11/08/2026
مافی بینینی مناڵ دوای جیابونەوە!
جیابوونەوە کۆتایی بە پەیوەندی هاوسەرگیری دەهێنێت، بەڵام کۆتایی بە پەیوەندیی دایک و باوک و منداڵ ناهێنێت. لە یاسای باری کەسێتی عێراقیدا، مافی بینینی منداڵ بە مافێکی بنەڕەتی و نەگۆڕی هەم منداڵەکە و هەم ئەو لایەنە ئەژمار دەکرێت کە مافی بەخێوکردن (حەضانە)ی لەدەستداوە.
چەند خاڵێکی یاسایی گرنگ کە پێویستە بیزانیت:
🔺پاراستنی بەرژەوەندی منداڵ: دادگا لە کاتی دیاریکردنی کات و شوێنی بینیندا، پێش هەموو شتێک ڕەچاوی تەندروستی دەروونی و جەستەیی منداڵەکە دەکات.
🔺ڕێککەوتنی لایەنەکان: دایک و باوک دەتوانن لەسەر کات (ڕۆژانی پشوو، کۆتایی هەفتە) و شوێنی بینینەکە بە لێکتێگەیشتن ڕێکبکەون.
🔺دیاریکردنی شوێن لەلایەن دادگاوە: ئەگەر ڕێککەوتن نەبوو، دادوەر ڕێکار و کاتی گونجاو دیاری دەکات بە شێوەیەک کە زیان بە خوێندن و ژیانی ڕۆژانەی منداڵەکە نەگەیەنێت.
🔷ڕێگری کردن ڕێگەپێدراو نییە: بێبەشکردنی دایک یان باوک لە بینینی منداڵەکەی سەرپێچی بڕیاری دادگایە و لێکەوتەی یاسایی قورسی دەبێت.
ئاگاداربە جیابوونەوە کۆتایی پەیوەندی هاوسەرگیرییە، بەڵام بەرپەرسیارێتی دایکایەتی و باوکایەتی هەمیشەیییە.
