باريزه ر هيمن شيخ جلال

25/07/2026

بەپی ماددە ١.٢ لە یاسای بنەما دادگەرییە سزاییەکان:-
أ-هەموو کەس بۆی هەیە بەبێ فەرمان لە دەسەڵاتی تایبەتمەند هەستێت بە گرتنی هەر تۆمەتبارێک بەتاوانێک یان کەتنێک لەیەکێ لەم بارانەدا.
١-ئەگەر تاوانەکە بینراو بێت.
٢-ئەگەر ڕایکرد دوای گرتنی بە یاسا.
٣-ئەگەر هاتوو سزا درابوو بە نائامادەیی بەسزایەکی کۆت وبەند بە ئازادی.
ب-هەموو کەس بۆی هەیە بەبێ فەرمان لە دەسەڵاتی تایبەتمەند هەستێت بە گرتنی هەر کەسێ کە لەشوێنە گشتیەکاندا بێت لەکاتی سەرخۆشیدا ئاژاوە بنێتەوە یان عەقڵ و هۆشی لە دەستدابێ.

01/07/2026

03/06/2026

شوختدان یان خراپکردنی بۆیاخی ئۆتۆمۆبێلی کەسێکی تر تەنها کردەیەکی نائەخلاقی نیە، بەڵکو لە ڕوانگەی یاساییەوە بە تاوان ئەژمار دەکرێت و بەرپرسیاریەتی سزایی و شارستانی لێدەکەوێتەوە.
١. لەڕووی سزایی
بەپێی یاسای سزاکانی عێراقی - هەموارکراو شوختکردن لە ئۆتۆمۆبێلی خەڵکی دیکە دەبێتە زیانگەیاندن بە ماڵی گوازراوە (منقول) کە ماڵی بکەری تاوان نیە، و سزاکەی بریتیە لە بەندکردن (الحبس) بۆ ماوەیەک کە لە دوو ساڵ زیاتر نەبێت، و پێبژاردن کە لە (٢٢٥٠٠٠) دینار زیاتر نەبێت، یاخود یەکێک لەم دوو سزایە، بەگوێرەی ماددە (٤٧٧) لە یاسای ناوبراو، ئەگەرچی سزای پێبژاردنەکە کەمە بەڵام دەکرێت دادوەر تیشک بخاتەسەر سەپاندنی بەرزترین سزای ڕێگەپێدراو کە لە مادەکەدا هاتووە بە تایبەت لە حاڵەتێک کە بکەری تاوان سزای بە ماڵی گوازراوە (ئۆتۆمۆبێل)ی چەندان کەسی گەیاندبێت.
٢. لەڕووی شارستانی
جگە لە بەرپرسیاریەتی سزایی کەسی تاوانکار بەرپرسیاریەتی شارستانیشی دەکەوێتە ئەستۆ بە قەرەبووکردنەوەی دارایی، بەپێی مادەکانی (١٨٦/١) و (٢٠٧/١) لە یاسای شارستانی چونکە کارەکە دەچێتە چوارچێوەی کاری ناڕەوا (عمل غیر مشروع) بۆیه پابەند دەکرێت بە:
- قەرەبووکردنەوەی تەواوی خاوەن ئۆتۆمۆبێلەکان بە چاککردنەوەی شوختەکان، جا بە هەر ڕێگایەک بێت.
- قەرەبووکردنەوەی دابەزینی نرخی ئۆتۆمۆبێلەکان بەهۆی تێکچوونی بۆیاخی ڕەسەنیانەوە.



✍️ پارێزەر
چــیا ٲکــرم منصــور
٢ی حوزەیرانی ٢٠٢٦