឬបទមជ្ឈិម»។
យោងតាមខ្លឹមសារនេះ បានបង្ហាញថា ប្រសិនបើជនណាម្នាក់បានទទួល លាក់បំបាំង ឬបញ្ជូនវត្ថុអ្វីមួយ ដោយខ្លួនបានដឹងថាវត្ថុនោះ គឺជាវត្ថុដែលបានមកពីការប្រព្រឹត្ដរាល់បទល្មើស គឺជាអំពើទទួលផលចោរកម្ម។ ដើម្បីឲ្យកាន់តែងាយស្រួលយល់យើងសូមលើកឧទាហរណ៍ដូចតទៅ៖ លោក «ក» ជាអ្នករកសុីគ្រឿងឡានមួយកន្លែង បានដឹងថាលោក «ខ» មាន ឡានមួយគ្រឿងដែលបានមកពីអំពើទុច្ចរិត ប៉ុន្តែលោក «ក» នៅតែទទួលទិញឡាននោះពីលោក «ខ» ក្នុងតម្លៃទាបបំផុត ដោយគ្មានប័ណ្ណសំគាល់យានយន្ត និងឯកសារពាក់ព័ន្ធ ដើម្បីរក្សាទុកប្រើប្រាស់​ យកទៅលក់បន្តឬវាយបំបែកគ្រឿងលក់​ ដើម្បីយកចំណេញ។ ករណីខាងលើនេះ លោក “ក” បានប្រព្រឹត្តអំពើទទួលផលចោរកម្ម នឹងត្រូវផ្តន្ទាទោសតាមបញ្ញត្តិនៃក្រមព្រហ្មទណ្ឌ។
ក្រៅពីរូបភាពនៃអំពើខាងលើនេះ គឺមានសកម្មភាពមួយចំនួនទៀត ដែលគេចាត់ទុកថាជាការទទួលផលចោរកម្មផងដែរ ដែលសកម្មភាពនោះមានដូចជា ៖
១. អំពើធ្វើជាអន្តការី ដើម្បីបញ្ជូនវត្ថុអ្វីមួយដោយដឹងថារបស់នោះបានមកពីបទឧក្រិដ្ឋ ឬ បទមជ្ឈិម។
២. អំពើដែលបានទទួលផលពីផលនៃបទឧក្រិដ្ឋ ឬបទមជ្ឈិម ដោយបានដឹងហេតុការណ៍ច្បាស់ ។
យោងមាត្រា ៤០០ នៃក្រមព្រហ្មទណ្ឌ អំពើទទួលផលចោរកម្ម ត្រូវផ្ដន្ទាទោសដាក់ពន្ធនាគារ ពី ២ (ពីរ) ឆ្នាំ ទៅ ៥ (ប្រាំ) ឆ្នាំ និងពិន័យជាប្រាក់ ពី ៤.០០០.០០០ (បួនលាន) រៀល ទៅ ១០.០០០.០០០ (ដប់លាន) រៀល ។
ស្ថានទម្ងន់ទោសនៃអំពើទទួលផលចោរកម្ម មានចែងក្នុងមាត្រា ៤០១ នៃក្រមព្រហ្មទណ្ឌ និងត្រូវផ្តន្ទាទោសដាក់ពន្ធនាគារ ពី ៥ ( ប្រាំ ) ឆ្នាំ ទៅ ១០ ( ដប់ ) ឆ្នាំ កាលណាអំពើនោះប្រព្រឹត្តឡើង ៖
១. ជាទម្លាប់។
២. ដោយប្រើប្រាស់ភាពងាយស្រួលដែលការប្រកបសកម្មភាពវិជ្ជាជីវៈផ្តល់ឲ្យ។
៣. ការប្រព្រឹត្តជាក្រុមមានការចាត់តាំង។
ដោយទ្បែកអតិបរមានៃទោសពិន័យ អាចស្មើនឹងតម្លៃវត្ថុនៃអំពើទទួលផលចោរកម្មនោះ (មាត្រា ៤០២) ។
សរុបមក ការទទួលផលចោរកម្ម គឺជាបទល្មើសមួយប្រភេទដែលមានលក្ខណៈបំពេញបន្ថែមឱ្យបទល្មើសផ្សេងទៀត។ ការទទួលផលចោរកម្មមិនសំដៅដល់តែការទទួលផលដែលបានមកពីបទល្មើសលួចតែមួយប្រភេទនោះទេ ផលដែលទទួលបានពីបទល្មើសមជ្ឈិម ឬបទឧក្រិដ្ឋផ្សេងទៀត ក៏អាចជាកម្មវត្ថុនៃអំពើទទួលផលចោរកម្មផងដែរ ។
ប្រភព សែម ជីវ័ន្ដ

05/04/2026

អំពើប្រឆាំងនឹងអ្នករាជការសាធារណៈ

👉បទប្រឆាំងនឹងអ្នករាជការសាធារណៈ
ការប្រឆាំងនឹងអ្នករាជការសាធារណៈ គឺជាអំពើប្រឆាំងដោយប្រើការតទល់ ដោយហិង្សានឹងអ្នករាជការសាធារណៈដែលធ្វើសកម្មភាពដើម្បីអនុវត្តច្បាប់ បញ្ជារបស់អាជ្ញាធរសាធារណៈ ឬសេចក្តីសម្រេចរបស់តុលាការ។
បទប្រឆាំងនឹងអ្នករាជការសាធារណៈ ត្រូវផ្តន្ទាទោសដាក់ពន្ធនាគារពី ១ខែ ទៅ ៣ខែ និងពិន័យជាប្រាក់ពី ១០០ ០០០ រៀល ទៅ ៥០០ ០០០ រៀល ។

👉ស្ថានទម្ងន់ទោសនៃបទប្រឆាំងនឹងអ្នករាជការសាធារណៈ
ការប្រឆាំងនឹងអ្នករាជការសាធារណៈត្រូវផ្តន្ទាទោសដាក់ពន្ធនាគារពី ៦ខែ ទៅ ១ឆ្នាំ និងពិន័យជាប្រាក់ពី ១ ០០០ ០០០ រៀល ទៅ ២ ០០០ ០០០ រៀល នៅក្នុងករណីដូចតទៅ៖
-ការប្រឆាំងនឹងអ្នករាជការសាធារណៈ បានប្រព្រឹត្តដោយបុគ្គលច្រើនរូប ធ្វើសកម្មភាពក្នុងឋានៈជាចារី សហចារី អ្នកផ្តើមគំនិត ឬជាអ្នកសមគំនិត។
-ចារីមានអាវុធ។

👉បទញុះញង់ឱ្យ ប្រព្រឹត្តអំពើប្រឆាំងនឹងអ្នករាជការសាធារណៈ
ការញុះញង់ដោយផ្ទាល់ឱ្យប្រព្រឹត្តអំពើប្រឆាំងនឹងអ្នករាជការសាធារណៈ ត្រូវផ្តន្ទាទោសដាក់ពន្ធនាគារ ពី ១ (មួយ) ថ្ងៃ ទៅ ១ (មួយ) ខែ និងពិន័យជាប្រាក់ពី ១ ០០០ (មួយពាន់) រៀល ទៅ ១០០ ០០០ (មួយសែន) រៀល ។

👉បទប្រឆាំងនឹងការអនុវត្តការងារសាធារណៈ
អំពើប្រឆាំងដោយហិង្សាទៅលើការអនុវត្តការងារសាធារណៈ ឬការងារដែលមានប្រយោជន៍ជាសាធារណៈ ត្រូវផ្តន្ទាទោសដាក់ពន្ធនាគារពី ១ខែ ទៅ ៣ខែ និងពិន័យជាប្រាក់ពី ១០០ ០០០ រៀល ទៅ ៥០០ ០០០ រៀល ។

01/04/2026

បានចូលរួម សិក្ខាសាលា ប្រធានបទ ស្តីពី «ដីការសម្រេចរក្សាការពារ» វាលគ្មិនកិត្តិយស លោក រស់ ផុនចាន់និមល (ចៅក្រមសាលាដំបូងខេត្តប៉ៃលិន)

01/04/2026

បទផ្តល់ជំនួយដល់ជនល្មើស ជាអាទិ៍
- - - - - - - - - - - - -
អំពើដែលផ្តល់ឱ្យជនល្មើស(ចារី សហចារី អ្នកផ្តើមគំនិត ឬអ្នកសមគំនិតក្នុងបទឧក្រិដ្ឋ) នូវ៖
👉ទីលំនៅ
👉ទីកន្លែងលាក់ខ្លួន
👉មធ្យោបាយសម្រាប់ការរស់នៅ
👉គ្រប់មធ្យោបាយដែលអាចនាំឱ្យមានការងារស្រួលក្នុងការគេចខ្លួន ឬក៏ឱ្យជននោះគេចផុតពីការស្រាវជ្រាវ។

* ប៉ុន្តែ ត្រូវបានលើកលែងឱ្យរួចផុតពីទោស៖
👉បុព្វញាតិ និងបច្ឆាញាតិ បងប្អូនប្រុសស្រីរបស់ចាវី សហចារី អ្នកផ្តើមគំនិត ឬ អ្នកសមគំនិតក្នុងបទឧក្រិដ្ឋ។
👉សហព័ន្ធរបស់ចាវី សហចាវី អ្នកផ្តើមគំនិត ឬអ្នកសមគំនិតក្នុងបទឧក្រិដ្ឋ។

29/03/2026

🙏🙏🙏✍️✍️✍️

26/03/2026

21/03/2026

⚖️ ការយល់ដឹងផ្នែកច្បាប់៖ "ការទទួលកំហុសជំនួសគេ" អាចនាំឱ្យអ្នកជាប់ពន្ធនាគារ!

តើអ្នកដឹងទេ? ក្នុងករណីគ្រោះថ្នាក់ចរាចរណ៍ ប្រសិនបើអ្នកធ្វើពុតជាអ្នកបើកបរដើម្បីជួយសង្គ្រោះអ្នកដទៃឱ្យរួចផុតពីច្បាប់ អ្នកផ្ទាល់ កំពុងប្រព្រឹត្តបទល្មើសព្រហ្មទណ្ឌ។

📍 ករណីជាក់ស្តែង៖
មានគ្រោះថ្នាក់កើតឡើង ដើម្បីជួយមិត្តភក្តិ ឬសាច់ញាតិ អ្នកបានប្រាប់ប៉ូលីសថា៖ *"ខ្ញុំជាអ្នកបើកបរ"*។ 🚨 តថភាពគតិយុត្ត៖
យោងតាម មាត្រា ៥៣២ នៃក្រមព្រហ្មទណ្ឌកម្ពុជា អំពើនេះហៅថា "បទលាក់បំបាំងតម្រុយ"**។ ការភូតភរអំពីអ្នកបើកបរ គឺជាការរារាំងដល់យុត្តិធម៌ និងលាក់បំបាំងការពិតពីតុលាការ។

🚫 ផលវិបាក៖**
ប្រសិនបើតុលាការរកឃើញថាមានការប្តូរអ្នកបើកបរ៖
* អ្នកអាចប្រឈមនឹងការជាប់ពន្ធនាគារពី ១ ឆ្នាំ ទៅ ៣ ឆ្នាំ**។
* ត្រូវពិន័យជាប្រាក់ពី **២ លាន ទៅ ៦ លានរៀល**។

**សេចក្តីរំលឹក៖ ការជួយអ្នកដទៃឱ្យគេចវេសពីច្បាប់ដោយការកុហកអត្តសញ្ញាណ មិនមែនជា "ការជួយ" ទេ ប៉ុន្តែវាគឺជាបទល្មើសព្រហ្មទណ្ឌកម្រិតធ្ងន់ដែលអ្នកត្រូវទទួលខុសត្រូវដោយខ្លួនឯង។

*********

⚖️ LEGAL AWARENESS: "Taking the Blame" Can Land You in Prison!

Did you know? In a traffic accident, if you pretend to be the driver to save someone else from legal trouble, YOU are committing a crime.

📍 The Scenario:
An accident happens. To protect a friend or family member, you tell the police: *"I was the driver."* 🚨 The Legal Reality:
Under Article 532 of the Criminal Code of Cambodia, this is called "Concealment of Evidence." By lying about who was driving, you are obstructing justice and hiding the truth from the court.

🚫 The Consequences:
If the court finds out you switched places:
* You could face 1 to 3 years in prison.
* You could be fined between 2 million to 6 million Riels.