Legal Advisor

07/04/2026

کوردی/عربي

درێژکردنەوەی نوێکردنەوە

بەهۆی ئەو بارودۆخەی کە کوردستان و ناوچەکە پێی تێپەڕ دەبێت و رەچاوکردنی دۆخی پارێزەران، ئەنجومەنی سەندیکای پارێزەرانی کوردستان لە کۆبوونەوەی ژمارە ٢٢١ بڕیاریدا بە درێژکردنەوەی بەشداری ساڵانەی پارێزەران (ناسنامە) تاوەکو ٣٠-٦-٢٠٢٦ بەبێ ئەوەی هیچ پێبژاردنێکی بێتە سەر

بسبب الظروف التي تمر بها كردستان والمنطقة، ومراعاةً لوضع المحامين، قرر مجلس نقابة محامي كردستان في اجتماعه رقم (221) تمديد الاشتراك السنوي للمحامين (الهوية) لغاية 30-6-2026، دون فرض أي غرامات

سه‌نديكاى پارێزه‌رانى كوردستان، نقابة محاميي كوردستان

28/03/2026

کوردى/عربی

بەیاننامە

بەناوى سەرۆک و ئەندامانى ئەنجومەنى سەندیکاى پارێزەران و گشت پارێزەرانى کوردستان، بە توندى ئیدانەى ئەو هێرشەى ئەمڕۆى گرووپە لە یاسا دەرچووەکانى عێراق بۆ سەر ماڵى رێزدار نێچیرڤان بارزانى، سەرۆکى هەرێمى کوردستان دەکەین. کە هێرش کردنە بۆ سەر پێگەیەکى یاساییى و دەستوورى هەرێمى کوردستان و عێراقه و هێرش کردنە بۆ سەر یەکێک لە کەسایەتیى و رەمزە نیشتمانییەکانى عێراق.
ئەمجۆرە هێرشانە بۆ سەر دام و دەزگا یاساییى و دەستوورییەکانى هەرێمى کوردستان و عێراق، شکاندنى شکۆ و سەروەرى عێراقە. پێویستە دەزگا ئەمنیى و یاساییەکانى حکومەتى فیدڕاڵ بە توندترین شێوە رووبەڕووى ببنەوە و پارێزگارى لە ئاسایش و سەقامگیریى هەرێمى کوردستان و عێراق بکەن.
حکومەتى فیدڕاڵ، دەبێت تا زووترە سنوورێک بۆ ئەو گرووپە لە یاسا دەرچووانە دابنێت، بەپێچەوانەوە پشێویى و ئاڵۆزییەک دروست دەبێت، کە لە دەسەڵات دەردەچێت و عێراق بەرەو ئاقارێکى نادیارى ناسەقامگیر دەبات.
دووبارە ئیدانەى ئەو هێرشە ناڕەوایانه دەکەین و هیواى سەلامەتیى و پارێزراوى بۆ هەموو هاووڵاتییانى هەرێمى کوردستان و عێراق دەخوازین.

سەندیکاى پارێزەرانى کوردستان
28-3-2026

بيان

باسم رئيس وأعضاء مجلس نقابة محامي كوردستان وكافة محامي كوردستان، ندين بشدة الهجوم الذي نفذته اليوم الجماعات الخارجة عن القانون في العراق على منزل السيد نيجيرفان بارزاني، رئيس إقليم كوردستان، والذي يُعد اعتداءً على موقع قانوني ودستوري في إقليم كوردستان والعراق، كما يمثل استهدافاً لإحدى الشخصيات والرموز الوطنية في العراق.
إن مثل هذه الهجمات التي تستهدف المؤسسات والجهات القانونية والدستورية في إقليم كوردستان والعراق تُعد انتهاكاً لهيبة وسيادة الدولة العراقية. وعليه، يتوجب على الأجهزة الأمنية والقانونية التابعة للحكومة الاتحادية التصدي لها بأشد الإجراءات، والعمل على حماية الأمن والاستقرار في إقليم كوردستان والعراق.
كما يتعين على الحكومة الاتحادية وضع حدٍ عاجل لهذه الجماعات الخارجة عن القانون، إذ أن استمرارها سيؤدي إلى حالة من الفوضى وعدم الاستقرار، وقد يخرج الوضع عن السيطرة ويدفع بالعراق نحو مسار مجهول وغير مستقر.
نجدد إدانتنا لهذه الهجمات غير المشروعة، ونعرب عن أملنا في سلامة وأمن جميع مواطني إقليم كوردستان والعراق.

نقابة محامي كوردستان
28-3-2026

19/03/2026

بەبۆنەى هاتنەوەى جەژنى رەمەزانى پیرۆز
پیرۆزباییى خۆمان ئاڕاستەى هەموو هاوپیشە و پارێزەرانى ئازیزی کوردستان دەکەین داواکارین لە خواى گەورە تاعەت و عیبادەت و رۆژووى هەمووانى قبووڵ کردبێت.

18/03/2026

سبەی پێنجشەممە (19ی ئاداری 2026) تاکوو یەکشەممە (29ی ئاداری 2026) پشووی فەرمی دەبێ

بەبۆنەی هاتنی جەژنەکانی ڕەمەزان و نەورۆز و بەپێی ڕۆژژمێری فەرمیی حکومەتی هەرێمی کوردستان، سبەی پێنجشەممە (19ی ئاداری 2026) تاکوو ڕۆژی یەکشەممە (29ی ئاداری 2026)، لە سەرجەم دامودەزگا فەرمییەکانی هەرێمی کوردستان پشووی فەرمی دەبێ.
هاوکات لە فەرمانگە خزمەتگوزارییەکان، دەوام بەشێوەی ئێشکگری بەردەوام دەبێت.

فەرمانگەی میدیا و زانیاری

22/02/2026

ئامارەکانی دادگاکانی هەرێمی کوردستان 2025

03/01/2026

ڕۆژژمێری زایینی حکومەتی هەرێمی کوردستان بۆ ساڵی ٢٠٢٦

02/01/2026

بە ‌بۆنە‌ی ساڵ رۆژی پارێزە‌ران گە‌رمترین پیرۆزبایی لـە‌ سەرجەم هاورێ و هاوپیشە و پارێزە‌رانی كوردستان دە‌كە‌ین.
ئومێدە‌وارین ھە‌میشە‌ سە‌ركە‌وتووبن لە‌ ئە‌ركە‌كانیان و دڵسۆزانە و بوێرانە‌‌ پارێزە‌ری ماف و سە‌رخستنی دادپە‌روە‌ری و سە‌روە‌ری یاسابن.

2026/01/03

02/01/2026

3ى یەک، رۆژى پارێزەرانى کوردستان پیرۆزە

بەبۆنەى رۆژى پارێزەرانى کوردستان، کە لە رێکەوتى (3-1)ى هەموو ساڵێک یاد دەکرێتەوە، بەناوى سەرۆک و ئەندامانى ئەنجومەنى سەندیکاى پارێزەران پیرۆزباییی لە خۆمان و تەواوى پارێزەرانى خۆشەویست دەکەین.
سى و یەک ساڵ بەر لە ئێستا و لە 3-1-1993 پەرلەمانى کوردستان بەشێوەیەکى فەرمى، بڕیارى دانپێنانى بە دەستەى کاتى دامەزرێنەرانى سەندیکاى پارێزەرانى کوردستان کرد، کە (10) پارێزەرى کوردستان، کە بەڕێز سەرۆکى ئێستاى سەندیکاى پارێزەرانى کوردستان، یەکێک بوو لەوان، وەکو ئەرکێکى نیشتمانیى و کوردستانیى و پیشەییانە، سەندیکاى پارێزەرانى کوردستانیان دامەزراند.
سەندیکاى پارێزەرانى کوردستان، کە بەپێى یاسا دامەزراوە و بەپێى یاساش کار دەکات، پەیوەندییەکانى لەگەڵ دەسەڵاتەکانى تەشریعیى و جێبەجێکردن و دادوەریى لە هەرێمى کوردستان لەسەر بنچینەى رێزگرتن لە یاسا و پارێزەران و جێبەجێکردنى یاسایە. هەمیشە داواکاریمان ئەوە بووە و دەبێت، کە پێویستە لەو چوارچێوەیە لە پێگەى پارێزەران بڕوانن. هەرچەندە لێرە و لەوێش کەمتەرخەمیى و کەموکوڕیش هەبووە، بەڵام سەندیکا بەردەوام لە هەوڵ و هەماهەنگى دا بووە و دەبێت لەگەڵ لایەنە پەیوەندیدارەکان و هەموو رێگا پیشەییى و یاساییەکان بۆ چارەسەرکردنى کێشەى پارێزەران دەگرێتە بەر.
سەندیکاى پارێزەرانى کوردستان، کە بە تەواوی پشت بە داهاتەکانى خۆى دەبەستێت، کە بە سیستەمێکى ژمێریاریى تۆکمەى وردبینیکراو لەلایەن چاودێریى دارایى هەرێم، بەڕێوەدەچێت و سیستەمێکى خانەنشینى سەربەخۆى هەیە و مافى پارێزەران بە تەواوى دەستەبەرە لەڕووى خانەنشینیەوە.
لەماوەى دوو ساڵى رابوردوو، تۆمارى ئەندامانى سەندیکاى پارێزەرانى کوردستان بە هەماهەنگى فەرمانگەى تەکنەلۆژیاى زانیاریى و ئەنجامدانى پرۆسەى بایۆمێترى، بە تەواوى پاک کرایەوە، کە بەپێى یاسا نابێت پارێزەر لە هەمان کات فەرمانبەر یا وەزیفەى گشتی هەبێت و پرۆسەکەش بەردەوامە.
سەندیکاى پارێزەرانى کوردستان هەماهەنگیى تەواوى لەگەڵ ئەنجومەنى دادوەریى هەرێمى کوردستان هەیە لەپێناوى بەرقەرارکردن و جێبەجێکردنى یاسا و هەروەها بەهەمان شێوەش لەگەڵ سەرۆکایەتیى داواکاریى گشتیى و وەزارەتى داد و دەسەڵاتى جێبەجێکردن بەشێوەیەکى گشتى.
لە پلانى گرینگى ئەمساڵى سەندیکاى پارێزەرانى کوردستان، پرۆسەى بە ئەلیکترۆنیکردنى کاروبارەکانى سەندیکا، لە نێویشیاندا مامەڵە کارگێڕیى و داراییەکانى سەندیکا، بەجۆرێک پارێزەران بتوانن سوودى لێ وەربگرن و رێگا دوورەکانیان، نزیک ببێتەوە.
دووبارە پیرۆزباییى ئەو رۆژە (3-1) لە هەموو پارێزەرانى خۆشەویست دەکەین، هیوادارین پێکەوە هەموومان پارێزگارى لە بەرزى پیشەى پیرۆزى پارێزەرایەتی بکەین و دەست لەناو دەست، پارێزەران لە پێگە و پایەى گەورە ببینین.
هەر سەرکەوتوو و سەرفراز بن

سەندیکاى پارێزەرانى کوردستان

24/12/2025

بەشداری ساڵانەی پۆستە لەگەل کۆمپانیای (Eagle Post) بە پێی سەرمایەی کۆمپانیا

24/12/2025

ئاگاداریەک لە بەرێوەبەرایەتی کۆمپانیاکانی هەولێر بۆ پارێزەران

23/12/2025

23/12/2025

لە هەرێمی كوردستان شەش ڕۆژ پشووی فەرمی دەبێت

لە ڕۆژی پێنجشەممە، 25ی كانوونی یەكەمی 2025، تا ڕۆژی شەممە، 3ی كانوونی دووەمی 2026، لە سەرجەم دامودەزگاكانی هەرێمی كوردستان، پشووی فەرمی دەبێت.
هاوکات دەوام لە دامەزراوە خزمەتگوزارییەکان، بە شێوەی ئێشکگری دەبێت.
لە كاتی هاتنی مووچەی مانگی تشرینی یەكەمی فەرمانبەرانی هەرێم، پرۆسەی دابەشكردنی مووچە لە ڕۆژانی پشوو بەردەوام دەبێت.

ڕۆژی یەکشەممە، 4ی كانوونی دووەمی 2026، دەوامی فەرمی لە سەرجەم دامودەزگاكانی هەرێمی كوردستان دەست پێدەكاتەوە.

فەرمانگەی میدیا و زانیاری