Attorney Sok Sam Oeun

23/09/2026

ប្រសិនបើខ្ញុំបើកវគ្គនេះតាមអនឡាញវិញតើមាននរណាខ្លះមានចិត្តចង់ចូលរូម!

បើចង់ចូលរួមគួរជាវសៀវភៅបច្ចេកទេសស៊ើបអង្កេតនេះផង!

19/09/2026

18/09/2026

ឃើញព័ត៌មាន គេចាប់អ្នកលួចបេះឈូក ៣០ផ្លែ។ កាលពីទសវត្ស 90 មានចាប់ចោរប្លន់ស្រយ៉ូងចេកទៀតផង ដែលនៅពេលនោះគេចាប់ក្មេងពីរនាក់កាប់យកស្រយ៉ូងចេករបស់គេ។

ព្រោះកាលណោះច្បាប់អ៊ុនតាក់ការលួចមានគ្នាច្រើននាក់គឺជាទោសប្លន់។ អ្នកព្រាងដើមជាជនជាតិបារាំង ក្នុងភាសាបារំងមិនមានពាក្យប្លន់នោះទេ គឺមានតែពាក្យ vol qualifié ដែលមានន័យថា ចោរកម្មកម្រិតខ្ពស់។ ការបកប្រែបានធ្វើពីរសារ គឺពីបារាំង មកអង់គ្លេស រួចទើបពីអង់គ្លេសទៅខ្មែរ។ អ្នកបកពីបារាំងមកអង់គ្លេសគឺខ្មែរអាមេរិកម្នាក់។ ពេលបក គាត់ បកពាក្យបារាំង គឺ vol qualifié ទៅជា Robbery ហើយអ្នកបកពីអង់គ្លេសមកខ្មែរក៏បកថា ប្លន់ ពោលគឺទៅជា បើលួចពីរនាក់គឺ ប្លន់។

ច្បាប់ស្រុកយើង ទោសទណ្ឌតែងតែមាន ទោសអប្បបរមា និង អតិបរមា។ នៅប្រទេសជាច្រើន គឺមានទោសខ្លះ មិនមានទោសអប្បរមានោះទេ ពោលគឹមានតែអតិបរមាតែម្តង។ ដូចជាទោសលួច គឺមិនមានទោសអប្បបរមា ទេ ដូចនេះប៉ូលីស អាចមិនបាច់ចោទប្រកាន់អ្នកលួចខ្លះដែលតូចតាចនោះទេ ដោយគ្រាន់តែអប់រំហើយដោះលែងវិញបាន។

តែស្រុកយើង លួចចេកមួយផ្លែក៏លួចដែរ ហើយត្រូវឃុំខ្លួនអាចដល់ទៅ 6ខែ ហើយចៅក្រមស៊ើបអាចថែម ៤ ខែទៀត ហើយបើសវនាការដេញដោលវែងទៀត អាចត្រូវជាប់ឃុំលើសពី១០ខែ!

សូមសមាជិកសភា និង អ្នកនយោបាយដែលអាចក្លាយជាអ្នកតំណាងរាស្រ្តពិចារណាផង!

17/09/2026

ថ្ងៃនេះ អាយុ ៧២ ពេញហើយ!

មកតុលាការតាមរឿងក្តីមួយ!

16/09/2026

បច្ចុប្បន្នគេមិនត្រូវការមេធាវីពូកែទេ គឺគេចូលចិត្តមេធាវីឆ្លាតជាង!

តែបើចង់ដឹងថាមេធាវីអាជីព ហើយ ពូកែគេធ្វើយ៉ាងណា សូមជាវសៀវភៅទាំងនេះយកទៅសិក្សា ឬ ទាក់ទងនឹងខ្ញុំផ្ទាល់ដម្បីបើកវគ្គសិក្សាក៏បាន!

15/09/2026

នៅតុលាការពាណិជ្ជកម្ម គួរបញ្ចូលនីតិវិធីផ្សះផ្សាដោយអ្នកផ្សះផ្សាពាណិជ្ជកម្ម ឬ មជ្ឈត្តករ ដោយតម្រូវឲ្យភាគីទាំងពីរឆ្លងកាត់អ្នកផ្សះផ្សាជាមុនសិន។ ប្រសិនបើផ្សះផ្សាបាន លទ្ធផលគឺមានតម្លៃដូចជាសាលក្រមតុលាការ។ តែបើមិនបាន អ្នកផ្សះផ្សាត្រូវធ្វើរបាយការណ៍ដែលមានចំណុចព្រមព្រៀង និង ចំណុចវិវាទដាក់ជូនតុលាការ។

មតិមួយ!

បើចង់ចេះបច្ចេកទេសច្បាប់ចូរជាវសៀវភៅទាំងនេះ!

15/09/2026

បើចង់ជាមេធាវីពូកែ គួរអាន និង សិក្សាសៀវភៅទាំងនេះ! លើកលែងអ្នកចង់ត្រឹមជាមេធាវីឆ្លាត!

15/09/2026

អត់មានតំណែងអី ដើរហាត់ប្រាណដោយសេរី!

14/09/2026

ការធ្វើវិនិយោគទុនដែលល្អ គឺការដែលធ្វើឱ្យអ្នកវិនិយោគទុនបោះទុនវិនិយោគសាងសង់រោងចក្រនៅលើដីរបស់យើង។ ព្រោះគេនឹងពិបាកនឹងបោះបង់ចោល វិនិយោគទុនរាប់លានដុល្លារបស់គេនោះបានទេ។ ដើម្បីធ្វើឱ្យគេសម្រេចចិត្តបោះទុនវិនិយោគធំយ៉ាងនេះ គឺនឹងមើល តើប្រព័ន្ធគមនាគមន៍របស់យើងល្អប្រសើរទេ ការដឹកជញ្ជូនផលិតផលរបស់គេចំណាយច្រើនឬតិច? ថ្លៃជួលកម្មករ បុគ្គលិក តើខ្ពស់ ឬក៏ទាប? តើថ្លៃទឹកភ្លើង ខ្ពស់ ឬ ទាប? តើបើធ្វើរោងចក្រនៅប្រទេសយើង ចំណេញជាងធ្វើនៅប្រទេសជិតខាងដែរទេ? តើច្បាប់ចុះបញ្ជីក្រុមហ៊ុនពិបាក ឬ ក៏ងាយ និង ចុងបញ្ចប់គេមើលថាតើតុលាការកាត់ក្តីបានយុត្តិធម៌ដែរទេ? ព្រោះប្រសិនបើ តុលាការកាត់ក្តីមិនបានយុត្តិធម៌ទេនោះ ក្រុមហ៊ុនរបស់គេក៏កំពុងអង្គុយលើគ្រាប់បែក ដែលមិនដឹងជាអាចផ្ទុះគេស្លាប់នៅពេលណាមួយមិនខាន។

ដូចនេះ ការកែទម្រង់ប្រព័ន្ធតុលាការ គឺជាការសំខាន់សម្រាប់ទាក់ទាញវិនិយោគ។ តើអ្នកដឹងទេ សព្វថ្ងៃនេះ រឿងរដ្ឋប្បវេណី រឿងពាណិជ្ជកម្ម រឿងអីក៏ដោយ កាលបើមានអ្នកដាក់បណ្តឹងព្រហ្មទណ្ឌហើយ នឹងមានការឃាត់ខ្លួនសិន ការឃុំបណ្តោះអាសន្នសិន និង មានការដាក់ទោសសិន ដែលអាចមិនមានភាពយុត្តិធម៌នោះទេ។ ដូចនេះ សូមបញ្ចប់បណ្តឹងអាជ្ញាដែលពាក់ព័ន្ធរឿងរដ្ឋប្បវេណី ឬ ពាណិជ្ជកម្ម ហើយបើទោះជាមានក៏គួរកាត់បន្ថយការឃាត់ ខ្លួន និង ឃុំខ្លួនបណ្តោះអាសន្ន។ ដើម្បីជាការប្រញាប់ គួរតែបង្កើតតុលាការពាណិជ្ជកម្ម ហើយបង្កើតនីតិវិធីឱ្យបានល្អ។ តុលាការនេះក៏គួរមានការកែលំអខុសពីតុលាការធម្មតា។ ជាយោបល់ខ្ញុំ ចៅក្រម គួររើសពីមេធាវីដែលមានបទពិសោធន៍ និង កេរ្តិ៍ឈ្មោះល្អផង និង ត្រូវឆ្លងកាត់ការបំប៉នបន្ថែម ដើម្បីឱ្យជាចៅក្រមល្អផង។

មតិមួយ!

12/09/2026

ចង់ដឹង មេធាវីត្រូវត្រៀមអ្វីខ្លះ សូមជាវសៀវភៅនេះ