វិភាគទានច្បាប់ Contribution of Law

22/05/2026

[English Below]
កិច្ចពិភាក្សាលើខ្លឹមសារនៃសៀវភៅនីតិសន្តតិកម្ម (លើកទី២២)
——————
សហអ្នកនិពន្ធ និងក្រុមការងារតាក់តែងសៀវភៅនីតិសន្តតិកម្ម បានជួបពិភាក្សាលើខ្លឹមសារជំពូកទី៥ ភាគបម្រុង ផ្នែកទី៥ ការកាត់បន្ថយដើម្បីបង្រ្គប់ភាគបម្រុង នាព្រឹក ថ្ងៃព្រហស្បតិ៍ ទី២១ ខែឧសភា ឆ្នាំ២០២៦ ដែលទទួលបន្ទុកដោយលោក ស៊ិន ច័ន្ទផល្គុន ។

មុនពេលចាប់ផ្តើមកិច្ចពិភាក្សាលើផ្នែកទី៥នេះ លោក ស៊ិន ច័ន្ទផល្គុន បានបង្ហាញអំពី ចំណុចដែលបានកែសម្រួល ក្រោយពីកិច្ចពិភាក្សាកាលពីលើកមុន បន្ទាប់មក លោកបានធ្វើបទបង្ហាញបន្តលើផ្នែកទី៥ ការកាត់បន្ថយដើម្បីបង្រ្គប់ភាគបម្រុង ហើយកិច្ចពិភាក្សាបានធ្វើឡើងលើចំណុចនីមួយៗដូចខាងក្រោម៖

១. កម្មវត្ថុនៃការកាត់បន្ថយ សំដៅលើទ្រព្យសម្បត្តិដែលនាំឱ្យមានការបំពានភាគបម្រុង ហើយត្រូវការកាត់បន្ថយពីទ្រព្យសម្បត្តិនោះដើម្បីបង្គ្រប់ភាគបម្រុង
២.លំដាប់នៃការកាត់បន្ថយដើម្បីបង្រ្គប់ភាគបម្រុង (មាត្រា ១២៣៦ នៃក្រមរដ្ឋប្បវេណី)
- លំដាប់ទី១៖ ការកាត់បន្ថយពីអច្ច័យទាន និងចំណែកមត៌ករបស់សន្តតិជន
- លំដាប់ទី២៖ ការកាត់បន្ថយពីអច្ច័យទានរបស់តតិយជន
- លំដាប់ទី៣៖ ការកាត់បន្ថយពីផលប្រយោជន៍ពិសេស និងប្រទានកម្ម
៣. វិធីកាត់បន្ថយដើម្បីបង្គ្រប់ភាគបម្រុង៖
- វិធីកាត់បន្ថយពីចំណែកមត៌កដែលបានកំណត់ជាភាគ
- វិធីកាត់បន្ថយពីអច្ច័យទាន និងចំណែកមត៌កដែលកំណត់ដោយអនុប្បទានទ្រព្យសម្បត្តិ
- វិធីកាត់បន្ថយពីប្រទានកម្មជាអាទិ៍
- វិធីកាត់បន្ថយដោយបង់តម្លៃ

នៅក្នុងការពិចារណាលើការកាត់បន្ថយដើម្បីបង្រ្គប់ភាគបម្រុងនេះ មានការពិបាក និងស្មុគស្មាញ ហេតុនេះអ្នកនិពន្ធបានបង្កើត និងដោះស្រាយអង្គហេតុ តាមរយៈការលើកជាសេណារីយ៉ូចំពោះករណីនីមួយៗ ដើម្បីបង្ហាញពីវិធីក្នុងគណនាតាមលំដាប់នីមួយៗ។
=============
Law on Succession Textbook: Chapter Reviewing Meeting (Twenty-second meeting)
——————
The co-authors and the working team of the Law on Succession Textbook have discussed in detail the content of chapter 5: Secured Portion, Part 5: Reduction for Restoration of the Secured Portion, on the morning of Thursday, May 21th, 2026. The session was led by Mr. Sin Chanphalkun.

Before the discussion on Part 5, Mr. Phalkun gave a brief presentation on the revisions made following the previous meeting and continued his presentation on Part 5: Reduction for Restoration of the Secured Portion, after which discussions were conducted on each section as follows:

1. Subject Matter of Reduction: This refers to the property that causes infringement upon the secured portion and therefore requires reduction in order to restore the secured portion.
2. Rank of Reduction for Restoration of the Secured Portion (Article 1236 of the Civil Code)
• First: Reduction of testamentary gifts and shares of successors
• Second: Reduction of testamentary gifts granted to third parties
• Third: Reduction of special benefits and gifts
3. Methods of Reduction for Restoration of the Secured Portion
• Reduction of the shares determined by proportion
• Reduction of testamentary gifts and shares determined through transfer of property
• Reduction of gifts and donations
• Reduction through monetary compensation

As the consideration of reduction for restoration of the secured portion involves considerable difficulty and complexity, the author developed and analyzed a number of hypothetical scenarios for each respective case in order to illustrate the methods of calculation according to each order of reduction.

22/05/2026

[English Below]
កិច្ចពិភាក្សាលើខ្លឹមសារនៃសៀវភៅនីតិសន្តតិកម្ម (លើកទី២១)
——————
សហអ្នកនិពន្ធ និងក្រុមការងារតាក់តែងសៀវភៅនីតិសន្តតិកម្ម បានជួបពិភាក្សាលើខ្លឹមសារជំពូកទី៥ ភាគបម្រុង ផ្នែកទី១ សញ្ញាណទូទៅនៃភាគបម្រុង ផ្នែកទី២ បុគ្គលដែលមានសិទ្ធិលើភាគបម្រុង ផ្នែកទី៣ ទ្រព្យសម្បត្តិជាមូលដ្ឋានក្នុងការគណនាភាគបម្រុង និងផ្នែកទី៤ ការគណនាភាគបម្រុង នាព្រឹក ថ្ងៃព្រហស្បតិ៍ ទី១៤ ខែឧសភា ឆ្នាំ២០២៦ ដែលទទួលបន្ទុកដោយលោក ស៊ិន ច័ន្ទផល្គុន ។

ជាកិច្ចចាប់ផ្ដើម លោក ស៊ិន ច័ន្ទផល្គុន បានធ្វើបទបង្ហាញអំពីផ្នែកទាំង៤ខាងលើ ហើយកិច្ចពិភាក្សាបានធ្វើឡើងលើផ្នែកនីមួយៗដូចខាងក្រោម៖

១. សញ្ញាណទូទៅនៃភាគបម្រុង៖ តួនាទីនៃភាគបម្រុងនៅក្នុងប្រព័ន្ធសន្តតិកម្មរបស់កម្ពុជា ធៀបនិងបណ្តាប្រទេសមួយចំនួន ហើយពិភាក្សាលើចំណុចមួយចំនួនដែលកន្លងមកមានការភាន់ច្រឡំ និងមានការបកស្រាយមិនដូចគ្នា។

២. ជនដែលមានសិទ្ធិលើភាគបម្រុង៖ បុគ្គលដែលមានសិទ្ធិលើភាគបម្រុង ហើយអាចទទួលបានភាគបម្រុង ដូចជា បច្ឆាញាតិផ្ទាល់ ឬឪពុកម្តាយ ឬជីដូនជីតា និងសហព័ទ្ធ របស់មតកជនដែលមានកំណត់នៅក្នុងមាត្រា១២៣០ នៃក្រមរដ្ឋប្បវេណី។ អ្នកនិពន្ធបានលើកជាឧទាហរណ៍ដែលបង្ហាញពីអង្គហេតុជាក់ស្តែង និងយកមកពិភាក្សាជាមួយសហអ្នកនិពន្ធផ្សេងទៀតដើម្បីលម្អិតអំពីជនដែលមានសិទ្ធិលើភាគបម្រុង និងជនដែលមិនមានសិទ្ធិលើភាគបម្រុង។

៣. ទ្រព្យសម្បត្តិដែលជាមូលដ្ឋានក្នុងការគណនាភាគបម្រុង៖ ទ្រព្យសម្បត្តិជាមូលដ្ឋាន គឺជាការចាំបាច់បំផុតដែលបម្រើឱ្យការគណនាភាគបម្រុងរបស់សន្តតិជន។ នៅត្រង់ចំណុចនេះ បានបង្ហាញពីចំណុចសំខាន់ដើម្បីធ្វើជាមូលដ្ឋានក្នុងការគណនាភាគបម្រុងដែលមាន(ក) ទ្រព្យសម្បត្តិពេលចាប់ផ្តើមសន្តតិកម្ម (ខ) ផលប្រយោជន៍ពិសេស (គ) ប្រទានកម្មចំពោះតតិយជន(មាត្រា១២៣២) និង (ឃ) កាតព្វកិច្ចរបស់មតកជន។

៤. ការគណនាភាគបម្រុង៖ ជាចំណុចមានភាពស្មុគស្មាញខ្លាំងនៅក្នុងការគណនា ហេតុនេះអ្នកនិពន្ធបានបង្កើតអង្គហេតុគម្រូតាមករណីនីមួយៗ ហើយដោះស្រាយដោយការគណនាជាជំហានៗ ដើម្បីកាត់បន្ថយភាពស្មុគស្មាញនៅក្នុងការគណនា។
=============
Law on Succession Textbook: Chapter Reviewing Meeting (Twenty-first meeting)
——————
The co-authors and the working team of the Law on Succession Textbook have discussed in detail the content of chapter 5: Secured Portion, Part 1: General Concepts of Secured Portion, Part 2: Persons Entitled to Secured Portion, Part 3: Property Serving as the Basis for Calculating Secured Portion, and Part 4: Calculation of Secured Portion, on the morning of Thursday, May 14th, 2026. The session was led by Mr. Sin Chanphalkun.

First of all, Mr. Phalkun gave a brief presentation on the above four parts, after which discussions were conducted on each section as follows:
1. General Concepts of Secured Portion: the discussion focused on the role of secured portion within Cambodia’s succession system in comparison with those of several other countries, as well as on certain issues that have previously caused misunderstandings and inconsistent interpretations.
2. Persons Entitled to Secured Portion: the discussion addressed individuals who are legally entitled to secured portion and may receive such entitlement, including direct descendants, parents or grandparents, and spouses of the deceased, as stipulated in Article 1230 of the Civil Code. The author presented practical examples based on factual situations and discussed them with other co-authors in order to clarify the categories of persons entitled to secured portion and those who are not entitled.
3. Property Serving as the Basis for Calculating Secured Portion: property serving as the basis for calculation is an essential element in determining the secured portion of successors. In this regard, key elements used as the basis for calculation were presented, including:
(a) the property existing at the commencement of succession;
(b) special benefits;
(c) gifts made to third parties (Article 1232); and
(d) obligations of the deceased.
4. Calculation of Secured Portion: this aspect is considered highly complex in practice. Therefore, the author created model factual scenarios for each case and demonstrated step-by-step calculation methods in order to reduce the complexity involved in calculating secured portions.

22/05/2026

[English Below]

សៀវភៅនីតិសន្តតិកម្ម

ដើម្បីបញ្ចប់គម្រោងនៃការតាក់តែងសៀវភៅ
សន្តតិកម្ម ត្រូវឆ្លងកាត់៣ជំហាន

ជំហានទី១-ការតាក់តែង
សហអ្នកនិពន្ធទាំង៥រូប កំពុងធ្វើការតាក់តែងសៀវភៅខាងលើ ដោយចែកចេញជា៨ជំពូកធំៗ និងបានធ្វើការប្រជុំពិភាក្សាលើជំពូកនីមួយៗ ចាប់ពីខែវិច្ឆិកា ឆ្នាំ២០២៤ នឹងបញ្ចប់នៅខែមិថុនា ឆ្នាំ២០២៦។ ក្នុងជំហានទី១ នេះ យើងបានរៀបចំកិច្ចប្រជុំចំនួន ២២លើក ហើយគ្រោងរៀបចំកិច្ចប្រជុំបន្ថែម ៣លើកទៀត សម្រាប់ចំណុចដែលមិនទាន់បានពិភាក្សា។

ជំហានទី២-ការពិនិត្យ និងកែសម្រួល
អ្នកពិនិត្យទាំង៣រូប និងក្រុមការងារ កំពុងធ្វើការពិនិត្យ និងកែសម្រួល ដោយចាប់ផ្តើមពីជំពូកទី១ ទៅតាមតារាងកាលវិភាគជាក់លាក់​មួយ នៃការឆ្លាស់គ្នារវាងអ្នកពិនិត្យទី១ និងទី២ (អត្ថបទមួយ ត្រូវបានពិនិត្យដោយអ្នកពិនិត្យចំនួន២នាក់)។ ជំហាននេះបាន
ចាប់ផ្តើមកាលពីថ្ងៃទី១៨ ខែឧសភា ឆ្នាំ២០២៦ ហើយគ្រោងនឹងបញ្ចប់ត្រឹមថ្ងៃទី១៨ ខែកញ្ញា ឆ្នាំ២០២៦។

ជំហានទី៣-ការពិនិត្យ និងកែសម្រួលចុងក្រោយ ជាមួយសហអ្នកនិពន្ធ
អ្នកពិនិត្យ និងក្រុមការងារ នឹងធ្វើការពិនិត្យ និងកែសម្រួលចុងក្រោយជាមួយសហអ្នកនិពន្ធ ព្រមទាំងរៀបចំការរចនាសៀវភៅជាមួយអ្នក
ឌីហ្សាញ ហើយរៀបចំការបោះពុម្ព

ក្រោយការបញ្ចប់ជំហានទី៣ នេះ ក្រុមការងារនឹងចាប់ផ្តើមដំណើរការបោះពុម្ព ហើយគម្រោងទាំងមូលគ្រោងនឹងបញ្ចប់នៅខែធ្នូ ឆ្នាំ២០២៦។

ការកក់ទុកជាមុន ក្នុងតម្លៃពិសេស នឹងចាប់ផ្តើមពីខែវិច្ឆិកា ឆ្នាំ២០២៦ នេះតទៅ។
—————
Law on Succession Book
To complete the book drafting project on succession, it must go through three stages:
Stage 1 – Drafting
All five co-authors are currently drafting the book, which is divided into eight main chapters. They have held discussions on each chapter starting from November 2024, and this stage is expected to be completed by June 2026.
During Stage 1, a total of 22 meetings have been organized, with an additional 3 meetings planned to cover remaining points that have not yet been discussed.

Stage 2 – Review and Revision
Three reviewers and the working team are conducting the review and revision process, beginning from Chapter 1 according to a specific schedule. This schedule alternates between Reviewer 1 and Reviewer 2 (each text is reviewed by two reviewers). This stage started on May 18, 2026, and is expected to be completed by September 18, 2026.

Stage 3 – Final Review and Revision with Co-authors
The reviewers and the working team will carry out the final review and revisions together with the co-authors. At the same time, the book design will be prepared with a designer, followed by printing arrangements.
After completing Stage 3, the team will begin the printing process, and the entire project is expected to be completed by December 2026.

Pre-orders at a special price will begin from November 2026 onward.

18/05/2026

[English Below]
ពេលទី១​​ នៃមេរៀន «កាតព្វកិច្ចកើតចេញពីអំពើអនីត្យានុកូល» ដែលផ្តោតសំខាន់លើ «សញ្ញាណទូទៅនៃអំពើអនីត្យានុកូល»

អ្វីទៅជាអំពើអនីត្យានុកូលទូទៅ? តើអំពើនីត្យានុកូលមានគោលបំណង និងមុខងារអ្វីខ្លះ? តើមានគោលការណ៍អ្វីខ្លះក្នុងការដាក់បន្ទុកការទទួលខុសត្រូវលើអំពើអំនីត្យានុកូល? តើត្រូវមានលក្ខខណ្ឌបែបណាខ្លះ ដើម្បីអាចទាមទារសំណងនៃការខូចខាត ផ្អែកលើអំពើអនីត្យានីកូល?

កាតព្វកិច្ចដែលកើតចេញពីអំពីអនីត្យានុកូល ជាផ្នែកមួយនៃមុខវិជ្ជា សិទ្ធិលើបំណុល/កាតព្វកិច្ច ដែលត្រូវបានបណ្តុះបណ្តាលដោយលោកមេធាវី សោម រតនា អ្នកបណ្តុះបណ្តាលវិភាគទានច្បាប់ និងជាបណ្ឌិតច្បាប់មកពីសាកលវិទ្យាល័យ កូបេ ប្រទេសជប៉ុន ជំនាញអំពើអនីត្យានុកូល ចំនួន​ ៤ពេល នៅក្នុងវគ្គបណ្តុះបណ្តាលជំនាន់ទី១០ ដោយផ្ទាល់ និងបន្ថែមការសិក្សាតាមប្រព័ន្ធអនឡាញ។
——————————————
First Session of "Obligations Arising from a Tort Law" which focus on "General Concepts of Torts"

What is Tort Law mean?
What are the purposes and functions of Torts?
What principles are applied in imposing liability for Torts?
What conditions must be met in order to claim compensation for damages based on Tort Law?

"Obligations Arising from a Tort Law" is a part of Obligation Law/ Obligations which presented by Attorney SOM Ratana, CL's trainer and holds a Doctor of Law degree from Kobe University, specializing in tort law, through four session in CL10 in-person, supplemented by additional online learning.

18/05/2026

[English Below]
ការចាប់ផ្តើមជំហានទី២ នៃការតាក់តែងសៀវភៅ "នីតិសន្តតិកម្ម"

ជំហានទី១នៃគម្រោងសរសេរសៀវភៅនីតិសន្តតិកម្ម គឺជាការចាប់ផ្តើមតាក់តែងនិពន្ធ ដោយសហអ្នកនិពន្ធទាំងអស់ បានតាក់តែងឯកសាររបស់ខ្លួន ចាប់ពីខែវិច្ឆិកា ឆ្នាំ២០២៤ ហើយគ្រោងនឹងបញ្ចប់ ត្រឹមខែមិថុនា ឆ្នាំ២០២៦។

វាជាដំណើរដ៏ពិបាកមួយសម្រាប់សហអ្នកនិពន្ធទាំង៥រូប ដែលត្រូវសរសេរអត្ថបទ ចូលរួមប្រជុំពិភាក្សា និងកែសម្រួលឡើងវិញ ចំពោះអត្ថបទដែលបានបញ្ចូលគ្នារវាងជំពូកទាំង៨នៃសៀវភៅនីតិសន្តតិកម្ម។ អត្ថបទទាំងអស់នេះ មានកម្រាស់មិនក្រោម ១០០០ទំព័រឡើយ ដោយបានបញ្ចូលនូវទ្រឹស្តី ជាពិសេសការពន្យល់ពីមាត្រានីមួយៗនៃគន្ថីស្តីពីសន្តតិកម្ម រួមទាំងចំណុចពាក់ព័ន្ធផ្សេងៗ ដែលជឿជាក់ថា លើសពីអ្វីដែលធ្លាប់មាននៅក្នុងអត្ថបទស្រាវជ្រាវពាក់ព័ន្ធនឹងនីតិសន្តតិកម្ម។

ការចាប់ផ្តើមជំហានទី២ គឺជាការចាប់ផ្តើមដំណាក់កាលពិនិត្យលើខ្លឹមសារ សង្គតិភាព ទម្រង់ ការដាក់រូបជាឧទាហរណ៍ និងចំណុចផ្សេងទៀត ដែលជាការទទួលបន្ទុករបស់អ្នកពិនិត្យ អ្នកសម្របសម្រួល និងក្រុមការងារ។

វាជាដំណាក់កាលដែលលំបាកមិនចាញ់ជំហានទី១នោះទេ ពីព្រោះចាំបាច់ត្រូវធ្វើការកែសម្រួលខ្លឹមសារ រូបដែលជាឧទាហរណ៍ ជាពិសេស ការរៀបចំ file ឯកសារ និងកំណត់របៀបក្នុងការកែសម្រួលលើអត្ថបទមួយដែលមានលក្ខណៈបច្ចេកទេសខ្ពស់ ទាមទារឱ្យមានការយកចិត្តទុកដាក់ និងហ្មត់ចត់ចៀសវាងកំហុសណាមួយកើតឡើយនៅក្នុងដំណាក់កាលនេះ ដោយហេតុថា ​file នីមួយៗ នឹងត្រូវកែសម្រួលច្រើនដង ហេតុនេះការរៀបចំទុកដាក់ឯកសារឱ្យបានត្រឹមត្រូវ ពិតជាមានសារសំខាន់។

ក្នុងជំហានទី២ នេះ មានអ្នកពិនិត្យចំនួន ៣រូប គឺលោកស្រីស្ថាបនិក លោកមេធាវី អ៊ីវ ប៉ូលី (សហអ្នកនិពន្ធ) និងលោកមេធាវី សោម រតនា ព្រមទាំងក្រុមការងារជាច្រើនរូប។

ជំហានទី២ ចាប់ផ្តើមពីថ្ងៃទី១៨ ខែឧសភា ហើយគ្រោងនឹងបញ្ចប់ត្រឹមថ្ងៃទី១៨ ខែកញ្ញា ឆ្នាំ២០២៦។

សង្ឃឹមថា សៀវភៅនេះនឹងល្អដូចអ្វីដែលបានគ្រោងទុក ហើយមានការគាំទ្រពីនិស្សិតច្បាប់ និងអ្នកច្បាប់ តាមរយៈការជាវ សម្រាប់ជាឯកសារជំនួយស្មារតី។
——————————
Commencement of Phase 2 of Law on Succession Textbook Project

Phase 1 of the project involved the initial drafting stage. All co-authors began preparing their respective manuscripts starting from November 2024, with completion planned for June 2026.

This has been a challenging journey for the five co-authors, who were required to write, participate in discussion meetings, and revise the combined content across the book’s eight chapters. The total manuscript may exceeds 1,000 pages, incorporating theoretical discussions—especially detailed explanations of each article of the succession law in Civil Code—along with other relevant issues. It is believed to go beyond what has previously been available in academic writings on succession law.

The commencement of Phase 2 marks the beginning of the review stage, focusing on content, coherence, structure, inclusion of illustrative examples, and other aspects. This phase is the responsibility of the reviewers, coordinators, and the working team.

This stage is no less demanding than Phase 1, as it requires careful editing of the content, illustrative materials, and especially the organization of document files, as well as establishing proper methods for revising a highly technical manuscript. Great attention and precision are necessary to avoid any errors during this stage, since each file will undergo multiple revisions. Therefore, proper document management is critically important.

In Phase 2, there are three reviewers: the Founder, Attorney IV Poly (co-author), and Attorney SOM Ratana, along with several team members.

Phase 2 begins on May 18 and is scheduled to be completed by September 18, 2026.

It is hoped that this book will meet expectations and receive support from law students and legal professionals through purchases, serving as a valuable reference resource.

17/05/2026

អត្ថបទស្តីពី «អានុភាពនៃបណ្តាំ» រៀបរៀងដោយលោកមេធាវី វ៉ៃ ភីរក្ស អ្នកបណ្តុះបណ្តាលនៃវិភាគទានច្បាប់

(ភ្នំពេញ)៖ សម្រាប់អត្ថបទនេះ ប្រិយមិត្តនឹងបានស្វែងយល់បន្ថែមទៀត ជុំវិញបញ្ហាពាក់ព័ន្ធនឹងបណ្តាំមត៌ក ដែលផ្តោត...

16/05/2026

[English Below]
សប្តាហ៍នេះ ជាពេលទី១ នៃមេរៀនស្តីពី «កាតព្វកិច្ចដែលកើតចេញពីកិច្ចសន្យា» ដែលផ្តោតសំខាន់លើផ្នែកទី១ ស្តីពី «ការបង្កើតកិច្ចសន្យា»

អ្វីទៅជាកិច្ចសន្យា? ត្រឹមតែជាការព្រមព្រៀង តើកិច្ចសន្យាមានអានុភាពដែរឬទេ? ដើម្បីឱ្យកិច្ចសន្យាមួយមានសុពលភាពពេញលេញ តើភាគីត្រូវមានសមត្ថភាពអ្វីខ្លះ? តើខ្លឹមសារ/កម្មវត្ថុនៃកិច្ចសន្យាបែបណា ទើបអាចបង្កើតកិច្ចសន្យាបាន ហើយមានអានុភាព?

«កាតព្វកិច្ចដែលកើតចេញពីកិច្ចសន្យា» ជាផ្នែកមួយនៃមុខវិជ្ជា សិទ្ធិលើបំណុល/កាតព្វកិច្ច ដែលត្រូវបានបណ្តុះបណ្តាលដោយកញ្ញាមេធាវី ឈុំ​ មុនីសុជាតា អ្នកបណ្តុះបណ្តាលវិភាគទានច្បាប់ ចំនួន​ ៤ពេល នៅក្នុងវគ្គបណ្តុះបណ្តាលជំនាន់ទី១០ ដោយផ្ទាល់ និងបន្ថែមការសិក្សាតាមប្រព័ន្ធអនឡាញ។

មុខវិជ្ជានេះ ត្រូវបានបែងចែកជា ៤ផ្នែក៖
- ផ្នែកទី១ ការបង្កើតកិច្ចសន្យា
- ផ្នែកទី២ មោឃភាព និងការលុបចោល
- ផ្នែកទី៣ ការរំលាយកិច្ចសន្យា
- ផ្នែកទី៤ កិច្ចសន្យាសំខាន់ៗ

———————————————
This week is the First Session of "Obligations Arising from a Contract" which focus of Part 1 : Formation of Contract.

What is Contract mean?
If it is merely an agreement, does a contract still have legal effect?
In order for a contract to be fully valid, what legal capacities must the parties posses?
What kind of content/object of a contract is required for a contract to be formed and legally effective?

"Obligations Arising from a Contract" is a part of Obligation Law/ Obligations which presented by Attorney CHHUM Monysocheata, CL's trainer, through four session in CL10 in-person, supplemented by additional online learning.

This subject separated 4 parts as:
- Part 1 : Formation of Contract
- Part 2 : Nullity and Recession
- Part 3 : Termination of Contract
- Part 4 : Particular Types of Contract

15/05/2026

[English Below]
កិច្ចប្រជុំពិភាក្សាស្តីពីការអនុវត្តអនុស្សរណៈនៃការយោគយល់គ្នាលើកទី៥ រវាងវិភាគទានច្បាប់ និងក្រុមហ៊ុនមេធាវីកម្ពុជាសហប្រតិបត្តិការអន្តរជាតិ (CIC)
======================
នាព្រឹកថ្ងៃសុក្រ ទី១៥ ខែឧសភា ឆ្នាំ២០២៦ លោកស្រីមេធាវី ទេព បូផល ស្ថាបនិកវិភាគទានច្បាប់ និងក្រុមការងារ បាន ជួបពិភាក្សាការងារជាមួយ លោកមេធាវី លី រដ្ឋធី ប្រធានក្រុមហ៊ុនមេធាវីកម្ពុជាសហប្រតិបត្តិការអន្តរជាតិ អំពីការអនុវត្តអនុស្សរណៈនៃការយោគយល់គ្នា
លើកទី៥ ដោយមានរបៀបវារៈដូចខាងក្រោម៖

១. ការរៀបចំសិក្ខាសាលា
ពិនិត្យឡើងវិញអំពីរបៀបវារៈក្នុងការចុះឈ្មោះ
និងរៀបចំសាលសម្រាប់រៀបចំសិក្ខាសាលា

កាលបរិច្ឆេទនៃការរៀបចំសិក្ខាសាលា (ការចាត់ចែងជាបណ្តោះអាសន្នដែលកំណត់ឋានៈជាបណ្តោះអាសន្ន នឹងរៀបចំនៅខែកក្កដា ឆ្នាំ២០២៦/ បណ្តឹងទាមទារឱ្យប្រមូលបំណុល នឹងរៀបចំនៅខែកញ្ញា ឆ្នាំ២០២៦/ ប្រាតិភោគដោយអនុប្បទាន នឹងរៀបចំនៅខែមករា ឆ្នាំ២០២៧ និង ការទទួលបន្ទុកហានិភ័យនឹងរៀបចំនៅខែមីនា ឆ្នាំ២០២៧) ។

២. ការសរសេរអត្ថបទចុះផ្សាយ
វិភាគទានច្បាប់នឹងបន្តផ្តល់អត្ថបទល្អៗដែល
ពាក់ព័ន្ធនឹងជីវភាពរស់នៅប្រចាំថ្ងៃរបស់ប្រជាពល
រដ្ឋ ហើយការផ្តល់អត្ថបទ នឹងមិនយឺតយូរ ។

៣. ភាពជាដៃគូ
ក្រុមហ៊ុនមេធាវី CIC នឹងជួយគាំទ្រជាថវិកា សម្រាប់ការរៀបចំកម្មវិធីសិក្ខាសាលារបស់
វិភាគទានច្បាប់ក្នុងគម្រោងសរសេរសៀវភៅនីតិ
សន្តតិកម្ម ដែលនឹងគ្រោងរៀបចំនៅខែកក្កដា

៤. ការពិភាក្សាអំពីកម្មវិធីទទួលវិញ្ញាបនបត្រនៃគម្រោង MOU៤ ដែលបានរៀបចំនាពេលកន្លងមក ព្រមទាំងកំណត់យន្តការមួយចំនួនសម្រាប់អនុវត្តនៅពេលបញ្ចប់ MOU៥
——————————————

Meeting on the Implementation of the 5th Memorandum of Understanding (MOU) between Contribution of Law and Cambodia International Cooperation Law Firm (CIC)

On Friday morning, May 15, 2026, Attorney TEP Bophal, Founder of Contribution of Law, together with her team, met with Attorney LY Rathy, President of Cambodia International Cooperation Law Firm (CIC), to discuss the implementation of the 5th Memorandum of Understanding (MOU), with the following agenda:

1. Seminar Organization
Reviewing the agenda regarding participants registration and preparation of the venue for the seminar.
Tentative seminar schedule:
- Provisional Disposition Establishing Provisional Status — planned for July 2026
- Debt Collection Claims — planned for September 2026
- Transfer as Security — planned for January 2027
- Risk Responsibility — planned for March 2027

2. Legal Publication
Contribution of Law will continue providing useful articles related to the daily lives of citizens, and the publication of articles will be carried out promptly without delay.

3. Partnership
CIC Law Firm will provide financial support for Contribution of Law’s seminar programs under the Law on Succession Textbook project, which is planned for July.

4. Discussion about the certificate-awarding program for MOU4 projects that were previously organized, as well as determining several mechanisms for implementation upon the completion of MOU5.

10/05/2026

[English Below]
ពិធីចុះអនុស្សរណៈនៃការយោគយល់លើកទី៥ រវាងវិភាគទានច្បាប់ និងក្រុមហ៊ុនមេធាវីកម្ពុជាសហប្រតិបត្តិការអន្តរជាតិ និងចែកវិញ្ញាបនបត្របញ្ជាក់ការសិក្សាដល់សិក្ខាកាមនៃវគ្គបណ្ដុះបណ្ដាល ក្នុងគម្រោងអនុស្សរណៈនៃការយោគយល់លើកទី៤។

នារសៀល ថ្ងៃសៅរ៍ ទី៩ ខែឧសភា ឆ្នាំ២០២៦ វិភាគទានច្បាប់ និងក្រុមមេធាវីកម្ពុជាសហប្រតិបត្តិការអន្តរជាតិ (ក្រុមហ៊ុនមេធាវីស៊ីអាយស៊ី) បានរៀបចំនូវពិធីចុះអនុស្សរណៈនៃការយោគយល់លើកទី៥ និងចែកវិញ្ញាបនបត្របញ្ជាក់ការសិក្សាដល់សិក្ខាកាមនៃវគ្គបណ្ដុះបណ្ដាល ក្នុងគម្រោងអនុស្សរណៈនៃការយោគយល់លើកទី៤ ក្រោមអធិបតីភាព លោកមេធាវី លី រដ្ឋធី ប្រធានក្រុមហ៊ុនមេធាវីស៊ីអាយស៊ី និងលោកស្រីមេធាវី ទេព បូផល ស្ថាបនិកវិភាគទានច្បាប់ ដោយវត្តមានថ្នាក់ដឹកនាំក្រុមមេធាវីស៊ីអាយស៊ី អ្នកបណ្ដុះបណ្ដាលនៃវិភាគទានច្បាប់ ក្រុមការងារ ភ្ញៀវកិត្តិយស និងអ្នកចូលរួមប្រមាណ ៨០នាក់។

ជាកិច្ចចាប់ផ្ដើម លោកមេធាវី ចំរើន ប៊ុនរ៉ុង បានធ្វើសេចក្ដីរាយការណ៍ជូនអង្គពិធីនូវសកម្មភាពការងារដែលបានអនុវត្តនៅក្នុងគម្រោងអនុស្សរណៈនៃការយោគយល់លើកទី៤។ នាឱកាសនោះ លោកស្រីមេធាវី ទេព បូផល បានថ្លែងនូវមតិចំណាប់អារម្មណ៍ដោយបានគូសរំលេចនូវកិច្ចសហការរវាងស្ថាប័នទាំងពីរដែលបានចាប់ផ្ដើមតាំងពីឆ្នាំ២០២០ ផ្ដោតទៅលើការបណ្ដុះបណ្ដាលច្បាប់ផ្នែករដ្ឋប្បវេណី ពីសំណាក់វិភាគទានច្បាប់ជូនដល់មេធាវី និងបុគ្គលិកនៃក្រុមហ៊ុនស៊ីអាយស៊ី ហើយនៅក្នុងកិច្ចសហការជាបន្តបន្ទាប់ ការបណ្ដុះបណ្ដាលបានពង្រីកវិសាលភាពរហូតដល់អ្នកវិជ្ជាជីវៈច្បាប់ ជំនួយការ និងនិស្សិតច្បាប់ពីគ្រប់មជ្ឈដ្ឋាន។ បន្ថែមពីការបណ្ដុះបណ្ដាលនេះ ក្នុងក្របខណ្ឌនៃអនុស្សរណៈនៃយោគយល់ ស្ថាប័នទាំងពីរបានសហការសរសេរអត្ថបទច្បាប់ខ្លីៗដើម្បីចុះផ្សាយលើបណ្ដាញសារព័ត៌មាន Fresh News ផងដែរ។ នៅក្នុងអនុស្សរណៈនៃការយោគយល់លើកទី៥នេះ ស្ថាប័នទាំងពីរគ្រោងនឹងរៀបចំវគ្គបណ្ដុះបណ្ដាលតាមរយៈសិក្ខាសាលាលើប្រធានបទផ្សេងៗពាក់ព័ន្ធនឹងវិស័យរដ្ឋប្បវេណី និងការសរសេរអត្ថបទច្បាប់ខ្លីៗដើម្បីផ្សព្វផ្សាយ ហើយលោកស្រីមេធាវី រំពឹងថាកិច្ចសហការរវាងស្ថាប័នទាំងពីរនឹងនៅតែបន្ត ហើយកាន់តែរីកចម្រើនទៅមុនជានិរន្តរ៍ ដើម្បីចូលរួមក្នុងសកម្មភាពនៃការចែករំលែកចំណេះដឹងផ្នែកច្បាប់ ដែលជាគោលដៅចូលរួមបម្រើវិស័យយុត្តិធម៌។

ថ្លែងក្នុងមតិស្វាគមន៍ លោកមេធាវី លី រដ្ឋធី បានលើកឡើងពីលទ្ធផលដែលសម្រេចបានក្នុងគម្រោងអនុស្សរណៈនៃការយោគយល់ទាំង៤លើកកន្លងមក ដែលបានពង្រឹងសមត្ថភាពច្បាប់ផ្នែករដ្ឋប្បវេណីជូនដល់មេធាវី និងបុគ្គលិកនៃក្រុមហ៊ុនមេធាវីស៊ីអាយស៊ី ព្រមទាំងអ្នកពាក់ព័ន្ធក្នុងវិស័យច្បាប់ផ្សេងទៀត។ បន្ថែមពីកិច្ចសហការដែលមានស្រាប់ លោកមេធាវីបានបង្ហាញពីការតំឡើងកម្រិតនៃកិច្ចសហការរវាងស្ថាប័នទាំងពីរ ដែលនឹងមាននៅក្នុងអនុស្សរណៈនៃការយោគយល់លើកទី៥ តាមរយៈការចូលរួមជាមួយវិភាគទានច្បាប់ទាំងថវិកា សម្ភារៈ និងស្មារតី ក្នុងសកម្មភាពនៃកម្មវិធីចែករំលែកចំណេះដឹងរបស់វិភាគទានច្បាប់ ដែលគ្រោងនឹងធ្វើឡើងនាពេលអនាគត។

ជាកិច្ចបញ្ចប់នៃកម្មវិធី គណៈអធិបតីបានផ្ដល់កិត្តិយស ចែកនូវវិញ្ញាបនបត្របញ្ជាក់ការសិក្សាជូនដល់សិក្ខាកាមប្រមាណជា ៥០នាក់នៃវគ្គបណ្ដុះបណ្ដាលតាមរយៈសិក្ខាសាលាទាំងបួនលើក លើប្រធានបទបួនផ្សេងគ្នាពាក់ព័ន្ធផ្នែករដ្ឋប្បវេណី និងនីតិវិធីរដ្ឋប្បវេណី ផ្អែកតាមគម្រោងអនុស្សរណៈនៃការយោគយល់លើកទី៤រវាងវិភាគទានច្បាប់ និងក្រុមហ៊ុនមេធាវីស៊ីអាយស៊ី។
=====================
Signing Ceremony of the 5th Memorandum of Understanding Between Contribution of Law and Cambodia International Cooperation Law Firm, and Certificate Awarding for Participants Under the 4th MoU Training Program.

On the afternoon of Saturday, 9th May 2026, Contribution of Law and Cambodia International Cooperation Law Firm (CIC Law Firm) jointly organized the signing ceremony of the 5th Memorandum of Understanding (MoU) and the certificate awarding for participants who completed the training programs conducted under the 4th MoU. The ceremony was presided over by Attorney LY Rathy, President of CIC Law Firm, and Attorney TEP Bophal, Founder of Contribution of Law, in the presence of the management of CIC Law Firm, trainers of Contribution of Law, staff, members, and distinguished guests approximately 80 participants.

At the beginning of the ceremony, Attorney CHAMROEUN Bunrong presented a report on the activities and achievements implemented under the 4th MoU. On that occasion, Attorney TEP Bophal delivered her remarks, highlighting the collaboration between the CL and CIC which began in 2020 and initially focused on providing civil law training by Contribution of Law to the lawyers and staff of CIC Law Firm. Through continued cooperation, the training programs have expanded to include legal professionals, legal assistants, and law students from various backgrounds. In addition to the training activities, under the framework of the MoU, the CL and CIC have also collaborated in drafting short legal articles for dissemination on Fresh News. Under the 5th MoU, both institutions plan to organize further training programs and seminars on various topics related to civil law, as well as continue producing short legal articles for dissemination. Attorney TEP Bophal expressed her hope that the cooperation between the CL and CIC will continue to grow and prosper sustainably, contributing to the sharing of legal knowledge and supporting the justice sector.

In his welcoming remarks, Attorney LY Rathy emphasized the achievements accomplished through the previous 4th MoU, which have strengthened the civil law capacity of lawyers and staff of CIC Law Firm, as well as other persons in the legal sector. Beyond the existing cooperation, he also highlighted the elevation of collaboration under the 5th MoU, through which CIC Law Firm will support Contribution of Law both financially, materially, and mentality in future knowledge-sharing programs and activities organized by Contribution of Law.

At the end, certificates of completion were awarded to approximately 50 participants who participated in four seminars on four different topics related to civil law and civil procedure, conducted under the 4th MoU.

06/05/2026

[English Below]

លោកមេធាវី សោម រតនា ជាអ្នកបណ្តុះបណ្តាលនៃវិភាគទានច្បាប់ និងជាបណ្ឌិតច្បាប់មកពីសាកលវិទ្យាល័យ កូបេ ប្រទេសជប៉ុ​ន ជំនាញអំពើអនីត្យានុកូល។ នៅក្នុងវគ្គបណ្តុះបណ្តាលជំនាន់ទី ១០ នេះ លោកមេធាវី សោម រតនា នឹងបណ្តុះបណ្តាលលើមុខវិជ្ជាគោលចំនួន៣ ដល់សមាជិក រួមមាន៖ ១. របៀបអានក្រមរដ្ឋប្បវេណី ២. អំពើអនីត្យានុកូល និង ៣. សិទ្ធិប្រត្យក្ស។

ក្រោយបញ្ចប់ការបណ្តុះបណ្តាលលើរបៀបអានក្រមរដ្ឋប្បវេណី លោកមេធាវីនឹងបន្តការបណ្តុះបណ្តាលលើអំពើអនីត្យានុកូល ដែលជាឯកទេសរបស់លោក ដោយផ្តោតលើសញ្ញាណទូទៅនៃអំពើអនីត្យានុកូល អំពើអនីត្យានុកូលទូទៅ និងអំពើអនីត្យានុកូលពិសេស ព្រមទាំងអានុភាព (សំណង) ផងដែរ។ មុខវិជ្ជានេះ ជាមុខវិជ្ជាមួយដ៏សំខាន់ក្នុងការសិក្សាស្វែងយល់ ដោយហេតុថា អំពើអនីត្យានុកូល មានទំនាក់ទំនងយ៉ាងជិតស្និទ្ធជាមួយនឹងជីវភាពរស់នៅប្រចាំថ្ងៃ។

ជួបគ្នាឆាប់ៗនៅក្នុងវគ្គបណ្តុះបណ្តាល ជំនាន់ទី១០!
————————————
[English Below]

Attorney SOM Ratana is a CL's trainer and holds a Doctor of Law degree from Kobe University, specializing in tort law. In CL 10, Attorney SOM Ratana will teach three core subjects to the members, including:
1. How to Read the Civil Code
2. Tort Law
3. Real Rights

After completing the training on how to read the Civil Code, he will present Tort Law to the student, which is his area of expertise, focusing on the general concepts of torts, general torts, special torts, as well as legal effects (compensation/remedies). This subject is considered one of the important areas of study because tort law is closely connected to everyday life and daily living situations.

See you soon CL 10!

05/05/2026

[English Below]
សញ្ញាណទូទៅនៃកាតព្វកិច្ច ជាមុខវិជ្ជាមួយដែលត្រូវបានបញ្ចូលក្នុងវគ្គបណ្តុះបណ្តាលជំនាន់ទី១០ ដើម្បីជាមូលដ្ឋានសម្រាប់ឱ្យសមាជិកបានសិក្សាស្វែងយល់អំពីលក្ខណៈទូទៅនៃសិទ្ធិលើបំណុល មុននឹងសិក្សាចំណុចលម្អិតផ្សេងទៀត​នៃសិទ្ធិបំណុល។

មុខវិជ្ជានេះ ត្រូវបានណ្តុះបណ្តាលដោយលោកស្រីមេធាវី ទេព បូផល ស្ថាបនិកវិភាគទានច្បាប់ ចំនួន ១ពេល ដោយផ្ទាល់ និងបន្ថែមការសិក្សាតាមប្រព័ន្ធអនឡាញ។ ជាលទ្ធផលរំពឹងទុកសមាជិកនឹងអាចស្វែងយល់អំពី៖
-ប្រភពនៃកាតព្វកិច្ច
-ប្រភេទនិងបែបយ៉ាងនៃកាតព្វកិច្ច
-លក្ខខណ្ឌ កំណត់ពេល និងអំឡុងពេល
-ការរំលត់កាតព្វកិច្ច
——————————
General Concept of Obligations is a subject included in CL 10, serving as a foundational course for members to study and understand the general characteristics of rights in obligations before proceeding to other detailed aspects of obligation law.

This subject is presented by Attorney TEP Bophal, CL founder, through one in-person session, supplemented by additional online learning.

As expected outcomes, participants will be able to understand:
- The sources of obligations
- The types and forms of obligations
- Conditions, terms, and periods
- The extinguishment of obligations