افق القانون للمحاماة والاستشارات القانونية

29/01/2024

28/01/2024

من الدعاوى الجميلة الذي توكلت بها بعد التوكل على الله .. قام (س) بفتح بيان (هبة ) الى احد اولاده .. وبعد فترة من الزمن توفي الاب ... اراد موكلي ( الابن الثاني ) الغاء هذه الهبة واجراء معاملة انتقال من المورث الى الورثة .. امتنعت دائرة التسجيل العقاري من تمشية اي معاملة على العقار موضوع الدعوى بحجة وجود بيان هبة ومؤشرة في غلاف الاضبارة العقارية .. وبعد توكلي بهذه الدعوى قمت دعوى على (وزير العدل إضافة لوظيفته ) بمنع معارضة دائرته بتمشية المعاملات على العقار وجرت المرافعات في المحكمة المختصة .. وحيث ان اي تصرف على العقار باطل الا ان يكتسب شكله النهائي وتسجيله لذلك اكتسبت قرار لصالح موكلي بمنع معارضة دائرة التسجيل العقاري . ولله الحمد وحده❤️⚖️

18/11/2023

ثقف نفسك قانونا
١/اذا اقيم دعوى طلاق اخسر حقوقي
لا حبيبتي متخسرين ...
٢/الحضانة الي لو الزوجي ...
من عمر يوم الى ١٠ سنوات للام تمتمد لل١٥ سنة من اصير ١٥ يتخير بين الام والاب ...
٣/ اذا اتزوج تسقط الحضانة ؟ الزوج الثاني هو الفيصل بالموضوع اذا تعهد برعايتهم تبقى الحضانة الج.
٤/ استاذ زوجتي تريد نفقة واني ممطلك .. اي حبيبي مدام ع ذمتك تستحق نفقة المطلقة متستحق نفقة .
٥/ القانون ويه الزوج لو ويه الزوجة .. القانون ويه اليستخدمة صح .
٦/ ياهو اقوى البيان لو المكاتبة ... المكاتبة اقوى البيان منعترف بي الا يسجل للاخير وتصير الاسهم باسمكم .
٧ / ياهو اقوى البصمة لو العوقيع ... التوقيع اقوى.
٨/ زوجي ضربني وعندي صور .. عندج تقرير طبي ؟ لا متاكل هاي الصور بطلاق .
٩/ المذهب الجعفري احسن يحمي المرا ... لا نفس الشي الفرق الوحيد هو الزوجة تكدر تاخذ غايبهة قبل الطلاق ولازم موظف اذا كاسب ميصير والزواج بعدا .
١٠ / زوجي تزوج علية قبل سنة وضليت عايشة ويا اريد اطلك .. ميصير لان رضيتي بالواقع .
١١ / ممكن استشارة ... لا لان ماعندي استشارة مجانية انطيك فقط رؤوس اقلام .
١٢ / اطلب واحد صديقس مليار وعندي ١٠٠ شاهد ... عندك ورقة ؟ لا استاذ .. مياكلون الشهود بدعوى الدين لازم ورقة .
١٣ / للحديث بقية ......

18/11/2023

اقرأ للفائدة .. لكثرة المشاكل بخصوص بيع وشراء العقار ⚖️ خلي اسولفلكم لان ينعصر كلبي من يجيني شخص مضحوك علي وهو كضة عمرة يجمع بفلوسة حتة يسويلة سكف يعيش اهلة بي .. اليوم انت او انتي شفت عقار وتريد تشتري وحسمت سعر شسوي ؟ اول خطوى راح تشوف سند ٢٣ بأسم منو ؟ وشكد يملك ؟ واكو حجوزات على العقار لو لا ؟ بعد ما اتاكدت من سند اوك اتكاتب ويا ... لكن لا تنطي اكثر من مليونين فقط عربون . لا تنطي كل الفلوس ولا نصهن ابداااا احتمال ايكون السند مزور او هويتة مزورة .
ثاني يوم تروح انت ويا للطابو يفتحلك بيان وتبصمون من يفتحلك البيان راح تكون عدك ثقة ٨٠% ليش ؟ لان اذا العقار بي مشكلة مراح يفتح البيان المعاون .. من يفتحلك بيان تنطي ٨٠% من سعر البيت ويبقى ٢٠% على تقرير (اخير مرحلة ) بعد ماتروح المعاملة للبلدية الضريبة وترجع للطابو .. نقطة كلش مهمة انه من تنطي ٨٠ او ٩٠% لازم تسكن العقار هنا راح تكون مطمان ١٠٠% ليش ؟ لان لا سامح الله اذا صارت مشاكل ع عقار وتقيم دعوى تريد تتملك العقار شرط من شروط الدعوى لازم انت ساكن بي . اذا مساكن بي مستحيل تنجح الدعوى .

10/11/2023

لله الحمد وحده .. قرار تمليك عقار جديد لصالح موكلتي⚖

08/11/2023

قرار مطاوعة (بيت الطاعة)* لصالح موكلي⚖️⚘️

05/11/2023

لله الحمد وحده .. قرار تمليك عقار جديد لصالح موكلتي⚖

Send a message to learn more

05/11/2023

السيرة الذاتية.. محامي متمرس بكافة الدعاوى (شرعية .. مدنية .. جزائية ) اعمل لدى كافة محاكم بغداد..عضو في اتحاد الحقوقيين العراقيين .. صلاحية مطلقة .. تقديم كافة الاستشارات القانونية.. مختص بصياغة كافة العقود وحمايتها قانونا .. اهلا وسهلا بالجميع ولكم كل الود والاحترام