Divorced peoples group

Directions Website

Divorced peoples group Contact information, map and directions, contact form, opening hours, services, ratings, photos, videos and announcements from Divorced peoples group, Divorce & Family Lawyer, DPG, Edapally.
(2)

Welcome post എന്നെ ഞാൻ തന്നെ ഈ ഗ്രൂപ്പിലേക്ക് സ്വാഗതം ചെയ്യുന്നു. 😀എന്റെ പേര് സരസ്വതി ചന്ദ്രൻ ഞാൻ പന്തളം സ്വദേശിനി ആണ്. ...
09/10/2026

Welcome post

എന്നെ ഞാൻ തന്നെ ഈ ഗ്രൂപ്പിലേക്ക് സ്വാഗതം ചെയ്യുന്നു. 😀

എന്റെ പേര് സരസ്വതി ചന്ദ്രൻ ഞാൻ പന്തളം സ്വദേശിനി ആണ്. ഇപ്പൊ ജോലി ചെയ്യുന്നത് കർണാടകയിൽ ആണ്. ഒരു കേന്ദ്രസർക്കാർ ഉദ്യോഗസ്ഥ ആണ്. ഞാനും. നിങ്ങളെ പോലെ ഒക്കെ തന്നെ ആണ്.

ജീവിതത്തിൽ എല്ലാം ഇപ്പോ തമാശ ആയി എടുക്കുന്നത് കൊണ്ട് പറയാനും കേൾക്കാനും ഇഷ്ടം തമാശ ആണ്..

അങ്ങനെ അല്ലേ വേണ്ടതും.

എല്ലാപേരെയും കണ്ടതിൽ സന്തോഷം. അപ്പോ എന്നെ ഒരിക്കൽക്കൂടി ഈ കൂട്ടായ്മയിലേക്ക് ഞാൻ തന്നെ സ്വാഗതം ചെയ്തുകൊണ്ട് നിർത്തുന്നു. നന്ദി നമസ്കാരം.

Havu-3 ഈ വരുന്ന sunday മുതൽ registration തുടങ്ങുന്നു. താല്പര്യം ഉള്ളവർ അന്നേദിവസം post ചെയ്യുന്ന രെജിസ്ട്രേഷൻ form ഉം നി...
08/10/2026

Havu-3 ഈ വരുന്ന sunday മുതൽ registration തുടങ്ങുന്നു. താല്പര്യം ഉള്ളവർ അന്നേദിവസം post ചെയ്യുന്ന രെജിസ്ട്രേഷൻ form ഉം നിങ്ങൾ വിവാഹമോചിതൻ / പങ്കാളി മരണപ്പെട്ടു എന്നു തെളിയിക്കുന്ന സർട്ടിഫിക്കറ്റ് photo സഹിതം നമുക്ക് അന്നേ ദിവസം അയച്ചു നൽകേടത്താണ്. Form പൂർണ്ണമായി പൂറിപ്പിക്കുക. ഡിസംബർ /ജനുവരി/ ഫെബ്രുവരി ഇതിൽ ഏതേലും മാസത്തിൽ കോഴിക്കോട് വച്ചാകും പരിപാടി. താല്പര്യമുള്ളവർ sunday അപേക്ഷിക്കുക.

അപ്പോ havu -3ൽ കാണാം

ഞാൻ നിങ്ങളോട് ഒരു കാര്യം ചോദിക്കാൻ വന്നതാണ്, സത്യം മാത്രേ പറയാവു. ശരിക്കും ഈ വിധി, അല്ലെങ്കിൽ ആരേലും എഴുതി വച്ചിട്ടുണ്ട...
08/10/2026

ഞാൻ നിങ്ങളോട് ഒരു കാര്യം ചോദിക്കാൻ വന്നതാണ്, സത്യം മാത്രേ പറയാവു. ശരിക്കും ഈ വിധി, അല്ലെങ്കിൽ ആരേലും എഴുതി വച്ചിട്ടുണ്ട് എന്നൊക്കെ പറയുന്നതിൽ എന്തേലും സത്യം ഉണ്ടോ?

എങ്കിൽ പിന്നേ നമ്മൾ ചെയ്യുന്ന തെറ്റും ശരിയും എല്ലാം ആരോ എവിടെയോ എഴുതി വച്ചതു അല്ലേ. അപ്പൊ പിന്നേ നമ്മൾ അതിനെ പറ്റി worry ചെയ്യേണ്ട കാര്യം ഉണ്ടോ? അപ്പോ പിന്നേ നമ്മൾ ഒന്നും ചെയ്യുന്നില്ല, ആരോ എഴുതിയ skript നു നമ്മൾ അഭിനയിക്കുന്നു. ആ എഴുതിയ director ഉം producer നും അല്ലേ ഉത്തരവാദിത്വം.

അല്ലേ..

എന്റെ ജീവിതത്തിൽ പ്ലാൻ ചെയ്യാത്ത ഒരുപാട് കാര്യങ്ങൾ നടക്കുന്നു. പലതിനും ഉത്തരം ഇല്ല.. ചിലർ ഇങ്ങനെയൊക്കെ ഓർത്ത് സമാധാനിക്കാൻ പറയുന്നു.
അതുകൊണ്ട് ചോദിച്ചതാ.

🇵🇭🇮🇳 ഫിലിപ്പീൻസ് സ്വദേശിയുമായി വിവാഹം ആലോചിക്കുന്ന ഇന്ത്യക്കാർ അറിയേണ്ട കാര്യങ്ങൾഫിലിപ്പീൻസ് സ്വദേശിയായ ഒരാളെ പരിചയപ്പെട...
08/10/2026

🇵🇭🇮🇳 ഫിലിപ്പീൻസ് സ്വദേശിയുമായി വിവാഹം ആലോചിക്കുന്ന ഇന്ത്യക്കാർ അറിയേണ്ട കാര്യങ്ങൾ

ഫിലിപ്പീൻസ് സ്വദേശിയായ ഒരാളെ പരിചയപ്പെടുകയും പിന്നീട് വിവാഹം കഴിക്കുകയും ചെയ്യാൻ ആഗ്രഹിക്കുന്ന ഇന്ത്യക്കാർക്ക് യാത്ര മുതൽ വിവാഹം വരെയുള്ള നടപടികൾ എങ്ങനെയായിരിക്കും? ഏകദേശം എത്ര ചെലവ് വരും? പങ്കാളിയെ എങ്ങനെ പരിചയപ്പെടാം?

ഇവയെല്ലാം മുൻകൂട്ടി മനസ്സിലാക്കുന്നത് പ്രധാനമാണ്.

✈️ 1. ആദ്യം ഫിലിപ്പീൻസിലേക്ക് എങ്ങനെ പോകാം?

നിലവിലെ Philippine Embassy വിവരമനുസരിച്ച്, ഇന്ത്യൻ പാസ്‌പോർട്ട് ഉടമകൾക്ക് tourism/business ആവശ്യങ്ങൾക്ക് 14 ദിവസത്തെ visa-free entry ലഭിക്കാം.

ഇതിനായി സാധാരണയായി:

☑️ കുറഞ്ഞത് 6 മാസത്തെ validity ഉള്ള Passport
☑️ Confirmed hotel/accommodation booking
☑️ സാമ്പത്തിക ശേഷിയുടെ തെളിവ്
☑️ Return/onward ticket

എന്നിവ ആവശ്യമാണ്. ഈ 14 ദിവസത്തെ പ്രവേശനം extend ചെയ്യാനോ മറ്റൊരു visa category-യിലേക്ക് convert ചെയ്യാനോ കഴിയില്ല.

അമേരിക്ക, ജപ്പാൻ, ഓസ്‌ട്രേലിയ, കാനഡ, Schengen, Singapore അല്ലെങ്കിൽ UK എന്നിവയിൽ സാധുവായ visa/residence permit ഉള്ള ഇന്ത്യൻ പൗരന്മാർക്ക് നിശ്ചിത നിബന്ധനകളോടെ 30 ദിവസത്തെ visa-free entry ലഭിക്കാം.

ശ്രദ്ധിക്കുക: പങ്കാളിയെ പരിചയപ്പെടാൻ യാത്ര ചെയ്യുന്നത് വേറെയും, വിവാഹശേഷം അവിടെ ദീർഘകാലം താമസിക്കുന്നത് വേറെയും ആണ്. അതിനുള്ള immigration നടപടികൾ പ്രത്യേകം വേണം.

❤️ 2. അവിടെ എത്തിയ ശേഷം പങ്കാളിയെ എങ്ങനെ പരിചയപ്പെടാം?

ഫിലിപ്പീൻസിൽ എത്തിയ ഉടൻ വിവാഹം അന്വേഷിക്കുന്നതിനേക്കാൾ ആദ്യം വ്യക്തിയെ പരിചയപ്പെടുകയും വിശ്വാസം വളർത്തുകയും ചെയ്യുന്നതാണ് നല്ലത്.

സുരക്ഷിതമായ മാർഗങ്ങൾ:

• സുഹൃത്തുക്കളുടെയും പരിചയക്കാരുടെയും പരിചയത്തിലൂടെ ആളുകളെ കാണുക
• Community/cultural പരിപാടികളിൽ പങ്കെടുക്കുക
• പൊതുസ്ഥലങ്ങളിൽ സാമൂഹികമായി ആളുകളെ പരിചയപ്പെടുക
• നിയമാനുസൃതമായ online matrimonial/dating സേവനങ്ങൾ ഉപയോഗിക്കുമ്പോൾ വ്യക്തിയുടെ യഥാർത്ഥ വിവരങ്ങൾ പരിശോധിക്കുക
• ഓൺലൈനിൽ പരിചയപ്പെട്ട വ്യക്തിയെ ആദ്യം video call വഴി പരിചയപ്പെടുക
• പിന്നീട് പൊതുസ്ഥലത്ത് നേരിൽ കാണുക

വിവാഹം ഒരു സാമ്പത്തിക ഇടപാടായി കാണരുത്. “പണം നൽകിയാൽ Filipino partner-നെ കണ്ടെത്തിത്തരാം” എന്ന തരത്തിലുള്ള ഇടനിലക്കാരുടെ വാഗ്ദാനങ്ങളിൽ പ്രത്യേക ജാഗ്രത വേണം.

🔎 3. വിവാഹത്തിന് മുമ്പ് എന്തൊക്കെ പരിശോധിക്കണം?

ബന്ധം വിവാഹത്തിലേക്ക് പോകുന്നതിന് മുമ്പ്:

☑️ വ്യക്തിയുടെ യഥാർത്ഥ പേര്/തിരിച്ചറിയൽ
☑️ വിവാഹസ്ഥിതി
☑️ കുടുംബപശ്ചാത്തലം
☑️ ജോലി/താമസസ്ഥലം
☑️ മുൻ വിവാഹമുണ്ടായിരുന്നോ
☑️ ആവശ്യമായ civil-status രേഖകൾ

എന്നിവ പരിശോധിക്കുക.

ഫിലിപ്പീൻസിൽ CENOMAR (Certificate of No Marriage Record) എന്നത് PSA നൽകുന്ന വിവാഹരേഖയില്ലെന്ന സർട്ടിഫിക്കറ്റാണ്. എന്നാൽ മുമ്പ് വിവാഹിതനായിരുന്ന ഒരാളുടെ കാര്യത്തിൽ സ്ഥിതി വ്യത്യസ്തമായിരിക്കാം; അതിനാൽ CENOMAR മാത്രം കണ്ടിട്ട് എല്ലാം തീരുമാനിക്കരുത്.

💍 4. വിവാഹം നടത്താൻ എന്തൊക്കെ രേഖകൾ വേണം?

കൃത്യമായ രേഖകൾ വിവാഹം നടക്കുന്ന സ്ഥലവും ഇരുവരുടെയും സാഹചര്യവും അനുസരിച്ച് മാറാം.

സാധാരണയായി ആവശ്യമായി വരാവുന്നവ:

☑️ Indian Passport
☑️ Filipino പങ്കാളിയുടെ Passport/valid ID
☑️ Filipino പങ്കാളിയുടെ PSA Birth Certificate
☑️ Filipino പങ്കാളിയുടെ CENOMAR
☑️ ഇന്ത്യൻ പൗരന്റെ വിവാഹസ്ഥിതി തെളിയിക്കുന്ന രേഖകൾ
☑️ ആവശ്യമായ Legal Capacity/affidavit രേഖകൾ
☑️ Passport-size photographs
☑️ ആവശ്യമായ വിവാഹ ലൈസൻസ് രേഖകൾ
☑️ മുൻ വിവാഹം ഉണ്ടായിരുന്നെങ്കിൽ divorce/death/annulment സംബന്ധിച്ച നിയമപരമായ രേഖകൾ

Filipino വ്യക്തി വിദേശ പൗരനെ വിവാഹം ചെയ്യുമ്പോൾ Legal Capacity സംബന്ധിച്ച രേഖകൾ ആവശ്യമായേക്കാം.

Philippine Statistics Authority പ്രകാരം സാധാരണ വിവാഹങ്ങൾ solemnize ചെയ്ത സ്ഥലത്തെ Civil Registrar സംവിധാനത്തിലൂടെയാണ് രജിസ്റ്റർ ചെയ്യുന്നത്.

🇮🇳 5. ഇന്ത്യയിൽ വിവാഹം നടത്തിയാൽ?

വിവാഹം ഇന്ത്യയിൽ നടത്തുന്നതും ഒരു മാർഗമാണ്. Filipino പൗരൻ ഇന്ത്യയിൽ വിവാഹം കഴിച്ചാൽ, ആ വിവാഹം Philippine Embassy/Consulate വഴി Report of Marriage ആയി രജിസ്റ്റർ ചെയ്യേണ്ട നടപടിയുണ്ട്. Philippine Embassy New Delhi ഇതിനുള്ള രേഖകളും നടപടികളും പ്രസിദ്ധീകരിച്ചിട്ടുണ്ട്.

💰 6. ആകെ എത്ര ചെലവ് വരും?

ഒരു fixed amount പറയാൻ കഴിയില്ല. യാത്ര, താമസം, ഭക്ഷണം, ആഭ്യന്തര യാത്ര, രേഖകൾ, വിവാഹച്ചെലവ് എന്നിവയെല്ലാം വേർതിരിച്ച് കണക്കാക്കണം.

ഒരു rough budget:

✈️ Return flight: ₹25,000–₹60,000+
🏨 7–10 ദിവസത്തെ accommodation: ₹15,000–₹50,000+
🍽️ ഭക്ഷണം: ₹5,000–₹15,000+
🚕 Local transport: ₹3,000–₹10,000+
📄 Documents/notarization/attestation: ആവശ്യത്തിന് അനുസരിച്ച്
💍 Simple wedding: വിവാഹത്തിന്റെ രീതിയനുസരിച്ച് വലിയ വ്യത്യാസം
🛂 വിവാഹശേഷമുള്ള immigration: വേറെ ചെലവ്

അതായത് പങ്കാളിയെ പരിചയപ്പെടാനുള്ള 7–10 ദിവസത്തെ യാത്രയ്ക്ക് ഏകദേശം ₹50,000–₹1.5 ലക്ഷം വരെ ഒരു rough budget കരുതാം. വിവാഹച്ചെലവ് ഇതിന് പുറമേയാണ്.

🛂 7. വിവാഹശേഷം ഫിലിപ്പീൻസിൽ താമസിക്കണമെങ്കിൽ?

വിവാഹം കഴിഞ്ഞാൽ tourist status സ്വമേധയാ permanent residence ആകില്ല.

Filipino citizen-നെ വിവാഹം ചെയ്ത ഇന്ത്യൻ പൗരന് Temporary Resident Visa (TRV) സംബന്ധിച്ച പ്രത്യേക immigration നടപടിയുണ്ട്. Philippine Bureau of Immigration നിലവിൽ Indian national married to Filipino citizen എന്ന വിഭാഗത്തിനായി ഒരു വർഷത്തെ TRV conversion നടപടിയും പ്രസിദ്ധീകരിച്ചിട്ടുണ്ട്. നിലവിലെ ഔദ്യോഗിക fee ₱37,060 + 1-year ACR I-Card US$50 എന്നാണ് കാണിക്കുന്നത്; ഫീസ് മാറാം.

📋 അവസാന Checklist

യാത്രയ്ക്ക് മുമ്പ്

☐ Passport
☐ Return ticket
☐ Hotel booking
☐ Financial proof
☐ ആവശ്യമായ entry documents
☐ Travel insurance

പങ്കാളിയെ പരിചയപ്പെടുമ്പോൾ

☐ Video call
☐ നേരിൽ പൊതുസ്ഥലത്ത് കാണുക
☐ Identity പരിശോധിക്കുക
☐ Family/background മനസ്സിലാക്കുക
☐ വിവാഹസ്ഥിതി പരിശോധിക്കുക
☐ പണം ആവശ്യപ്പെടുന്നുണ്ടോ ശ്രദ്ധിക്കുക

വിവാഹത്തിന് മുമ്പ്

☐ Birth Certificate
☐ CENOMAR/marital-status documents
☐ Legal Capacity/affidavit ആവശ്യകത പരിശോധിക്കുക
☐ Marriage License requirements പരിശോധിക്കുക
☐ ആവശ്യമായ Indian documents Apostille/attestation വേണമോ പരിശോധിക്കുക
☐ വിവാഹ സർട്ടിഫിക്കറ്റ് വാങ്ങി സുരക്ഷിതമായി സൂക്ഷിക്കുക

⚠️ ഏറ്റവും പ്രധാനപ്പെട്ടത്

ഫിലിപ്പീൻസിൽ പോയി പങ്കാളിയെ പരിചയപ്പെടുന്നത് സാധ്യമാണ്. എന്നാൽ ഒരു വ്യക്തിയെ പണം കൊടുത്ത് “വിവാഹത്തിനായി ലഭിക്കുക” എന്ന രീതിയിൽ കാര്യത്തെ കാണരുത്.

പരസ്പര സമ്മതം, സത്യസന്ധത, വ്യക്തിയെ മതിയായ സമയം പരിചയപ്പെടൽ, കുടുംബങ്ങളെ പരിചയപ്പെടൽ, രേഖകൾ പരിശോധിക്കൽ — ഇവയ്ക്കാണ് പ്രാധാന്യം.

രാജ്യം മാറിയാലും നല്ലൊരു വിവാഹബന്ധത്തിന്റെ അടിസ്ഥാനം വിശ്വാസവും പരസ്പര ബഹുമാനവും തന്നെയാണ്. ❤️🇮🇳🇵🇭

നമസ്കാരം കൂട്ടുകാരെ. ഇങ്ങനെ ഒരു കൂട്ടായ്മ സത്യസന്ധമായി പോകുന്നത് കൊണ്ടാണ് എന്നെ പരിചയപെടുത്താം എന്ന് കരുതിയത്. എന്റെ പേര...
08/10/2026

നമസ്കാരം കൂട്ടുകാരെ. ഇങ്ങനെ ഒരു കൂട്ടായ്മ സത്യസന്ധമായി പോകുന്നത് കൊണ്ടാണ് എന്നെ പരിചയപെടുത്താം എന്ന് കരുതിയത്. എന്റെ പേര് അനീഷ. ഞാൻ ഒരു വിധവയാണ്. ഇപ്പോ കുഞ്ഞു ഒരു ജോലി ഉണ്ട്. ചെറുപ്പത്തിലേ വിധവയാകുമ്പോൾ ഉള്ള വേദന ഇവിടെ എത്ര പേർക്ക് മനസിലാകും എന്നൊന്നും എനിക്ക് അറിയില്ല. എനിക്ക് അതൊന്നും handle ചെയ്യാൻ പോലും അറിയാത്ത സമയത്താണ് എന്റെ ഭർത്താവ് എന്നെ പിരിഞ്ഞു പോയത്.

കുറെ പേര് സമയദോഷം എന്നും വിധി എന്നൊക്കെ പറഞ്ഞു. അതൊക്കെ വിശ്വസിച്ചു ഇപ്പൊ ജീവിച്ചു പോകുന്നു..

ഞങ്ങൾ തമ്മിൽ അത്ര അടുപ്പം ആയിരുന്നു. എനിക്ക് 20 വയസ്സുള്ളപ്പോൾ വിവാഹിത ആയതാണ്. ഏട്ടന് അന്ന് 28, എന്നെ ശരിക്കു ഒരു മോളെ പോലെ ആണ് നോക്കിയത്. വൈകീട്ട് വരുമ്പോൾ കൈയ്യിൽ എന്നും milkybar ഒക്കെ ആരും കാണാതെ കൊണ്ട് തരും. എന്തോ.. ആർക്കോ ഇഷ്ടപ്പെട്ടു കാണില്ല.. ഞാൻ പഴയതു ഒന്നും പറയുന്നില്ല.

വീട്ടുകാർ വേറെ വിവാഹം നോക്കുന്നുണ്ട്, നിർബന്ധിക്കുന്നുണ്ട്,അറിയില്ല എന്ത് ആകുമെന്ന്.

കണ്ടതിൽ സന്തോഷം എന്തായാലും കുറച്ചു കാലം കൂടിയേ ഈ കൂട്ടായ്മയിൽ ഞാൻ കാണുള്ളൂ..

08/10/2026

ഒരാളെ നഷ്ടപ്പെടുമ്പോഴേ അതിന്റെ വേദനറിയുള്ളു. ഇതുപോലെ.

എന്തുകൊണ്ട് ഇന്നത്തെ മലയാളി സ്ത്രീകൾ അന്യസംസ്ഥാനക്കാരായ പുരുഷന്മാരെ പങ്കാളിയാക്കാൻ കൂടുതൽ ആഗ്രഹിക്കുന്നു?ഇന്നത്തെ കാലത്ത...
07/10/2026

എന്തുകൊണ്ട് ഇന്നത്തെ മലയാളി സ്ത്രീകൾ അന്യസംസ്ഥാനക്കാരായ പുരുഷന്മാരെ പങ്കാളിയാക്കാൻ കൂടുതൽ ആഗ്രഹിക്കുന്നു?

ഇന്നത്തെ കാലത്ത് മലയാളി പെൺകുട്ടികളുടെ വിവാഹസങ്കൽപ്പങ്ങളിലും മുൻഗണനകളിലും കാതലായ മാറ്റങ്ങളാണ് ദൃശ്യമാകുന്നത്. സ്വന്തം നാടിനും ഭാഷയ്ക്കും അപ്പുറത്തേക്ക്, അന്യസംസ്ഥാനങ്ങളിൽ നിന്നുള്ള പുരുഷന്മാരെ ജീവിത പങ്കാളിയായി തിരഞ്ഞെടുക്കുന്ന മലയാളി സ്ത്രീകളുടെ എണ്ണം മുൻപത്തെക്കാൾ വർദ്ധിച്ചിട്ടുണ്ട്. കേവലം ഒരു തരംഗത്തിനപ്പുറം, ആഴത്തിലുള്ള ചില സാമൂഹിക-വ്യക്തിഗത കാരണങ്ങൾ ഇതിന് പിന്നിലുണ്ട്.

ഉന്നത വിദ്യാഭ്യാസവും ബഹുസംസ്കാര തൊഴിലിടങ്ങളും:

ഇന്നത്തെ മലയാളി സ്ത്രീകൾ ഉന്നത പഠനത്തിനായും ജോലിക്കായും ബംഗളൂരു, മുംബൈ, ഡൽഹി, ഹൈദരാബാദ് തുടങ്ങിയ പ്രമുഖ നഗരങ്ങളിലേക്ക് വ്യാപകമായി ചേക്കേറുന്നുണ്ട്. വൈവിധ്യമാർന്ന സംസ്കാരങ്ങൾ നിലനിൽക്കുന്ന ക്യാമ്പസുകളിലും തൊഴിലിടങ്ങളിലും വെച്ച് വിവിധ സംസ്ഥാനക്കാരുമായി ഇടപഴകാനും അവരുടെ ചിന്താഗതികളെ അടുത്തറിയാനും അവർക്ക് അവസരം ലഭിക്കുന്നു. ഈ സഹവാസം സ്വാഭാവികമായും പ്രണയത്തിലേക്കും പരസ്പര ധാരണയിലേക്കും വഴിതുറക്കുന്നു.

പരമ്പരാഗത ചട്ടക്കൂടുകളിൽ നിന്നുള്ള മോചനം:

കേരളത്തിലെ പരമ്പരാഗത കുടുംബ അന്തരീക്ഷങ്ങളിൽ ഇപ്പോഴും നിലനിൽക്കുന്ന ചില കർശനമായ നിയമങ്ങളിൽ നിന്നും, അമിതമായ കുടുംബ ഇടപെടലുകളിൽ നിന്നും മാറി ചിന്തിക്കാൻ ഇന്നത്തെ പെൺകുട്ടികൾ ആഗ്രഹിക്കുന്നു. പങ്കാളിയുമായി മാത്രം കേന്ദ്രീകരിച്ചുള്ള, കൂടുതൽ സ്വകാര്യതയും സ്വാതന്ത്ര്യവുമുള്ള ഒരു ജീവിത അന്തരീക്ഷം കെട്ടിപ്പടുക്കാൻ ഇത് സഹായിക്കുമെന്ന് പലരും കരുതുന്നു.

ജാതി, ജാതകം, സ്ത്രീധനം എന്നിവയോടുള്ള വിമുഖത:

കേരളത്തിലെ പരമ്പരാഗത അറേഞ്ച്ഡ് മാര്യേജ് രീതികളിൽ ഇപ്പോഴും ജാതി, ജാതക പൊരുത്തം, സാമ്പത്തിക പശ്ചാത്തലം എന്നിവയ്ക്കാണ് പ്രാധാന്യം. അന്യസംസ്ഥാന വിവാഹങ്ങളിൽ ഇത്തരം പരമ്പരാഗത നിബന്ധനകളുടെ സമ്മർദ്ദം കുറവാണ്. വ്യക്തികൾ തമ്മിലുള്ള മാനസിക പൊരുത്തത്തിനും ഇഷ്ടത്തിനും മാത്രം മുൻഗണന നൽകാൻ ഇത് സഹായിക്കുന്നു.

സമത്വവും കരിയറിനുള്ള പിന്തുണയും:
തങ്ങളുടെ വ്യക്തിത്വത്തെയും കരിയറിനെയും പിന്തുണയ്ക്കുന്ന, ആശയങ്ങളിൽ സമത്വം പുലർത്തുന്ന പങ്കാളിയെയാണ് ഇന്നത്തെ സ്ത്രീകൾ തിരയുന്നത്. ലിംഗസമത്വത്തെക്കുറിച്ചും വ്യക്തിസ്വാതന്ത്ര്യത്തെക്കുറിച്ചുമുള്ള പുതിയ തലമുറയുടെ കാഴ്ചപ്പാടുകൾ അതിരുകൾക്കതീതമായി ചിന്തിക്കാൻ അവരെ പ്രേരിപ്പിക്കുന്നു.

സാംസ്കാരിക വൈവിധ്യവും വിശാലമായ കാഴ്ചപ്പാടും:

പുതിയ ഭാഷകൾ പഠിക്കാനും, വ്യത്യസ്തമായ ഭക്ഷണ-ജീവിതരീതികൾ അനുഭവിച്ചറിയാനും, കൂടുതൽ വിശാലമായ ഒരു സാമൂഹിക വൃത്തത്തിന്റെ ഭാഗമാകാനും പുതിയ തലമുറ താത്പര്യപ്പെടുന്നു.
ഇതൊരു നാടിനോ സ്വന്തം സംസ്കാരത്തിനോ എതിരെയുള്ള നിലപാടല്ല; മറിച്ച്, സ്വന്തം ജീവിതപങ്കാളിയെ തിരഞ്ഞെടുക്കുന്നതിൽ മലയാളി സ്ത്രീകൾ കൈവരിച്ച സ്വയംപര്യാപ്തതയുടെയും വ്യക്തിസ്വാതന്ത്ര്യത്തിന്റെയും തെളിവാണ്. സ്നേഹത്തിനും പരസ്പര ബഹുമാനത്തിനും ഭാഷയുടെയോ അതിർത്തികളുടെയോ ആവശ്യമില്ലെന്ന തിരിച്ചറിവാണ് ഇതിന് പിന്നിൽ.
നിങ്ങളുടെ അഭിപ്രായത്തിൽ ഈ മാറ്റത്തിന് പിന്നിലെ പ്രധാന കാരണം എന്താണ്? ചിന്തകൾ താഴെ കുറിക്കുമല്ലോ! 👇

ഞാൻ ഷിബിന. പത്തനംതിട്ട സ്വദേശിനിയാണ്. എന്റെ കഥ ഇവിടെ പറയണം എന്ന് തോന്നി.. ഞാൻ ഒരു pharmacist ആയി ജോലി ചെയ്യുന്നു. എന്റ വ...
07/10/2026

ഞാൻ ഷിബിന. പത്തനംതിട്ട സ്വദേശിനിയാണ്. എന്റെ കഥ ഇവിടെ പറയണം എന്ന് തോന്നി.. ഞാൻ ഒരു pharmacist ആയി ജോലി ചെയ്യുന്നു. എന്റ വിവാഹം കഴിഞ്ഞിട്ട് ഏകദേശം 13 കൊല്ലം ആയി.
എന്റെ ഭർത്താവിന് welding ആയിരുന്നു ജോലി. എനിക്ക് ഒരു മകൻ.

ഞാൻ ഇനി കഥയിലേക്ക് വരാം. ഞാൻ വിവാഹം കഴിഞ്ഞത് മുതൽ ചെറിയ കാര്യത്തിന് അദ്ദേഹത്തോട് വഴക്കിടും, അദ്ദേഹം എന്നോടും.. അങ്ങനെ മിക്ക കുടുംബത്തിൽ ഉള്ള പോലെ ചട്ടിം കലവും തട്ടിം മുട്ടിം പോയി കൊണ്ടിരുന്നു. അങ്ങനെ അതിനിടയിൽ എനിക്ക് ഒരു കുഞ്ഞു ജനിച്ചു. അങ്ങനെ ജീവിതം നന്നായി പോയി കൊണ്ടിരുന്നു..

ഞാൻ അപ്പോ b pham ഒക്കെ കഴിഞ്ഞു നമുക്ക് ഒരു medical shop ഒക്കെ ഇടാം എന്നുള്ള പ്ലാൻ ൽ ആയിരുന്നു..

അങ്ങനെ ഇരിക്കെ ആണ് ചേട്ടന് കൊല്ലത്തു ഒരു roof ന്റെ work കിട്ടുന്നത്. അത് ചേട്ടന്റെ കൂട്ടുകാരന്റെ വീട്ടിൽ ആയിരുന്നു.. അയാൾ gulf ൽ ആണ്. എന്റെ ചേട്ടൻ മുന്നേ 2 വർഷം gulf ൽ ജോലി നോക്കിയപ്പോൾ ഉള്ള സൗഹൃദം ആയിരുന്നു .

അങ്ങനെ ചേട്ടൻ ജോലിക്ക് പോയി, ഇവിടന്നു സഹായികളെ ആരെയും കൊണ്ട് പോയില്ല. കാരണം അവരുടെ ചിലവ് കൂടെ ചേട്ടൻ നോക്കേണ്ടി വരും. അതുകൊണ്ട് അവിടേ നിന്നും പണിക്കാരെ വച്ചു ചെയ്യിക്കാം എന്ന് പറഞ്ഞാണ് പോയത്.

അങ്ങനെ അവിടേ എത്തി ജോലി തുടങ്ങി. എന്നെ ഇടയ്ക്കു വിളിക്കും . കുഞ്ഞും ആയി video call ചെയ്യും. ഒരാഴ്ചത്തെ work ആയിരുന്നു.

ഒരു ദിവസം പെട്ടന്നു വിളിച്ചിട്ട് call കിട്ടുന്നില്ല. ഞാൻ കുറെ നേരം വിളിച്ചു. രാത്രി വിളിച്ചിട്ടും എടുക്കുന്നില്ല. പിന്നേ വിളിച്ചിട്ട് bell ഇല്ല.

ഞാൻ രാവിലെ കൂടെ ജോലി ക്കു പോയി കൊണ്ടിരുന്ന എന്റെ ഒരു ബന്ധു പയ്യനോട് കാര്യം പറഞ്ഞു. അവൻ വിളിച്ചിട്ടും കിട്ടുന്നില്ല.

ഞങ്ങൾ ആകെ tension ആയി പോയി. ഞാൻ അങ്ങനെ പണ്ട് ചേട്ടനൊപ്പം gulf ൽ ഉണ്ടായിരുന്ന മറ്റൊരു കൂട്ടുകാരനോട് വിളിച്ചു തിരക്കി. അയാൾക്ക്‌ ആ കൂട്ടുകാരന്റെ number ഒന്നും കൈയ്യിൽ ഉണ്ടായിരുന്നില്ല, പക്ഷെ അയാൾ പണ്ട് ഒരിക്കൽ അവരുടെ വീട്ടിൽ പോയതായി എന്നോട് പറഞ്ഞു. അങ്ങനെ വഴി മനസ്സിലായി..

അപ്പോ പിന്നേ ഞാൻ ഒന്നും ഓർത്തില്ല, ഞാനും എന്റെ ഒരു മാമനും ആ പയ്യനും കൂടി കൊല്ലത്തേക്ക് പോയി. ഞങ്ങൾ 8.30 മണി ഒക്കെ ആയപ്പോ അവിടേ എത്തി. അത് കുറച്ചു ഉള്ളിലേക്കുള്ള ഒരു ഗ്രാമം ആയിരുന്നു.

അപ്പൊ ഈ പറഞ്ഞ വീട്ടിൽ ആളൊക്കെ കൂടി നിൽപ്പുണ്ട്, എനിക്ക് എന്തോ പന്തി അല്ലാതെ നടന്നു എന്ന് മനസ്സിൽ ഒരു വിങ്ങൽ തുടങ്ങി. എന്നെ മാമൻ തോളിൽ ഇറുക്കി പിടിച്ചു.

എനിക്ക് സഹിച്ചില്ല പൊട്ടി കരഞ്ഞു. എന്റെ കുടുംബത്തിന് ഇനി ആരുല്ലേ എന്ന് അറിയാതെ എന്റെ വായിൽ നിന്നും വന്നു.

ഞാൻ കൂടി നിന്ന ആൾക്കാരെ തള്ളി മാറ്റി വീട്ടിന്റെ ഉള്ളിലേക്ക് ഓടി.. എന്റെ ഏട്ടനെ വരി എടുത്തു ഉമ്മ വക്കണം .

ഞാൻ പടികളിൽ കൂടി ഓടി കയറി. പൊട്ടി കരഞ്ഞു കൊണ്ട്. അദ്ദേഹം അവസാനം call ചെയ്തപ്പോ പറഞ്ഞത് ഓർമ്മ വന്നു,

"ഡി ഒരു പിടി വിട്ട കളിക്ക് പോകുക ആണേ ഒന്നു പ്രാർത്ഥിച്ചോണെ "എന്നായിരുന്നു പറഞ്ഞത്.

ഞാൻ പ്രാർത്ഥിക്കാം എന്ന് പറഞ്ഞിട്ടു പ്രാർത്ഥിക്കാൻ മറന്നു പോയി.

അങ്ങനെ ഓടി വീടിന്റെ ഉള്ളിൽ കയറി അവിടെ ഒന്നും ഏട്ടനെ കിടത്തിയിട്ടില്ല.

അപ്പൊ എല്ലാപേരും നിശബ്‍ദർ ആയി എന്നെ നോക്കുന്നുണ്ടായിരുന്നു..

മാമൻ എന്നെ ഉറക്കെ വിളിച്ചു " ഡി ഇങ്ങു വാ ഇവിടെ ഉണ്ട് ".

ഞാൻ പൊട്ടി കരഞ്ഞു കൊണ്ട് മുന്നിലേക്ക്‌ പോയി. അവിടേ അതാ എന്റെ ചേട്ടൻ തൂണിൽ ചാരി ഇരിക്കുന്നു.

അപ്പൊ ചേട്ടൻ പറഞ്ഞു : അവളോട്‌ കിടന്നു തൊള്ള തുറക്കാതെ എന്ന് പറ മാമ."

ഞാൻ പറഞ്ഞു എന്താ phone എടുക്കാതത്തു,

അപ്പോ കൂടെ നിന്ന ഒരാൾ പറഞ്ഞു. " ഇയാൾ ഇന്നലെ രാത്രി ഈ വീട്ടിൽ മതിൽ ചാടി, അങ്ങനെ അവളുടെ ഭർത്തവ് ഇവരെ കൈയ്യോടെ പിടിച്ചു. നാട്ടുകാര് കൂടി. രണ്ടിനെയും അത്ര വിശേഷപെട്ട വസ്ത്രത്തിൽ ആണ് കിട്ടിയത്. അങ്ങനെ രണ്ടിനെയും അവളുടെ ഭർത്താവും ബന്ധുക്കളും കൂടി പിടിച്ചു അങ്ങ് കെട്ടിച്ചു.

ഞാൻ ആകെ തകർന്നു പോയി. ഇതാണോ
നിങ്ങൾ ഒരു പിടി വിട്ട കളിക്ക് പോകുകയാണ് പ്രാർത്ഥിച്ചോളാൻ പറഞ്ഞത്..

അങ്ങനെ അവിടേ ഇരുന്നു ഒരുപാട് സീൻ ആയി കേസ് ആയി. നാട്ടുകാർ പറഞ്ഞു അവനെ ഇവിടന്നു കൊണ്ട് പോകാൻ പറ്റില്ല. മറ്റേ സ്ത്രീ യെയും കൊണ്ടേ പോകാൻ പറ്റുള്ളൂ എന്ന്. അങ്ങനെ അവിടേ കുറെ തർക്കം ആയി.

പിറ്റേന്ന് നമ്മൾ കേസ് കൊടുത്തു.അവരും കേസ് കൊടുത്തു. അങ്ങനെ ആകെ വീട്ടിലും നാട്ടിലും നാറി... അങ്ങനെ അവസാനം അയാൾ എന്നെയും അവളെയും ഉപേക്ഷിച്ചു എങ്ങോട്ടോ പോയി..

ഇപ്പോ ഞാൻ ഒറ്റക്കാണ്. ഇത് എന്റെ ജീവിതം ഞാൻ ഒന്നു രസകരമായി എഴുതിയെന്നെ ഉള്ളു. ജീവിതം ജീവിച്ചു തീർക്കുമ്പോൾ അൽപ്പം ബുദ്ധിമുട്ടാണ്.. (Photo എന്റെ Ai ആണ് ).

ഒരു നേരത്തെ ഒരു പിടി വിട്ട കളിക്കു പോയതാണ് എന്റെ ഭർത്താവ്. അങ്ങനെ പിടിയും പോയി ജീവിതവും പോയി..

ഷിബിന

ശരിക്കും ഇത് ശരിയാണോ?ശരിക്കും സ്ത്രീകൾ ഇങ്ങനെ ചിന്ദിക്കാറുണ്ടോ. എല്ലാപേരെയും അല്ല എന്നാലും ഇപ്പോ ഈ ചിന്ത കൂടി വരുന്നത് ആ...
07/10/2026

ശരിക്കും ഇത് ശരിയാണോ?
ശരിക്കും സ്ത്രീകൾ ഇങ്ങനെ ചിന്ദിക്കാറുണ്ടോ. എല്ലാപേരെയും അല്ല എന്നാലും ഇപ്പോ ഈ ചിന്ത കൂടി വരുന്നത് ആയി തോന്നുന്നുണ്ടോ? എന്താണ് നിങ്ങളുടെ വിലയിരുത്തൽ.

എന്റെ പേര് ലേഖ.എനിക്ക് 21 വയസ്സുള്ളപ്പോഴാണ് എന്റെ വിവാഹം നടന്നത്. അത് ഒരു അറേഞ്ച്ഡ് മാരേജ് ആയിരുന്നു. സത്യത്തിൽ, ഈ വിവാഹ...
07/10/2026

എന്റെ പേര് ലേഖ.
എനിക്ക് 21 വയസ്സുള്ളപ്പോഴാണ് എന്റെ വിവാഹം നടന്നത്. അത് ഒരു അറേഞ്ച്ഡ് മാരേജ് ആയിരുന്നു. സത്യത്തിൽ, ഈ വിവാഹത്തിന് ഏറ്റവും കൂടുതൽ നിർബന്ധം പിടിച്ചത് ഞാൻ തന്നെയായിരുന്നു. വീട്ടുകാർ എല്ലാവരും ഒന്നുകൂടി ആലോചിച്ചിട്ട് തീരുമാനിച്ചാൽ പോരേ എന്ന് എന്നോട് ചോദിച്ചെങ്കിലും, എനിക്ക് ആ വിവാഹം തന്നെ മതിയായിരുന്നു. അതിൽ കൂടുതൽ നോക്കേണ്ട ആവശ്യമില്ലെന്ന് ഞാൻ വാശിപിടിച്ചു.

വിവാഹം ഉറപ്പിച്ച ശേഷം ഞങ്ങൾ സംസാരിക്കാൻ തുടങ്ങി. ആദ്യ ദിവസം വലിയ പ്രശ്നങ്ങളൊന്നും ഉണ്ടായിരുന്നില്ല. എന്നാൽ രണ്ടാം ദിവസം, എന്നെയും എന്റെ വീടിന്റെ അടുത്തുള്ള മൂന്ന് വയസ്സുള്ള ഒരു കുഞ്ഞിനെയും കുറിച്ച് അദ്ദേഹം വളരെ മോശമായി സംസാരിച്ചു. അത് കേട്ടപ്പോൾ ഞാൻ ആകെ ഞെട്ടിപ്പോയി. ഞാൻ കരഞ്ഞുകൊണ്ട് മുറിയിൽ നിന്ന് പുറത്തേക്ക് വന്നു. അച്ഛനോട് കാര്യം പറയണമെന്ന് കരുതി.

പക്ഷേ അപ്പോൾ അച്ഛൻ വളരെ സന്തോഷത്തോടെ ആരെയോ ഫോണിൽ വിളിച്ച് വിവാഹക്കാര്യം പറയുകയായിരുന്നു. അച്ഛന്റെ ആ സന്തോഷം കണ്ടപ്പോൾ എനിക്ക് ഒന്നും പറയാൻ തോന്നിയില്ല. ഏകദേശം അഞ്ച് മിനിറ്റ് കഴിഞ്ഞപ്പോൾ അദ്ദേഹം പറഞ്ഞ കാര്യങ്ങൾ ഞാൻ മറന്നുകളയുമെന്ന രീതിയിൽ എന്നെത്തന്നെ ആശ്വസിപ്പിച്ചു. “ഇതൊന്നും വലിയ പ്രശ്നമാകില്ല, എല്ലാം ശരിയാകും” എന്ന് ഞാൻ കരുതി.

പിന്നീട് ഇന്റർനെറ്റ് എടുക്കണമെന്ന് പറഞ്ഞ് എന്നോട് വലിയ സമ്മർദ്ദം ചെലുത്താൻ തുടങ്ങി. “ഞാൻ ഉണ്ടാക്കുന്ന പണം നിന്നെ വിളിക്കാൻ വേണ്ടി ചെലവാക്കാനല്ല” എന്നൊക്കെ പറഞ്ഞ് എന്നെ വഴക്ക് പറയുകയും സമ്മർദ്ദത്തിലാക്കുകയും ഫോൺ കട്ട് ചെയ്യുകയും ചെയ്യുമായിരുന്നു.
ഒടുവിൽ ഇന്റർനെറ്റ് കിട്ടിയ ദിവസം വൈകുന്നേരം, ഞാൻ പ്രാർത്ഥിച്ചുകൊണ്ടാണ് കമ്പ്യൂട്ടർ ഓൺ ചെയ്തത്. എല്ലാം ശരിയാകണം, എല്ലാം നല്ല രീതിയിൽ പോകണം എന്ന് പ്രാർത്ഥിച്ചു. അന്നുമുതൽ തന്നെ ഒരു ഭയത്തോടെയാണ് ഞാൻ ആ ബന്ധത്തിലേക്ക് പോയത്.
എന്നാൽ ഇതൊന്നും ഞാൻ ആരോടും പറഞ്ഞില്ല. കാരണം, “ഇതൊക്കെ പറഞ്ഞാലും പിന്നെ നാളെ ഒന്നും ഓർമ്മയില്ലാത്തതുപോലെ സ്നേഹത്തോടെ പെരുമാറും, അതുകൊണ്ട് പ്രശ്നമൊന്നുമില്ല” എന്ന് ഞാൻ കരുതി.
അങ്ങനെ ഏകദേശം ഒരു വർഷത്തിന് ശേഷം ഞങ്ങളുടെ വിവാഹം നടന്നു.
വിവാഹത്തിന് ശേഷം ഒരുപാട് സ്നേഹം എനിക്ക് ലഭിച്ചു. ഇടയ്ക്കിടെ എന്തെങ്കിലും ഇഷ്ടപ്പെടാത്തത് പറഞ്ഞാലും, അതിന് ശേഷം വീണ്ടും വളരെ സ്നേഹത്തോടെ പെരുമാറുമായിരുന്നു. ആ സ്നേഹത്തിൽ ഞാൻ പതുക്കെ അടിമയായി. വേദനിപ്പിച്ചാലും പിന്നീട് കിട്ടുന്ന സ്നേഹം എന്നെ വീണ്ടും ആ ബന്ധത്തിലേക്ക് തന്നെ കൊണ്ടുപോയി.

പിന്നീട് ഞങ്ങൾ ജോലി സ്ഥലത്തേക്ക് താമസം മാറി.
അവിടെ നിന്ന് നിയന്ത്രണങ്ങളും പ്രശ്നങ്ങളും കൂടുതൽ ആയി. പുരുഷന്മാരോട് സംസാരിക്കാൻ പാടില്ല എന്ന രീതിയിൽ പല നിയന്ത്രണങ്ങളും ഉണ്ടായിരുന്നു. എന്റെ സ്വന്തം സഹോദരൻ കൈ നീട്ടി കൈകൊടുത്താൽ പോലും അതിനെക്കുറിച്ച് മോശമായ കാര്യങ്ങൾ പറയുമായിരുന്നു.

അങ്ങനെ ഒരിക്കൽ ഞങ്ങൾ താമസിച്ചിരുന്ന ഫ്ലാറ്റിൽ വച്ച്, എന്റെ ഒരു സുഹൃത്തിന്റെ ഭർത്താവിനെയും എന്നെയും കുറിച്ച് വളരെ മോശമായി സംസാരിച്ചു. അന്ന് എന്റെ മകനും കൂടെയുണ്ടായിരുന്നു. ആ വാക്കുകൾ സഹിക്കാൻ കഴിയാതെ ഞാൻ കെട്ടിടത്തിന്റെ മുകളിൽ നിന്ന് ചാടാൻ വരെ ശ്രമിച്ചു.

അവിടെ നിന്ന് എന്നെ വലിച്ചിഴച്ച് മാറ്റി. പിന്നീട് എന്നെ ഒരുപാട് അടിച്ചു. എനിക്ക് ശ്വാസം പോലും കിട്ടാതെ കിടന്ന ഒരു സമയമുണ്ടായി.
കുറച്ച് കഴിഞ്ഞപ്പോൾ വീണ്ടും എല്ലാം സാധാരണപോലെ ആയി. ഒന്നും സംഭവിച്ചിട്ടില്ലെന്നതുപോലെ ജീവിതം മുന്നോട്ട് പോയി.
ഇങ്ങനെ ഒരുപാട് സംഭവങ്ങൾ വീണ്ടും വീണ്ടും ഉണ്ടായി.
പിന്നീട് എന്റെ സ്വന്തം ചേച്ചിയോട് പോലും ശരിയല്ലാത്ത രീതിയിൽ പെരുമാറിയ സംഭവമുണ്ടായി. ഫോണിൽ മറ്റൊരു സ്ത്രീയുമായി വളരെ മോശമായ രീതിയിൽ സംസാരിച്ചതും കാണാൻ പോലും കഴിയാത്ത തരത്തിലുള്ള ചിത്രങ്ങൾ കണ്ടതുമുണ്ട്.

അതിനുശേഷം എന്റെ വീട്ടുകാരുമായി പ്രശ്നങ്ങൾ തുടങ്ങുകയായിരുന്നു.
ഒരു പെണ്ണിന്റെ ഏറ്റവും വലിയ സന്തോഷം എന്താണെന്ന് ഞാൻ കരുതിയിരുന്നത്, തന്റെ വീട്ടുകാരും ഭർത്താവിനെ സ്നേഹിക്കുകയും ബഹുമാനിക്കുകയും ചെയ്യുന്നത് കാണുന്നതാണ് എന്നായിരുന്നു. എന്നാൽ ആ സന്തോഷം എനിക്ക് നഷ്ടപ്പെട്ടു.
എന്റെ ഭർത്താവും എന്റെ വീട്ടുകാരും തമ്മിൽ ശത്രുക്കളെപ്പോലെ ആയി.
എങ്കിലും ഞാൻ വീണ്ടും വീണ്ടും അദ്ദേഹത്തെ മനസ്സിലാക്കാൻ ശ്രമിച്ചു. എല്ലാം ശരിയാകും എന്ന് വിശ്വസിച്ചു. അദ്ദേഹത്തെ മനസ്സിലാക്കി കൂടെ നിൽക്കാൻ ശ്രമിച്ചു. അങ്ങനെ വീണ്ടും ജീവിതം മുന്നോട്ട് കൊണ്ടുപോയി.
അതിനിടയിൽ ഞങ്ങൾക്ക് രണ്ടാമത്തെ മകനും ജനിച്ചു.

പിന്നീട് എന്റെ വീട്ടുകാർ പലപ്പോഴും “ഇനി ഈ ബന്ധം അവസാനിപ്പിക്കണം, ഇനി മുന്നോട്ട് പോകാൻ പാടില്ല” എന്ന് പറഞ്ഞു. എന്നാൽ എനിക്ക് അന്ന് ആ ബന്ധത്തിൽ നിന്ന് പുറത്തുകടക്കാൻ കഴിഞ്ഞില്ല.
ഒരിക്കൽ എനിക്ക് ശസ്ത്രക്രിയ കഴിഞ്ഞ് കിടക്കേണ്ടി വന്നു. അമ്മ വരേണ്ടതില്ല എന്ന് പറഞ്ഞിട്ടും, “എത്രയൊക്കെ സംഭവിച്ചാലും ഞാൻ അവളുടെ അമ്മയല്ലേ” എന്ന സ്നേഹത്തോടെ അമ്മ എന്നെ കാണാൻ വന്നു നിന്നു.
ഞാൻ ബോധമില്ലാതെ കിടക്കുന്ന സമയത്തുപോലും എന്റെ അമ്മയോട് മോശമായി പെരുമാറിയ സംഭവമുണ്ടായി.

അത് എന്റെ വീട്ടുകാരെ കൂടുതൽ വേദനിപ്പിച്ചു. അവർ വളരെ ശക്തമായി പറഞ്ഞു:
“ഇനി ഈ ബന്ധം മുന്നോട്ട് കൊണ്ടുപോകാൻ പാടില്ല.”
എന്നിട്ടും എനിക്ക് എന്തുകൊണ്ടോ ഈ ബന്ധത്തിൽ നിന്ന് പുറത്തുകടക്കാൻ കഴിഞ്ഞില്ല.
എത്ര ആലോചിച്ചാലും എന്താണ് എന്നെ അവിടെ പിടിച്ചുനിർത്തുന്നത് എന്ന് എനിക്ക് തന്നെ മനസ്സിലായിരുന്നില്ല.
പിന്നെയും പ്രശ്നങ്ങൾ തുടർന്നു.
എന്റെ 65 വയസ്സുള്ള അമ്മയെക്കുറിച്ചും പ്രശ്നങ്ങൾ ഉണ്ടായി. വീട്ടുകാരുമായി പ്രശ്നങ്ങൾ. ഞാൻ ജോലിക്ക് പോകണം. എന്റെ ശമ്പളം മുഴുവൻ കൊടുക്കണം. എന്നോട് മോശമായ വാക്കുകൾ പറയണം. എന്നെ മാനസികമായി തകർക്കണം. പിന്നീട് വീണ്ടും സ്നേഹം കാണിക്കണം.
എന്റെ പണം മുഴുവൻ ചെലവാക്കിക്കഴിഞ്ഞാലും, അതെല്ലാം എന്റെ തന്നെ പ്രശ്നമാണെന്ന് പറഞ്ഞ് എന്നെ വിശ്വസിപ്പിക്കുമായിരുന്നു.
പതുക്കെ ഞാൻ എന്നെത്തന്നെ നഷ്ടപ്പെട്ടുപോയി.

എനിക്ക് തന്നെ ഞാൻ ഒരു ഭ്രാന്തിയെപ്പോലെ തോന്നുന്ന അവസ്ഥയിലായി.
പല രാത്രികളിലും ഞാൻ ഉറക്കെ കരഞ്ഞിട്ടുണ്ട്.
“എന്നെ ഈ അവസ്ഥയിൽ നിന്ന് രക്ഷിക്കാൻ ആരുമില്ലേ?” എന്ന് ചിന്തിച്ച് കരഞ്ഞ രാത്രികൾ ഒരുപാടുണ്ട

ഞാൻ പലതവണ പലതും ചിന്തിച്ചു കൂട്ടിയിട്ടുണ്ട്,
എന്നാൽ എന്റെ അമ്മയുടെ പ്രാർത്ഥന കൊണ്ടാകാം, ഒന്നും സംഭവിച്ചില്ല.
ഇന്ന്, ഏകദേശം നാല് മാസമായി ഞാൻ ഭർത്താവിൽ നിന്ന് വേർപിരിഞ്ഞാണ് കഴിയുന്നത്. വിവാഹമോചനത്തിന്റെ നടപടികളും നടക്കുകയാണ്.
ഇത്രയും വർഷം ഞാൻ അദ്ദേഹത്തെ ആത്മാർത്ഥമായി സ്നേഹിച്ചു.
എന്റെ ജീവിതത്തിലെ ഏറ്റവും വലിയ ആഗ്രഹം ഒരു നല്ല കുടുംബമായിരുന്നു. ഭർത്താവിന്റെ സ്നേഹവും കരുതലും ബഹുമാനവും, എന്റെ വീട്ടുകാരോടുള്ള അദ്ദേഹത്തിന്റെ സ്നേഹവും, കുട്ടികൾക്ക് സന്തോഷമുള്ള ഒരു കുടുംബവും—അതായിരുന്നു ഞാൻ സ്വപ്നം കണ്ടത്.
എന്നാൽ ആ സ്വപ്നങ്ങൾ ഓരോന്നായി എന്റെ കൈകളിൽ നിന്ന് നഷ്ടപ്പെട്ടു.
ഇന്ന് ഞാൻ എന്നോട് തന്നെ ചോദിക്കുകയാണ്:

“ഞാൻ ഇത്രയും ആത്മാർത്ഥമായി സ്നേഹിച്ചിട്ട്, ജീവിതത്തിൽ എനിക്ക് കിട്ടിയത് ഇതാണോ?”

എങ്കിലും ഇന്ന് ഞാൻ മനസ്സിലാക്കുന്നു—
ഞാൻ സ്നേഹിച്ചതിൽ തെറ്റില്ല.
ഒരു ബന്ധം നിലനിർത്താൻ ഞാൻ പരമാവധി ശ്രമിച്ചതിലും തെറ്റില്ല.
എന്റെ കുടുംബത്തെ സംരക്ഷിക്കാൻ ഞാൻ ശ്രമിച്ചതിലും തെറ്റില്ല.

പക്ഷേ, എന്നെയും എന്റെ മക്കളെയും തകർക്കുന്ന ഒരു ബന്ധത്തിൽ ജീവിതകാലം മുഴുവൻ തുടരേണ്ട ബാധ്യത എനിക്കില്ല.
ഇന്ന് ഞാൻ നാല് മാസം വേർപിരിഞ്ഞ് നിൽക്കുകയാണ്.
വേദന ഇപ്പോഴും ഉണ്ട്.
ഓർമ്മകൾ ഇപ്പോഴും ഉണ്ട്.
ഒരിക്കൽ കിട്ടിയ സ്നേഹം ഇപ്പോഴും മനസ്സിൽ ഉണ്ട്.
ചിലപ്പോൾ തിരികെ പോകണം എന്നുപോലും തോന്നാം.
പക്ഷേ ഇനി എന്റെ ജീവിതം എന്റേതാണ്.
എന്റെ മക്കൾക്ക് സുരക്ഷിതമായ ഒരു ജീവിതം നൽകണം.

എന്റെ അമ്മയ്ക്ക് സമാധാനം നൽകണം.
എന്നെത്തന്നെ വീണ്ടും കണ്ടെത്തണം.
ഒരിക്കൽ ഞാൻ എന്നെത്തന്നെ നഷ്ടപ്പെടുത്തിയെങ്കിലും, ഇനി പതുക്കെ എന്നെ തന്നെ തിരികെ കണ്ടെത്തണം.
ഞാൻ തോറ്റുപോയ ഒരു സ്ത്രീയല്ല.
വളരെയധികം സഹിച്ചിട്ടും ഇന്നും എഴുന്നേറ്റ് നിൽക്കുന്ന ഒരു സ്ത്രീയാണ്.
എന്റെ ജീവിതത്തിൽ ഇതുവരെ കിട്ടിയതെല്ലാം വേദന മാത്രമല്ല.
എനിക്ക് മൂന്ന് മക്കളുണ്ട്.
എന്നെ ഇന്നും സ്നേഹിക്കുന്ന അമ്മയുണ്ട്.
എന്നെ രക്ഷിക്കാൻ ശ്രമിച്ച കുടുംബമുണ്ട്.
ഇനി ഏറ്റവും പ്രധാനമായി—
എനിക്ക് എന്നെ തന്നെ സ്നേഹിക്കാൻ പഠിക്കാനുള്ള ഒരു പുതിയ ജീവിതമുണ്ട്.

Address

DPG
Edapally

Website

Alerts

Be the first to know and let us send you an email when Divorced peoples group posts news and promotions. Your email address will not be used for any other purpose, and you can unsubscribe at any time.

Shortcuts

Share

Category