04/06/2026
គណៈកម្មការផ្សះផ្សារដោយបង្ខំក្រោមអនុសញ្ញាអង្គការសហប្រជាជតិស្តីពីនិតិសមុទ្រ (UNCLOS) តម្រូវឲ្យមានសមាជិក ៥រូបរួមមាន ២រូបមកពីភាគីកម្ពុជា ២រូបមកពីភាគីថៃ និងមួយរូបទៀតនឹងត្រូវជ្រេីសរេីស តាមរយៈការព្រមព្រៀងរបស់សមាជិកតំណាងទាំងបួនរូបនោះ។ គណៈកម្មាការ ២រូបដែលជ្រេីសរេីសដោយភាគីកម្ពុជា មានដូចខាងក្រោម៖
១. លោក Peter Taksoe-Jensen ជាមន្រ្តីជាន់ខ្ពស់ផែ្នកច្បាប់អន្តរជាតិក្រសួងការបរទេស និងជាអ្នកការទូតអាជីព របស់ប្រទេសដាណឺម៉ាក។ លោកធ្លាប់ធ្វេីជាអគ្គរាជទូតប្រចាំប្រទេសជប៉ុន អាមេរិក និងឥណ្ឌា ធ្លាប់ជាជំនួយការផ្នែកច្បាប់របស់អគ្គលេខាធិការអង្គការសហប្រជាជាតិ លោកប៉ាន គីម៉ូន។ ចន្លោះឆ្នាំ ២០១៦ ដល់២០១៨ លោកធ្លាប់ធ្វេីជាប្រធានគណៈកម្មការសម្របសម្រួលជម្លោះដែនសមុទ្ររវាងអូស្រ្តាលី និងទីម័រ របស់អង្គការសហប្រជាជាតិស្តីពីនិតិសមុទ្រ។
២. លោកសាស្រ្តាចារ្យ Jean-Marc Thouvenin ជាអគ្គលេខាធិការបណ្ឌិតសភាច្បាប់អន្តរជាតិក្រុងឡាអេ និងជាសមាជិកនៃវិទ្យាស្ថានអន្តរជាតិដឺត្រយ (Institute de Droit International)។ ធ្លាប់ជាសមាជិកមជ្ឈមណ្ឌលច្បាប់អន្តរជាតិនៃសាកលវិទ្យាល័យបារីស ណាត់ទែរ៉េ (Universite Paris-Nanterre)។ ធ្លាប់ជាទីបឹក្សាតុលាការយុត្តិធម៌អន្តរជាតិ (ICJ) របស់អង្គការសហប្រជាជាតិ។
