Smart Avukat بۆپارێزەرایەتی و راوێژکاری یاسایی

19/07/2026

ساڵانێک ئەزموون هەیە کە بە ئاسانی ناتوانرێت کورت بکرێتەوە لەچەند رۆژێک ...

بەڵام دەتوانین بە ڕاستگۆیی هاوبەشیان بکەین لەگەڵ ئێوە
دەتوانرێت ئەم ئەزمونە بە شێوەیەک ڕێکبخرێن کە یارمەتیت بدات بە بەرچاو ڕوونییەکی زیاتر پیشەی پارێزەرایەتی دەست پێبکەیت.

هەر بۆیە ئێمە لە سمارت ئەڤۆکات
پرۆگرامێکی پیشەیی پراکتیکیمان لە بواری پارێزەرایەتی بۆ ئامادە کردون ، کەبریتیە لە بنیاتنانی ڕێڕەوی پیشەیی و چوونە ناو بوارە یاساییە نوێیەکان

لەم بەرنامەیەدا چەندین سەعات ئەو شتانەی کە خۆزگە دەخوازیت لە سەرەتاوە بتزانیبایە باسی دەکرێت :

چۆن لە بازاڕی کاری یاسایی تێبگەین؟

چۆن ڕێگاکەت بە ئاگادارییەوە هەڵبژێریت؟

چۆن پەرە بە توانا پیشەییەکانت بدەیت؟

چۆن ئامادەیی یاسایی ڕوون دروست بکەین؟

وە چۆن هەنگاوی پێگەیشتووتر لە سەردەمی زیرەکی دەستکرد و گۆڕینی یاساییدا بنێین؟

ئەم خولە بەڵێن نییە بە چەند رۆژێک ژیانت بگۆڕێت.

بەڵکو دەستپێکردنێکی کرداریە کە یارمەتیت دەدات ڕێڕەوی یاسایی خۆت بە ڕوونیتر ببینیت و هەنگاوی متمانە بەخۆبوون و ئاگادارانەتر بنێیت.

ئەگەر تۆ قوتابی یاسا بیت و بەم دواییە دەرچووی، یان تازە دەستت بە پیشەی پارێزەرایەتی کردووە و هەست دەکەیت پێویستت بە ڕێنمایی پراکتیکی هەیە لەبری ئەوەی سەرت لێ بشێوێت...

ئەم خولە دەتوانێت ئەو سەرەتایە بێت کە تۆ بەدوایدا دەگەڕێیت.

کورسییەکان زۆر سنووردارن؛ تەنها 12 بەشداربوو وەردەگیرێن
لینکی ناو تۆمارکردن👇🏻

https://bit.ly/Law-Course

22/06/2026

ئەمڕۆ مەراسیمی واژووکردنی لێک تێگەیشتنی ستراتیژی نێوان کۆمپانیای Smart Avukat بۆ پارێزەرایەتی و ڕاوێژکاری یاسایی و کۆمپانیای All Win بۆ گەشەپێدان و پەرەپێدانی توانا کارگێڕیەکان ئەنجامدرا بە ئامادەبوونی تیمی پارێزەران و راوێژکاران .

ئەم هەنگاوە تەنها واژووی بەڵگەنامەیەک نییە، بەڵکو دەستپێکی قۆناغێکی نوێیە بۆ پێشکەشکردنی چارەسەری تەواوی یاسایی و کارگێڕی بۆ کۆمپانیاکان و خاوەنکاران.

ئامانجی ئەم هاوبەشییە ئەوەیە کلتووری «چارەسەرکردنی کێشە دوای ڕوودان» بگۆڕدرێت بۆ «ڕێگریکردن لە کێشە پێش دروستبوونی».

باوەڕمان وایە کۆمپانیای بەهێز، پێویستی بە بناغەیەکی بەهێزی یاسایی، کارگێڕی و ستراتیژی هەیە؛ و بۆ ئەو مەبەستە، ئێمە هاتووین بۆ دروستکردنی ئەو سیستەمە.

ئەم هاوبەشییە هەنگاوێکە بۆ دروستکردنی ژینگەیەکی بازرگانی پارێزراوتر، پێشکەوتووتر و بەردەوامتر لە هەرێمی کوردستان.

16/06/2026

پاراستنی مافە یاساییەکان لە جیهانی بازرگانیی ئەمرۆدا، پێویستی بە تێگەیشتنێکی قووڵ هەیە لە یاسا و ڕێککەوتننامە نێودەوڵەتییەکان. گرێبەستی تۆکمە و داڕێژراو لەسەر بنەمای زانستی، یەکەم هەنگاوی سەرکەوتن و سەقامگیریی هەر پڕۆژەیەکە.
سەروەریی یاسا، بنەمای متمانەیە

دادپەروەری، تەنها پێدانی ماف نییە بە خاوەنەکەی بەڵکو پاراستنی خودی مافەکەیە لە پێشێلکردن

#دادپەروەری #گرێبەست #پڕۆفیشناڵ #ڕۆشنبیری یاسایی

13/06/2026

06/06/2026

چۆن پسپۆڕانی هێما بازرگانییەکان و گرێبەستەکان دەتپارێزن ؟
سەرکەوتنەکانت بۆ ڕێکەوت جێ مەهێڵە !

ئێستا هێمای بازرگانیەکەت و گرێبەستەکان و داهاتووی کۆمپانیاکەت بپارێزە .

نهێنی بەردەوامیی بازاڕی کار و کۆمپانیاکەت بریتیە لە : گرێبەستی زیرەک و هێما بازرگانییە پارێزراوەکان و راوێژکاری تایبەتمەند کە مافەکانت گەرەنتی دەکات.

لا تترك نجاحك للمصادفة! احمِ هويتك، عقودك، ومستقبل عملك الآن.
​من الفكرة إلى القمة.. كيف يحميك خبراء العلامات التجارية والعقود ؟
​سر الاستمرارية في السوق: عقود ذكية، علامات تجاریە محمية ، مستشار متخصص يضمن حقوقك

04/06/2026

بۆ پاراستنی وەبەرهێنانەکەت و دەستەبەرکردنی مامەڵەکانت ، چارەسەرەکە لە پابەندبونە بە بوونی سێ پایەی گرنگ لە کۆمپانیاکەت :
بونی پسپۆڕانی هێمای بازرگانی و داڕشتنی گرێبەست ،
وە چارەسەرکردنی ناکۆکییەکان لە ڕێگەی ناوبژیوانییەوە.

لە ڕێنمایی یاسایی و بازرگانی گشتگیر بەدەست بێنە بۆ گەشەکردنی پڕۆژەکانتان بە متمانە بەخۆبوون و بێ مەترسی.

لحماية استثماراتك وتأمين تعاملاتك.. الحل يبدأ من ثلاثية الأمان لشركتك:
خبراء العلامات التجارية،
صياغة العقود،
وفض النزاعات بالتحكيم.

#دليلك القانوني والتجاري المتكامل للنمو بثقة وبلا مخاطر

01/06/2026

ئاگاداری بۆ گشت ئەندامانی ژووری بازرگانی و پیشەسازی هەولێر
دەستپێکردنی بڕیاری لێخۆشبوون لە رسووماتی ساڵانی رابردوو

ئاماژە بڕیاری ژمارە (7)ـی کۆبوونەوەی ژمارە (2)ـی خولی دووه‌می ئەنجومەنی کارگێڕیی یەکێتیی ژوورەکانی بازرگانی و پیشەسازیی هەرێمی کوردستان لە رێککەوتی 18ـی ئایاری 2026، بە مەبەستی پاڵپشتیکردنی کەرتی تایبەت و پێشکەشکردنی کارئاسانیی دارایی بۆ بازرگانان و پیشەسازان، بڕیاری لێخۆشبوون و رێکخستنەوەی رسووماتی ئەندامێتی بەم شێوەیەی خوارەوە رادەگەیەنرێت:

1. بڕیارەکانی لێخۆشبوون و داشکاندنی رسوومات:
- تەنها رسووماتی ساڵانی (2025) و (2026) لە بازرگانان وەردەگیرێت.
- هەر بازرگانێك تەنها ساڵی 2025 قەرزار بێت، لێخۆشبوونی بۆ دەکرێت و تەنها رسووماتی ساڵانی 2026 و 2027ـی لێ وەردەگیرێت.
- ئەم لێخۆشبوونە گشت جۆرەکانی ناسنامەی بازرگانی دەگرێتەوە، تەنها جۆری (دەڵاڵی) نەبێت کە بڕیارەکەی دواخراوە بۆ کۆبوونەوەی داهاتوو.
- ئەم بڕیارە لە رێککەوتی 1ـی حوزەیرانی 2026 تاوەکو 30ـی تشرینی دووەمی 2026 جێبەجێ دەکرێت.

2. رێنماییە نوێیەکانی پاراستنی مافی ئەندامێتی:
- هەر ناسنامەیەك (4) ساڵ بەسەر نوێکردنەوەیدا تێپەڕ بووبێت، تەرقین دەکرێت. ئەگەر خاوەنەکەی لە هەر کاتێکدا داوای ناسنامەی نوێ بکاتەوە، دەبێت گشت قەرزە کۆنەکانی تاوەکو رۆژی داواکارییەکە بداتەوە.
- هەر ئەندامێك ناسنامەکەی تەرقین کرابێت یان خۆی داوای هەڵوەشاندنەوەی کردبێت، بۆی نییە تاوەکو یەك ساڵ داوای ناسنامەی نوێ بکات.
- لە دوای کۆتاییهاتنی وادەی ئەم لێخۆشبوونە، هەر بازرگانێك چوار ساڵ بەسەر ناسنامەکەیدا بڕوات و نوێی نەکاتەوە، مافی ئەندامێتی لە ژوور نامێنێت.

ژووری بازرگانی و پیشەسازیی هەولێر

31/05/2026

ڕاگەیەندراوێکی گرنگ بۆ سەرجەم خاوەنکاران و کرێکاران
وەرگرتنی "کۆمپیالە" یان "کەفالەى دارایی" لە کرێکاران بە هەموو شێوەیەک قەدەغەیە

پاڵپشت بە یاسای کار ژمارە (٧١)ی ساڵی ١٩٨٧ و نووسراوە فەرمییەکانی بەڕێوەبەرایەتیی گشتیمان و وەزارەتی دادی حکومەتی هەرێمی کوردستان، ئاگاداری سەرجەم خاوەنکاران دەکەینەوە:
وەرگرتنی کۆمپیالە، کەفالەی دارایی، یان ناچارکردنی کرێکار بە "خۆقەرزارکردن" وەک مەرجێک بۆ دامەزراندن یان بەردەوامبوون لە کاردا، پێچەوانەی یاسایە و بە هەموو شێوەیەک قەدەغەیە.

هەروەها سەرجەم ئەو خاوەنکارانەی پێشتر ئەم کارە نایاساییەیان ئەنجام داوە، پێویستە بە زووترین کات هەموو ئەو پابەندییە داراییانە لەسەر کرێکاران هەڵبوەشێننەوە. بەپێچەوانەوە، ڕووبەڕووی سزای توندی یاسایی دەبنەوە، چونکە ئەم کارە دەبێتە ئامرازێک بۆ فشاری نایاسایی لە دەرەوەی بەندەکانی گرێبەستی کار.

داوا لە سەرجەم کرێکارانیش دەکەین ڕێگە نەدەن ئەم پێشێلکارییەیان بەرامبەر بکرێت، لە کاتی هەر ناچارکردن یان بەدیکردنی ئەم سەرپێچیانەدا، دەتوانن بە شێوەیەکی نهێنی و پارێزراو بەم ڕێگایانەى خوارەوە ئاگادارمان بکەنەوە:
هێڵی گەرمی هۆشیاریی کرێکاران ژمارە (5500)
دەتوانیت لە ڕێگەى پەیوەندی تەلەفۆنى یان لە ڕێگەى (واتسەپ، ڤایبەر) نامە بنێرى بۆ ژمارە (07511225500) یان (07721225500) چ بە شێوەى نووسین یان پەیامى دەنگى.
دەتوانیت لە ڕێگەى سیستمى سکاڵاى ئەلیکترۆنى لە ڕێگەى ئەم بەستەرەى خوارەوە سکاڵا تۆمار بکەیت و ئاگادارمان بکەیتەوە:
https://skala.gkrd.krd/ComplianceProcess

بۆ بینینى بەڵگە فەرمییەکان سەردانى پۆرتاڵی کار بکە:
https://kar.molsa.gov.krd/News/f8357ddf-32ca-4016-81bd-2ea05f22ccb0

ڕاگەیاندنى بەڕێوەبەرایەتیی دەستەبەرى کۆمەڵایەتى بۆ کرێکاران/هەولێر