25/06/2019
ព័ត៌មានអេឡិចត្រូនិចសម្រាប់បញ្ញើប្រៃសណីយ៍កម្ពុជា
👉- តើអ្វីទៅជាCN23?
👉CN23 គឺជាព័ត៌មានឬជាឯកសារគយ សម្រាប់ប្រើក្នុងការផ្ញើបញ្ញើឆ្លងកាត់ពីប្រទេសមួយទៅកាន់ប្រទេសមួយទៀតតាមរយៈសេវារបស់ប្រៃសណីយ៍។
ឬយើងអាចហៅម្យ៉ាងទៀតថាប្រតិវេទន៍គយ ឬការប្រកាសព័ត៌មានជូនគយពិនិត្យ។
មិនមានន័យថារាល់ព័ត៌មាននៅលើលិខិតនេះ ឬបញ្ញើដែលអតិថិជនផ្ញើនោះត្រូវបានបង់ពន្ធគយរួចហើយនោះទេ។
យើងប្រើព័ត៌មានទាំងនេះដើម្បីជូនគយនៃប្រទេសដែលបញ្ញើត្រូវផ្ញើទៅពិនិត្យ និងវាយតម្លៃអន្តរវត្ថុណាមួយត្រូវបង់ពន្ធ (ជាពន្ធនាំចូល) ក្នុងកញ្ចប់បញ្ញើទាំងមូលជូនប្រទេសគេ។
ព័ត៌មានទាំងនោះត្រូវបានកំណត់ និងត្រូវបំពេញជាដាច់ខាតដើម្បីឲ្យបញ្ញើរបស់លោកអ្នកនាងកញ្ញា បានចែកដល់ដៃអ្នកទទួលមានដូចខាងក្រោម៖
👉A- ជាលេខកូដសំគាល់ទំនិញឬបញ្ញើប្រៃសណីយ៍នីមួយៗ
👉B- ជាព័ត៌មានលំអិតរបស់អ្នកផ្ញើបញ្ញើ
👉C- ជាព័ត៌មានលំអិតរបស់អ្នកទទួលបញ្ញើ
👉D- ជាព័ត៌មានលំអិតដែលអ្នកផ្ញើត្រូវប្រកាសថាតើនៅក្នុងកញ្ចប់បញ្ញើនីមួយៗមានអ្វីខ្លះ មានចំនួនប៉ុន្មាន និងមានទំងន់ប៉ុន្មានក្នុងមួយមុខៗ?
👉ចំណាំ ក្នុងករណីបងប្អូនមិនបានបំពេញព័ត៌មានទាំងនេះទេ គយប្រទេសគោលដៅនឹងឃាត់ ឬរក្សាទុក ឬលក្ខខណ្ឌគយប្រទេសខ្លះនឹងត្រូវផ្ញើបញ្ញើនោះត្រលប់មកប្រទេសដើមវិញ។
រាល់អន្តរវត្ថុដែលហាមឃាត់ អ្នកផ្ញើមានសិទ្ធិក្នុងការកំណត់ដូចជា៖
- ចាត់ទុកជាចោល
- ឬផ្ញើត្រលប់មកវិញ អ្នកផ្ញើជាអ្នកចំណាយសាហ៊ុយផ្ញើ
👉E- ការកំណត់ប្រភេទអន្តរវត្ថុ អ្នកផ្ញើត្រូវកំណត់ដោយខ្លួនផ្ទាល់ថាបញ្ញើនោះជាបញ្ញើប្រភេទអ្វី
- អំណោយ
- ឯកសារ
- ទំនិញ
- ទំនិញផ្ញើត្រឡប់
- គំរូទំនិញ
- ផ្សេងៗ
👉F- ជាព័ត៌មានដែលត្រូវបានបំពេញដោយបញ្ជរទទួលបញ្ញើរបស់ប្រៃសណីយ៍
👉G- ជាព័ត៌មានដាក់ភ្ជាប់ឯកសារមួយចំនួនទាក់ទងនិងបញ្ញើអាចផ្ញើបានហើយចាំបាច់ត្រូវមានលិខិតអនុញ្ញាត ឬច្បាប់អនុញ្ញាតទើបអាចផ្ញើបាន ឬInvoiceនៃទំនិញនីមួយៗក្នុងកញ្ចប់បញ្ញើប្រៃសណីយ៍។
រាល់ចម្ងល់ផ្សេងៗដែលទាក់ទងនិងព័ត៌មានទាំងនេះសូមលោកអ្នកនាងកញ្ញាទំលាក់សំណួរមកកាន់ Inbox ផេករបស់ប្រៃសណីយ៍កម្ពុជា។
ប្រៃសណីយ៍កម្ពុជាសង្ឃឹមយ៉ាងមុតមាំថាអតិថិជនរបស់ប្រៃសណីយ៍កម្ពុជាចូលរួមបំពេញរាល់ព័ត៌មានទាំងឡាយដែលបានដាក់បង្ហាញជូនជាគំរូនៅទីនេះ៕
សូមព្រះគុណ និងអរគុណ!
