محامی / محمد نادر مصطفی

01/07/2026

ئایا دەزانیت کۆمێنتێک یان پۆستێک دەتوانێت ببێته‌ كێشه‌ی یاسایی و رووبه‌رووی سزات بكاته‌وه‌ ؟

زۆر کەس وا بیر دەکەنەوە کە جیهانی دیجیتاڵی و سۆشیاڵ میدیا شوێنێکی بێیاسایە و دەتوانن هەرچییەکیان بوێت بیڵێن یان بڵاوی بکەنەوە بەبێ ئەوەی لێپرسینەوەیان لەگەڵدا بکرێت. بەڵام ڕاستیەکە زۆر جیاوازە! 🛑

⚠️ یاسا لە هەموو شوێنێکە، تەنانەت لە پشتی شاشەی مۆبایلەکەشت.
لە هەرێمی کوردستان ، یاسای تایبەت هەیە بۆ سزادانی ئەو کەسانەی کە سۆشیاڵ میدیا بە خراپی بەکاردەهێنن. کردەوەکانی وەک:
١. ناوزڕاندن (تەشهیر): بڵاوکردنەوەی زانیاری ناڕاست بۆ تێکدانی ناوبانگی کەسێک یان لایەنێک.
٢. سووکایەتی و جنێودان: بەکارهێنانی وشەی نەشیاو بەرامبەر کەسانی تر.
٣. بڵاوکردنەوەی زانیاری و وێنەی تایبەتی: بڵاوکردنەوەی هەر شتێک کە تایبەت بێت بە ژیانی کەسیی کەسێک بەبێ ڕەزامەندی ئەو.
🚫 هەموو ئەمانە سزای یاسایی قورسیان هەیە، لە غەرامەی داراییەوە تا زیندانیکردن.
💡 چی بکەین؟
بەرپرسیار بە: پێش ئەوەی پۆست بکەیت یان کۆمێنت بنووسیت، بیری لێ بکەرەوە.
مافی خۆت بزانە: ئەگەر بوویتە قوربانی تاوانێکی ئەلیکترۆنی، بێدەنگ مەبە. یاسا دەتپارێزێت.
بەڵگە کۆبکەرەوە: ئەگەر کێشەیەکت بۆ دروست بوو، سکرینشۆت و لینکی پێویست خەزن بکە.

ئێمە لێرەین بۆ ئەوەی ڕاوێژی یاساییت پێشکەش بکەین و یارمەتیت بدەین لە پاراستنی مافەکانت لە جیهانی دیجیتاڵیدا. ⚖️
👉 ئەم پۆستە شەیر بکە بۆ ئەوەی هاوڕێکانت و خێزانەکەت ئاگادار بن!
پارێزه‌ری راوێژكار / محمد نادر زراری
#یاسا #کوردستان

01/07/2026

وەزیری خوێندی باڵای هەرێم، بڕیاریدا بە پێدانی سزای (العزل) بۆ د. عبدالـلطيف احمد

العزل لەکارترازانی هەمیشەییە و ناتوانێ بگەڕێتەوە سەرکارەکەی، قورسترین سزای کارگێڕیە.

22/06/2026

استاذ عبدالرزاق السنهوري دەلێت

ئەرکی پارێزەران ئەوە نییە ڕاستیەکان بگۆڕن یان بشارنەوە. بۆیە شانازی مەکە کاتێک بەرتیل دەدرێت بۆ بردنەوەی دۆسیەکان، چونکە بەهۆی تاوانبارێکەوە خۆت بوویتە تاوانبار. ئەوکات تۆ و ئەویش هەمان شتن ( تاوانبارن )، چونکە تۆ خۆت دەدۆڕێنیت بۆ ئەوەی دۆسیەیەک ببەیتەوە.
دۆسیەکە براوەیە، بەڵام تۆ دۆڕاویت.

07/06/2026

26/05/2026

سه‌باره‌ت به‌و سكاڵایه‌م ‌ له‌ دژی به‌رێز د.فاضل عبدالوهاب له‌سه‌ر ‌ چه‌ند وه‌سفێكی پارێزه‌ران . وێرای ده‌ستخۆشیم له‌ به‌رێزان كاك بژار علاف و كاك به‌ختیار حیدر كه‌ داكۆكی كار بوون له‌سه‌ر پاراستنی شكۆی پارێزه‌ران , ئامانج له‌و سكاڵایه‌م نیشاندانی مامۆستایانی به‌رێز بوو كه‌ پارێزه‌ران خاوه‌ن شكۆی پێگه‌ی تایبه‌تن و خاوه‌ن مه‌رجه‌عێكن كه‌ مافی پارێزبه‌ندی و ‌اجرائات كردن له‌گه‌ڵیان تایبه‌ت به‌ سه‌ندیكایه‌ و جه‌ختمكرده‌وه‌ كه‌ پارێزه‌ران پێگه‌یه‌كی گرنگی كۆمه‌ڵگه‌ن و په‌یاممان بریتیه‌ له‌ پاراستنی شكۆی یاسا و مافی هاوڵاتیانمان له‌ژێر رۆشنایی ئاینی پیرۆزی ئیسلام و یاسادا .

کوردى/عربی

ئەمڕۆ بەڕێز بەختیار حەیدەر، سەرۆکى سەندیکاى پارێزەرانى کوردستان، بە ئامادەبوونى بەڕێز بژار عەللاف، ئەندامى ئەنجومەنى سەندیکا پێشوازى کرد لە بەڕێز مامۆستا فاضل عبدالوهاب، کە پێشکەشکارى بەرنامەیەکە لە رادیۆى روناکى و بەر لە چەند رۆژێک لەسەر پارێزەران چەند وەسفێکى کرد، کە پارێزەران پێى قەڵس بوون و تووڕەییى دروست کرد. کە بە یاوەرى بەڕێز د. ادریس کاریتانى سەردانى سەندیکاى کرد.
دواى دروستبوونى ئەو نیگەرانییە، مامۆستاى ناوبراو ئەو سەردانەى ئەنجام دا و داواى لێبووردنى کرد لە دڵرەنجاندنى پارێزەران و بە بەڕێز سەرۆکى سەندیکاشى راگەیاند، کە ئەو ڤیدیۆیەى لە ئەکاونتى خۆى رەش کردۆتەوە.
بەڕێز بەختیار حەیدەر، دووپاتى گیانى برایەتیى و تەباییى نێوان پارێزەران و مامۆستایانى ئاینى کردەوە و جەختى لەوە کردەوە کە گشت توێژێک نامەى پیرۆزیان پێیە و لە رێگاى خۆیانەوە بۆ کۆمەڵگا دەیگەیەنن و بەرگرى لە ماف و دادپەروەرى دەکەن و مامۆستایانى ئاینى و پارێزەرانیش سەرمەشقى کۆمەڵگاى کوردەواریى و بەرگریکارى بەها پیرۆزە ئاینیى و یاساییەکانن و ئەگەر شتێکى نەخوازراویش روو بدات، ناتوانێت ئەو یەکڕیزیى و پتەوى پەیوەندى کۆمەڵایەتیى و یاساییى نێوان ئەو دوو توێژە تێک بدات.

اليوم استقبل السيد بختيار حيدر، نقيب محامي کوردستان، وبحضور السيد بژار علاف عضو مجلس النقابة، الرجل الدینی السید فاضل عبدالوهاب، مقدم أحد البرامج في إذاعة روناکى، والذي كان قد أدلى قبل عدة أيام ببعض التصريحات المتعلقة بالمحامين، الأمر الذي أثار استياءً وغضباً في أوساط المحامين، وذلك بوساطة ومرافقة الدكتور إدريس كاريتاني الذي قام بزيارة النقابة معه.
وبعد حصول تلك المخاوف وردود الأفعال، قام السید المذكور بهذه الزيارة وقدم اعتذاره عمّا تسبب به من إساءة لمشاعر المحامين، كما أبلغ السيد النقيب بأنه قام بحذف الفيديو من حسابه الشخصي.
من جانبه، أكد السيد بختيار حيدر مجدداً على روح الأخوة والتآخي بين المحامين ورجال الدين، مشدداً على أن جميع الشرائح المجتمعية لها رسالتها السامية في خدمة المجتمع والعمل من أجل ترسيخ العدالة والدفاع عن الحقوق، وأن رجال الدين والمحامين يمثلون قدوة في المجتمع الكردستاني، وحماةً للقيم الدينية والقانونية السامية، وأن أي أمر غير مرغوب فيه لا يمكن أن يؤثر على متانة ووحدة العلاقات الاجتماعية والقانونية بين هاتين الشريحتين.

18/05/2026

ئه‌مرۆ سكالام له‌ دژی فاضل عبدالوهاب پێشكه‌ش به‌ سه‌ندیكا كرد به‌ مه‌به‌ستی ئه‌نجامدانی رێككاری یاسایی له‌ دژی

09/05/2026

كاتێك به‌ها و پیرۆزی پیشه‌كه‌ت ده‌زانیت و هه‌وڵی باشتر كردن و به‌ره‌و پێش بردنی بۆ ده‌ده‌یت , گومان له‌وه‌دا نیه‌ كه‌ ده‌بیته‌ جێی شانازی .
ده‌ستخۆشی له‌ سه‌ندیكای پارێزه‌رانی كوردستان و كاك ئه‌یاد كاكه‌یی ده‌كه‌م بۆ ئه‌و رێزلێنانه

04/05/2026

له‌سه‌ر داوای سه‌ندیكا زەوی ئەدرێت بە پارێزەرەکان.
ئه‌مرۆ بریار درا بۆ پركردنه‌وه‌ی فۆرم

⬇خوێنه‌ر بن

26/04/2026

مافی قەرەبووکردنەوەی کەسی زەرەرمەند و بێتاوان پێویستیەکی حەتمیە وەک هەر مافێکی تری ئاسایی پێویستە کاری لەسەر بکرێت و هاوڵاتی خۆیشی وریا و چاونەترس بێت و بزانێت ماف و ئەرکی چیە، بۆئەوەی دەسەڵات و هێزی عەنتەر و میلیشیای باش پەروەردەنەکراو، جورئەتی ئەوە نەکات پێش دادگا سوکایەتی بە تۆمەتبار بکات وەک لەم نمونەی خوارەوەدا دیارە.

کابرا بە تۆمەتی پشتێنی تەقینەوە هەڵیانکوتایە سەری کەچی دەرکەوت دەفتەرەکانیەتی، سەرەڕای ئەوە زللەی لێئەدەن؟!