Bzhi Rozh Hassan

17/08/2025

“لەگەڵ”
چەمانەوەی ئاواتەکان، بە با چوونی هەوڵەکان
ڕاونانی یادەوەریەکان، ئۆقرە نەگرتنی بڕیارەکان
کۆکردنەوەی پارچەکان، لە چاڵ نانی بیرەوەریەکان

لەگەڵ
بژاردنی ئەگەرەکان، وەرگێڕانی ڕاستیەکان
نەمانی گوڵەکان، شکانی گۆزەکان
هەنگاوە کورتەکان، پیاسەی ئێواران

لەگەڵ
گەشتی سەر مەستی، بەڵێنە لە بیرکراوەکان
بەستنی چاوەکان، شاردنەوەی ڕەنگەکان
وتنی نەوتراوەکان و قەڵای سەر هەورەکان

"لەگەڵ ئەمانە"
گەشتمان وێنەیە و کاروان پڕ زێڕە
خان چراخانە و ئاسمان ڕوناکە
لێومان بە خەندە و پەیام دوو تامە
خەون راستیە و راستیش چنراوە
گوڵ رەنگاو رەنگە و بێ ڕەنگ دیارە
روومان لە یەزدان، سوێندمان کڕاوە

12/07/2025

🔺 پێچەوانەی لۆژیک 🔺

ئەگەر لۆژیک بەرجەستە بێت، دادگا لە مەیدان ئازاد بێت، زمان پاڕاو بێت، گوێگر بە ویژدان بێت. ئەوسا بە دەنگێکی بەرز هاوار دەکەین، هەڵگری ناسنامەی وڵاتێکین: گروپی چەکدار و لە یاسا دەرچوو نیشتمانپەروەرە. بکوژی چالاکوانی سیاسی ئازادە، دزی سەدە سەرمایەدارە، بەرامبەر بێ دەسەڵات شێری مەیدانە، گەندەڵی کلتوری کاریەتی، سەرۆک پەرلەمانێکی تەزویر چی بووە، فەرمان سالاری بەپەلە سێ مانگ دەخایەنێت، لەبەر لابردنی وێنەی زەلامێک باڵاترین پلەی سەربازی لە کار دورخراوەتەوە، خاوەنی نەوت و غازە و قەرزارە، سەرۆک وەزیرانێکی لە گوێچکە بڕین ڕزگاری بووە، بە شەو بەرەی مقاوەمەی دوژمنە و بە ڕۆژ خزمەتکاریەتی، سەرکردەکانی ڕیشیان درێژە و حاجین و خاوەن گازینۆن، بە تاوانی کوشتن فەرمانی گرتنی بۆ سەرکردەی ئەو ولاتە دەرچواندووە کە ڕۆژانە دەیپارێزێت.

سەرجەم تاکێکی نەتەوەکەم ئەو ڕاستیانە دەزانن وە زیاتریش، بۆ نمونە لە ساتی دەرچوونی یاسای بە پارێزگار بوونی هەڵەبجەی سەربەرز پەرلەمانیان چۆڵکرد، لە دادگای باڵای فیدڕالی بەرواری دادبینی داوای موچەی موچەخۆران خراوەتە ڕۆژی پشووی فەرمی، گروپی چەکدار خراوەتە لیستی سزاکان و بە پێچ و پەنا موچەیان بۆ دابین کراوە، ڕۆژانە هێرشی موشەکی دەکرێتە سەرمان و نابێت ناوی ئەو لایەنە بدەین کە هێڕش دەکات.

تەنها هەرێمەکەی من و نەتەوەکەی من توانی لەم دۆخە ئاڵۆزە ئاوەدانی بکات، ئاسایش بەرقەرار بکات، سەرمایەدار ئازاد بکات، شێخ و کوێخا لە قاڵب بنێت، کارەبا دابین بکات، شەری توندڕەو بکات، ڕێگاو بان دروست بکات، کشتوکاڵ و تەندروستی بەرەو پێش ببات.

✅ کاتی ئەوە هاتووە دان بەو ڕاستیە بنێین ئەمڕۆ چەکدار پێشمەرگە نیە بەڵکوو سەرجەم تاکێکی موچەخۆر پێشمەرگەیە وە خاوەن ئیرادەیە. هەربۆیە دەبێت خاوەن بڕیار بین، ئەگەر بمێنینەوە لەنێو ئەم بازاڕە شێواوە ئەوا دەبێت پێشڕەو بین لە بەرجەستە کردنی لۆژیک و بە ئاشکرا شەری توندڕەو و لە یاسا دەرچوو بکەین پشتیوانی غەدر لێکراوبین وە سەرجەم ئەو گروپانەی هێرش دەکەنە سەرمان دەستگیر بکەین و ئاشکرایان بکەین. وە ئەگەر بڕیاری پاشەکشە بدەین ئەوا دەبێت بە یەک دەنگ و یەک هەنگاو بێینەوە نێو سنورەکەمان و چاکسازی بکەین لە کەرتی گشتی و کابینەی نوێ تەشکیل بکەین.

🟢 بەو هیوایەی لە ڕۆژانی داهاتوو بە بیرێکی فراوان و خاڵی بڕیاری یەکلاکەرەوە بدرێت وە خاوەن بڕیار نەکەوێتە داوی خاتری خاتران.

03/04/2025

🔺دەرفەت🔺

لەگەڵ گۆڕانکاریە هەرێمیەکان و دابەشکردنی شیرینی سوریا، لە ساتی جێبەجێکردنی قورسترین فشاری دارایی بەسەر ئەو وڵاتانەی پشتگیری بیری ئاینی توندڕەو دەکەن، لەگەڵ خۆ حەشاردانی گروپە توندڕەوە عێراقیەکان لە ترسی پاراستنی ژیان و سامانیان. لە نێو ئەم بازاڕە شێواوە، ناوەندنی بڕیاری عێراقی سیاسەتێکی ژیرانە جێبەجێدەکات وە هەوڵی سپیکردنەوەی روخساری دەکات وە یەکەم هانگاوی بریتی بوو لە ڕاکێشانەوەی پڕۆژە یاسای تایبەت بە هێزە جەماوەریەکان لە پەرلەمانی عێراقی وە دووەم هەنگاو بریتی بوو لە پێدانی کێڵگە نەوتیەکانی شاری کەرکوک بە کۆمپانیای (B.P) بەریتانی. ئەوەی هەستی پێ دەکرێت ئەم سیاسەتە ژیرەی ناوەندی عێراقی هەقوڵاتی هزر و بیری تاکی عێراقی نیە بەڵکو لایەنێکی تر هەوڵی رزگاری عێراق دەکات بەمەبەستی بەردەوامبوونی مەرامە سیاسی و ئابوریە تایبەتەکانی.

✅ بەڵام لە ئێستادا، ئەوەی جێگەی سەرسوڕمانە سیاسەتی کوردستانی باشور لەم بازاڕە شێواوە جگە لە تەماشا کردن هیچ هەنگاوێکی جدی نەناوە وە هیچ دەستکەوتێکی ڕاستەقینەی نەبووە بەمەبەستی بەشداربوون لە دەرفەتەکان ئەمەش وا دەکات “ئاماژەی پێ بدرێت وە داوا بکرێت” دەرفەت هاتووە بیر لە سیاسەتێک بکرێتەوە بەمەبەستی گەڕانەوەی هەژموون لە ناوچە کوردستانی و کوردیەکانی دەرەوەی ئیدارەی هەرێم وە هەڵەی ڕابردوو راست بکرێتەوە.

#المختصر #المفيد
#القضاء #الواقف #محامي #پارێزەر #محامی #قانون #دادگا #سلێمانی #هەولێر #بژی #المجلة

09/02/2025

🔺پێشڕەو🔺

ئەوەی دەبینرێت و هەستی پێدەکرێت لە گۆڕانکاریە نێودەوڵەتیەکان خواستی مرۆڤایەتی خۆی دەبینێتەوە لە بەرەنگاربوونەوەی گەندەڵی و بەفیڕۆدان.

ئەوەی بینرا و بیسترا لەگەڵ ئەم هەڵبژاردنە نوێیەی ئەمریکا دەرکەوت بەهێزترین وڵاتی جیهان خاوەنی زۆرترین رێژەی گەندەڵی و بەفیڕۆدان بووە. بەو پێیەی شۆڕش و ڕوخاندنی ڕژێمی گۆڕبەگۆڕ بە شان و باڵ و هاوکاری ئەو وڵاتە ئەنجام دراوە لە ئەنجام وانەبێژی سیاسەت لەم گوزەرەی خۆمان هەمان وڵات و دەستە بووە بۆیە جێگەی سەرسوڕمان نیە چاولێکەری گەورەی خۆمان بین و بە شارەزا و سەرداری خۆمان زانیبێت.

لە ئێستادا هەرێمی کوردستان خاوەنی بڕیاری چارەنووسە وە دۆزینەوەی وەلامی ئەو پرسیارەی وڵات وڵات بۆی دەگەڕا و پەنجە پەنجە ڕایدەوەشان دەرکەوت لەنێو دەستەکانی بووە لە سەرەتاوە.

هەرچەند پەنجەی تۆمەت و بوختانی بەکرێگیراو ئاراستە بکرێت ناتوانین خۆمان لەو ڕاستیە بشارینەوە کە دەنگی میلەت دەڵێت “کاتی ئەوە هاتووە کابینەی نوێ کابینەی کەمکردنەوەی خەرجیەکان بێت، کابینەی کۆکردنەی داهات و یەکخستنی هێزەکان و یەک ئاڵا بێت، لە بری پاداشت و سزا کابینەی بنبڕی گەندەڵی و بندیوار و ڕێکخستنەوەی باج بێت. لە بری پیرۆزکردنی کەسایەتی سیاسی و هەڵواسینی وێنە و پۆستەر لە دام و دەزگاکان کابینەی بەرەنگاربوونەوی دەستی بیانی بێت”.

✅ ئێستا دەرفەتە بۆ دوو ساڵی ئایندە کەسایەتیەکی نوێ و دوور لە ڕەچەڵەک و ناوچەگەری بڕیارە قورسەکان بدات، شەرم و بەستەڵەکی چەند ساڵەی بەردەم بەڵێنەکان بە خەتی پێنوسێک کۆتایی پێ بێنێت.

#المختصر #المفيد
#القضاء #الواقف #محامي #پارێزەر #محامی #قانون #دادگا #سلێمانی #هەولێر #بژی #المجلة

21/11/2024

🔺ڕێگری و بەربەست🔺

وەک دیاردە، بەشێک لە پارێزەرانی یاسا هەوڵ دەدەن دادوەرە بەڕێزەکان بەشداری پێ بکەن لە کێشمەکێشەکانی دەسەڵاتی خواروو. بۆ نموونە; کاتێک بڕیارێک یان فەرمانێکی دادوەری دەردەچێت وە دەسەڵاتی خواروو بڕیارەکە جێبەجێ ناکات یان بەربەستێک بۆ جێبەجێکردنی بڕیارەکە دروست دەکات، ئەوا بەشێکی زۆری لایەنەکانی داوا هەوڵ دەدەن ڕاستەوخۆ دادوەرە بەڕێزەکە بەگژ بخەن بەرامبەر کەسی سەرپێچیکار. بەو بیانوەی لە ماددەی (٥١ بڕگەی ١) لە یاسای بنەما دادگەریە سزاییەکان ژمارە (٢٣)ی ساڵی (١٩٧١) هاتووە (المحققون تحت اشراف قضاة التحقيق)، بەڵام لە ڕاستیدا کاری دادوەر تەنها بڕیاردان و فەرمان دەرکردنە نەوەک داخل بوون و بەگژ داچوونی سەرپێچیکار.

چونکە; ڕێگری و بەربەست لە بڕیار و فەرمانی دادوەر دەبێتە زیانگەیاندن بە بەرژەوەندی گشتی و تێپەڕاندنی سنوری کارکردن وە مادەی (٣٢٩) لە یاسای سزادانی ژمارە (١١١)ی ساڵی (١٩٦٩) سزای کەسی سەرپێچیکاری دیاریکردووە وە دەسەڵاتی لێکۆڵینەوە لەگەڵ سەرپێچیکار لەو جۆرە رەفتارانە لە دەسەڵاتی دادگای لێکۆڵینەوە داستپاکیە نەوەک ئەو دادوەرەی بڕیارەکەی دەرکردووە.

وەک بنەما بۆ ئەم دیاردەیە ئەنجوومەنی دادوەری گشتاندنی ئاراستەی سەرجەم سەرۆکایەتی دادگاکانی تێهەڵچوونەوە کردووە بە ژمارە (١\٢٠١٦ لە ٢٥ – ٨ – ٢٠١٣) وە رای گەیاندووە دادوەری بۆی نیە خۆی تێکەڵی دژایەتی کەسی و یەکە ئیداریەکان بکات وە ئەرکی دادگاکان و دادوەرەکان تەنها بڕیاردانە وە جێبەجێکردنی بڕیار لە ئەستۆی لایەنێکی ترە.

#المختصر #المفيد
#محامي #پارێزەر #محامی #قانون #دادگا #سلێمانی #هەولێر #بژی
#مجلة #القضاء #الواقف

30/09/2024

🔺 قۆناغێکی نوێ 🔺

لە ئێستادا لەگەڵ گۆڕانکاریە هەرێمیەکان، ڕۆژ بەڕۆژ ناوچەکە هەنگاو دەنێت بەرەو تاریکی و خۆر ئاوابوون.

ئەوەی جێگەی نیگەرانیە؛ چەند ئەم جەنگە نوێیەی ڕۆژهەڵاتی ناوەڕاست تەشەنە بکات وە هێزی زیاتر بەرامبەر شیعە مەزهەبەکان بەکاربهێندرێت لە بەرامبەردا ئەوەندە ڕق و هێز بەرامبەر سونە مەزهەب و کوردەکان بەکاردەهێندرێت.

لەوانەیە تا ئەم ساتە “جگە لە ئاخاوتن بە زمانی شیرینی کوردی و سەردانیکردنی شارە کوردیەکان” هیچ پێشهاتێکی نوێ میوانی سنورەکەمان نەبوبێت.

بەڵام، لە ئەنجامی دەستەوسان بوون بەرامبەر ئەم پەلامارانەی دەکرێتە سەر هێزە چەکدارە شیعەکانی دەرەوەی عێراق، بەرنامەی دوبارە تۆڵە وپەلاماردان و لەرزینی سنورەکەمان لەلایەن توندڕەوەکان زیاتر لە ئارا دەبێت.

بەوهیوایەی ژیرانە مامەڵە بکرێت وە بانگەشە بۆ چەند گەڕەکێک نەگاتە ئاستی لەدەست دانی دەستکەوتەکان وە هانگاوی داهاتوو بریتی بێت لە ئامادەبون بەرەو ڕووناکی و ڕۆژهەڵات.

#المختصر #المفيد
#محامي #پارێزەر #محامی #قانون #دادگا #سلێمانی #هەولێر #بژی

06/08/2024

🔺مافی چارەنووس 🔺

ڕژێمی گۆڕ بەگۆڕ هەستا بە دروست کردنی دادگای شۆڕش و بنیاتنانی گرتووخانەی تایبەت و شاردنەوەی تۆمەتبارەکان لە کەسووکار. وە مافی بەرگری پارێزەران بۆ تۆمەتبارەکان، بە هەڵە و شەرمەزاری و گومان هەژمار دەکرا. وە ڕێژەیەکی زۆر کاسبکار وبێ تاوان، کەوتنە داوی ئەو تەڵەیە و سزای هەتا هەتایی و سێدارە بەسەریاندا جێبەجێکرا.

پاش شۆڕشی زاڵ بوون بەسەر ستەم و زۆرداری، وە ڕێگری لە کاری نایاسایی و گەڕانەوەی هۆشیاری. لە ئێستادا، مافی چارەنووس لە دەستمانە بڕیاربدەین، ئایا مێژوو دووبارە بکەینەوە و توێژێکی لە قالب دەرچوو دروست بکەین. یاخود، پێشرەوی سەروەری یاسا بین و سەرجەم ڕەنگەکان لەژێر یەک چەتر کۆبکەینەوە و کەس لە یاسا باڵاتر نەکەین.

#محامي #پارێزەر #محامی #قانون #دادگا #سلێمانی #هەولێر #بژی

Name Partner and Legal Counsel at Bzhi & Associates Law Firm

14/07/2024

🔺بە شانازیەوە🔺

شاری سلێمانی و دادگاکانی شاری سلێمانی و ئەندامانی ڕەوتی لێکۆڵینەوە بە سەرجەم پلەکانیەوە، پێشرەوی سەرجەم شارەکانی تری هەرێمی کوردستان و عێراقن لە بواری "یەکسانی بەرامبەر یاسا و سەربەخۆیی دادگاکان و پاراستنی مافەکانی مرۆڤ و چەسپاندنی یاسا". وە بە خۆشحالیەوە لەگەڵ هاوپیشەکانم شاهێد حاڵی ئەو ڕاستیەین.

وە سەرجەم لێدوان و کۆڕ و کۆربەندێکی پێچەوانە، بوختان و هەڵبەستەیە.

#محامي #پارێزەر #محامی #قانون #دادگا #سلێمانی #هەولێر #بژی

Name Partner and Legal Counsel at Bzhi & Associates Law Firm

28/05/2024

🔺نێوان ڕواڵەت و ناوەڕۆک🔺

دادگاکانی عێراق و حکوومەتی هەرێمی کوردستان لەسەر ئەو بنەمایە جێگیر بوون کە ئەنجامدانی کاری جادووکەری دەچێتە قاڵبی مادە (٤٥٦)ی یاسای سزادانی عێراقی کە بریتیە لە فێڵ و تەڵەکەبازی. وە ئەم تاوانەش دروست دەبێت کاتێک تۆمەتبار گەوجاندنی کەسێک دەکات وە بەڵێنی ئەنجامدنی کارێکی پێ دەدات لە رێگای جادو. وە هۆکاری گرتنەبەری ئەم ڕێچکە دروست و راستەی دادگاکان بۆئەوە دەگەڕێتەوە یاسا بڕوا بە بینراو و بیستراو و زانراو دەکات نەوەک پێچەوانەکەی.

⬅️ لە داوایەکی دەگمەن لە شاری کەربەلا ئافرەتێک ماڵ بەجێدەهێڵێت وە گوێرایەلی مێردەکەی ناکات بە گەڕانەوە بۆ نێو ماڵی هاوسەرگیری. پاش بەرزکردنی داوای گوێڕایەتی لەلایەن پیاوەکە وە پرسیار کردن لە ژنەکە دەربارەی هۆکاری دەرچوونی لە ماڵی هاوسەری. ژنەکە بە دادگای ڕاگەیاندووە کە زەرەرمەندە لە مانەوەی لە خانوەکەدا چونکە خانوەکە جنۆکەی تێدایە وە بووە بە هۆکاری دروستبوونی خەمۆکی و کاریگەری دەروونی لەسەری وە کەس و کاری پیاوەکە لەسەر هەمان بابەت خانوەکەیان چۆڵ کردووە.

ئەوەی جێگەی سەرنجە، دادگای پێداچوونەوە بڕیاریداوە بە ئەنجامدانی لێکۆڵینەوەی تەواو لەسەر دروستبوونی خەمۆکی و کاریگەری دەروونی بەهۆی بوونی جنۆکە وە کەس و کاری پیاوەکە بانگهێشتی دادگا بکرێن بۆ ڕونکردنەوە لەسەر ئەو بابەتە.

ئەگەر بە خوێندنەوەیەکی خێرا و ڕاگوزەر تەماشای ئەم بابەتە بکەین دەبینین دژیەکی هەیە لە نێوان دادگاکان. بە شێوەیەک، دادگایەک جادووکەر دەستگیر دەکات بە تۆمەتی فێڵ وە دادگایەکی تر لێکۆڵینەوە دەکات لە بوونی جنۆکە.

کەواتە کامیان دروست و یاسایین ؟؟

✅ لە ڕاستیدا دادگای پێداچوونەوە بە پێوسیتی زانیوە لێکۆڵینەوە لە بابەتەکە بکرێت لە ڕێگای باگهێشت کردنی کەس و کاری پیاوەکە بەمەبەستی دەرخستنی کێشەی ژنکە و زانینی هۆکاری ڕاستەقینەی دروستبوونی خەمۆکی و کاریگەریەکانی نەک بڕوا کردن بە سەرجەم وتەکانی. وە ئەگەر لە ئەنجامی ئەو لێکۆڵینەوەیە دادگا نەگاتە ئەنجامێکی باوەڕپێکراو و ڕەوا. ئەوا ئەگەری زۆری دەبێت ژنەکە هەژمار بکات بە لاسار یان هەواڵەی لیژنەی دەروونی بکات بۆ پشکنینی زیاتر.

وێنەی بڕیارەکە لە کۆمێنتە

#محامي #پارێزەر #محامی #قانون #دادگا

Name Partner and Legal Counsel at Bzhi & Associates Law Firm

21/03/2024

🔺 لە گەمەیەکی سیاسی بۆ هەڵەیەکی سیاسی 🔺

پاش ڕاگەیاندنی زۆنی زەرد بە بایکۆتی هەڵبژاردنی هەرێم و لە نێو خۆیان لە قەلەم دان و هەژمارکردنی ئەم هەنگاوەیان بە بازدان بەسەر تەڵەی نەیارەکان و دەرخستنی زیرەکیەکی زیاتر، لە ئێستادا ئەگەری ئەوە هەیە ئەم بازدانە تەنها هەنگاوێک بێت بەرەو هەڵەیەکی سیاسی و دوورکەوتنەوە لە ناوەندی سیاسی هەرێمی کوردستان و عێراق. وە چڕ کردنەوەی حیزبەکە بۆ تەنها کەمینەیەک.

زۆنی زەرد بەم هەنگاوەی داوێکی گرێ داوە وە چاوەڕێیە ناوەندی بڕیاری عێراقی کورنش بکات و هەوڵی ئاشتکردنەوەی بدات و بڕیاری زیاتری دادگا ڕابگیرێت وە ئەم هەنگاوەی بە مانای ئەوە دێت “ئەگەر ناوەندی بڕیاری عێراق ئاسانکاری نەنوێنێت کورنوش نەکات ئەوا سازش ناکەین و پاشەکشە دەکەین لە پەرلەمانی عێراق و حکوومەتەکەی سودانی و پشتگیری ناکەین”.

وە بەم هەنگاوەی گوایە لە داهاتوودا شەرعیەتی حکوومەتی ناوەندی ناهێڵێت چونکە سەدریەکان زۆرینەی دەنگەکانیان هێنا لە کۆتا هەڵبژاردن و بایکۆتی دەستەی بەرێوەبردنی ئەم حکوومەتە نوێیەی عێراقیان کرد وە پارتیش کاتێک بایکۆتی دەکات ئەو ناوەندی بڕیاری عێراقی ناچار دەکرێت و حکوومەتەکەی سودانی بەرەو کۆتای دێت.

⬅ بەڵام ئەوەی پارتی ئاگاداری نیە ئەوەیە: - “ناوەندی بڕیاری عێراقی چاوەڕێی ئەم هەنگاوەی دووەمی پارتیە بە کشانەوە لە مەیدانی سیاسی بەغداد. چونکە، ئەو کات "خاوەنی ڕاستەقینەی عێراق فەراغی زۆنی زەرد لە کوردستان پڕ دەکاتەوە لە ڕێگای ئەو دەستە و حزبە نوێیانەی دروستی کردون و ئامادەیان دەکات وە فەراغی سیاسی بەغدادیش پڕ دەکاتەوە لە رێگای ئاشتکردنەوەی سەدریەکان چونکە لە کۆتایدا سەدر بە ڕەگەز عەرەبە و شیعەیە وە ئەگەر سەدر پێچەوانەی مەرجەعێکی کردبێت کە دانیشتووی دەرەوەی عێراقە، ئەوا ناتوانێت پێچەوانەی داخوازی ئەو مەرجەعە بکات کە لە عێراقە و دانیشتووی نەجەفە”. بەم پێیەش، زۆنی زەرد دەبێتە دەنگی ناڕازی و هیچ ڕەهەندێکی نامێنێت.

پاشان وەک هەنگاوی کۆتایی، لە رێگای کەسی نزیکی دەرکراوی بنەماڵە، دەنگی نارازی نێو حیزبەکە کۆدەکرێتەوە و هەژمونی پارتەکە بە کۆتایی نامێنێت، “ئەوکات لە حیزبێی ساسی گەورە دەبێت بە تەنها دەنگی بنەماڵەیەکی لەتکراو”.

✅ بەو هیوایەی هەنگاوی داهاتوو ژیر تر بێت و هەوڵ بدرێت لە مەیدانی ناکۆکیەکان پێشرەوی بکرێت وە ناکۆکیەکان لە جێی خۆی بێت واتە: گەمەی سیاسی لە مەیدانی سیاسەت بێت و گەمەی ناکۆکی یاسا لە مەیدانی دادگا بێت، نەک کۆکردنەوە و قەتیس کردنی سەرجەمیان لە یەک مەیدان.

#کوردستانیەکان

#محامي #پارێزەر #محامی #قانون #دادگا

11/11/2023

Eng|کوردی|عربي
🔺 هەواڵ 🔺
کۆمپانیای ئێکسۆن مۆبیل ئەمریکی ڕێککەوتنێکی لەگەڵ کۆمپانیای نەوتی بەسرە واژۆ کرد سەبارەت بە دەرچوونی لە بازاری نەوتی عێراق و تسلیم کردنەوەی پشکەکانی لە کێڵگەی ڕۆژئاوای قورنە (١) لە پارێزگای بەسرە کە توانای بەرهەمهێنانی 550 هەزار بەرمیل نەوتی هەیە بە کۆمپانیای نەوتی بەسرە کۆمپانیایەکی گشتیە و سەر بە دەوڵەتەوە رێژەی پشکەکانی کۆمپانیای ئێکسۆن مۆبیل بریتیە لە 22.7%.

کۆمپانیای پترۆچینای چینی کە هاوبەشە لەگەڵ کۆمپانیایەک لە کۆنسۆرتیۆمی ئیماراتی، ئەرکی بەڕێوەبردن و کارکردن لە کێڵگەکە لە ئەستۆ دەگرێت وە بڕیارە لە (١٥\١١)ی ئەم ساڵ مەراسیمی واژۆکردن و ڕادەستکردن بەڕێوەبچێت لە وەزارەتی نەوتی عێراق.

کێڵگەی ڕۆژئاوای قورنە 1 لە پارێزگای بەسرە تاکە کێڵگەیە کە کۆمپانیای ئێکسۆن مۆبیلی ئەمریکی لە عێراق بەڕێوەی دەبات وە فرۆشتنی مافی کارکردن لەم کێڵگەیە بەو مانایە دێت کە کۆمپانیای ناوبراو بە یەکجاری لە بازاری نەوتی عێراق دەردەچێت.
______________________________

وقعت شركة إكسون الامريكية اتفاق مع شركة نفط البصرة تسمح بنقل حصتها البالغة 22.7 بالمئة في حقل غرب القرنة 1 البالغ طاقته 550 ألف برميل يوميا إلى شركة نفط البصرة الحكومية، والذي من المتوقع أن يتم بحلول نهاية هذا العام.

وستتولى شركة بتروتشاينا الصينية الشريك مع شركة في الكونسورتيوم الاماراتية، مهمة تشغيل الحقل، ومن المقرر أن تقام مراسم التوقيع والتسليم إلى الشركة الصينية كمشغل في وزارة النفط العراقية في 15 نوفمبر هذا العام.

ويعد حقل غرب القرنة 1 في محافظة البصرة الحقل الوحيد الذي تشغله شركة إكسون موبيل في العراق بعد أن تخلت عن مناطق التنقيب الخاصة بها في إقليم كردستان. وبيع حق التشغيل في هذا الحقل يعني أن إكسون موبيل الامريكية لن يكون لها وجود في العراق بعد الآن.

______________________________
ExxonMobil has signed an agreement with Basra Oil Company allowing for the transfer of its 22.7 percent interest in the 550,000 barrel per day (bpd) in West Qurna 1 to Basra Oil Company, which is expected to occur by end of year.

PetroChina, a partner in the consortium, will take over as operator, the signing ceremony for the handover to PetroChina as operator is due to be held at the Ministry of Oil on Nov. 15.

West Qurna 1 in Basra province is the only asset held by ExxonMobil in Iraq after it gave up its exploration blocks in the Kurdistan region. The sale means that ExxonMobil will no longer have an upstream presence in Iraq.

#محامي #پارێزەر #محامی #قانون

01/11/2023

Eng|کوردی|عربي

🔺ستراتیژی عێراق بۆ ڕاکێشانی وەبەرهێنانی نێودەوڵەتی لە پیشەسازی نەوت و گاز🔺

وەزارەتی نەوتی عێراق هەوڵدەدات کۆمپانیا نێودەوڵەتییەکانی وزە بۆ پیشەسازی نەوت و گاز ڕابکێشێت لەڕێگەی باشترکردنی مەرجەکانی گرێبەست و فراوانکردنی دەرفەتەکان. شەش دەرفەتی وەبەرهێنان بۆ خولی نوێی زیادکردنەکانی داهاتوو (المزايدات القادمة) زیاد کراون، بەمەش کۆی گشتی ژمارەی پڕۆژەکان گەیشتووەتە ٣٠ پڕۆژە.

ئەم هەنگاوە لە چوارچێوەی ستراتیژی عێراق دێت بۆ "پەرەپێدانی پیشەسازی نەوت و گاز و هاندانی وەبەرهێنانی بیانی و کەمکردنەوەی پشتبەستن بە هاوردەکردنی دەرەکی".

________________________________________

🔺استراتيجية العراق لجذب الاستثمارات الدولية في صناعة النفط والغاز🔺

تسعى وزارة النفط العراقية لجذب شركات الطاقة العالمية إلى صناعة النفط والغاز من خلال تحسين الشروط التعاقدية وتوسيع الفرص. تمت إضافة ستة فرص استثمارية إلى المزادات القادمة، مما يرفع العدد الإجمالي إلى 30 مشروعًا.

هذه الخطوة تأتي كجزء من استراتيجية العراق "لتعزيز ولزيادة إنتاج الغاز و صناعتها وتشجيع الاستثمارات الأجنبية وتقليل الاعتماد على الواردات الخارجية".

________________________________________

🔺Iraq's Strategy to Attract International Investments in the Oil and Gas Industry🔺

The Iraqi Ministry of Oil is actively working to attract global energy companies to its oil and gas sector by improving contractual terms and expanding opportunities. Six additional investment opportunities have been introduced for upcoming auctions, bringing the total to 30 projects.

This move is part of Iraq's strategy to boost and increasing gas production, encourage foreign investments and finally reducing reliance on imports.

Name Partner and Legal Counsel at Bzhi & Associates Law Firm