ក្រុមហ៊ុនមេធាវី ខ្មែរអប្សរា-Khmer Apsara Law Firm

03/03/2026

ថ្ងៃនេះក្រុមហ៊ុនមេធាវីខ្មែរអប្សរា បានទទួលព័ត៌មានថា ក្មួយប្រុស​ ហួ​ វ៉េងហ៊ត់ ដែលមានតួនាទីជាជំនួយការមេធាវីបានទទួលលទ្ធផលស្ថាពរនៃការប្រឡងជ្រើសរើសមន្ត្រីលក្ខន្តិកៈរបស់អាជ្ញាធរសេវាហិរញ្ញវត្ថុមិនមែនធនាគារសម្រាប់ចូលបម្រើការងារនៅនិយ័តករបរធនបាលកិច្ច សូមជូនពរក្មួយបានសម្រេចបេសកកម្មនេះនិងទទួលបានជោគជ័យគ្រប់ភារៈកិច្ចគ្រប់ពេលវេលា👏👏❤️❤️

22/01/2026

នារសៀលថ្ងៃព្រហស្បត៌៍ ទី២២ ខែមករា ឆ្នាំ២០២៦ ក្រុមហ៊ុនមេធាវីខ្មែរអប្សរា មានសេចក្តីសោមនស្សរីករាយក្រៃលែងដែលទទួលដំណឹងថា ក្មួយស្រី ខាត់ សុផាន្នាជាប់ក្រឡាបញ្ជី ជាស្ថាពរ នេះជាលទ្ធផលដែលក្មួយបានខិតខំប្រឹងប្រែងដោយមិនខ្លាចនឿយហត់ទើបមានលទ្ធផលដែលក្មួយស្រីសមទទួលបាន សូមជូនពរក្មួយស្រីបន្តបេសកកម្មទៅមុខទៀតដើម្បីបានបម្រើជាតិមាតុភូមិនៃយើង តាមមាគ៌ាច្បាប់នៃព្រះរាជាណាចក្រកម្ពុជា 🙏🙏។

21/01/2026

នៅថ្ងៃពុធ ៣កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែមករា ឆ្នាំ២០២៦, ឯកឧត្តម ពេជ្រ សូរិយា ប្រធានក្រុមហ៊ុនមេធាវី ឯកឧត្តម គឹម សម្បត្តិ ទីប្រឹក្សា អមក្រសួងយុត្តិធម៍ និង លោក លោកស្រីមេធាវី នៃក្រុមហ៊ុនមេធាវីខ្មែរអប្សរា បានទទួលស្វាគមន៍ លោកបណ្ឌិត ពៅ វិបុល ប្រធាននាយកដ្ឋាន និងជាប្រធានផ្នែកស្រាជ្រាវ នៃសាលាច្បាប់ និងមន្ត្រីសាលាច្បាប់ ដែលបានដឹកនាំនិស្សិតបរិញ្ញាបត្រជាន់ខ្ពស់ជំនាញតុលាការ ជំនាន់ទី១ ចំនួន ៧ នាក់ ចុះកម្មសិក្សា នៅក្រុមហ៊ុនមេធាវីខ្មែរអប្សរា រយៈពេល ១ ខែ។

ការចុះកម្មសិក្សានេះ មានគោលបំណងបង្កើនប្រសិទ្ធភាព នៃការបណ្តុះបណ្តាល ដោយផ្សារភ្ជាប់ទ្រឹស្តី នឹងការអនុវត្តជាក់ស្តែង ឲ្យស្របតាមលក្ខណៈបច្ចេកទេស និងគរុកោសល្យនៃកម្មវិធីសិក្សាសម្រាប់និស្សិតបរិញ្ញាបត្រជាន់ខ្ពស់ជំនាញតុលាការ នៅសាលាច្បាប់ នៃបណ្ឌិត្យសភាភូមិន្ទយុត្តិធម៌កម្ពុជា។

ឯកឧត្តម ពេជ្រ សូរិយា បានបញ្ជាក់ថាលោកនឹងជួយពិនិត្យមើលនិងណែនាំបន្ថែមក្នុងករណីខ្វះចន្លោះ ព្រមទាំងចាត់ឯកឧត្តម គឹម សម្បត្តិ ជាគ្រូនិងសមាជិកមេធាវី ព្រមទាំងជំនួយការមេធាវី ជួយជ្រោមជ្រែងក្នុងពេលចុះកម្មសិក្សានេះអោយទទួលបានផលគួរជាទីពេញចិត្ត នេះជាការផ្លាស់ប្តូរនូវចំេណះនិងជំនាញតុលាការនិងប្រព័ន្ធច្បាប់នៅកម្ពុជាអោយកាន់តែប្រសើរឡើង។

21/01/2026

នៅរសៀលថ្ងៃពុធ ៣កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែមករា ឆ្នាំ២០២៦​ ឯកឧត្តម ពេជ្រ សូរិយា ប្រធានក្រុមហ៊ុនមេធាវី ខ្មែរអប្សរា និង​សមាជិក​មេធាវី​ នៃ​ក្រុមហ៊ុន​មេធាវី​ ខ្មែរ​អប្សរា​ បានទទួល​ស្វាគមន៍​ លោកបណ្ឌិត ពៅ វិបុល ប្រធាននាយកដ្ឋាន និងជាប្រធានផ្នែកស្រាជ្រាវ នៃសាលាច្បាប់ និងមន្ត្រីសាលាច្បាប់ នៃ​រាជ​បណ្ឌិត្យ​សភា​ភូមិន្ទ​យុត្តិធម៌​កម្ពុជា​ ដែលបាន​ដឹកនាំនិស្សិតបរិញ្ញាបត្រជាន់ខ្ពស់ជំនាញតុលាការ ជំនាន់ទី១ ចំនួន ៧នាក់ ដេីម្បី​មកចុះកម្មសិក្សានៅក្រុមហ៊ុនមេធាវី​ ខ្មែរអប្សរា រយៈពេល ១ខែ។

04/08/2025

04/08/2025

នៅរសៀលថ្ងៃសៅរ៍ ៨កើត ខែស្រាពណ៍ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី២ ខែកក្កដា ឆ្នាំ២០២៥, ឯកឧត្តម ពេជ្រ សូរិយា ប្រធានក្រុមហ៊ុនមេធាវី ខ្មែរអប្សរា បានអមដំណើរ ឯកឧត្ដម សួន វិសាល រដ្ឋលេខាធិការក្រសួងយុត្តិធម៌ ប្រធានក្រុមការងាររាជរដ្ឋាភិបាល អនុប្រធានទី១ក្រុមការងារបក្ស ចុះមូលដ្ឋានស្រុកកំរៀង ខេត្តបាត់ដំបង បាននាំយកអំណោយមនុស្សធម៌ទៅចែកជូនបងប្អូនភៀសសឹក និងពលករចំណូលស្រុកមកពីប្រទេសថៃ ចំនួន ៣០០ គ្រួសារ នៅមូលដ្ឋានស្រុកកំរៀង ខេត្តបាត់ដំបង និងចូលរួមគោរពវិញ្ញាណក្ខន្ធសពវីរៈយុទ្ធជនពលី ១រូប នៅភូមិអូរគគី ឃុំអូរដា ស្រុកកំរៀង ខេត្តបាត់ដំបង។

31/07/2025

នៅថ្ងៃទី២៩ ខែកក្កដា ឆ្នាំ២០២៥ លោកមេធាវី​ ពេជ្រ សូរិយា​ បានឧបត្ថម្ភ​នូវ​ លតឆារ ចំនួន ១៥០ប្រអប់ ជូនដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដើម្បីចែកជូនក្រុមការងារសមាគមពិសារក្នុងពេលរៀបចំថ្នាំសង្គ្រោះបឋម (ឃីត) និងសម្ភារៈផ្សេងៗ ចែកជូនកងទ័ពជួរមុខ និងប្រជាជនភៀសសឹក។
នេះ​គឺជាទឹក​ចិត្ត​ចូល​រួម​ចំណែកនៃកិច្ចការ​ងារមនុស្សធម៌​បន្តិច​បន្តួច​ក្នុង​ស្មារតី​ នៃការស្នេហាជាតិនិង​សាមគ្គី​ជាតិ​។ 🇰🇭

14/04/2025