Advocate Rima Moni Borah, BA, LLM

13/09/2026

02/09/2026

প্ৰকৃতিৰ প্ৰলয় বানপানীৰ ধনাত্মক বাৰ্তা থাকিব পাৰেনে ? 
-------------------------------------------------------------------------------

অসমত বানপানীৰ সমস্যা এক জটিল আৰু এৰাব নোৱাৰা সমস্যা । ক'ৰবাত যদি বৰষুণে কৃত্ৰিম বানপানীৰ সৃষ্টি কৰে তেন্তে আনফালে নৈ জান-জুৰিৰে আৱৰা অসমক ভূমিপৃষ্ঠৰ ওপৰলৈ উঠি নৈৰ বাঢ়নি পানীয়ে স্বাভাৱিক জীৱন জটিলৰ পৰা জটিল কৰি তোলে। আৰু এই সমস্যাৰ পৰা সমাধান যিমান কৰিলেও কাগজে পত্ৰই নিমিলা অংকৰ সমীকৰণ কিছুমান সমাধান কৰা যেন দেখুৱালেও মানুহৰ মগজুৰে এতিয়ালৈকে বাস্তৱিক একো সমাধান পোৱা নাই।
কিন্তু উজনিৰ সম্ভৱত সকলোতকৈ ওখ ঠাই শিৱসাগৰ, চৰাইদেউ আৰু যোৰহাটক এনেদৰে বানে অসহায় কৰি তুলিব বুলি কোনেও সপোনতো কল্পনা কৰা নাছিল। বানৰ বাবে মৃত্যুৱে এনেদৰে কিৰিলী পাৰিব বুলি ভবা নাছিল কোনেও। সামাজিক মাধ্যমেই হওক বা খবৰ কাগজেই হওক জীৱনবোৰ হাৰি যোৱাৰ প্ৰতিটো খবৰেই বুকুখন কঁপাই তোলে। পশুধনবোৰৰ অৱস্থাবোৰ দেখি, মানুহৰ মৃতদেহবোৰ দেখি ভাষাহীন হৈ পৰিছো। একোৱেইটো বাকী নাই। সকলোবোৰ শেষ হৈ গৈছে। কিছুমানে শূন্যৰ পৰা আৰম্ভ কৰি পুনৰ বাৰ শূন্যলৈ ঘূৰি গৈছে। কোনোজনে সাহস হেৰুৱা নাই, বিচলিত হৈ উঠা নাই, আনকি অভিযোগো কৰা নাই । মনোবল বুটলি পুনৰ জীৱন সজাবলৈ কঁকালত টঙালি বান্ধি লৈছে। কিন্তু কোনোজনে যে জীয়াই থাকিও মৃতপ্ৰায় হৈ পৰিছে সকলো হেৰুৱাই । এই সকলক মনোবল, সাহস , ধনাত্মক মানসিকতা কোনে ঘূৰাইদিব পাৰিব জীৱনক আকৌ এবাৰ সজাই তুলিবলৈ ? 
কেতিয়াবা মনলৈ অনুভৱ হয় সোণৰ অসমলৈ ক'ৰবাৰ অভিশাপ নামি আহিছে নেকি ? কাৰণ কা আন্দোলনে প্ৰথম অসমৰ গতি স্তব্ধ কৰি তুলিছিল। তাৰ পাছত কভিড-১৯, ২০২৫ ত জুবিনৰ অপ্ৰত্যাশিত মৃত্যু , আৰ এতিয়া ২৬ ত বানপানী, এই বিপদবোৰে মানুহৰ সুখবোৰ, অসমীয়াৰ হাঁহিবোৰ ক'ৰবাত যেন হেৰাই থাকিলে। বিশেষকৈ শিৱসাগৰ, চৰাইদেউ আৰু যোৰহাটৰ বান পিড়ীতৰ অঞ্চলত মানুহখিনিয়ে যি হেৰুৱাইছে সেইয়া হয়তো ঘূৰাই পাব স্মৃতিত । এবাৰ এপদ দুপদ কৈ সাঁচি যত্নৰে শূন্যৰ পৰা আৰম্ভ কৰা ঘৰ এখন যেতিয়া মাটিত মিহলি হৈ সকলো শূন্য হৈ পৰে, তাৰ পাছত পুনৰ শূন্যৰ পৰা নতুনকৈ ঠন ধৰি উঠা ইমান সহজ হৈ নাথাকে । But another meaning of life is keep going what else happen in your life.
অসমীয়াৰ আবেগ বুলিলে সাধাৰণতেই খঙ উঠা হৈছিল। কাৰণ জ্বলে ধান খেৰৰ দৰে দপদপকৈ আৰু তৎক্ষণাত নুমাই থাকে। কা আন্দোলনৰ সময়ত দেখিছিলো জীৱনৰ গতি কেনেদৰে স্তব্ধ হৈ যাব পাৰে। কিন্তু বৰ্তমান অসমীয়াৰ আবেগ যেন সেই আবেগতকৈ বেলেগ। এই আবেগ ভাতৃত্ববোধৰ, এই আবেগ সাহসৰ, এই আবেগ সমমৰ্মিতাৰ , এই আবেগ দায়িত্ববোধৰ আবেগ, কৰ্তব্যৰ আবেগ। এই আবেগে জীৱনক ৰক্ষণা-বেক্ষণ দিছে । এই আবেগে প্ৰত্যেকতো প্ৰত্যাহ্বানক সাহসেৰে মুখামুখি হ'বলৈ শক্তি দিছে। এই আবেগ সঞ্জিৱনীৰ আবেগ । এয়াতকৈ আৰু কি লাগে এখন সমাজক, এটা জাতিক । মানৱীয়তাৰ সংজ্ঞা ইয়াতকৈ কি হ'ব পাৰে। হয়তো সকলো ঋণাত্মক বাৰ্তাৰ মাজত এই সকলোবোৰ হৈছে এটা ধনাত্মক বাৰ্তা । যেতিয়া দুখবোৰ ভগাই ল'ব পাৰি , যেতিয়া ভাগি যোৱা পঁজাঘৰটো তুলি ধৰিবলৈ মানৱীয়তাই শক্তি আৰু সাহস দুয়োটাই দিয়ে। মানুহে মানুহৰ বাবে যেতিয়া শ্ল'গান হৈ পৰে , ইয়াতকৈ সাহস আৰু প্ৰেৰণা কি হ'ব পাৰে। 
২০১৯ ত কভিদে শিকালে মানুহক মানুহৰ কিমান প্ৰয়োজন। নিসংগতা শাস্তি নে পুৰস্কাৰ ! আৰু এষাৰ মাতেই বহুত সকাহ সেইয়া সকলোতকৈ গভীৰ ভাৱে বুজাই গৈছিল কভিদে। এতিয়া বানপানীয়ে শিকাই গৈছে মানৱীয় ধৰ্ম সৰ্বশ্ৰেষ্ঠ ধৰ্ম । অসমৰ ইমুৰৰ পৰা সিমুৰলৈ জীৱনবোৰক ধৰি ৰাখিবলৈ অসমী আইৰ সন্তানবোৰে যিদৰেহে নিজ সাৰ্মথৰে অসম চৰকাৰ বা ভাৰত চৰকাৰলৈ বাট নাচায় জপিয়াই পৰিল দুৰ্গতজনৰ কাষত , এটা নিৰৱকিন্তু খুব সবল আন্দোলনে গঢ় লৈ উঠিল আৰু এই আন্দোলন মানৱীয়তাৰ জয়গানৰ আন্দোলন। ধনী- দুখীয়াৰ সীমাৰেখাদাল মোহাৰি যিয়ে যেনেকৈ পাৰে এই মানুহে মানুহৰ বাবে আন্দোলনৰ অংশিদাৰ হৈ পৰিল ।
ইমান এটা ডাঙৰ বিপদতো, দুখতো, কষ্টৰ মাজতো প্ৰতিজন বিপৰ্য্যস্তক প্ৰেৰণা দি গ'ল, এটা হাঁহি মুখবোৰত ফুলাবলৈ সৰ্মথ হ'ল কেৱল মাত্ৰ এটা অনুভৱৰ বাবে কোনো অকলশৰীয়া নহয়। সমগ্ৰ অসম আছে , জনতাৰ মৰম আৰু ভালপোৱাৰ লগত জনতাৰ সহায়ৰ হাতো আছে।
সকলো ঋণাত্মকতাৰ লগত এই ধনাত্মক অনুভৱবোৰে আশাৰ কঁঠিয়াবোৰ কিছু সজীৱ কৰি তোলে। আৰু এই ধনাত্মকবাৰ্তাবোৰ বিচাৰি উলিয়াই প্ৰকৃতিৰ প্ৰলয়ে শেষ কৰি যোৱা ধন জন বল বোৰ পুনৰবাৰ নকৈ কিন্তু সবলকৈ গঢ় দিয়াৰ সঞ্জিৱনী সুধা সৃষ্টি কলি ল'ব লাগিব। পুনৰ দহবছৰ পিছুৱাই যোৱা ক্ষতিগ্ৰস্থ অঞ্চলবোৰক আজিৰ প্ৰগতিৰ , উন্নয়নশীল অঞ্চললৈ ৰূপান্তৰ কৰিবলৈ বানপানীয়ে কি দিলে সেইখিনিও বিচাৰি উলিয়াব লাগিব। দহ শতাংশ যদি নিছে দুই শতাংশ বানপানীয়ে দিছে। আৰু এই দুই শতাংশ পোন্ধৰ শতাংশ কৰিবলৈ চেষ্টা কৰিলেহে বানপানীয়ে কাঢ়ি নিয়া দহ শতাংশ পুনৰ ঘূৰাই পাবলৈ সক্ষম হ'ব। বহুত বেছি এই কাম। কিন্তু অসম্ভৱ একোৱেই নহয়।এক ডাঙৰ প্ৰত্যাহ্বান ক্ষতিগ্ৰস্থ মানহখিনিৰ সন্মুখত, প্ৰশাসনৰ সন্মুখত আৰু চৰকাৰৰ সন্মুখত । কিন্তু নিঃস্বাৰ্থভাৱে কেৱল উন্নয়নৰ কথাৰ বাহিৰে মুনাফাৰ কথা চিন্তা নকৰিলে হাঁহিবোৰ পুনৰবাৰ যে উভতি আহিব সেইয়া কিন্তু নিশ্চিত । 
আমাৰ অসমীয়াত এটা প্ৰবাদ আছে "মাউখে উটিলে গুৰি পৰুৱাৰ মৰণ নাই"।এবাৰ অসমৰ ৰাইজে প্ৰমাণ কৰি দেখুৱাইছে আংশিকভাৱে। এনেধৰণে সকলোৱে কাম কৰি থাকিলে কান্দি থকা মুখবোৰ পুনৰ হাঁহিৰে জিলিকি পৰিব। সময় গগৈ, বিতু, আকাশ পাণ্ডে, ৰণধীৰ হুদা ,পঞ্জাৱৰ পৰা অহা শিখ সংগঠন বিলাক , ধেমাজী মাজুলী আদি ঠাই বিলাকৰ মানুহখিনিৰ সহায় ( যাৰ নিজকেই দৰকাৰ অথচ দুৰ্গত সকলৰ কাষত দিয় দিবলৈ অকণমান হ'লেও সময় ওলাল),ইত্যাদি ইত্যাদি এই সকলোবোৰ সচাঁ মানৱীয়তাৰ স্বচ্ছ উদাহৰণ নহয় জানো।? মানুহে মানুহৰ বাবে এই আন্দোলনৰ জয় হওক আৰু এই আন্দোলন সফল হওক।
******
ৰীমামণি বড়া
ডিব্ৰুগড়, অসম

26/08/2026

শিশু কল্যান বিভাগৰ সমস্যা আছেনে : এক চমু আলোচনা 
---------------------------------------------------------------

আমাৰ সমাজত বিভিন্ন মাধ্যম আছে, যি অৰ্হনিশে নিৰৱচিন্ন ভাৱে শিশুৰ সুৰক্ষাৰ বাবে, শিশুৰ অধিকাৰৰ বাবে মাত মাতি আহিছে, কাম কৰি আছে। কিন্তু শিশু তথাপিতো আমাৰ সমাজত সম্পূৰ্ণকৈ সুৰক্ষিত আৰু বিকশিত হোৱা নাই। আজি একবিংশ শতিকাতো পথ শিশুবিলাক এক অসহায় অৱস্থাত অসমৰে নহয় বা ভাৰতবৰ্ষৰে নহয় সমগ্ৰ পৃথিৱীৰে বিভিন্ন চুকে কোণে দেখা পোৱা যায়। অৰ্থাৎ পথশিশু সমস্যাটো এক আন্তজাৰ্তিক সমস্যা যাক বিভিন্ন চাৰ্টাৰ, আইন , আঁচনি একোৰে সমাধান কৰিবলৈ সমৰ্থ হোৱা নাই। আংশিক কোনো ঠাইত সফল হ'লেও সি মাথোন এপাছি শাকত এটা জলকীয়াৰ দৰে। 
শিশু অধিকাৰৰ বিষয়ে বহুত আলোচনা হয়, আঁচনি, আইন এই বিলাকৰো এক বিশদ আলোচনা হয় । কিন্তু অনুভৱ হয় এই বিলাক কাৰ্যকৰি কিমান হৈছে, কিমান সফল হৈছে, পাবলগীয়া শিশুবোৰে পাইছেনে? আমাৰ সমাজত শিশু কিমান সুৰক্ষিত ? প্ৰশ্ন হয়, মনত সন্দেহৰ সৃষ্টি হয় কাৰণ দৈনিক গড়ে প্ৰায় দুটাতকৈ বেছি শিশু নিৰ্যাতনৰ কেচ এখন জিলা সদৰ থানাৰ অধীনত ৰেজিষ্টাৰ হয়। শিশু শ্ৰমৰ কেচ ৰেজিষ্টাৰ হয়। বাল্যবিবাহৰ কেচ ৰেজিষ্টাৰ হয়। গড়ে হয়তো দিনে দুই-তিনিখনকৈ বাল্যবিবাহ সচেতন সম্পকীয় আইন সজাগতা সভা বা অনান্য সজাগতা সভাসমূহ প্ৰতিখন জিলাৰ চুকে কোনে অনুষ্ঠিত হৈয়ে আছে । বিভিন্ন প্ৰকাৰে প্ৰতিজন ব্যক্তিক, পিতৃ-মাতৃক সন্তানৰ ভৱিষ্যত সৰ্ম্পকে সচেতন কৰাৰ প্ৰচেষ্টা হাতত তুলি লৈছে । তেন্তে সুৰুঙা ক'ত থাকি গৈছে চিন্তনীয় বিষয় হৈ পৰা নাইনে বাৰু ?
ক'ৰবাত বাৰু দায়িত্ব পালনত হেমাহি হৈছে নেকি ? ক'ৰবাত কৰ্তব্য পালনত গাফিলতি হৈছে নেকি ? নে অন্য কিবা কাৰণত ? অলপ কথাবিলাক চৰ্চা কৰাৰ সময় আহি পৰা নাইনে ? সকলো বিভাগেই হয়তো নিজৰ নিজৰ স্থানত কামবোৰ, দায়িত্ববোৰ, কৰ্তব্যবোৰ সঠিক ভাৱেই পালন কৰিছে, নিজৰ নিজৰ বিভাগত কিছুমান সমস্যাৰ বাহিৰত গৈও। আৰু এই সমস্যাবোৰ সকলোৰে ক্ষেত্ৰত হয়তো একে। যেনে অৰ্থনৈতিক সমস্যা,জনবলৰ সমস্যা, কিছুমান আন্তগাঁঠনিক সমস্যা, পুনৰউদ্ধাৰ কৰি পুনঃসংস্থাপনৰ সমস্যা ইত্যাদি ইত্যাদি বিলাক। আৰু এই সমস্যাবোৰ সমাধান নহ'লে যিমান আঁচনি বা আইন নোলাৱক কিয় কাৰ্যকৰি হোৱাত বিফল হ'বই । সন্দেহৰ বাহিৰত গৈ এই কথাষাৰ ক'ব পাৰি। 

এই কথাখিনি এই কাৰণে মনলৈ আহিছে কাৰণ কিছুমান চক্ষুৰ আগতে ঘটা ঘটনাই খোৰাকী যোগাইছে। জুভেনাইল আৰু চাইল্ড ফেণ্ডলী পুলিচ গোটে পথৰ দাঁতিৰ পৰা এজনি ছোৱালী উদ্ধাৰ কৰে যি জনি অনাথ আৰু ৰুগীয়া। আৰু তাই হয়তো অলপ মানসিক ভাৱেও ৰুগীয়া। তেনে অৱস্থাৰে তাইক প্ৰাথমিক পৰ্য্যায়ৰ ডক্তৰৰ ওচৰত নিৰীক্ষণ কৰাৰা পাছত জিলা শিশু কল্যান সমিটিৰ ওচৰত অনাৰ পাছত সমিটিৰ নিদেশ মৰ্মে শিশু গৃহত ৰখা হয়। কিন্তু কেইঘণ্টামানৰ পাছতেই তাইক অসম চিকিৎসা মহাবিদ্যালয়ত ভৰ্তি কৰিব লগা হয় য'ত ডক্তৰৰ নিৰিক্ষণত ছোৱালী জনি টি বি ৰ দৰে ৰোগৰ ৰোগী বুলি গম পোৱা যায় । এতিয়া কথা হ'ল সেই ছোৱালীজনিক শিশু গৃহই অন্য শিশুৰ লগত ৰাখিব নোৱাৰে, পৰ্যাপ্ত পৰিমানৰ ধন খৰচ কৰি উচ্চমানদণ্ডৰ চিকিৎসা কৰাব নোৱাৰে বা কেৱল তাইৰ লগত লাগি থাকিবলৈ সময়, পইচা বা জনশক্তি সকলোৰে অভাৱ। এই ধৰণৰ শিশুবিলাক সকলোৰে বাবে সমস্যা। আৰু এশটা পথশিশুৰ এটা এই ধৰণৰ শিশু দেখাপোৱা যায়। এই সমস্যাৰ সমাধান কি হ'ব পাৰে ? 
এইটো এটা মাত্ৰ সৰু উদাহৰণ । এনে সমস্যা শিশুকৰ্মীসকলৰ শিশুসকলক লৈ সততে হোৱা দেখা যায়। আচলতে শিশুসকলৰ ভৱিষ্যত সুৰক্ষা লৈ বহু কাৰ্যপন্থা বিভিন্ন সময়ত চৰকাৰ, চৰকাৰী প্ৰতিস্থান , বেচৰকাৰী সংস্থান আদি সকলোৱে লৈছে যদিও সি পৰ্যাপ্ত হোৱা নাই । কৰণীয় আজিও বহুত বাকী আছে। চৰকাৰ আৰু প্ৰশাসনে এইক্ষেত্ৰত কিছু ভৱাৰ থল থকাৰ লগতে শিশু কল্যান আঁচনি সমূহ যুগুতাওতে অৰ্থনৈতিক দিশ আৰু বেছি সবল আৰু কাৰ্যকৰী হোৱাকে নিৰ্মাণ কৰিলে সমস্যাসমূহ বেছি ফলপ্ৰসুভাৱে সমাধান হ'ব । প্ৰতিখন জিলাত শিশুগৃহ কমেও ৫ টা মান থাকিব লাগে বা শিশুগৃহ বিলাকত আসনৰ সংখ্যা বৃদ্ধি পাব লাগে। তাৰলগতে জনশক্তিও পৰ্য্যাপ্ত পৰিমাণৰ হোৱা উচিত শিশু সম্বদ্ধীয় কিছু বিশেষ সাসুবিধাৰ লগতে। আৰু তেওঁলোকৰ কৰ্মৰ বিনিময়ত যি মাননি দিয়া হয় সিও সদায়ে নিয়মীয়া হোৱা বহুত জৰুৰী। সেইটোৱে শিশুগৃহ বিলাকৰ শিশুকৰ্মীসকলৰ উৎসাহ বৃদ্ধি কৰে। লগতে প্ৰতিখন জিলাত এটা শিশু নিৰীক্ষণ কেন্দ্ৰও থকাটো অতন্ত্য জৰুৰী আৰু বাধ্যতামুলক হোৱা দৰকাৰ য'ত এজন শিশুক সম্পূৰ্ণভাৱে সংশোধন কৰিব পৰা ব্যৱস্থা থাকে।
আমাৰ সমাজৰ সকলোতকৈ ডাঙৰ দোষটো হৈছে আইন আছে, আইনৰ শাস্তিও আছে কিন্তু বাস্তৱিক ৰূপায়নত বহুত কিবাকিবি আসোঁৱাহ থাকিছে যিবোৰ চকুত পৰিও দূৰ কৰিবলৈ কোনো ব্যৱস্থা লোৱা হোৱা নাই। হ'ব পাৰে নিদ্ধাৰিত মাধ্যম বা যথাযথ প্ৰক্ৰিয়াৰ মাজেৰে নিব নোৱাৰা বাবে কিন্তু এই নিদ্ধাৰিত মাধ্যম বা যথাযথ প্ৰক্ৰিয়া কোনে সৃষ্টি কৰিছে বা প্ৰক্ৰিয়ালৈ নিয়ে কোনে ? গাফিলতি যদি হৈছে ক'ত ? এই উত্তৰবোৰে বহু সমস্যাৰ সমাধান ৰাখি থৈছে । কিন্তু উত্তৰ বিলাক পাম কেতিয়া সেইটোৱেইটো এটা চিন্তনীয় বিষয়। আচলতে শিশুৰ সুৰক্ষা বিষয়টো হৈছে এক দলবদ্ধ প্ৰচেষ্টা আৰু বিনিয়োগ য'ত প্ৰতিটো বিভাগে ইটোৱে সিটোৰ লগত এক সমন্নয় স্থাপন কৰি কাম কৰে। আৰু সম্বন্নয়ৰ অবিহনে বিকাশ অসম্ভৱ যিকোনো ক্ষেত্ৰতে । শিশুৰ দৰে স্পৰ্শকাতৰ বিষয়তটো একেবাৰে অসম্ভৱ কথাৰ দৰে। সেয়ে চৰকাৰ প্ৰশাসনে আৰু সচেতন মহলে অলপ গুৰুত্বসহকাৰে শিশু সম্বন্ধীয় বিষয় সমূহত অলপ বিবেচনাপূৰ্ণ দৃষ্টি নিক্ষেপ কৰিলে বিভাগটো হয়তো উপকৃত হ'ব। কাৰণ দেশৰ ভৱিষ্যত দেশৰ ধৰণী এই সকল শিশু।
******
ৰীমামনি বড়া
ডিব্ৰুগড়, অসম

15/08/2026

Jay Hind 🙏

23/06/2026

শিশু কল্যান সমিতি: এক চমু আলোচনা

শিশু কল্যাপ সমিতি হৈছে জুভেনাইল জাষ্টিচ ( শিশু সুৰক্ষা আৰু তদাৰকী ) ২০১৫ আইনখনৰ অধীনত আইনগত স্বায়ত্বশাসিত অনুষ্ঠান।
অসমৰে নহয়, সমগ্ৰ ভাৰতবৰ্ষৰে প্ৰতিখন জিলাতেই এনে এটা শিশু সুৰক্ষা অনুষ্ঠান থকাটো বৰ্তমান বাধ্যতামুলক। এই কমিটিখনে প্ৰতিখন জিলাৰ শিশু সুৰক্ষাৰ ক্ষেত্ৰত সৰ্বোচ্চ ভূমিকা পালন কৰে যাক প্ৰথম শ্ৰেণীৰ দণ্ডাধীশৰ ক্ষমতা প্ৰদান কৰা হৈছে। আৰু এজন শিশুৰ সুৰক্ষা আৰু যত্নৰ ক্ষেত্ৰত যিকোনো সিদ্ধান্ত লোৱাত তেওঁলোক স্বাধীন। তেওঁলোকৰ সিদ্ধান্তত কোনো ধৰণৰ হস্তক্ষেপ বাহিৰৰ পৰা প্ৰদান কৰা নহয়। 
তেওঁলোকৰ প্ৰতিটো কামকাজ আৰু সিদ্ধান্তত দৃষ্টিৰাখে জিলা দণ্ডাধীশ আৰু ৰাজ্যিক শিশু সুৰক্ষা কমিটিয়ে । লগতে তেওঁলোকৰৰ লগত ওত:প্ৰোত ভাৱে জড়িত থাকে জিলা শিশু সুৰক্ষা বিষয়া, জিলা শিশু সুৰক্ষা গোট ,জিলা দণ্ডাধীশ, অতিৰিক্ত জিলা দণ্ডাধীশ , জিলা আইনী প্ৰাধীকৰণ, শিশু সহায়কাৰী গোট লগতে বিভিন্ন ধৰণৰ বেচৰকাৰী অনুষ্ঠান বিশেষকৈ যিসকল শিশুৰ উন্নয়নৰ বাবে কাম কৰে আৰু বিভিন্ন শিশু গৃহ সমূহ ।
সাধাৰণতে শিশু সুৰক্ষা কমিটিৰ আওঁতাত পৰা শিশু সকলৰ ভিতৰত পৰে- 
1. অনাথ, পৰিত্যক্ত ( abandoned ) বা আইনী ভাৱে এৰি দিয়া শিশু( surrendered child )
2. শাৰিৰীক আৰু মানসিক ভাৱে ভুক্তভোগী শিশুসকল, শাৰিৰীকভাৱে অপদস্থ কৰা- শিশু সকল,
3. শিশু শ্ৰমিকসকল, সংকটজনক বা বিপদজনক পৰিস্থিতিত কাম কৰা শিশুসকল,
4. বিভিন্ন ঘটনাৰ পাকচক্ৰত পৰি হেৰোৱা শিশুসকল , পলোৱা শিশুসকল, নিঠৰুৱা শিশুসকল, 
5. শ্লাম এৰিয়াৰ শিশুসকল, ৰাস্তাৰ দাঁতিৰ শিশুসকল বা অমানৱিক পৰিবেশত বাস কৰা শিশুসকল ।
শিশুসুৰক্ষা কমিটিত সৰ্বমুঠ পাঁচজন সদস্য থাকে। তাৰে এজন চেয়াৰপাৰ্চন বা সভাপতি, এগৰাকী মহিলা, এজন শিশু মনস্তত্ত্ববিদ হোৱাৰ লগতে বিভিন্ন বিষয়ত বিশেষকৈ শিশুৰ অধিকাৰ আৰু ন্যায়িক সুৰক্ষাৰ ক্ষেত্ৰত আইনৰ বিশদ জ্ঞান থকাৰ লগতে সমাজকৰ্মী হিচাপে সক্ৰিয়হোৱাটোও প্ৰয়োজনীয় । অথাৎ শিশুকমিটিৰ সদস্য সকল শিশু সম্বন্ধীয় আইন সমূহত বিশেষ দক্ষতা থকাৰ লগতে শিশু সম্বন্ধীয় সকলো কথা জনাটো প্ৰয়োজনীয়। 
জুভেনাইল জাষ্টিচ আইনখনৰ ৫নং অধ্যায়ৰ ধাৰা ২৭ত শিশু কল্যান সমিতিৰ কথা উল্লেখ আছে । শিশু কল্যান সমিতিৰ বিষয়ে জনাৰ আগতে প্ৰথম জানিব লাগিব মিছন বাৎসল্যনো কি ? মিছন বাৎসল্য হৈছে ভাৰত চৰকাৰৰ Ministy of Women and Child development বিভাগৰ দ্বাৰা পৰিপালন (impliment) কৰা এখন আঁচনি যাৰ মূল উদ্দেশ্য হৈছে শিশুৰ সৰ্বতো প্ৰকাৰ বিকাশ সাধন কৰা। এই আঁচনিখনে বিশেষভাৱে গুৰুত্ব প্ৰদান কৰিছে শিশু সুৰক্ষা, পৰিয়াল মুলত অনানুষ্ঠানিক যত্ন আৰু আদৰ , আৰ্থিক আৰু সামাজিক সুৰক্ষা আৰু প্ৰতিপালন আৰু পোষকতা ক। অকল এইয়াই নহয়, ফষ্টাৰ কেয়াৰ, স্পনচৰস্বীপ, দত্তক ( adoption) আদিও সাঙুৰি লৈছে উক্ত আঁচনিখনে। 
তাৰ লগতে আইনী সুৰক্ষা প্ৰদান কৰা হয় শিশু সুৰক্ষা আইন ২০১৫ আৰু পকচ' আইন ,২০১২ ৰ অধীনত। তাৰ লগতে ২৪ ঘণ্টাই চাইল্ড হেল্প লাইন, আফটাৰ কেয়াৰ, ইমাৰজেঞ্চী আউত ৰিচ ছাৰ্ভিচ আদিকো এই আঁচনিৰ অধীনত সাঙুৰি লোৱা হৈছে। আৰু এই আঁচনিৰ অধীনতেই শিক্ষা, চিকিৎসা আৰু এক সুচল জীৱন যাপন কৰিবৰ বাবে লোৱা কল্যানমুলক প্ৰতিটো পদক্ষেপৰ বাবে স্পনচৰস্বীপ দিয়া হয়।
এই আঁচনি ৰাজ্য চৰকাৰৰ জৰিয়তে ৰাজিক সুৰক্ষা কমিটি, জিলা সুৰক্ষা কমিটি , শিশু সুৰক্ষা গোট আদি বিলাকৰ সহযোগত ভাৰত চৰকাৰে কাৰ্যকৰী কৰিছে।
শিশু সুৰক্ষা কমিটিক সাংগঠনিক (ইনফ্ৰাছষ্ট্ৰাকচাৰ) আৰু আৰ্থিক ভাৱে সহায় কৰিছে এই মিচন বাৎসল্য নামৰ কেন্দ্ৰীয় চৰকাৰৰ শিশু আৰু মহিলা গোটৰ বিভাগটোৱে। এই আঁচনিয়ে শিশু কল্যান সমিটিৰ উদ্দেশ্য সফলভাৱে ৰূপায়ণ হোৱাত নিশ্চয়তা প্ৰদান কৰাৰ লগতে সফল ভাৱে কাৰ্যকৰী হোৱাত সহায় কৰা বা অনুদান আগবঢ়োৱাই নহয় সম্পূৰ্ণ সহযোগিতা আগবঢ়াইছে।
এই কমিটিৰ সদস্যসকল ন্যুনতম ২০ টা দিন অফিচত বহিব লগাটো বাধ্যতামূলক যদিও ২৪ ঘণ্টাই দায়িত্বত থাকে ( অন ডিউটি)। যেতিয়াই পুলিচে বা শিশু সহায়কাৰী বিভাগে এজন শিশু উদ্ধাৰ কৰি আনে, ২৪ঘণ্টাৰ ভিতৰত তেওঁলোকৰ সন্মুখত উপস্থিত কৰাব লাগে। এজন শিশুক থানাত ৰাখি থ'ব নোৱাৰে। সেয়ে কোনো শিশু গৃহত ৰাখিবৰ বাবে চাইল্ড ৱেলফেয়াৰ কমিটি বা জুভেনাইল জাষ্টিচ বৰ্ডৰ সন্মুখত উপস্থিত কৰাব লাগে। ভিক্তিম শিশু কল্যান কমিটি আৰু আইন ভংগকাৰী হ'লে জুভেনাইল জাষ্ট্ৰিচ বৰ্ডৰ সন্মুখত সাধাৰণতে প্ৰডিউচ কৰে। ) ।জুভেনাইল জাষ্টিচ আইন ২০১৫ ৰ ধাৰা ২৭, ২৮, ২৯ , ৩০, ৩১, ৩২, ৩৩, ৩৪, ৩৫, ৩৬, ৩৭ , ৩৮, ৩৯ ৰ আওঁতাত আহে এই শিশু কমিটিখন। তেওঁলোকৰ ওপৰত ন্যস্ত কৰা ক্ষমতা, দায়িত্ব আৰু কাম কৰাৰ পদ্ধতিৰ লগতে কি আইন অনুকৰণ কৰিব লাগিব সকলোবোৰ উল্লেখ আছে।
The child welfare committee is one kind of children court that cannot follow the proper decorum of the traditional court. The decorum that follows the child welfare committee is very Informal and friendly for the children.
সেয়ে শিশু সুৰক্ষা কমিটিয়ে যেতিয়া এটা শিশুৰ বিভিন্ন দিশসমূহৰ ধনাত্মক সবলীকৰণ নিদ্ধাৰণ কৰিবৰ বাবে অনুসন্ধান কৰে আৰু কোনো কায্যপন্থা হাতত লয়, সৰ্বপ্ৰথম তেওঁলোকে নিশ্চিত কৰিব লাগিব শিশুটোৰ সুৰক্ষা আৰু শিশুটোৰবাবে এক সুস্থ বাতাবৰণৰ। তাৰ লগে এটা নিদিষ্ট পৰিকল্পনা গঠন কৰিব লাগিব এটা শিশুৰ শিক্ষা, স্বাস্থ্য, মানসিক বিকাশ, শিশুৰ মনতস্তৰ বিকাশ আৰু উত্তৰণ আদি কৰি সৰ্বত্ৰ বিকাশত কি দৰে পদক্ষেপ ল'ব। 
তাৰ লগে লগে এটা উদ্ধাৰ কৰি অনা শিশুক যিকোনো ঋণাত্মক পৰিবেশৰ পৰা কিদৰে পৰিয়াললৈ ঘূৰাই পঠাব বা যিকোনো সুৰক্ষিত দত্ত ( adoption ) ত বা ফ্ৰষ্টাৰ কেয়াৰত কিদৰে পঠাব সেইখিনিও এক সঠিক পদক্ষেপেৰে সফল ৰূপায়ন কৰাৰ আঁচনি বনাব লাগিব আৰু সেই আঁচনিক কাৰ্যকৰী কৰিব লাগিব । 
ইয়াৰ উপৰিও বিভিন্ন শিশু গৃহ বিলাক সঘন নিৰিক্ষণ কৰাৰ দ্বায়িত্বও শিশু কল্যান সমিটিৰ ওপৰতে ন্যস্ত আছে। সঠিক আৰু পৰ্যাপ্ত জীৱন নিৰ্বাহ প্ৰণালী ( adequate living standard of life ) সুনিশ্চিত কৰা আৰু কোনো ধৰণৰ শোষণ যাতে শিশুসকলৰ ওপৰত নহয় তাক সুনিশ্চিত কৰা আৰু চকু ৰখাৰ বাবে এই নিৰীক্ষণৰ প্ৰয়োজন।
বৰ্তমান সময়ৰ প্ৰেক্ষাপটত ভাৰত চৰকাৰৰ শিশু কল্যান আৰু মহিলা সবলীকৰণ বিভাগৰ অধীনত জিলা শিশু সুৰক্ষা বিষয়াৰ অফিচৰ ভাৰতবৰ্ষৰ প্ৰতিখন ৰাজ্যৰ প্ৰতিখন জিলাই জিলাই স্থাপন কৰা শিশু কল্যানকমিটি বিলাক এটা বৃহৎ আৰু গুৰুত্বপূৰ্ণ অনুষ্ঠান। এই অনুষ্ঠানে এগৰাকী মাতৃৰ দ্বায়িত্বৰ দৰে এক গধুৰ দায়িত্ব পালন কৰি আহিছে ২০১৫ চনৰে পৰা। 
**********
✍️ৰীমামণি বড়া বৰদলৈ
ডিব্ৰুগড় , অসম

21/06/2026

10/06/2026

ক্ৰিকেট, আই পি এল ইত্যাদি ইত্যাদি কথাবিলাক
-----------------------------------------------------------------------

মনক খোৰাকী যুগোৱা এক উপকৰণ হৈছে খেল। খেল খেলা আৰু চোৱা দুয়োটাই সমানে উপভোগ্য। টিভিৰ যোগেদি ৰাষ্ট্ৰীয় আন্তঃৰাষ্ট্ৰীয় খেলসমূহৰ প্ৰচাৰ আৰম্ভ হোৱা বাবে পৰিয়ালৰ সকলোৱে লগলাগি খেল উপভোগ কৰাৰ আনন্দ ঘৰতে থাকি লব পৰা হ'ল। সৰুৰে পৰা আমাৰ ঘৰতো বাবা, মা, বাহঁত আৰু ভাইটিৰ সৈতে সকলোৱে বহি ক্ৰিকেট, ফুটবল এই খেলবোৰ উপভোগ কৰাৰ সুন্দৰ এটা পৰিৱেশ আছিল। খেলপথাৰত দৌৰি ঢাপৰি খেলি ফুৰা খেলুৱৈ কেইজনতকৈও বিজ্ঞ যেন লগা সকলোৰে মুখে মুখে চলি থকা মন্তব্যবোৰে খেল চোৱাৰ আনন্দ আৰু বঢ়াই তুলিছিল। এইদৰে একেলগে বহি উপভোগ কৰা এবিধ মুখ্য খেল আছিল ক্ৰিকেট। ভাৰতৰ সবাতোকৈ জনপ্ৰিয় খেলবিধেই হৈছে ক্ৰিকেট।
অৱশ্যে মেটছ ফিক্সিংৰ দৰে কথাবোৰে ক্ৰিকেটপ্ৰেমীসকলক মাজতে হতাশ কৰিছিল যদিও তেণ্ডুলকাৰৰ দৰে মহান ক্ৰিকেটাৰ আৰু সৌৰভ গাংগুলীৰ দৰে মহান গুৰি ধৰোঁতা দলপতি ভাৰতীয় ক্ৰিকেটে পাইছিল। সৌৰভ গাংগুলীৰ নেতৃত্বত ভাৰতীয় ক্ৰিকেট দলে নতুন ৰূপ পাইছিল। তেওঁ ভাৰতীয় ক্ৰিকেটাৰসকলক আক্ৰমণাত্মক খেল খেলিবলৈ উ‌সাহিত কৰাই নহয়, যুৱৰাজ সিং, জাহিৰ খান, হৰভজনসিংৰ দৰে প্ৰতিভা ভাৰতীয় ক্ৰিকেটলৈ আনিলে। তেওঁৰ সৰ্বশ্ৰেষ্ঠ আৱিষ্কাৰ আছিল মহেন্দ্ৰ সিং ধোনী যাৰ নেতৃত্বত ভাৰতে দ্বিতীয় বাৰৰ বাবে এদিনীয়া ক্ৰিকেটৰ বিশ্বকাপ পুনৰাই হাতত তুলি লৈছিল। ধোনীৰ ভাৰতীয় ক্ৰিকেট দ'লত অভিষেক ঘটিছিল ২০০৪ চনত। ২০০৭ ৰ ছেপ্তেম্বৰ মাহৰ ১১ তাৰিখৰ পৰা ২৪ তাৰিখলৈকে বাৰখন দেশে অংশগ্ৰহণ কৰা আন্তৰ্জাতিক ক্ৰিকেট কাউন্সিলৰ দ্বাৰা দক্ষিণ আফ্ৰিকাত অনুষ্ঠিত হোৱা আয়োজিত হোৱা টি টুৱেণ্টি বিশ্বকাপো ধোনীৰ নেতৃত্বতে ভাৰতে প্ৰধমবাৰ জয় কৰে। টি টুৱেণ্টি ক্ৰিকেটৰ এক জনপ্ৰিয় সংস্কৰণ।
T20 আৱিস্কাৰক আছিল ষ্টুৱাট ৰৰ্বাটচন ( Stuart Robertson), ইংলেণ্ড আৰু ৱালচ ক্ৰিকেট বৰ্ডৰ( ECB ) মাৰ্কেটিং মেনেজাৰ আৰু চনটো আছিল ২০০১। ইংলেণ্ডতেই ২০০৩ চনত প্ৰথম বাৰ পেচাগতভাবে আৰম্ভ কৰা হয় এই T20ৰ।
কিন্তু আমাৰ ভাৰতবৰ্ষত সকলোতকৈ প্ৰথম The Twenty Cricket Federation of India ই আৰম্ভ কৰিছিল স্থানীয় T20 টুৰ্ণামেণ্ট সমূহ। ইয়াৰ পাছত ২০০৭ ত দ্য ইছাই গ্ৰুপে আৰম্ভ কৰিছিল ICL ( Indian Cricket league )। এই প্ৰতিযোগিতা জনপ্ৰিয়‌ও হৈছিল আৰু খেলুৱৈ সকলো লাভাম্বিত হৈছিল। ভাৰতীয় ক্ৰিকেট নিয়ন্ত্ৰণ বৰ্ডৰ সৈতে কিছু সংঘাতৰ পিছত এই লীগ বন্ধ হৈ যায় কিন্তু তাৰ সমান্তৰালকৈ ভাৰতীয় ক্ৰিকেট নিয়ন্ত্ৰণ বৰ্ডৰ পৃষ্ঠপোষকতাতেই আৰু ICL ৰ ধাৰণাৰেই ২০০৮ চনত ললিত মোডীৰ পৃষ্ঠপোষকতাত আই পি এল ( Indian Premier league ) আৰম্ভণি হয়।
আৰু বৰ্তমান সময়ত আই পি এল কেৱল ভাৰততেই জনপ্ৰিয় হৈ উঠা নাই, সমগ্ৰ বিশ্বতেই ইয়াৰ জনপ্ৰিয়তা বাঢ়িছে। পুঁজিপতিসকলে স্পনচৰ কৰা এই প্ৰতিযোগিতা ভাৰতৰ মাটিত নানা দেশী - বিদেশী, বিখ্যাত - অখ্যাত খেলুৱৈ সকলৰ বেট আৰু বলৰ কৌশলৰ এখন বৃহত্তৰ প্ৰৰ্দশনী হৈ পৰিল। যোৱা মে মাহত আৰম্ভ হৈ যোৱা জুন মাহৰ ৩১ তাৰিখে শেষ হোৱা খেলখনে ক্ৰিকেটপ্ৰেমীক আৰম্ভণিৰ পৰা শেষৰলৈকে উদ্বুদ্ধ কৰি ৰাখিলে।
প্ৰতিখন খেলেই উপভোগ্য হৈছিল। এইবাৰৰ বিশেষ আৰ্কষণ আছিল ৰাজস্থান ৰয়েলছৰ বৈভৱ সূৰ্যবংশী। ক্ৰিকেটত দ্য ৱাল হিচাপে জনাজাত, সফল প্ৰশিক্ষক ৰাহুল দ্ৰাবিড়ৰ চকুত পৰা এই ১৫ বছৰীয়া প্ৰতিভাধৰে প্ৰত্যেকজন ক্ৰিকেট প্ৰেমীৰে মন মুহিছিল। কোনো বলেই প্ৰতিহত কৰিব নোৱাৰা বৈভৱে ভাৰতীয় আই পি এলৰ ইতিহাসত ৰেৰ্কডৰ ওপৰত ৰেৰ্কড গঢ়ি ৰাজস্থান ৰয়েলছক প্লে অফ লৈকে আগবঢ়াই লৈ গৈছিল । বৈভৱৰ লগতে ৰাজস্থান ৰয়েলছৰ অধিনায়ক অসমৰ সন্তান ৰিয়ান পৰাগৰ নেতৃত্ব খুব সুন্দৰ আছিল। ৰঞ্জী ট্ৰফীত অসমক নেতৃত্ব দি প্ৰতিনিধিত্ব কৰা ৰিয়ান পৰাগে সন্মুখৰ পৰা দলক আগবঢ়াই নিব পৰাটো তেওঁৰ নিজস্ব ক্ৰেডিট বুলি স্বীকাৰ কৰি ল'বই লাগিব। আনহাতে ফাইনেললৈকৈ নিজৰ দলক আগবঢ়াই নিয়া শুভমন গীলৰ গুজৰাট টাইটানচ, চানৰাইজাৰছ হায়দৰাবাদৰ দলেও সুন্দৰ প্ৰৰ্দশনৰে ক্ৰিকেট প্ৰেমীৰ মন মুহিবলৈ সক্ষম হৈছিল।
আনহাতে ৰোহিত শৰ্মা, হাৰ্ডিক পাণ্ড্যা, তিলক বৰ্মা, সূৰ্য কুমাৰ যাদৱৰ দৰে খেলুৱৈৰে ভৰি থকা মুম্বই ইণ্ডিয়ানচ বৰ বেয়াকৈ বিফল হ'ল এই বছৰ। শোচনীয় প্ৰদৰ্শন কৰি ঋষভ পণ্টৰ নেতৃত্বাধীন লক্ষ্নৌ চুপাৰ জায়েণ্টছ অন্তিম স্থানত থকাৰ সমান্তৰালকৈ মুম্বাই ইণ্ডিয়ানছ নৱম স্থানত থাকে। চেন্নাই চুপাৰ কিংছে যোৱাবছৰতকৈ কিছু উন্নত প্ৰদৰ্শন কৰে যদিও আঘাতৰ সমস্যাত জৰ্জৰিত দলটো প্লে অফলৈ যাব নোৱাৰিলে। মহেন্দ্ৰ সিং ধোনীৰ অবৰ্তমানত দলটোক প্ৰতিভাবান খেলুৱৈ ঋতুৰাজ গাইকোৱাডে নেতৃত্ব দিছে। উল্লেখযোগ্য যে এই দলৰে উৰ্বিল পেটেলে য়শস্বী জয়ছোৱালৰ 13 বলত 50 ৰাণ কৰাৰ অভিলেখ স্পৰ্শ কৰে। দিল্লী কেপিটেলো মোৰ প্ৰিয় খেলুৱৈ কে এল ৰাহুলৰ নেতৃত্বত বৰ প্লেঅফ পোৱাত বিফল হয়। শ্ৰেয়স আয়াৰৰ নেতৃত্বাধীন পাঞ্জাৱ কিংছে আৰম্ভণিতে দমনীয় প্ৰদৰ্শনেৰে সকলোৰে দৃষ্টি আকৰ্ষণ কৰিলেও পিছলৈ সেই প্ৰদৰ্শন ধৰি ৰাখিব নোৱাৰিলে। কলকাতা নাইট ৰাইডাৰ্ছেও প্ৰথমে শোচনীয় খেল প্ৰদৰ্শন কৰিলেও পিছলৈ উজ্জীৱিত হৈ উঠিছিল। ইয়াৰ বিপৰীতে ৰজত পাটীদাৰৰ নেতৃত্বাধীন যোৱাবাৰৰ বিজয়ী ৰয়েল চেলেঞ্জাৰ বেংগালুৰুৱে কিন্তু প্ৰথমৰ পৰাই নিজৰ স্বাভাৱিক ছন্দ ধৰি ৰাখিবলৈ সমৰ্থ হোৱাৰ লগতে পূৰ্বৰ খিতাপ পুনৰবাৰ নিজৰ লগত ৰাখিবলৈ সৰ্মথ হয়।
কোহলীবাহিনীলৈ বহুত বহুত শুভকামনা।
নিশ্চয়কৈ আই পি এল এক প্ৰকাৰ ব্যৱসায়িক আয়োজন, য'ত অৰ্থনৈতিক লাভালাভ বেছি গুৰুত্বপূৰ্ণ বিষয় হৈ পৰিছে। এই ব্যৱস্থাত যাতে প্ৰতিভাৱান খেলুৱৈ সকল অথবা দেশৰ বাবে খেলা খেলুৱৈ সকলৰ ওপৰত নেতিবাচক প্ৰভাৱ নাথাকে, তাকেই আশা কৰিম। লীগৰ পৰাই বহুতো প্ৰতিভাৱান খেলুৱৈৰ পৰিচয় সকলোৱে পাইছে যদিও আঘাতৰ সমস্যাই বিৰাট কোহলীৰ দৰে খেলুৱৈক দেশক প্ৰতিনিধিত্ব কৰাৰ পৰা বিৰত কৰিছে। বৰ্তমান চলি থকা আফগানিস্তান ভ্ৰমণৰ দলটোৰ সৈতে কোহলীয়ে হেমষ্ট্ৰিঙৰ আঘাতৰ বাবে যাব নোৱাৰিলে, তাৰ লগতে ইংলেণ্ড ভ্ৰমণো সন্দেহৰ আৱৰ্তত ৰৈছে।
যিকি নওহক আই পি এল ক লৈ কিছু ঋণাত্মকতা থাকিলেও সম্পূৰ্ণ ছিজনটোৱেই উপভোগ্য হৈ উঠে। আই পি এল শেষ হোৱাৰ সন্ধিয়া বৰ উকা যেন অনুভৱ হৈ পৰে। এইবাৰ বৈভৱ সূৰ্য্যবংশীৰ বেটিংৰ যাদুৱে সকলোকে মোহিত কৰিলে। ভাৰতীয় ক্ৰিকেটত বৈভৱৰ স্থান লাভে হাজাৰ ক্ৰিকেট অনুৰাগীক সুখী কৰিছে। এইবাৰহে বৈভৱৰ আচল পৰীক্ষা আৰম্ভ হ'ব। বৈভৱ যেন ৰেৰ্কড গঢ়িবলৈকৈ ভাৰতীয় ক্ৰিকেটত আৱিভাৱ হৈছৈ। এইবাৰ শচীন টেণ্ডুলকাৰৰ ৰেৰ্কড ভাঙি অন্তৰাষ্ট্ৰীয় ক্ৰকেটৰ ইতিহাসত বিশ্বৰ কণিষ্ঠতম খেলুৱৈ হিচাপে পৰিগণিত হৈছে। শচীনৰ অভিষেক ঘটিছিল ১৬ বছৰ বয়সত আৰু এইবাৰ এছিয়া কাপলৈ ১৫ বছৰীয়া বৈভৱক ভাৰতীয় দলত স্থান দিয়া হৈছৈ । অলেখ অযুত শুভকামনা থাকিল এই বিস্ময় বালকলৈ। তাৰোপৰি নতুন নতুন বহুতো মুখে ভাৰতীয় ক্ৰিকেট জগতলৈ প্ৰতিভাৰ সোঁত বোৱাইছে আৰু লগতে বহু পিছপৰা ঠাই আৰু দুৰ্বল অৰ্থনৈতিক অৱস্থাৰ কিশোৰে আশাৰ ৰেঙণি দেখিছে। অহাবছৰৰ আই পি এললৈ পুনৰাই ন ন সম্ভাৱনা দেখা পোৱাৰ আশাৰে বাট চাই ৰ'লো।
**----**---**----**
ৰীমামণি বড়া
ডিব্ৰুগড় , অসম

07/06/2026

(It is copied post from the wall of my friend in facebook )

Uniform Civil Code, Assam 2026
-------------------------------------------------------
In a Nutshell for Easy Understanding :-

The Uniform Civil Code (UCC), Assam, 2026 is a law that creates a common set of rules for marriage, divorce, inheritance, wills, and live-in relationships for all residents of Assam, irrespective of religion.

Part I – Preliminary Provisions

The law is called the Uniform Civil Code, Assam, 2026.
It applies throughout Assam and also to Assam residents living outside the State.
Scheduled Tribes notified under Article 342 of the Constitution are exempt from this Code.
Polygamy is prohibited. A person cannot marry again while a previous marriage is legally subsisting.
"Resident" includes permanent residents of Assam, government employees serving in Assam, persons residing in Assam for at least one year, and beneficiaries of government schemes.

Marriage

Conditions for a Valid Marriage
A valid marriage requires:
Minimum legal age (21 years for males and 18 years for females).
Both parties must be unmarried.
Free consent and sound mind.
No prohibited blood relationship.
Compliance with existing laws.
Marriage may be performed according to any religious ceremony such as Hindu, Muslim, Christian, Sikh, Ahom, or other customary ceremonies.

Marriage Registration

Registration of every marriage is compulsory, irrespective of religion.
Existing marriages must also be registered within the prescribed period.
Divorce decrees must be submitted to the Sub-Registrar within 60 days after becoming final.
Restitution of Conjugal Rights and Judicial Separation
A spouse abandoned without reasonable cause may seek restitution of conjugal rights from the Court.
Either spouse may seek judicial separation on grounds available for divorce.
Void Marriages
A marriage is void if:
Either party already has a spouse.
Either party is underage.
Parties fall within prohibited relationships.
Other legal requirements are violated.

Divorce
Divorce may be granted on the following grounds:

Adultery
Cruelty

Desertion for two years or more
Religious conversion
Unsoundness of mind
Incurable mental illness
Leprosy or venereal disease
Renunciation of worldly life
Not heard alive for seven years
Additional grounds available to a wife:
Husband convicted of r**e, so**my, or similar offences.
Husband had multiple wives before commencement of the Code.
Mutual Consent Divorce
Husband and wife must have lived separately for at least one year.
The second motion must be filed between six and eighteen months after filing the petition.
Courts may relax the one-year requirement in exceptional cases.
Maintenance
Maintenance includes food, clothing, residence, education, medical expenses, and special needs.
Family Courts will deal with disputes under the Code.

Part II – Succession and Wills

If a person dies without a will, property will be distributed according to the inheritance rules of the Code.
Any person above 18 years of age and of sound mind may make a will.
A codicil is a document that modifies or supplements a will.
Property may generally be bequeathed according to the wishes of the testator.
Impossible or unlawful conditions attached to a bequest are void.
A residuary legatee receives the remaining property after other bequests are satisfied.
Repeated gifts of the same property to the same person are counted only once.
Probate and Administration
Executors must obtain probate from the District Judge for legal recognition of a will.
Where no executor exists, the Court may appoint an administrator.
If estate assets are insufficient, beneficiaries may have to refund legacies proportionately.

Part III – Live-in Relationships

A live-in relationship means a man and a woman living together in a shared household and presenting themselves as a couple without being legally married.
Prohibited Live-in Relationships
A live-in relationship is not permitted if:
Either partner has a living spouse.
Either partner is below 21 years of age.
Partners are within prohibited relationships.

Registration

Registration of live-in relationships is compulsory.
Partners must submit a statement to the Sub-Registrar.
The Sub-Registrar may conduct an inquiry and decide the application within 30 days.
Registration does not create the legal status of marriage.
Partners Below 21 Years
If either partner is below 21 years:
Parents or guardians must be informed.
Information will also be sent to the local police station.

Termination

Either partner may terminate the relationship by filing a statement before the Sub-Registrar.
If only one partner terminates the relationship, the other partner must be informed.
Punishment
Failure to register a live-in relationship within one month may result in:
Imprisonment up to 3 months, or
Fine up to ₹10,000, or both.
False information in registration may result in:
Imprisonment up to 3 months, or
Fine up to ₹25,000, or both.
Failure to register despite notice may result in:
Imprisonment up to 6 months, or
Fine up to ₹25,000, or both.

Maintenance

A woman deserted by her live-in partner may claim maintenance through the Court.

Part IV – Miscellaneous

Personal laws and customs inconsistent with this Code cease to apply in matters covered by the Code.
Cases already pending under previous laws will continue under those laws.
Key Points at a Glance
Scheduled Tribes are exempt.
Polygamy is prohibited.
Marriage registration is compulsory for all religions.
Mutual consent divorce requires one year of separation.
Live-in relationships must be registered.
Parents and police are informed when a partner is below 21 years.
Deserted women in live-in relationships can claim maintenance.
Failure to register a live-in relationship can attract imprisonment and fines.
Uniform succession and inheritance rules apply across communities.
Existing rights and pending cases are protected.
The Code seeks to establish a single civil law framework for marriage, divorce, inheritance, wills, and live-in relationships in Assam while exempting Scheduled Tribes.

the great