https://www.facebook.com/106295305070407/

ក្រុមមេធាវី បញ្ញាវុធ, #23, Street 313/2011, Phum kork Khleang, Sangkat Kork Khleang, Khan Sen sok, Phnom Penh (2026)

Q: What is the address?

#23, Street 313/2011, Phum Kork Khleang, Sangkat Kork Khleang, Khan Sen Sok

19/02/2026

ក្រសួងមហាផ្ទៃ ប្រកាសដាក់ឱ្យប្រើប្រាស់ជាផ្លូវការ ប្រព័ន្ធទទួលពាក្យបណ្តឹងអនឡាញ។

16/02/2026

យើងខ្ញុំនៅធ្វើការធម្មតា។

15/02/2026

សេចក្តីណែនាំរួម ស្តីពី ការជូនដំណឹងអំពីសាលក្រម ឬសាលដីកាព្រហ្មទណ្ឌកំបាំងមុខ។

12/02/2026

#គន្លឹះអប់រំសំខាន់ៗករណីជម្លោះព្រំដែនរវាងកម្ពុជា-ថៃ ដោយផ្អែកលើមូលដ្ឋានច្បាប់

វាមិនអាចជាសង្គ្រាម/ជម្លោះដែលកើតឡើង ដោយមិនមានដំណោះស្រាយនោះទេ ព្រោះវាជាជម្លោះដែលអាចដោះស្រាយទៅតាមយន្តការច្បាប់ និងដោយសន្តិវិធី។ ដើម្បីស្វែងរកដំណោះស្រាយដោយសន្តិវិធីនោះបាន កម្ពុជាត្រូវប្រើប្រាស់ និងកំណត់ព្រំដែនដែលបានកំណត់តាំងពីសម័យអាណានិគម ដោយសន្ធិសញ្ញា និងផែនទី។ ព្រោះថាអ្វីដែលបានកើតឡើងរវាងព្រំដែននោះ ដោយសារតែមានការបកស្រាយខុសគ្នានៃឯកសារខ្លះៗ បណ្តាលឲ្យមានជម្លោះនៅតំបន់ខ្លះប៉ុណ្ណោះ។

យន្តការតាមផ្លូវច្បាប់ប្រើដើម្បីដោះស្រាយ មូលដ្ឋានសំខាន់ៗ គឺសន្ធិសញ្ញាអន្តរជាតិ (១៩០៤ ដល់១៩០៧) ដោយប្រើប្រាស់ផែនទីយោង និងសេចក្តីសម្រេចរបស់តុលាការយុត្តិធម៌អន្តរជាតិ (ICJ) គោលការណ៍ធម្មនុញ្ញរបស់អង្គការសហប្រជាជាតិ (UN Charter) ជាយន្តការដោះស្រាយដោយសន្តិវិធី និងសន្តិភាព។ ឧទាហរណ៍ ដូចជាប្រសាទព្រះវិហារ គឺតុលាការយុត្តិធម៌អន្តរជាតិ (ICJ) បានសម្រេចច្បាស់ថា ប្រាសាទព្រះវិហារ ស្ថិតក្នុងអធិបតេយ្យភាពកម្ពុជា (១៩៦២) ហើយឆ្នាំ ២០១៣ បានបញ្ជាក់អំពីតំបន់ជុំវិញប្រាសាទផងដែរ។

គ្មានប្រទេសមួយអាចបំពានដែនអធិបតេយ្យនៃប្រទេសណាមួយដោយប្រើកម្លាំងយោធាបាននោះទេ។ ច្បាប់អន្តរជាតិបានហាមប្រើកម្លាំង ដើម្បីបំពានដែនអធិបតេយ្យនៃប្រទេសផ្សេងទៀត ដូចបានចែងយ៉ាងច្បាស់នូវមាត្រា ២ នៃធម្មនុញ្ញអង្គការសហប្រជាជាតិ (UN Charter)។ យន្តការច្បាប់នេះ គឺការពារដែនអធិបតេយ្យដោយសន្តិវិធី និងសេចក្តីថ្លៃថ្នូរ និងរក្សាបានសន្តិភាព។

ក្នុងនាមជាប្រពលរដ្ឋក្នុងសង្គមមួយ តើគួរចូលរួមដោយរបៀបណា? ការបញ្ចេញមតិយោបល់ ទស្សននានា ត្រូវសិក្សាព័ត៌មានត្រឹមត្រូវ មិនចែករំលែកព័ត៌មានក្លែងក្លាយ ពន្យល់ដល់ប្រជាដទៃទៀតដោយភាសាសន្តិភាព/អហិង្សា ហើយត្រូវចូលរួមលើកស្ទួយការយល់ដឹងផ្លូវច្បាប់ និងនីតិរដ្ឋ ជៀសវាងការរិះគន់ អំពីព្រំដែនដែលមិនអាចដោះស្រាយបាន។ អាចធ្វើនូវអ្វីដែលអាចធ្វើបាន ដោយផ្អែកលើតថាភាពពិតមិនញុះញង់ឲ្យមានអំពើហិង្សា និងគោរពច្បាប់។

ក្រៅពីយន្តការខាងលើ តើ ASEAN មានតួនាទីអ្វី ត្រូវចូលរួមចំណែកក្នុងការដោះស្រាយជម្លោះនេះ? ASEAN ក៏មាននាទីដ៏សំខាន់ ត្រូវចូលរួមលើកស្ទួយការដោះស្រាយជម្លោះដោយសន្តិភាព តាមរយៈយន្តការការចរចា ការមិនប្រើកម្លាំង តែឯករាជ្យភាព និងមិនលំអៀង។

យុត្តាធិការ (jurisdiction) របស់តុលាការយុត្តិធម៌អន្តរជាតិ (ICJ) ដែលមិនមែនកើតឡើង ឬ ដំណើរការនីតិវិធីដោយស្វ័យប្រវត្តិទេ ប៉ុន្តែត្រូវមាន “ការយល់ព្រម” ពីរដ្ឋដែលពាក់ព័ន្ធ។

វិធីសាស្ត្រចម្បងៗ ដែល ICJ អាចមានយុត្តាធិការលើជម្លោះព្រំដែន កម្ពុជា-ថៃ គឺ៖ ១. ទាល់តែមានការយល់ព្រមរួមគ្នា (Special Agreement) រវាងទាំងពីររដ្ឋទទួលយកយន្តការនេះ។ កម្ពុជា និង ថៃ ចុះកិច្ចព្រមព្រៀងជាឯកសារផ្លូវការកំណត់ច្បាស់ថា បញ្ហាអ្វីខ្លះត្រូវដាក់ឲ្យ ICJ វិនិច្ឆ័យ ដោយកំណត់បញ្ហាឱ្យច្បាស់ (questions submitted to the Court) នេះក្នុងករណី ប្រសិនបើភាគីទាំងពីរយល់ព្រមទទួលយក ICJ នឹងមានយុត្តាធិការភ្លាមៗ។

មាត្រា ៣៦ នៃលក្ខន្តកៈតុលាការយុត្តិធម៌ បានចែងថា រដ្ឋអាចប្រកាសទទួលស្គាល់យុត្តាធិការជាមុន (compulsory jurisdiction)។ ប្រសិនបើ កម្ពុជា និង ថៃ ទាំងពីរ បានប្រកាសទទួលស្គាល់មាត្រា ៣៦ ដោយគ្មានការលាក់បាំងពីបញ្ហាព្រំដែន នោះ ICJ នឹងមានយុត្តាធិការដោយស្វ័យប្រវត្តិ ប៉ុន្តែជាការអនុវត្តន៍ជាក់ស្តែង ប្រការនេះ មានប្រទេសភាគច្រើនមិនទទួលស្គាល់ជម្លោះព្រំដែន ដើម្បីស្នើឱ្យ ICJ មានយុត្តាធិការដោះស្រាយបញ្ហានេះទេ។ ប៉ុន្តែ ងាកមកកម្ពុជា និងថៃវិញ បើមានសន្ធិសញ្ញា និងមាត្រាណាមួយដែលបានចែងច្បាស់អំពីកម្ពុជា និង ថៃ ជាភាគីដែលបានកំណត់ថា អំពីការដោះស្រាយជម្លោះ ឬអនុវត្ត ត្រូវជាសមត្ថកិច្ច ICJ នោះ ICJ អាចមានយុត្តាធិការតាមសន្ធិសញ្ញានោះ។ ឧទាហរណ៍៖ ករណីប្រាសាទព្រះវិហារ (១៩៦២ និង ២០១៣) គឺផ្អែកលើមូលដ្ឋានច្បាប់អន្តរជាតិ និងការយល់ព្រមរបស់ភាគី។

ប្រទេសមួយដាក់បណ្តឹងទៅ ICJ ប្រឆាំង/ជំទាស់នឹងប្រទេសមួយទៀត ដោយមិនមានការបដិសេធ នោះមានន័យថាព្រមទទួលយកយុត្តាធិការ និងចូលរួមក្នុងដំណើរការតុលាការអាចចាត់ទុកថា មានការយល់ព្រមតាមអនុវត្ត។ គន្លឹះសំខាន់នៃ ICJ គ្មានយុត្តាធិការដែលកើតឡើងដោយឯកឯងនោះទេ បើមិនមានបណ្តឹងណាមួយ។ យុត្តាធិការរបស់ ICJ ផ្អែកលើគោលការណ៍យល់ព្រមរបស់រដ្ឋ (State Consent Principle)

បើគ្មានការយល់ គឺគ្មានយុត្តាធិការ។ ប្រសិនបើភាគីណាមួយមិនយល់ព្រមទទួលយកICJ ក៏មិនអាចបង្ខំបានទេ។ ប៉ុន្តែក្នុងករណីនេះ ភាគីអាចប្រើប្រាស់ក្នុងយន្តការចរចារ (Negotiation) ការសម្របសម្រួល (Mediation) ការដោះស្រាយតាមយន្តការអាស៊ាន អាជ្ញាកណ្តាលអន្តរជាតិ (Arbitration) ជាដើម។

សរុបសេចក្តីមក ICJ អាចមានយុត្តាធិការលើជម្លោះព្រំដែន កម្ពុជា-ថៃ ប្រសិនបើមានការយល់ព្រមរួម មានការប្រកាស Optional Clause មានមាត្រាចែងច្បាស់លាស់ក្នុងសន្ធិសញ្ញាណាមួយ Compromisory Clause ឬមានការយល់ព្រមតាម Forum Prorogatum។

05/02/2026

ក្រុមមេធាវីបញ្ញាវុធ ត្រូវបានអញ្ជើញទៅធ្វើទស្សនកិច្ច និងចុះអនុស្សរណៈយោគយល់ (MOU) នៅការិយាល័យនៃក្រុមហ៊ុនមេធាវី B & D LAW FIRM នាក្រុង KUNMING, YUNNAN, សាធារណរដ្ឋប្រជាមានិតចិន។

31/01/2026

ឆ្លើយតបទៅនឹងការបញ្ចេញមតិជាច្រើនរបស់ប្រីយមិត្តដែលប្រើប្រាស់បណ្តាញសង្គម។ តាមធម្មតាការបញ្ចេញមតិខ្លះក្នុងន័យដើម្បីស្ថាបនា ខ្លះទៀតការបញ្ចេញមតិតាមអារម្មណ៍ដែលពុំសប្បាយចិត្តនូវទង្វើនៃអំណាចគ្រប់គ្រងរបស់សង្គម និងខ្លះទៀតក៏បានបញ្ចេញមតិក្នុងន័យសំដៅដល់ការអបរំ ជាដើម។

យើងខ្ញុំសូមចូលរួមជាយោបល់ ថាតើប្រជាពលរដ្ឋត្រូវចូលរួមបែបណា ដើម្បីបង្ការ ឬ កាត់បន្ថយនូវទស្សនយល់ឃើញថា ឥទ្ធិពលអំណាច និងទឹកប្រាក់ មកលើប្រព័ន្ធតុលាការក្នុងសង្គមមួយ។

តើតុលាការអាចឯករាជ្យបានទេ បើប្រជាពលរដ្ឋគ្រាន់តែបញ្ចេញមតិ ប៉ុន្តែមិនសកម្មក្នុងការចូល រួមកែលម្អនូវទង្វើដែលខ្លួនមើលឃើញថាជាបញ្ហា?

ខាងក្រោមជាវិធីដែលប្រជាពលរដ្ឋ អាចចូលរួមបង្ការ ឬ កាត់បន្ថយឥទ្ធពលអំណាច និងទឹកប្រាក់ លើប្រព័ន្ធតុលាការក្នុងសង្គមមួយបានដោយយ៉ាងណា?

ត្រូវយល់ដឹងច្បាប់ និងចេះប្រើប្រាស់សិទ្ធិរបស់ខ្លួន ត្រូវសិក្សាសិទ្ធិជាមូលដ្ឋាន (សិទ្ធិការពារ សិទ្ធិឆ្លើយតប សិទ្ធិប្តឹង) ត្រូវមានទំនុកចិត្ត “អ្នកជួយដោះស្រាយក្រៅប្រព័ន្ធ” ព្យាយាមដើរតាមនីតិវិធីច្បាប់ ជំនួសដោយការប្រើប្រាស់ទឹកប្រាក់។ បើប្រជាពលរដ្ឋមិនយល់ដឹងច្បាប់ និងចេះប្រើប្រាស់សិទ្ធិរបស់ខ្លួន នោះឥទ្ធិពលអំណាច និងទឹកប្រាក់អាចក្លាយជាឧបករណ៍នៃច្បាប់។

បដិសេធការប្រើប្រាស់ទឹកប្រាក់ និងអំណាចក្នុងការរកយុត្តិធម៌ ដោយផ្តើមចេញពីប្រជាពលរដ្ឋម្នាក់ៗ មន្រ្តីរដ្ឋការគ្រប់ឋានានុក្រម មិនផ្តល់ និងទទួលយកសំណូកសូកប៉ាណ។ កុំទុកចិត្តការសន្យា “ដោះស្រាយឲ្យឈ្នះ” កុំជំរុញឱ្យមានវប្បធម៌ អង្វរសុំយុត្តិធម៌ សុំការអនុគ្រោះ។ ទឹកប្រាក់មានអំណាច ព្រោះពាក្យស្លោកបុរាណពោលថា “មនុស្សនឹងប្រាក់ យក្សនឹងសាច់”។

ប្រើសិទ្ធិពលរដ្ឋ ដើម្បីចូលរួមសង្កេតការណ៍នីតិវិធីរបស់តុលាការ ចូលរួមសង្កេតការណ៍នីតិវិធីសវនាការ (ករណីសវនាការជាសាធារណៈ)។ សាកសួរ ស្នើរកព័ត៌មាន និងទាមទារឱ្យមានតម្លាភាព ចែករំលែកព័ត៌មានត្រឹមត្រូវអំពីករណីអយុត្តិធម៌។ ភ្នែកប្រជាជនច្រើនឃើញកាន់តែច្បាស់ (មានភស្តុតាងគ្រប់គ្រាន់) ឥទ្ធិពលអំណាច និងទឹកប្រាក់នឹងកាត់បន្ថយ។

ចូលរួមចំណែកនឹងសង្គមស៊ីវិល និងសហគមន៍ ចូលរួមជាមួយអង្គការ សមាគម ឬក្រុមសហគមន៍ គាំទ្រយុទ្ធនាការប្រឆាំងអំពើពុករលួយ ធ្វើការដោយសន្តិវិធី និងស្របតាមស្មារតីច្បាប់។ សំឡេងតូចៗរួមគ្នាទៅជាកម្លាំងសាមគ្គី។

ប្រើបណ្តាញសង្គមដោយទទួលខុសត្រូវ ផ្សព្វផ្សាយចំណេះដឹងច្បាប់ បង្ហាញបញ្ហាអយុត្តិធម៌ដោយភ្ជាប់ជាមួយភស្តុតាង មិនផ្សាយព័ត៌មានមិនពិត ឬញុះញង់។ បណ្តាញសង្គមអាចជាអាវុធនៃយុត្តិធម៌ និងអាចកាត់បន្ថយឥទ្ធិពលអំណាច និងទឹកប្រាក់។

បណ្តុះបណ្តាលអ្នកជំនាន់ក្រោយ និងសហគមន៍ អំពីសច្ចៈភាព និងសមភាពចំពោះមុខច្បាប់។ ចូលរួមធ្វើការបដិសេធវប្បធម៌ “មានលុយ មានអំណាច” បង្កើនទម្លាប់គោរពច្បាប់ចាប់ពីបុគ្គល គ្រួសារ សហគមន៍ ឡើងទៅ ។ល។ យុត្តិធម៌ចាប់ផ្តើមពីយើងទាំងអស់គ្នា មិនមែនត្រឹមតែតុលាការប៉ុណ្ណោះទេ។

។ល។

25/01/2026

ពួកយើងរស់នៅក្នុងសង្គមដែលមានច្បាប់។ច្បាប់គឺសម្រាប់ការពារគ្រប់វណ្ណៈ ស្មារតីរបស់ច្បាប់ គឺ មិនអាចមូលបង្កាចអ្នកមិនដឹងអ្វីនោះទេ។ ប៉ុន្តែ ប្រសិនបើច្បាប់គ្រាន់ត្រឹមតែជាឧបករណ៍របស់អ្នកមានលុយ និងអ្នកមានអំណាច សង្គមមួយនេះនឹងប្រែក្លាយទៅជាសង្គមមួយយ៉ាងដូចម្តេច? ស្មារតីរបស់ច្បាប់ក៏អាចរលាយបាត់ដែរ។ សម្រង់ចេញពីរឿង "មេធាវី ឡប៉ា"

22/01/2026

លក្ខខណ្ឌដែលប្រជាពលរដ្ឋ/អតិថិជន និងមេធាវី គួរពិចារណា មុននឹងព្រមព្រៀងទទួលយកជំនួយផ្នែកច្បាប់។

អ្វីទៅដែលជាលក្ខខណ្ឌដែល មេធាវី និងអតិថិជនអាចទទួលយកបាន? វាជាមូលដ្ឋានគ្រឹះទាក់ទងនឹងវិជ្ជាជីវៈដែលមានទំនុកចិត្ត និងស្របច្បាប់ទៅផ្លូវច្បាប់។ លក្ខខណ្ឌទាំងនេះ អាចបែងចែកជាចំណុចសំខាន់ៗដែលមានដូចជា៖

១. លក្ខខណ្ឌដែលមេធាវីអាចទទួលយកអតិថិជនបាន
មេធាវីគួរទទួលយកអតិថិជន ប្រសិនបើ៖ សំណុំរឿងស្របច្បាប់ និងមិនផ្ទុយនឹងសីលធម៌វិជ្ជាជីវៈ, មិនមានទំនាស់ផលប្រយោជន៍ (conflict of interest) ជាមួយអតិថិជនផ្សេង, មានសមត្ថភាព និងពេលវេលា ដើម្បីការពារឬតំណាងយ៉ាងមានប្រសិទ្ធភាព, អតិថិជន មិនបង្ខំឲ្យធ្វើអំពើខុសច្បាប់ ឬបំពានវិជ្ជាជីវៈ, អតិថិជន គោរពតួនាទី និងភាពឯករាជ្យរបស់មេធាវី។

២. លក្ខខណ្ឌដែលអតិថិជនអាចទទួលយកមេធាវីបាន
អតិថិជនអាចទទួលយកមេធាវី ប្រសិនបើ៖ មេធាវីមានអាជ្ញាប័ណ្ណត្រឹមត្រូវ និងស្ថានភាពវិជ្ជាជីវៈស្របច្បាប់, មាន ជំនាញ ឬបទពិសោធន៍សមស្រប នឹងសំណុំរឿង, ស្មោះត្រង់ ឯករាជ្យ និងការពារផលប្រយោជន៍អតិថិជន, ពន្យល់ច្បាស់អំពី នីតិវិធី ហានិភ័យ និងលទ្ធផលអាចកើតមាន, គោរពសម្ងាត់វិជ្ជាជីវៈ និង ការកំណត់ថ្លៃសេវា ច្បាស់លាស់ និងយុត្តិធម៌។

៣. លក្ខខណ្ឌរួម (គួរតែព្រមព្រៀងជាលាយលក្ខណ៍អក្សរ)
ដើម្បីជៀសវាងជម្លោះ ភាគីទាំងពីរគួរព្រមព្រៀងលើ៖ វិសាលភាពការងាររបស់មេធាវី, ថ្លៃសេវា និងរបៀបទូទាត់, រយៈពេល និងដំណាក់កាលការងារ, កាតព្វកិច្ចរបស់អតិថិជន (ផ្តល់ព័ត៌មានពិត បំពេញកាតព្វកិច្ចទូទាត់), ការរក្សាសម្ងាត់ និងការបញ្ចប់កិច្ចសន្យា។

៤. ករណីដែលភាគីណាមួយអាចបដិសេធ ឬបញ្ចប់ទំនាក់ទំនង
អតិថិជនផ្តល់ព័ត៌មានមិនពិត ឬលាក់បាំងសារៈសំខាន់, មានការបំពានសីលធម៌ ឬបង្ខំឲ្យធ្វើអំពើខុសច្បាប់, មិនគោរពលក្ខខណ្ឌនៃកិច្ចសន្យា, បាត់បង់ទំនុកចិត្តយ៉ាងធ្ងន់ធ្ងរ ។ល។

21/01/2026

ដំណើរជីវិតលោកមេធាវី សឺន ជុំជួន ។

https://www.youtube.com/watch?v=rdBICJHHNDM

13/01/2026

សូមអរព្រះគុណ ព្រះតេជព្រះគុណ សឺង យ៉ឹងរតនា បាននិមន្តមកដល់ការិយាល័យក្រុមមេធាវីបញ្ញាវុធ។

08/01/2026

មេធាវី មានតួនាទីស្នូលក្នុងការលើកកម្ពស់នីតិរដ្ឋ ប្រកាន់ខ្ជាប់ជាមួយនឹងគោលការណ៍ច្បាប់ យុត្តិធម៌ សិទ្ធិមនុស្ស និងចូលរួមប្រកបដោយវិជ្ជាជីវៈ។

ការអនុវត្តវិជ្ជាជីវៈដោយសុចរិត និងឯករាជ្យ គោរពសច្ចៈធម៌ មិនបំភ្លៃការពិត ដើម្បីផលប្រយោជន៍ភាគីណាមួយ រក្សាឯករាជ្យពីអំណាចនយោបាយ អំណាចសេដ្ឋកិច្ច និងរងសម្ពាធផ្លូវច្បាប់ ដោយ
ប្រកាន់ខ្ជាប់ក្រមសីលធម៌មេធាវី និងវិធានវិជ្ជាជីវៈ។ នីតិរដ្ឋអាចនឹងខ្វះចន្លោះប្រសិនបើមេធាវីមិនឯករាជ្យ។

ការការពារសិទ្ធិ និងសេរីភាពមូលដ្ឋាន ការពារសិទ្ធិជនជាប់ចោទ ដោយគោរពគោលការណ៍សន្មត់ថាគ្មានទោសរហូតដរាបណាមិនទាន់មានសេចក្តីសម្រេចពីតុលាការ។

ការបកស្រាយ និងអនុវត្តច្បាប់យ៉ាងត្រឹមត្រូវ បកស្រាយច្បាប់ដោយផ្អែកលើរដ្ឋធម្មនុញ្ញ ព្រមទាំងអនុសញ្ញា កតិកាសញ្ញាសិទ្ធិមនុស្សអន្តរជាតិជាគោល និងលើកស្ទួយគោលការណ៍សមភាពចំពោះមុខច្បាប់។

ការតស៊ូមតិផ្លូវច្បាប់ ប្រើវិធីសាស្ត្រផ្លូវច្បាប់ ដើម្បីប្រឆាំងរាល់ការអនុវត្តដែលផ្ទុយនឹងនីតិរដ្ឋ ដាក់សំណើបកស្រាយច្បាប់ ឬសំណើប្តឹងតវ៉ា មិនប្រើហិង្សា មិនញុះញង់ មិនបំប៉ោងសង្គម និងតស៊ូតាមផ្លូវច្បាប់។

ការអប់រំច្បាប់ដល់សង្គម ផ្សព្វផ្សាយចំណេះដឹងច្បាប់ដល់ប្រជាពលរដ្ឋពន្យល់អំពីសិទ្ធិ និងកាតព្វកិច្ចជួយដល់សង្គម “ច្បាប់ការពារ មិនមែនជាឧបករណ៍បង្កការភ័យខ្លាច”។

ការចូលរួមក្នុងការកែលម្អប្រព័ន្ធយុត្តិធម៌ ផ្តល់យោបល់វិជ្ជាជីវៈលើសេចក្តីព្រាងច្បាប់ ចូលរួមវេទិកាវិជ្ជាជីវៈ និងសមាគមមេធាវី ជំរុញភាពតម្លាភាព និងទំនួលខុសត្រូវក្នុងប្រព័ន្ធតុលាការ។

ការការពារនីតិរដ្ឋក្នុងស្ថានភាពលំបាក ការពារករណីពិបាក ដោយមិនរុញរា គោរពច្បាប់ មិនបោះបង់តួនាទី ទោះមានសម្ពាធ ឬហានិភ័យ។ នីតិរដ្ឋ ត្រូវវាស់តាមរបៀបដែលសង្គមព្យាបាលអ្នកខ្សោយ មិនមែនអ្នកខ្លាំងនោះទេ។

មេធាវីលើកកម្ពស់នីតិរដ្ឋ ដោយឯករាជ្យ សុចរិត ការពារសិទ្ធិ បកស្រាយច្បាប់ត្រឹមត្រូវ អប់រំសង្គម តស៊ូដោយច្បាប់ជាមូលដ្ឋាន៕

05/01/2026

សារសំខាន់នៃការទទួលខុសត្រូវ
ការទទួលខុសត្រូវ គឺជាមូលដ្ឋាននៃគុណធម៌ដែលជួយយើង និងសង្គមរីកចម្រើន។ សារសំខាន់ៗរបស់វាមានដូចជា៖

- បង្កើនភាពជឿជាក់ និងកិត្តិយស
របស់យើងដែលទទួលខុសត្រូវតែងតែទទួលបានការគោរព និងទំនុកចិត្តពីអ្នកដទៃ។

- ជំរុញវិន័យ និងការអភិវឌ្ឍខ្លួន
ការទទួលខុសត្រូវជួយឲ្យយើងគ្រប់គ្រងពេលវេលា ការងារ និងសម្រេចគោលដៅបានល្អ។

- កាត់បន្ថយបញ្ហា និងជម្លោះ
ពេលយើងទទួលខុសត្រូវចំពោះសកម្មភាពរបស់ខ្លួន បញ្ហានិងការប្រឈមត្រូវបានដោះស្រាយដោយសន្តិវិធី។

- រួមចំណែកដល់សង្គមមានសុវត្ថិភាព និងយុត្តិធម៌ពលរដ្ឋដែលទទួលខុសត្រូវគោរពច្បាប់ និងកាតព្វកិច្ច សង្គមនឹងមានស្ថិរភាព និងសុវត្ថិភាព។

- បង្កើតភាពជាអ្នកដឹកនាំល្អ
ការទទួលខុសត្រូវធ្វើឲ្យយើងអាចដឹកនាំ គ្រប់គ្រង និងជួយអ្នកដទៃបានប្រសើរ។

សរុបមក ការទទួលខុសត្រូវមិនត្រឹមតែជាគុណធម៌ផ្ទាល់ខ្លួនទេ ប៉ុន្តែជាគ្រឹះសម្រាប់ភាពរីកចម្រើនរបស់គ្រួសារ ស្ថាប័ន និងសង្គមទាំងមូល៕

ក្រុមមេធាវី បញ្ញាវុធ

19/02/2026

16/02/2026

15/02/2026

12/02/2026

05/02/2026

31/01/2026

25/01/2026

22/01/2026

21/01/2026

13/01/2026

08/01/2026

05/01/2026

Address

Telephone

Website

Alerts

Contact The Business

Shortcuts

Share

Category