Elliya Sophea

14/08/2025

🇰🇭🙏 ខ្ញុំ និងគ្រួសារខ្ញុំបានដូរផលិតផលទទួលទាន និងប្រើប្រាស់ដែលមានប្រភពពីប្រទេសចោរនឹងជិតបាន ១០០% ហើយ (នៅសល់តិចតួចប៉ុណ្ណោះ ដែលប្រើមិនទាន់អស់ និងមិនទាន់ខូច) តែរបស់ថ្មីៗដែលមានប្រភពពីប្រទេសចោរហ្នឹង គឺគ្រួសារខ្ញុំលែងទិញ និងប្តេជ្ញាថាធ្វើឲ្យបានជារៀងរហូត។

ខ្ញុំបង្ហោះនេះមិនមែនជាការបង្ហាញភាពជ្រុលនិយម ហើយជំរុញឲ្យបងប្អូនធ្វើតាមទេ តែនេះជាការបង្ហាញនូវសិទ្ធិសម្រេចចិត្តរបស់ក្រុមគ្រួសារខ្ញុំផ្ទាល់ ឆ្លើយតបនឹងទង្វើអាក្រក់ឃោឃៅបំផុតពីប្រទេសជិតខាងមួយនឹង ដែលបាននិងកំពុងធ្វើចំពោះប្រទេសយើង។

ខ្ញុំដឹងថាយើងនឹងខាតត្រង់ចំណុចខ្លះ ដូចជាមិនអាចយកផលិតផលផ្សេងខ្លះមកជំនួស ឬផលិតជំនួសខ្លះមានតម្លៃថ្លៃ... ប៉ុន្តែវាជាការលះបង់... យើងអាចប៉ះប៉ូវវិញខ្លះ ដោយការប្រើសន្សំសំចៃចំពោះរបស់ថ្លៃៗនោះ ហើយរបស់ខ្លះដែលមិនចាំបាច់ អាចលែងប្រើតែម្តងក៏បាន...។

ពិតណាស់ ដំបូងៗវានឹងពិបាកសម្រប តែការលំបាករបស់ពួកយើងនៅសមរភូមិក្រោយពេលនេះ គឺមិនស្មើនឹងប៉ុនសសៃសក់ដែលពូៗបងៗ និងប្អូនៗកងទ័ពនៅជួរមុខ ដែលកំពុងពាំងទ្រូងការពារគ្រាប់ជួសពួកយើង ក៏ដូចជាជនភៀសសឹករាប់សែនអ្នកដែលជាសាច់ឈាមយើង កំពុងរស់នៅដ៏លំបាកវេទនានោះឡើយ...។

ខ្ញុំ និងក្រុមគ្រួសារប្តេជ្ញាធ្វើរឿងនេះឲ្យខាងតែបាន ដោយគាំទ្រផលិតផលជាតិ និងប្រទេសណាដែលគេឲ្យតម្លៃអតិជន ហើយមិនទុកអតិថិជនជាអ្នកសុំទាន៕ 🙏 (អរគុណម្ចាស់រូប, រូបភាពពី Facebook)