VAT-Chantha Law Office 律师事务所

06/07/2026

តុលាការកំពូល
សេចក្តីណែនាំស្តីពីការបញ្ជក់ការចូលជាស្ថាពរនូវសាលដីការដ្ឋប្បវេណី និងការផ្តល់រូបមន្តអនុវត្ត

19/06/2026

#ក្រមព្រហ្មទទណ្ឌកម្ពុជា
បទល្មើសៈ ក្លែងបន្លំ
មាត្រា.៦២៦-និយមន័យនៃការក្លែងបន្លំ
ការក្លែងបន្លំ គឺជាការធ្វើឱ្យខូចខាតដោយចេតនានូវការពិត ដែលសម្តែងចេញជាក់ស្តែងនៅក្នុងលិខិត ឬមធ្យោបាយដទៃទៀតនៃការសម្តែងនូវគំនិត កាលបើមានគ្រប់លក្ខខណ្ឌដូចតទៅ៖
១-ការធ្វើឱ្យខូចខាតនេះមានកម្មវត្ថុ ឬអាចមានអានុភាពធ្វើជាភស្តុតាងនៃសិទ្ធិ ឬនៃអំពើដែលមានផលវិបាកគតិយុត្ត។
២-ការធ្វើឱ្យខូចខាតនេះអាចបណ្តាលឱ្យមានព្យសនកម្ម។
មាត្រា.៦២៧-ទោសដែលត្រូវអនុវត្ត
ការក្លែងបន្លំ ត្រូវផ្តន្ទាទោសដាក់ពន្ធនាគារពី ១(មួយ)ឆ្នាំ ទៅ ៣(បី) ឆ្នាំ និងពិន័យជាប្រាក់ពី ២.០០០.០០០ (ពីលាន)រៀល ទៅ ៦.០០០.០០០ (ប្រាំមួយលាន)រៀល។

02/06/2026

-បទល្មើសបក្ខានុគ្រោះ
ជាអំពើរបស់អ្នករាជការសាធារណៈ ឬពលរដ្ឋទទួលអាណត្តិដោយការបោះឆ្នោត(មាត្រា៣០) ដែលផ្តល់ឱ្យដោយខុសច្បាប់នូវអត្ថប្រយោជន៍ដល់អ្នកដទៃ នៅក្នុងឱកាសនៃការធ្វើលទ្ធកម្មសាធារណៈ។

បទល្មើសនេះ ត្រូវផ្តន្ទាទោសដាក់ពន្ធនាគារពី០៦ខែ ទៅ០២ឆ្នាំ និងពិន៏័យជាប្រាក់ពី១លានរៀល ដល់៤លានរៀល។

-លទ្ធកម្មសាធារណៈ
សំដៅដល់កិច្ចលទ្ធកម្មដែលធ្វើឡើងដោយស្ថាប័នអនុវត្តលទ្ធកម្ម/អង្គភាពថវិកាអាណាប័កផ្ទេរសិទ្ធិពេញលេញ។

លទ្ធកម្ម សំដៅដល់ការទិញ ឬការបាននូវទំនិញ សំណង់ សេវ៉ាកម្ម ឬសេវ៉ាទីប្រឹក្សាតាមរយៈវិធីសាស្រ្តដែលមានចែងក្នុងច្បាប់នេះ។

ស្ថាប័នអនុវត្តលទ្ធកម្ម សំដៅដល់ក្រសួង ស្ថាប័ន អង្គភាពថវិកា អណាប័កផ្ទេរសិទ្ធិពេញលេញ រដ្ឋបាលរាជធានីខេត្ត ក្រុង​ ស្រុក ខណ្ឌ ឃុំ សង្កាត់ សហគ្រាសសាធារណៈ គ្រឹះស្ថានសាធារណៈរដ្ឋបាល និងអង្គភាពស្វ័យភាពហិរញ្ញវត្ថុដទៃទៀត ដែលអនុវត្តលទ្ធកម្មសាធារណៈ។

#ក្រមព្រហ្មទទណ្ឌកម្ពុជា,មាត្រា៥៩៩,៦០០
#ច្បាប់ស្តីពីលទ្ធកម្មសាធារណៈ,ឧបសម្ព័ន្ធទំព័រII
#រូបភាពីកម្ពុជាថ្មី១១ឧសភា២០២២

01/06/2026

សេចក្ដី​ណែនាំស្ដីពី​នីតិវិធី​ដែលត្រូវអនុវត្តចំពោះជនរងគ្រោះជាអនីតិជននៅក្នុងសំណុំរឿងព្រហ្មទណ្ឌ

01/06/2026

ទិវាកុមារអន្តរជាតិ លើកទី៧៧

អនុសញ្ញាស្តីពីសិទ្ធិកុមារ (Convention on the Rights of the Child – CRC) ត្រូវបានមហាសន្និបាតអង្គការសហប្រជាជាតិអនុម័តនៅថ្ងៃទី២០ ខែវិច្ឆិកា ឆ្នាំ១៩៨៩ ហើយបានចូលជាធរមាននៅថ្ងៃទី០២ ខែកញ្ញា ឆ្នាំ១៩៩០ ស្របតាមមាត្រា ៤៩ នៃអនុសញ្ញា។

ព្រះរាជាណាចក្រកម្ពុជា បានក្លាយជារដ្ឋភាគីនៃអនុសញ្ញានេះនៅថ្ងៃទី១៥ ខែតុលា ឆ្នាំ១៩៩២ ដោយបញ្ជាក់ពីការប្តេជ្ញាចិត្តក្នុងការលើកកម្ពស់ ការពារ និងធានាសិទ្ធិរបស់កុមារគ្រប់រូប។

ក្នុងឱកាស ទិវាកុមារអន្តរជាតិ លើកទី៧៧ សូមរួមគ្នាលើកកម្ពស់សិទ្ធិកុមារ ផ្តល់ឱកាសស្មើភាពក្នុងការអប់រំ សុខភាព ការការពារ និងការអភិវឌ្ឍ ដើម្បីឱ្យកុមារទាំងអស់អាចរីកចម្រើនប្រកបដោយសុវត្ថិភាព សេចក្តីថ្លៃថ្នូរ និងអនាគតភ្លឺស្វាង។

“កម្ពុជាមិនចូលចិត្តសង្គ្រាម ព្រោះកម្ពុជាស្រលាញ់ជីវិត និងការឈឺចាប់របស់កុមារ”
“កុមារគ្មានកំហុស សង្រ្គាមជារឿងរបស់មនុស្សចាស់ កុំយកកុមារជាចំណាត់ខ្មាំង”

77th International Children’s Day

The Convention on the Rights of the Child (CRC) was adopted by the United Nations General Assembly on 20 November 1989 and entered into force on 2 September 1990, in accordance with Article 49 of the Convention.

The Kingdom of Cambodia became a State Party to the Convention on 15 October 1992, reaffirming its commitment to promoting, protecting, and fulfilling the rights of all children.

On the occasion of the 77th International Children’s Day, let us join together in advancing children’s rights and ensuring equal opportunities in education, health care, protection, and development so that every child can grow up in safety, dignity, and well-being.

“Cambodia rejects war because it cherishes human life and recognizes the pain and suffering it inflicts on children.”

“Children bear no responsibility for war. Conflicts are created by adults—children must never be made victims or hostages of war.”

#អនុសញ្ញាស្តីពីសិទ្ធិកុមារនិងពិធីសារបន្ថែម
on the Rights of the Child and Its Optional Protocols
#រូបភាពពីសារព័ត៌មានTmeyTmey

28/05/2026

ប្រកាសអន្ដរក្រសួង ស្ដីពីការផ្ដល់សេវារដ្ឋបាលរបស់រដ្ឋបាលក្រុង ស្រុក ខណ្ឌ

20/05/2026

ប្រកាសលេខ:០០៥ អ.ស.ហ.ប្រក ចុះថ្ងៃទី៨ ខែមករា ឆ្នាំ២០២៦ របស់និយ័តករអាជីវកម្មអចលនវត្ថុនិងបញ្ចាំ ស្ដីពី ការរៀបចំរបាយការណ៍ហិរញ្ញវត្ថុប្រចាំឆ្នាំ របស់បុគ្គលអភិវឌ្ឍអចលនវត្ថុ ក្នុងកម្មពិធីសិក្ខាសាលា ដែលរៀបចំដោយ និយ័តករអាជីវកម្មអចលនវត្ថុនិងបញ្ចាំស្ដីពី “បទប្បញ្ញត្តិពាក់ព័ន្ធយន្តការត្រួតពិនិត្យក្នុងវិស័យអចលនវត្ថុ វិស័យបញ្ចាំ និងប្រាតិភោគដោយអនុប្បទាន” នាថ្ងៃទី១៩ ខែឧសភា ឆ្នាំ២០២៦ នៅអគារអាជ្ញាធរសេវាហិរញ្ញវត្ថុមិនមែនធនាគារ។

20/05/2026

ឆន្ទានុសិទ្ធិរបស់ចៅក្រមក្នុងរឿងក្តីរដ្ឋប្បវេណី
រៀបចំដោយឯកឧត្តមបណ្ឌិត ជីវ កេង ប្រធានតុលាការកំពូល។

20/05/2026