یاسا و پارێزەر

Directions

یاسا و پارێزەر بۆ هەر ڕاوێژێکی یاسای، کاری فەرمانگەکان
باری کەس، سزایی و لێکۆڵینەوە، شارستانی پەیوەندیمان پێوە بکەن

لەگەڵ مێردەکەم جیابوینەوە به مخالەعە وتی مادەم مناڵەکان لای تۆیە من نەفەقەیان نادەم وە وەرەقەیەکی پێ ئیمزا کردم بۆ ئەو ب...
09/09/2026

لەگەڵ مێردەکەم جیابوینەوە به مخالەعە وتی مادەم مناڵەکان لای تۆیە من نەفەقەیان نادەم وە وەرەقەیەکی پێ ئیمزا کردم بۆ ئەو بابەتە، ئایا دەتوانم داوای نەفەقەی مناڵەکانم بکەم لە دادگا؟

وەڵام/ بەڵێ دەتوانیت لە دادگا داوای نەفەقەی منداڵەکان بکەیت لەبەر ئەوەی لە مخالەعەدا ژن تەنها دەتوانێت لە مافەکانی خۆی خۆشبێت نەوەک منداڵەکانی، وە نەفەقە مافێکی حاشاهەڵنەگری منداڵەکانە، وە بە هیچ جۆرێک ڕێکەوتن لەسەر پێچەوانەکەی ناکرێت.
بۆیە هەر ڕێکەوتن و نوسراوێکیش دژی ئەو مافە بێت لە دادگا هیچ حسابێکی بۆ ناکرێت و مافی منداڵەکان پارێزراوە.

ئاگاداربە! خاوەن کارەکەت ناتوانێت کۆمپیالەت پێ واژوو بکات بە بیانوی گەرەنتی کار یاخود هەر بیانویەکی تر.پشتبەست بە یاسای ...
06/09/2026

ئاگاداربە! خاوەن کارەکەت ناتوانێت کۆمپیالەت پێ واژوو بکات بە بیانوی گەرەنتی کار یاخود هەر بیانویەکی تر.

پشتبەست بە یاسای کاری ژمارە ٧١ ی ساڵی ١٩٧٨ وە بەڕێوەبەرایەتی دەستەبەری کۆمەڵایەتی جەختی لێ کردۆتەوە، بە هیچ جۆرێک خاوەن کار بۆی نیە بە هەر بیانویەک بێت کۆمپیالە بە کارمەندەکانی بکات و بەتەواوەتی نایاساییە، وە هەر خاوەن کارێک پێشتر ئەم کارەی کردبێت پێویستە تەواوی ئەو پابەندیە داراییانە لەسەر کرێکارەکانی لابدات و هەڵیانبوەشێتەوە، وە بە پێچەوانەوە دوچاری ڕێوشوێنی یاسایی دەبن.

24/08/2026

هەڵەیەکی باو هەیە لە ناو خەڵکدا کە دەڵێت: "لە کاتی شەڕدا چەکت پێبێت بەکاری بهێنیت باشترە"

​بەڵام یاسا بە شێوازێکی تر دەڵێت! بەکارهێنانی چەک لە کاتی کێشەدا، سزاکەت چەندین هێندە قورستر دەکات و دەکرێت ژیانت بە تەواوی وێران بکات . ⚖️⚠️

​وردەکارییە یاساییەکان لەم کورتە ڤیدیۆکەدا بینە.

​ #یاسا #پارێزەر #عێراق #کوردستان #شەڕ #چەک

باوکم ماوەیەکە کۆچی دوایی کردووە پێش مردن قەرزاری کەسێک بوو ئێستا ئەو کەسە داوای قەرزەکەی لە ئێمە دەکاتەوە پێویستە چی بک...
30/07/2026

باوکم ماوەیەکە کۆچی دوایی کردووە پێش مردن قەرزاری کەسێک بوو ئێستا ئەو کەسە داوای قەرزەکەی لە ئێمە دەکاتەوە پێویستە چی بکەین؟

وەڵام/ بەپێی یاسا قەرزی کەسی مردوو لەسەر ماڵ و سامانی میراتگرەکانی جێبەجێ نابێت بەڵکو گەر میرات هەبوو لە میراتیەکە قەرزەکە ئەدرێتەوە و دوای داناوەی تەواوی قەرزەکان هەر شتێک مایەوە ئەبێتە تەریکە و ئەدرێتە میراتگرەکان، ئەمەش بەپێی بنەمای (لا تِرکَةَ إلا بَعدَ سَداءِ الدَّین).

بەڵام گەر کەسی کۆچکردوو هیچ ماڵ و موڵک و سامانێکی لێ بەجێ نەمابوو یاخود بەشی داناوەی قەرزەکەی نەکرد ئەوا خاوەن قەرز ناتوانێت میراتگرەکانی قەرزدار ناچار بکات بە دانەوەی قەرزەکە یان تەواوکردنی.

ئاگاداربن !!پێغەمبەر (ص) دەفەرموێت:"هەر ژنێک بەبێ هۆکارێکی ڕەوا و پێویست داوای جیابوونەوە لە مێردەکەی بکات، بۆنی بەهەشتی...
28/07/2026

ئاگاداربن !!
پێغەمبەر (ص) دەفەرموێت:
"هەر ژنێک بەبێ هۆکارێکی ڕەوا و پێویست داوای جیابوونەوە لە مێردەکەی بکات، بۆنی بەهەشتی لەسەر حەرامە."
(أَيُّمَا امْرَأَةٍ سَأَلَتْ زَوْجَهَا طَلاقًا فِي غَيْرِ مَا بَأْسٍ فَحَرَامٌ عَلَيْهَا رَائِحَةُ الْجَنَّة)
​وەک پارێزەرێک لە دادگاکانی باری کەسێتی ڕۆژانە هەندێک کەیس دەبینین کە دەکرێت بە دانیشتنێک چارەسەر بکرێت، بەڵام بەهۆی کەلەڕەقی و دەستوەردانی کەسوکارەوە وا بەرەو جیابوونەوە دەچێت.
​لەم فەرموودەیەدا پێغەمبەری خودا ئاماژە بە (فِي غَيْرِ مَا بَأْسٍ) دەکات، واتە کاتێک هیچ هۆکارێکی جدی و ڕەوا نەبێت. تێکدانی ماڵێک لەسەر کێشەی بچووک نە یاسا پاڵپشتی دەکات نە شەریعەت و بۆنی بەهەشتی لەسەر حەرام کراوە .
​بەڵام لە بەرامبەردا، ئەگەر ژنێک زیانی گەورەی بەرکەوتبێت و کێشەی گەورەی هەبێت یاسا و شەریعەت هەردووکیان مافیان پێداوە داوای جیابوونەوە بکات بۆ پاراستنی کەرامەتی.
​پەیامی من لێرەدا ئەوەیە ( دادگا کۆتا چارەسەرە، پێش ئەوەی بڕیاری هەڵوەشاندنەوەی خێزانەکەت بدەیت ڕاوێژ بکە و ڕێگە مەدە کێشەی بچووک ئاین و ئایندەت وێران بکات )
پارێزەر/ ئاکار نجم الدین مصطفی

28 هەزار کوڕ و کچ بەیەک گەیشتوون و شەش هەزاریان جیابوونەتەوەبەپێی نوێترین ئاماری فەرمی کە لەلایەن ئەنجومەنی باڵای دادوەر...
15/07/2026

28 هەزار کوڕ و کچ بەیەک گەیشتوون و شەش هەزاریان جیابوونەتەوە

بەپێی نوێترین ئاماری فەرمی کە لەلایەن ئەنجومەنی باڵای دادوەری عێراقەوە بڵاوکراوەتەوە، تەنیا لە مانگى شەشیـى ئەمساڵ، رێژەی جیابوونەوە لە دادگاکانی عێراقدا ئاستێکی بەرزی تۆمارکردووە و لە بەرامبەر هەر چوار بۆ پێنج پرۆسەیەکی هاوسەرگیریدا، حاڵەتێکی جیابوونەوە روویداوە.

لە ئامارەکەدا دەردەکەوێت لە مانگى رابردوودا، لە پارێزگاکانى عێراق بەبێ هەرێمى کوردستان، 28 هەزار و 85 گرێبەستی هاوسەرگیری تۆمارکراون، بەڵام شەش هەزار و 250 حاڵەتى تەڵاق و جیابوونەوەش تۆمارکراوە.

27/06/2026

ئەگەر ژن خۆی دەستپێشخەری بکات بۆ داوای جیابوونەوە ، هەموو مافەکانی دەفەوتێت ؟؟ ⚖️
زۆرێک لە ژنان لە ترسدا دەژین چونکە پێیان وایە ئەگەر خۆیان داوای جیابوونەوە بکەن، مافەکانیان دەفەوتێت. ئەمە هەڵەتێگەشتنێکی گەورەیە لە یاسا .

​لەم ڤیدیۆیەدا ڕوونم کردووەتەوە کە چۆن دەتوانیت بە یاسایی بەڵگەکانت بسەلمێنیت و مافەکانت وەربگریتەوە.
#یاسا #دادگا #جیابوونەوە #پارێزەر #سلێمانی #کوردستان"

13/06/2026

⚖️ شەو و ڕۆژ لە زیندان دەبێتە دوو ڕۆژ؟

​یەکێک لە باوترین هەڵەتێگەیشتنە یاساییەکان لە ناو خەڵکدا! زۆرجار دەبیستین کەسێک حوکم دراوە و دەڵێن "خەمت نەبێت نیوەی ماوەکە دەمێنێتەوە چونکە شەو و ڕۆژت بۆ حسابە".
​لە یاسای سزادانی عێراقی شتێک نییە بە ناوی "شەو و ڕۆژێک بە دوو ڕۆژ"، بەڵکو ئەوەی هەیە پێی دەوترێت ئازادکردنی مەرجدار (الإفراج الشرطي).
​لەم ڤیدیۆیەدا بە سادەیی ڕوونم کردووەتەوە کە کێ ئەم یاسایە دەیگرێتەوە و چەند لە سزاکەی کەم دەبێتەوە.
​

​ #یاسا #دادگا #پارێزەر #سلێمانی #کوردستان #سجن #زیندان #عێراق #تیکتۆک #قانون

"(4 چوار) نیشانەی فێڵ لە گرێبەست... ئەگەر بینیت واژۆ مەکە" ! ....*⚖️ وەک پارێزەرێک ئەم 4 خاڵەم بینیوە کە دەیان و سەدان ک...
19/05/2026

"(4 چوار) نیشانەی فێڵ لە گرێبەست... ئەگەر بینیت واژۆ مەکە" ! ....

*⚖️ وەک پارێزەرێک ئەم 4 خاڵەم بینیوە کە دەیان و سەدان کەسی پێ خەڵەتاوە ! * ..

*نیشانەی 1: گرێبەستەکە 1 پەڕەیە و بێ وردەکارییە*
"ناو، بڕی پارە، واژۆ... تەواو"
*فێڵەکەی چییە؟* کە کێشە دروست بوو، هیچ بڕگەیەک نییە بۆ پاراستنی تۆ.
*چارەسەر:* گرێبەست دەبێت باسی ماوە، شێوازی هەڵوەشاندنەوە، شوێنی یەکلاییکردنەوەی ناکۆکی بکات. ئەگەر ئەمانە نەبوون... مەترسیدارە.

*نیشانەی 2: هەموو دەسەڵاتەکە لای ئەوانە*
بڕگەیەک هەیە دەڵێت: "بەپێی ڕەزامەندی لایەنی یەکەم" یا "لایەنی یەکەم بۆی هەیە هەرکاتێک بیەوێت گرێبەست هەڵبوەشێنێتەوە".
*فێڵەکەی چییە؟* واتە تۆ بەردیت و ئەوان کۆنترۆڵی هەموو شتێکیان هەیە.
*چارەسەر:* دەبێت هەڵوەشاندنەوە بە ڕەزامەندی هەردوولا بێت، نەک تەنها یەک لا.

*نیشانەی 3: قسەی زارەکی، نەک نووسراو*
"کاکە ئەوە لە گرێبەست نەینوسیوە بەڵام من بەڵێنم پێداویت".
*فێڵەکەی چییە؟* لە دادگا تەنها ئەوەی سەلمێنراوە بە نووسراو قبوڵ دەکرێت. قسەی زارەکی = سفر.
*چارەسەر:* هەر بەڵێنێک هەیە... دەبێت لە ناو گرێبەستەکە بنووسرێت. ئەگەر نەینووسیت، وای دابنێ بوونی نییە.

*نیشانەی 4: پەنجەمۆر و واژۆ لەسەر پەڕەی خاڵی*
خاوەن موڵک پێت دەڵێت: "ئێستا واژۆ بکە و پەنجەمۆر لێبدە، من دواتر ناوەڕۆکەکەی پڕ دەکەمەوە".
*فێڵەکەی چییە؟* دواتر هەر شتێک بنووسێت بەسەر تۆوە دەبێت. !
*چارەسەر:* هەرگیز لەسەر پەڕەی خاڵی واژۆ مەکە. هەمیشە گرێبەستەکە تەواو بخوێنەوە پاشان واژۆ بکە.
..

*🔒 3 ڕێگای زێڕین بۆ پاراستنی خۆت:*

*1. ماوەی 24 سەعاتی یاسایی*
هەر گرێبەستێکت پێ درا، 24 سەعات بیبە بۆ ماڵەوە و بە تەنهایی بیخوێنەوە. ئەو فشارەی لەسەرتە کە دەڵێت "واژۆ بکە ئێستا" زۆۆر جار بۆ فێڵە.

*2. لە کۆتایی گرێبەستەکە ئەم ڕستەیە زیاد بکە:
_"ئەم گرێبەستە هەموو ڕێککەوتنی پێشووی هەڵوەشاندەوە و تەنها ئەوەی لەسەر کاغەزە ڕاستە"_.
بەمە قسەی زارەکی بێ بایەخ دەبێت.

*3. مۆری فەرمی*
ئەگەر گرێبەستەکە لە 1 ملیۆن زیاترە، یان بۆ بانک و دەوڵەتە... دەبێت مۆری کاتب عدلی پێوە بێت. بێ مۆر = کاغەزی ئاسایی سندی عادییە .

*💬 یاسای زێڕین:*
*"گرێبەست بۆ ئەوە نییە کە متمانە دروست بکات... گرێبەست بۆ ئەوەیە کاتێک متمانە نەما، تۆ بپارێزێت"*

ئەگەر ئەم پۆستە بەسوود بوو، سیڤی بکە بۆ ئەوەی لەکاتی واژۆکردنی گرێبەستدا بیخوێنیتەوە.

نوسین و ئامادەکردنی/ پارێزەر-محمد یاسین

ئاگاداربە! ناردنی یەک نامە یاخود یەک کۆمێنت دەتوانێت داهاتووت وێران بکات! ⚖️​کاتێک تووڕە دەبیت و لە ڕێگەی سۆشیاڵ میدیاوە...
07/04/2026

ئاگاداربە! ناردنی یەک نامە یاخود یەک کۆمێنت دەتوانێت داهاتووت وێران بکات! ⚖️
​
کاتێک تووڕە دەبیت و لە ڕێگەی سۆشیاڵ میدیاوە نامەیەکی نەشیاو دەنێریت، ڕەنگە لات وابێت تەنها قسەیەکە و تێدەپەڕێت، بەڵام یاسا شتێکی تر دەڵێت.
​
📌 بەپێی ماددەی (٢) لە یاسای قەدەغەکردنی خراپ بەکارهێنانی ئامێرەکانی پەیوەندی (ژمارە ٦ی ساڵی ٢٠٠٨ی هەرێمی کوردستان):
​"هەر کەسێک ئامێرەکانی پەیوەندیکردن (مۆبایل، ئینتەرنێت) بەکاربهێنێت بۆ هەڕەشەکردن، جوێندان، قسەی نەشیاو، یان بڵاوکردنەوەی وێنە و ڤیدیۆی تایبەتی کەسانی تر..."
​⚖️ ئەوا دادگا سزای دەدات بە:
بەندکردن (کە لە ٦ مانگ کەمتر نەبێت و لە ٥ ساڵ زیاتر نەبێت)، یان بە پێبژاردن (کە لە یەک ملیۆن دینار کەمتر نەبێت و لە پێنج ملیۆن دینار زیاتر نەبێت)، یان بە هەردوو سزاکە پێکەوە.
​پێش ئەوەی هەر نامەیەک یان کۆمێنتێک لە کاتی تووڕەییدا بنووسیت، بیر لە دەرەنجامە یاساییەکانی بکەرەوە.
​پارێزەر / ئاکار نجم الدین مصطفی
​📍 دادگای سلێمانی
​ #یاسا #دادگا #سلێمانی #پارێزەر #کوردستان

Address

Court
As Sulaymaniyah

Website

Alerts

Be the first to know and let us send you an email when یاسا و پارێزەر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category