عمك ،خو، بوك

14/03/2023

19/06/2022

دربي الجماهير

فريقك المفضل؟؟

19/05/2022

قالك التطبيع خيانه عظمة ههههههه

11/05/2022

لا حول ولا قوه الا بالله...

07/05/2022

فخرررر توووونس ❤️❤️❤️

03/05/2022

🔴 التدوينة الأكثر تداولا اليوم في تونس ↖️

- خويا بقداش الكرهبة 206 ؟
- 18 مليون
- قداش ماشية ؟
- ماشية 330 ألف و عمرها 21 سنة.
********
- عسلامة...نحب ندخل نترانا بحذاكم.
- مرحبا...120د في الشهر
********
- الووووو..بربي خويا حبيت نسأل على الدار سوم البرطمان S+1 ؟
- والله مولاه طالب فيها 210 مليون و ما باعش.
********
- سلام .. بربي شوية هبرة بقري.. اوزن لي كيلو، كيلو و شوي.
- تدلل مدير ... 49 دينار.
********
- عسلامة مادام...بربي الكرتابة هذيكا الي فيها هالو كيتي عيشك.
- تفضل موسيو...ربي ينجحهالك 220 دينار
********
- بقداش الفيزيتا دكتور؟
- 70 د انشالله لاباس
********
-البوسطاجي تعدا جاب فاتورة الضوء و الماء ...
- قداش فيها ؟
- 320 دينار ضوء و 85 دينار ماء
********
- مبروك خويا البنوتة.
- عيشك يبارك فيك.
- كان تنجم تتعدا تخلص موسيو قبل نص النهار
- أي بطبيعة .. قداش؟
- زوز ملاين و ميا خويا...و تتربا في عزك.
********
- بربي سندويتش مقلوب و كانات كوكا .. قداش خويا؟
- صحة.. 8الاف و 400
********
تدور هذه الأحداث....في بلد الأجر الأدنى فيه 460 دينار !

30/04/2022

في دولة الظلم.. حبيب شاب ملتزم دينيا متخلق برشا عامل براكة في باب الخضراء يخدم بيها ما لذ و طاب ماشاء الله الناس عليه بالصف ليل كامل... يجي البارح الحاكم يسكرلو محلو و يوقفوه دون غيرو الي عندهم زادة براكة و بجنبو.. حسبنا الله ونعم الوكيل في الظالم 😔

28/04/2022

فما مرة عمل حملة تبرعات لبناء مستشفى لسرطان الأطفال لم فيه مليار ياخي تبنى المستشفى ؟وينو المليار ؟

22/04/2022

المرأة في مسلسل براءة:
- ارملة شهيد تحبل في الحرام على خاطرها مدبرمة تشوف في جارها راجلها.
- امرأة تقبل بوضعية راجلها الي ماخذ عليها عرفي و تزيد تخطبله الثالثة.
- بنية تخدم في دار ياخذها مولا الدار عرفي و مرة تخدم راقصة و مرة تلبس حجاب.
- مرا تخدم راقصة و تدور في صالات السبور تدبر في بنات تسمسر بيهم.
- مرا تفيق براجلها يخون فيها و موش اي خيانة، محسوب اغتصاب، و تقبل و ترضخ و تحاول تمنعه.
- مرا تقول لجارتها و برى كفيف ولا زوز المهم مانخربش داري.
- مرا راجلها بطال و تصرف عليه و يضربها و تقول لأمها مايهمكش فيه هذاكا راجلي.
- ام تبيع و تشري في بنتها لراجل كبير و عرفي زادة و على زوز نسا و تزغرد من فوق.
- طفلة مبطلة من المكتب و ترمي في روحها على ولد الجيران و تمشيله للدار.
- طفلة متخرجة و ماحلاها و عاقلة مصوحبة واحد بطال و تقرق بيه باش يعرس بيها و تقله راضية بكل شي.
- ام تفيق بولدها يحب الطفلة الي باش ياخذها بوه ماتتحركلها حتى شعرة و عادي و تقله تلها بقرايتك.
- و من الصدف المضحكة حتى البيبي الي في كرش المرا الي جاي في الحرام بنية!!
مافما حتى مرا ناجحة، ولا حتى مرا تونسية عادية، حتى طبيب الأعصاب و طبيب النسا و المحامي رجال..
منقول
وبربي مايقلي حد هذاكا الواقع وعمل فني وولد الفهري عرالنا الواقع ...موش صحيح ! المرا التونسية هي القاضية الناجحة ، الطبيبة اللامعة، المرا التونسية رمز التألق وعنوان القوٌة والعفٌة .المرا التونسية ،عاملة محترمة و موظفه ناجحة و ربٌة بيت مسؤولة و زوجة صالحة وأم حنينة واخت صادقة وبنت بارٌة و طالبة متميزة. المرا التونسية حرٌة الحراير وتاج على رؤوس رجالها. إلي انشوفو فيه الكل غلط !!! وماهو إلا تشويه و تسويق لصورة خاطئة عن واقعنا ! " الشاذ يحفظ ولا يقاس عليه " . نحن أشرف بكثير !
حسبنا الله ونعم الوكيل .

21/04/2022

أمك أولاً والبقية ستأتي أو حتى لا تأتي لا يهم .🤎✨

14/04/2022

لا تربحكم 🤬😡😡 رسالة الى بعض المسلسلات التونسية 🤬🤬