06/01/2026
یەکێک لەو هەڵانەی خاوەنکار یان بەڕێوبەرەکان بە گشتی تێی دەکەون ئەوەیە کە وادەزانن ئەگەر کارمەند خۆی دەست لەکار بکێشێتەوە ئەمە وادەکات کۆمپانیاکەیان پارێزراو بێت، لە پاشەڕۆژدا کارمەندەکە ناتوانێ داوای قەرەبوو بکات.
بەڵام ئەگەر ئەم دەست لەکارکێشانەوەیە بەهۆی فشار یان بێزارکردنی خاوەنکارەوە بێت وەک ئەوەی لە ژینگەی کارەکەیدا کێشەی بۆ دروست بکات یان پۆزیشنی بگۆڕێت یان بیگوازێتەوە بۆ لقێکی دیکەی کۆمپانیا بەو مەرجەی ئەم کارانە تەنها بە ئامانجی بێزارکردنی کارمەندەکە بکات تا بیخاتە دۆخێکەوە ناچاری بکات دەست لەکاربکێشێتەوە.
لەم دۆخەدا ئەم دەست لەکارکێشانەوەیە لە یاسادا بە دەست لەکارکێشانەوە هەژمار ناکرێت و بگرە وەک یەکێک لە حاڵەتەکانی دەرکردنی زۆرداری(نایاسایی) مامەڵەی لەگەڵ دەکرێت، بەمەش کارمەندەکە هەموو مافێکی قەرەبووی پارێزراو دەبێت و دەتوانێ بە پەنابردن بۆ دادگا وەریبگرێتەوە.
تێبینی ئەم مافە لە ماوە ١٥ ڕۆژدا پێویستە داوا بکرێ ئەگەرنا لەدەست دەچێت.
