ژووری پاریزه رانی پشدەر

ژووری پاریزه رانی پشدەر پەیجی فەرمی ژووری پارێزەرانی پشدەر تایبەتە بە بڵاوکردنەوە و پەخشکردنی کار و چالاکیەکانی ژووری پارێزەرانی پشدەر و پەرەپێدانی رۆشنبیری یاسایی

ئەمرۆ لە ژووری پارێزەرانی پشدەر لە لایەن بەرپرسی ژوور / پارێزەر دانا ابراهیم حسن ڕێزلێیان پێشکەش بە پارێزەرانی بەشدار ل...
07/07/2026

ئەمرۆ لە ژووری پارێزەرانی پشدەر لە لایەن بەرپرسی ژوور / پارێزەر دانا ابراهیم حسن ڕێزلێیان پێشکەش بە پارێزەرانی بەشدار لە لیژنەی ئاشتەوایی خێزانی کرا لە پای هەوڵ و ماندوو بوونیان لە چارەسەرکردنی کێشە خێزانییەکان و پاراستنی خێزان لەیەکترازان . خێزان یەکەیەکی بنچینەیی پێکهێنانی کۆمەلگەیە و پارێزگاری کردن و هێشتنەوەی ئەرکی هەموومانە ، چونکە کۆمەڵگەیەکی تەندروست دەرەنجامی تاک و خێزانێکی تەندروستە . سەرەرای ئەوەی ئەرکێکی ئاینی و یاساییە لە هەمان کاتدا ئەرکێکی مرۆییە، کە بەشدار بین لە ڕێگری کردن لە جیابوونەوەی هاوسەران و هێشتنەوەی منداڵان لە ژێر سایە و سێبەری خێزان و دایک و باوکدا. ئێمەش وە پارێزەران ئەو ئەرکەمان لە ئەستۆ گرتووە وەک کارێکی مرۆیی و خۆبەخشی و کارەکانی ئەم لیژنەیە جێی ستایش و دەست خۆشیە . شایانی باسە ئەم لیژنەیە لە لایەن دادگای بەرێز پێکهێنراوە و لە هەریەک لە پارێزەران و مامۆستایانی ئاینی و توێژەری دەروونی و کۆمەڵایەتی پێک دێت و کارەکانی لە نووسینگەی بەرەنگاربوونەوەی توند و تیژی خێزانی پشدەر ئەنجام دەدات .

پیرۆزبێت 3ى یەک، رۆژى پارێزەرانى کوردستان.بەیاننامەی سەندیکای پارێزەرانی کوردستان بەبۆنەى رۆژى پارێزەرانى کوردستان، کە ...
02/01/2026

پیرۆزبێت 3ى یەک، رۆژى پارێزەرانى کوردستان.

بەیاننامەی سەندیکای پارێزەرانی کوردستان

بەبۆنەى رۆژى پارێزەرانى کوردستان، کە لە رێکەوتى (3-1)ى هەموو ساڵێک یاد دەکرێتەوە، بەناوى سەرۆک و ئەندامانى ئەنجومەنى سەندیکاى پارێزەران پیرۆزباییی لە خۆمان و تەواوى پارێزەرانى خۆشەویست دەکەین.
سى و سێ ساڵ بەر لە ئێستا و لە 3-1-1993 پەرلەمانى کوردستان بەشێوەیەکى فەرمى، بڕیارى دانپێنانى بە دەستەى کاتى دامەزرێنەرانى سەندیکاى پارێزەرانى کوردستان کرد، کە (10) پارێزەرى کوردستان، کە بەڕێز سەرۆکى ئێستاى سەندیکاى پارێزەرانى کوردستان، یەکێک بوو لەوان، وەکو ئەرکێکى نیشتمانیى و کوردستانیى و پیشەییانە، سەندیکاى پارێزەرانى کوردستانیان دامەزراند.
سەندیکاى پارێزەرانى کوردستان، کە بەپێى یاسا دامەزراوە و بەپێى یاساش کار دەکات، پەیوەندییەکانى لەگەڵ دەسەڵاتەکانى تەشریعیى و جێبەجێکردن و دادوەریى لە هەرێمى کوردستان لەسەر بنچینەى رێزگرتن لە یاسا و پارێزەران و جێبەجێکردنى یاسایە. هەمیشە داواکاریمان ئەوە بووە و دەبێت، کە پێویستە لەو چوارچێوەیە لە پێگەى پارێزەران بڕوانن. هەرچەندە لێرە و لەوێش کەمتەرخەمیى و کەموکوڕیش هەبووە، بەڵام سەندیکا بەردەوام لە هەوڵ و هەماهەنگى دا بووە و دەبێت لەگەڵ لایەنە پەیوەندیدارەکان و هەموو رێگا پیشەییى و یاساییەکان بۆ چارەسەرکردنى کێشەى پارێزەران دەگرێتە بەر.
سەندیکاى پارێزەرانى کوردستان، کە بە تەواوی پشت بە داهاتەکانى خۆى دەبەستێت، کە بە سیستەمێکى ژمێریاریى تۆکمەى وردبینیکراو لەلایەن چاودێریى دارایى هەرێم، بەڕێوەدەچێت و سیستەمێکى خانەنشینى سەربەخۆى هەیە و مافى پارێزەران بە تەواوى دەستەبەرە لەڕووى خانەنشینیەوە.
لەماوەى دوو ساڵى رابوردوو، تۆمارى ئەندامانى سەندیکاى پارێزەرانى کوردستان بە هەماهەنگى فەرمانگەى تەکنەلۆژیاى زانیاریى و ئەنجامدانى پرۆسەى بایۆمێترى، بە تەواوى پاک کرایەوە، کە بەپێى یاسا نابێت پارێزەر لە هەمان کات فەرمانبەر یا وەزیفەى گشتی هەبێت و پرۆسەکەش بەردەوامە.
سەندیکاى پارێزەرانى کوردستان هەماهەنگیى تەواوى لەگەڵ ئەنجومەنى دادوەریى هەرێمى کوردستان هەیە لەپێناوى بەرقەرارکردن و جێبەجێکردنى یاسا و هەروەها بەهەمان شێوەش لەگەڵ سەرۆکایەتیى داواکاریى گشتیى و وەزارەتى داد و دەسەڵاتى جێبەجێکردن بەشێوەیەکى گشتى.
لە پلانى گرینگى ئەمساڵى سەندیکاى پارێزەرانى کوردستان، پرۆسەى بە ئەلیکترۆنیکردنى کاروبارەکانى سەندیکا، لە نێویشیاندا مامەڵە کارگێڕیى و داراییەکانى سەندیکا، بەجۆرێک پارێزەران بتوانن سوودى لێ وەربگرن و رێگا دوورەکانیان، نزیک ببێتەوە.
دووبارە پیرۆزباییى ئەو رۆژە (3-1) لە هەموو پارێزەرانى خۆشەویست دەکەین، هیوادارین پێکەوە هەموومان پارێزگارى لە بەرزى پیشەى پیرۆزى پارێزەرایەتی بکەین و دەست لەناو دەست، پارێزەران لە پێگە و پایەى گەورە ببینین.
هەر سەرکەوتوو و سەرفراز بن

سەندیکاى پارێزەرانى کوردستان



Address

Qala Diza

Website

Alerts

Be the first to know and let us send you an email when ژووری پاریزه رانی پشدەر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category