Legal and law services Chennai சட்ட ஆலோசனை வழங்கப்படும்

  • Home
  • India
  • Chennai
  • Legal and law services Chennai சட்ட ஆலோசனை வழங்கப்படும்

Legal and law services Chennai சட்ட ஆலோசனை வழங்கப்படும் This is public legal and law service

12/09/2026

⚖️ பெண்களே…
திருமணம் ஆனாலும் பூர்வீகச் சொத்தில் உங்கள் உரிமையை அறிந்துகொள்ளுங்கள் !

“உனக்குக் கல்யாணம் செய்து வைத்தோம்… நகை போட்டோம்… சீர் செய்தோம்… அதனால் அப்பா வீட்டுச் சொத்தில் உனக்குப் பங்கு கிடையாது!” என்று யாராவது சொல்கிறார்களா ?

அப்படியானால், முதலில் சட்டம் என்ன சொல்கிறது என்பதைத் தெரிந்துகொள்ளுங்கள் !

பல குடும்பங்களில் இன்றும், திருமணமான பெண்ணுக்குத் தந்தை அல்லது குடும்பச் சொத்தில் எந்த உரிமையும் இல்லை என்ற தவறான எண்ணம் இருந்து வருகிறது. குறிப்பாக, “திருமணத்தில் நகை கொடுத்தோம், சீர் கொடுத்தோம், செலவு செய்து திருமணம் செய்து வைத்தோம்; எனவே இனி சொத்தில் பங்கு கிடையாது” என்று கூறப்படும் சூழ்நிலைகள் உள்ளன.

ஆனால், திருமணம் செய்து வைத்தது, நகை அல்லது சீர் வழங்கியது போன்ற காரணங்களால் மட்டும் ஒரு பெண்ணின் சட்டப்பூர்வ சொத்துரிமை தானாக முடிவுக்கு வந்துவிடாது. சொத்தின் தன்மை, அது எவ்வாறு குடும்பத்திற்குக் கிடைத்தது, ஏற்கனவே செய்யப்பட்ட பாகப்பிரிவு அல்லது பிற ஆவணங்கள் ஆகியவற்றைப் பொறுத்தே உரிமை தீர்மானிக்கப்படும்.

⚖️ இந்துச் சொத்துரிமைச் சட்டம், 1956 – பிரிவு 6

2005-ஆம் ஆண்டு செய்யப்பட்ட முக்கியமான சட்டத் திருத்தத்தின் மூலம், மிதாக்ஷரா (Mitakshara) கூட்டு இந்துக் குடும்பத்தின் கோபர்சனரி சொத்தில் மகளுக்கும் மகனைப் போலவே உரிமை வழங்கும் சட்டநிலை வலுப்படுத்தப்பட்டது.

மிதாக்ஷரா (Mitakshara) என்றால் என்ன?
மிதாக்ஷரா என்பது இந்துக் குடும்பங்களின் பாரம்பரிய வாரிசுரிமை முறைகளில் ஒன்றாகும்.

(எளிமையாகச் சொன்னால், தலைமுறை தலைமுறையாக குடும்பத்தில் வரும் குறிப்பிட்ட கூட்டு குடும்ப அல்லது பூர்வீகச் சொத்தில், குடும்ப உறுப்பினர்களுக்கு பிறப்பின் அடிப்படையில் உரிமை உருவாகும் சட்டக் கோட்பாட்டையே “மிதாக்ஷரா முறை” என்று கூறுகிறோம்.)

ஆனால், அப்பாவின் பெயரில் இருக்கும் ஒவ்வொரு சொத்தும் மிதாக்ஷரா அல்லது பூர்வீகச் சொத்து அல்ல. அந்தச் சொத்து எவ்வாறு கிடைத்தது, அதன் மூல ஆவணங்கள் என்ன, தலைமுறை வழியாக வந்ததா, தனிப்பட்ட வருமானத்தில் வாங்கப்பட்டதா என்பதையும் சரிபார்க்க வேண்டும்.

👩‍⚖️ திருமணமான மகளுக்கும் உரிமை உண்டா ?

ஒரு குடும்பத்தில் சட்டப்படி மிதாக்ஷரா கூட்டு குடும்பத்தின் கோபர்சனரி சொத்து இருந்தால், அந்தச் சொத்தில் மகளுக்கும் மகனைப் போலவே சட்டப்பூர்வ உரிமை இருக்கலாம்.

அதாவது…

❌ “மகளுக்குத் திருமணம் ஆகிவிட்டது; எனவே பங்கு கிடையாது” என்று மட்டும் கூறி உரிமையை மறுக்க முடியாது.

❌ “திருமணத்தில் நகை கொடுத்தோம், சீர் கொடுத்தோம்; எனவே இனி சொத்தில் உரிமை இல்லை” என்று மட்டும் கூறி சட்டப்பூர்வ உரிமையைப் பறிக்க முடியாது.

சட்டநிலை மற்றும் சொத்தின் தன்மையைப் பொறுத்து:

✅ மகளுக்கும் மகனைப் போல உரிமை இருக்கலாம்.
✅ திருமணமானவர் என்பதால் மட்டும் உரிமை நீங்காது.
✅ 2005-க்கு முன்பு பிறந்தவர் என்பதால் மட்டும் உரிமை மறுக்கப்படாது.

🏛️ 2020 உச்சநீதிமன்றத்தின் முக்கிய தீர்ப்பு
Vineeta Sharma Vs. Rakesh Sharma – 2020

2020-ஆம் ஆண்டு உச்சநீதிமன்றம் வழங்கிய இந்த முக்கியத் தீர்ப்பில், மகள் பிறப்பிலிருந்தே கோபர்சனராக மகனைப் போன்ற உரிமையைப் பெறுகிறார் என்பதைத் தெளிவுபடுத்தியது.

இந்தத் தீர்ப்பில் பொதுமக்கள் புரிந்துகொள்ள வேண்டிய முக்கிய அம்சங்கள்:

✔️ மகள் திருமணமானவராக இருந்தாலும் உரிமை இருக்கலாம்.
✔️ மகனைப் போலவே மகளுக்கும் மிதாக்ஷரா கூட்டு குடும்பக் கோபர்சனரி சொத்தில் உரிமை உண்டு.
✔️ தந்தை 09-09-2005 அன்று உயிருடன் இருக்க வேண்டும் என்பது கட்டாயமில்லை.
✔️ மகள் 2005-க்கு முன்பு பிறந்திருந்தாலும், அந்தக் காரணத்தால் மட்டும் அவரது உரிமையை மறுக்க முடியாது.
இதுவே பெண்களின் சம உரிமைக்கு வலு சேர்த்த மிக முக்கியமான உச்சநீதிமன்றத் தீர்ப்பாகும்.

📅 20-12-2004 மற்றும் 09-09-2005 – இந்த இரண்டு தேதிகளும் ஏன் முக்கியம்?
இதில்தான் பொதுமக்களுக்கு அதிக குழப்பம் ஏற்படுகிறது.

❌ “2005-க்கு முன்பு எதுவாக நடந்தாலும் மகளுக்கு உரிமை இல்லை” என்பது சரியான விளக்கம் அல்ல.

சட்டத்தில் முக்கியமாகக் கவனிக்க வேண்டிய தேதி 20-12-2004.

🔴 20-12-2004-க்கு முன்பு…
20-12-2004-க்கு முன்பே:
✔️ சட்டப்படி செல்லுபடியாகப் பதிவு செய்யப்பட்ட பாகப்பிரிவு பத்திரம் மூலமாகவோ, அல்லது
✔️ நீதிமன்றத் தீர்ப்பின் அடிப்படையிலோ
குடும்பச் சொத்து முறையாகப் பாகப்பிரிவு செய்யப்பட்டிருந்தால், பின்னர் 2005 சட்டத் திருத்தத்தை மட்டும் காரணமாகக் கொண்டு அந்தப் பாகப்பிரிவை மீண்டும் திறக்க முடியாத சூழ்நிலை ஏற்படலாம்.

அதேபோல், அந்தத் தேதிக்கு முன்பு சட்டப்படி செல்லுபடியாக நடைபெற்ற சில விற்பனை, சொத்து மாற்றம் அல்லது பிற நடவடிக்கைகளுக்கும் சட்டப் பாதுகாப்பு இருக்கலாம்.

🟢 20-12-2004-க்கு பிறகு என்ன?
“பல வருடங்களுக்கு முன்பே வாய்மொழியாகப் பாகப்பிரிவு செய்து விட்டோம்” என்று வெறுமனே கூறி மட்டும் மகளின் உரிமையை மறுக்க முடியாது.
இதற்காக ஆவணங்களைப் பார்க்க வேண்டும்:

📄 பதிவு செய்யப்பட்ட பாகப்பிரிவு பத்திரம் இருக்கிறதா ?
📄 நீதிமன்றத் தீர்ப்பு இருக்கிறதா ?
📄 சொத்து பதிவுகளில் மாற்றம் செய்யப்பட்டுள்ளதா ?

📄 பட்டா யார் பெயரில் உள்ளது ?
📄 சொத்து எப்போது, எப்படி விற்கப்பட்டது ?
📄 செட்டில்மென்ட் அல்லது விடுதலைப் பத்திரம் இருக்கிறதா ?

ஆவணங்களைச் சரிபார்க்காமல், “உனக்குப் பங்கு கிடையாது” என்று எந்தப் பெண்ணும் உடனடியாக நம்பிவிடக் கூடாது.
🏠 எல்லா அப்பா சொத்திலும் மகளுக்கு உடனடியாகப் பங்கு கிடைக்குமா ?

இல்லை. இதையும் சரியாகப் புரிந்துகொள்ள வேண்டும்.

அப்பாவின் பெயரில் இருக்கும் ஒவ்வொரு சொத்தும் பூர்வீகச் சொத்து அல்ல.

சொத்தின் வகையை முதலில் தெரிந்துகொள்ள வேண்டும்:

1️⃣ மிதாக்ஷரா கூட்டு குடும்ப / பூர்வீகக் கோபர்சனரி சொத்து
சட்டப்படி அதன் தன்மை நிரூபிக்கப்பட்டால், மகளின் உரிமை தொடர்பாக 2005 சட்டத் திருத்தமும், பிரிவு 6-மும் முக்கியமாகப் பொருந்தும்.

2️⃣ தந்தையின் தனிச்சொத்து
தந்தை தனது சொந்த வருமானத்தில் வாங்கிய தனிச்சொத்தாக இருந்தால், அந்தச் சொத்தின் வாரிசுரிமை வேறு சட்டநிலைகளின் அடிப்படையில் தீர்மானிக்கப்படும்.

எனவே…
❌ “அப்பா பெயரில் சொத்து இருக்கிறது; எனக்கு உடனே பாதி வேண்டும்” என்று முடிவு செய்யக் கூடாது.

அதேபோல்,
❌ “நீ திருமணம் ஆகிவிட்டாய்; உனக்கு எதுவும் கிடையாது” என்றும் கூறக் கூடாது.
முதலில் சொத்தின் தன்மை மற்றும் ஆவணங்களைச் சரிபார்க்க வேண்டும்!

💍 “திருமணத்தில் எல்லாம் கொடுத்துவிட்டோம்… இனி பங்கு கிடையாது!” — சட்டப்படி சரியா?

திருமணம் செய்து வைத்தது, நகை கொடுத்தது, சீர், சீர்வரிசை வழங்கியது போன்ற காரணங்களால் மட்டும் மகளின் சட்டப்பூர்வ உரிமை தானாக ரத்து ஆகாது.

ஆனால், ஒரு பெண் தனது உரிமையை சட்டப்படி முறையாக:

📄 விடுதலைப் பத்திரம் மூலம்,
📄 உரிமைத் துறப்பு ஆவணம் மூலம்,
📄 அல்லது சட்டப்படி செல்லுபடியாகும் பிற ஆவணங்கள் மூலம்
விட்டுக்கொடுத்திருந்தால், அந்த ஆவணங்களின் சட்டநிலையைப் பார்த்தே முடிவு செய்ய வேண்டும்.

📌 பெண்கள் கட்டாயம் சரிபார்க்க வேண்டிய முக்கிய ஆவணங்கள்

உங்களுக்கு உண்மையில் சொத்தில் உரிமை இருக்கிறதா என்பதை அறிய:
📄 மூலப் பத்திரம்
📄 விற்பனைப் பத்திரம்
📄 பாகப்பிரிவு பத்திரம்
📄 செட்டில்மென்ட் பத்திரம்
📄 பட்டா
📄 சிட்டா / அடங்கல்
📄 வில்லங்கச் சான்று
📄 குடும்ப உறுப்பினர் / சட்ட வாரிசுச் சான்று
📄 விடுதலைப் பத்திரம்
📄 உயில் இருந்தால் அதன் விவரம்
போன்ற ஆவணங்களைச் சரிபார்ப்பது அவசியம்.

🌹 பெண்களுக்கான முக்கிய சட்ட விழிப்புணர்வு செய்தி

“திருமணம் ஆன பெண் என்பதால் மட்டும் சொத்தில் பங்கு இல்லை” என்பது முழுமையான சட்ட உண்மை அல்ல!
“திருமணத்தில் நகை, சீர் கொடுத்துவிட்டோம்; அதனால் இனி சொத்தில் பங்கு கிடையாது” என்பதும் மட்டும் சட்டப்பூர்வமாக உரிமையைப் பறிக்கும் காரணம் அல்ல!
2005 சட்டத் திருத்தமும், 2020-ஆம் ஆண்டு உச்சநீதிமன்றம் வழங்கிய Vineeta Sharma தீர்ப்பும், மகளின் சம உரிமையை வலியுறுத்துகின்றன.

எனவே, உங்கள் குடும்பத்தில் உள்ள சொத்து எந்த வகையைச் சேர்ந்தது, ஏற்கனவே பாகப்பிரிவு செய்யப்பட்டுள்ளதா, எப்போது விற்பனை செய்யப்பட்டது, சட்டப்படி உரிமைத் துறப்பு செய்யப்பட்டுள்ளதா என்பதனை ஆவணங்களின் அடிப்படையில் சரிபார்த்துக் கொள்ளுங்கள்.

மேலும் விபரங்களுக்கு ...
சொத்து வாங்கும் போதும், சொத்து விற்கும் போதும் பத்திரம் எழுதி பத்திரப் பதிவு அலுவலகத்தில் பதிவு செய்து தர அணுகவும்


உங்கள் உரிமையை அறிந்துகொள்ளுங்கள்!

உங்கள் ஆவணங்களைச் சரிபாருங்கள்.

10/09/2026

*⚖️ சொத்து பிரச்சினை என்றால் எந்த வழக்கு தாக்கல் செய்ய வேண்டும்?*

சொத்து பிரச்சினை ஏற்பட்டவுடன் எந்த suit file செய்ய வேண்டும்? என்பது மிகவும் முக்கியம். பிரச்சினையின் தன்மையைப் பொறுத்து கேட்க வேண்டிய Relief மாறுபடும்.

🏠 உரிமை குறித்து பிரச்சினையா?

Suit for Declaration – உரிமை அறிவிப்பு வழக்கு

ஒருவர் உங்கள் சொத்தின் Title-ஐ மறுக்கிறார் அல்லது உங்கள் உரிமையை பாதிக்கும் சூழ்நிலை ஏற்பட்டுள்ளது என்றால், “இந்த சொத்தின் சட்டப்பூர்வ உரிமையாளர் நான்தான்” என நீதிமன்றத்திடம் Declaration கோரலாம்.

🚫 உங்கள் சொத்தில் தலையிட முயற்சிக்கிறார்களா?

Suit for Permanent Injunction – நிரந்தரத் தடையுத்தரவு

நீங்கள் possession-ல் இருக்கும் சொத்தில் ஒருவர் அத்துமீறி நுழையவோ, தலையிடவோ, கட்டுமானம் செய்யவோ முயற்சித்தால், எதிர்கால தலையீட்டைத் தடுக்க Permanent Injunction கோரலாம்.

🧱 ஏற்கனவே தடையை ஏற்படுத்திவிட்டார்களா?

Suit for Mandatory Injunction – கட்டாயத் தடையுத்தரவு

உங்கள் நிலத்தில் சுவர் கட்டுதல், பாதையை மறித்தல், கேட் அமைத்தல் போன்ற செயல் ஏற்கனவே செய்யப்பட்டிருந்தால், அந்த தடையை அகற்ற உத்தரவிடுமாறு Mandatory Injunction கோரலாம்.

📜 Sale Deed / Document உங்களை பாதிக்கிறதா?

ஆவணத்தின் தன்மை மற்றும் நீங்கள் அந்த ஆவணத்தில் party-ஆக உள்ளீர்களா இல்லையா என்பதன் அடிப்படையில் Cancellation / Declaration / Consequential Injunction போன்ற relief-கள் தேவைப்படலாம்.

🚪 பாதையை ஒருவர் தடுக்கிறாரா?

உங்களுக்கு பாதை பயன்படுத்தும் உரிமை இருப்பதை நிரூபிக்க வேண்டியிருந்தால் Declaration, இனிமேல் தடுக்கக்கூடாது என்பதற்கு Permanent Injunction, ஏற்கனவே அமைக்கப்பட்ட தடையை அகற்ற Mandatory Injunction ஆகியவை சூழ்நிலைக்கேற்ப கோரப்படலாம்.

🏡 உங்கள் நிலத்தை ஒருவர் ஆக்கிரமித்துள்ளாரா?

வெறும் Injunction மட்டும் போதுமா என்பது Title மற்றும் Possession நிலையைப் பொறுத்தது. சில வழக்குகளில் Declaration + Recovery of Possession + Mandatory Injunction போன்ற relief-கள் தேவைப்படலாம்.

🔑 எளிமையாக நினைவில் வைத்துக்கொள்ளுங்கள்:

உரிமை யாருக்கு? → Declaration
இனிமேல் தலையிடக்கூடாது? → Permanent Injunction
ஏற்கனவே செய்ததை அகற்ற வேண்டும்? → Mandatory Injunction
Possession போய்விட்டதா? → Recovery of Possession
Document உரிமையை பாதிக்கிறதா? → Cancellation / Declaration

⚠️ வழக்கறிஞரின் ஆலோசனை: ஒரே சொத்து பிரச்சினையில் ஒன்றுக்கும் மேற்பட்ட relief-களை ஒரே suit-ல் கோர வேண்டிய சூழ்நிலை இருக்கலாம். எனவே Facts, Title, Possession, Documents மற்றும் Cause of Action ஆகியவற்றை முழுமையாக பரிசீலித்து சரியான relief-ஐ தேர்வு செய்வது அவசியம்.

10/09/2026

*குழந்தையின் custody (பாதுகாப்பு மற்றும் பராமரிப்பு உரிமை) யாருக்கு எவ்வாறு வழங்கப்படும்?*

இந்தியாவில் குழந்தையின் Custody (பாதுகாப்பு, பராமரிப்பு மற்றும் வளர்ப்பு உரிமை) யாருக்கு வழங்க வேண்டும் என்பதை தீர்மானிக்கும்போது, தந்தை அல்லது தாயின் சட்ட உரிமையைவிட குழந்தையின் நலனே (Welfare of the Child) முதன்மையானது. உச்சநீதிமன்றமும் இதை தொடர்ந்து வலியுறுத்தியுள்ளது.

*யாருக்கு Custody வழங்கப்படும்?*
பொதுவாக நீதிமன்றம் பின்வரும் அம்சங்களைப் பார்க்கும்:
குழந்தையின் வயது
குழந்தையின் உடல் மற்றும் மனநலம்
கல்வி மற்றும் எதிர்கால வளர்ச்சிக்கு ஏற்ற சூழல்
தந்தை/தாயின் பராமரிக்கும் திறன்
குழந்தையுடன் ஒவ்வொரு பெற்றோருக்கும் உள்ள அன்பு மற்றும் உறவு
வீட்டுச் சூழல் மற்றும் பாதுகாப்பு
பெற்றோரின் பொருளாதார நிலை — ஆனால் பணம் மட்டும் முடிவை தீர்மானிக்காது
குழந்தையின் விருப்பம் — குழந்தை போதுமான வயது மற்றும் புரிதல் கொண்டிருந்தால், நீதிமன்றம் அதன் விருப்பத்தையும் கருத்தில் கொள்ளலாம். ஆனால் குழந்தையின் விருப்பம் மட்டும் இறுதி முடிவு அல்ல.

பெற்றோரில் ஒருவர் குழந்தையை மற்ற பெற்றோரிடமிருந்து தேவையின்றி பிரிப்பாரா என்பதும் பார்க்கப்படலாம்.

*5 வயதுக்குட்பட்ட குழந்தை என்றால்?*
Hindu Minority and Guardianship Act, 1956, Section 6 படி, இந்து minor குழந்தையில் 5 வயது நிறைவடையாத குழந்தையின் custody பொதுவாக தாயிடம் இருப்பது வழக்கமான விதியாக உள்ளது. ஆனால் இதுவும் முழுமையான/மாறாத உரிமை அல்ல; குழந்தையின் நலனே இறுதி அளவுகோல்.

*முக்கியமான சட்டப் பிரிவுகள்*
Guardians and Wards Act, 1890 – Sections 7 & 17 — Guardian/Custody தொடர்பான நீதிமன்ற அதிகாரம் மற்றும் குழந்தையின் நலனை மதிப்பிடுதல்.
Hindu Minority and Guardianship Act, 1956 – Section 6 — Hindu minor-ன் natural guardian தொடர்பான விதிகள்.
Section 13 — Guardian நியமனத்தில் குழந்தையின் welfare தான் paramount consideration.

Custody ஒருவருக்கு, Visitation மற்றொருவருக்கு
ஒரு பெற்றோருக்கு physical custody வழங்கப்பட்டாலும், மற்ற பெற்றோருக்கு குழந்தையைச் சந்திக்கும் visitation/access rights நீதிமன்றம் வழங்கலாம்.

குழந்தையின் நலனுக்கு ஏற்ற வகையில் வார இறுதி, விடுமுறை, video call போன்ற ஏற்பாடுகளையும் நீதிமன்றம் நிர்ணயிக்க முடியும்.

முக்கியமாக: “தந்தை natural guardian என்பதால் குழந்தை தந்தைக்குத்தான் கிடைக்கும்” அல்லது “தாய் என்பதால் தாய்க்குத்தான் கிடைக்கும்” என்று நேரடியாக கூற முடியாது. ஒவ்வொரு வழக்கிலும் குழந்தைக்கு எது சிறந்தது என்பதுதான் நீதிமன்றத்தின் முக்கிய கேள்வி.

05/09/2026

*குடும்ப நீதிமன்றங்களில்*
*விவாகரத்து வழக்கு முடிவடைய எடுத்துக் கொள்ளும் கால அளவுகள் என்ன?*
_________________________
இந்தியாவில் குடும்ப நீதிமன்றங்களில் விவாகரத்து வழக்கு முடிவடைய ஆகும் காலம், அது எந்த வகையான விவாகரத்து என்பதைப் பொறுத்து வேறுபடும்:

*​1. பரஸ்பர சம்மத விவாகரத்து (Mutual Consent Divorce)*
*​கால அளவு:*

6 மாதங்கள் முதல் 18 மாதங்கள் வரை.
​கணவன், மனைவி இருவரும் இணைந்து பரஸ்பரம் சம்மதித்து மனு தாக்கல் செய்யும்போது இது பொருந்தும்.

​மனு தாக்கல் செய்த பிறகு யோசிப்பதற்காக சட்டப்பூர்வமாக வழங்கப்படும் 6 மாத கால அவகாசத்தை (Cooling-off period), தகுந்த காரணங்கள் இருந்தால் உச்ச நீதிமன்ற வழிகாட்டுதலின்படி நீதிமன்றம் விலக்களிக்கவும் (Waive off) வாய்ப்புள்ளது.

*​2. ஒருதரப்பு விவாகரத்து (Contested Divorce)*
*​கால அளவு:*

2 ஆண்டுகள் முதல் 5 ஆண்டுகள் வரை (சில நேரங்களில் அதற்கு மேலும் ஆகலாம்).

​கணவன் அல்லது மனைவியில் ஒருவர் மட்டும் விவாகரத்து கோரி, மற்றவர் அதை எதிர்க்கும்போது இது பொருந்தும்.
​சாட்சிய விசாரணை, ஆவணங்கள் சமர்ப்பித்தல், இடைக்கால ஜீவனாம்சம் (Interim Maintenance) மற்றும் குழந்தை பராமரிப்பு உரிமைகள் போன்ற பல்வேறு காரணங்களால் இத்தகைய வழக்குகள் முடிவடைய கூடுதல் காலம் எடுக்கும்.

*​வழக்கு காலதாமதமாவதற்கான முக்கிய காரணங்கள்:*

​சம்மன் அனுப்பிய பின் எதிர்மனுதாரர் நீதிமன்றத்தில் ஆஜராகாமல் இருப்பது.

​சமரச மையம் (Mediation Centre) மூலம் பேசித் தீர்க்க எடுக்கப்படும் முயற்சிகள்.

​இடைக்கால மனுக்கள் (Interim Applications) தாக்கல் செய்யப்படுவது.
​சாட்சிகளைCross-Examination (குறுக்கு விசாரணை) செய்வது.
போன்ற காரணங்களால் குடும்ப நீதிமன்றங்களில் விவாகரத்து கிடைப்பது காலதாமதம் ஆகிறது ..

04/09/2026

குற்றம் செய்ததாக சொல்லி நமது கார் அல்லது பைக் சீஸ் செய்யப்பட்டால் திரும்ப பெற முடியுமா? இந்த தீர்ப்பாணையை பயன்படுத்தி திரும்ப பெறமுடியும். நீதிப்பேராணை மனு எண். W.P.(MD) No. 5131 of 2022- இல் நாள்: 23-03-2022 அன்று மாண்பமை சென்னை உயர்நீதிமன்ற மதுரை அமர்வின் முக்கிய தீர்ப்பு…

இந்த ஒரு G.O.(Ms).No.34 தெரிந்தால் போதும் அரசு ஊழியர்கள் மீது விரைவில் ஒழுங்கு நடவடிக்கை எடுக்க முடியும்.
01/09/2026

இந்த ஒரு G.O.(Ms).No.34 தெரிந்தால் போதும் அரசு ஊழியர்கள் மீது விரைவில் ஒழுங்கு நடவடிக்கை எடுக்க முடியும்.

28/08/2026

*பொது நலவழக்குகள்...!*

அரசாங்கம், மற்றும் அரசு சார்ந்த நிறுவனங்களுக்கு எதிராகவோ அல்லது அரசு தலையிட்டு நடத்த வேண்டிய காரியங்களுக்கோ என்ன செய்வது?
இந்த மாதிரியான பிரச்னைகளுக்கு என்றே இருக்கிறது ‘ரிட் மனு’.
அதாவது எழுத்து மூலம் உத்தரவு பிறப்பிக்கச் சொல்லி, நாம் தாக்கல் செய்யும் மனுதான் ரிட்!

*எந்த விதமான பிரச்னைகளுக்கெல்லாம் ரிட் மனு தாக்கல் செய்யலாம்?*

பொது நலன் பாதிக்கப்படும்போது, பொது நல வழக்குகள் தொடரலாம். உதாரணமாக உங்கள் ஏரியா ரோடு மோசமாக இருந்தால், அந்தப் பகுதியின் அதிகாரத்திற்குட்பட்ட அரசுத்துறைகளுக்கு ஒரு மனு கொடுத்தும், அவர்கள்எதுவும் நடவடிக்கை எடுக்க வில்லை என்றால், அந்தத் துறைக்கு ரோடு போட உத்தரவு போடச் சொல்லி அரசாங்கத்தைக் கேட்கலாம்.
நீங்கள் குடியிருக்கும் இடத்திற்குப் பக்கத்தில் ஒரு ஃபேக்ட ரியிலிருந்து புகை வந்து, அந்தப் புகை சுற்றுச்சூழலை பாதித்தால், அருகில் இருக்கும் மாசுக்கட்டுப்பாடு அலுவலகத்தில் புகார் செய்யலாம்.
அறுபது நாட்களுக்குள் அவர்கள் நடவடிக்கை எடுக்காவிட்டால் அரசாங்கத்தை நடவடிக்கை எடுக்கச் சொல்லி, ரிட் மனு தாக்கல் செய்யலாம்.
தற்போது பரபரப்பாக பேசப்பட்டுக் கொண்டிருக்கும் சாயப்ப ட்டறைகளை மூட வேண்டும் என்று ஹைகோர்ட் தீர்ப்பளித்தது கூட அந்தப் பகுதி மக்கள் ‘ரிட்’ மனு தாக்கல் செய்த பின்பு தான்.

*எந்தெந்த பிரச்னைகளுக்கு ரிட் மனு தாக்கல் செய்யலாம்?*

ஐந்து வகைகளில் ரிட் மனு வைத் தாக்கல் செய்யலாம்
முதல் வகை, ‘ரிட் ஆஃப் மாண்டமஸ்’.
இதற்கு ஆணை யிடும் நீதிப் பேராணை என்று பொருள்.
அதாவது, தனக்கு வரையறுக்கப்பட்ட கடமையை ஒரு அரசு அதிகாரி செய்யா விட்டாலோ, அரசாங்கம் அல்லது அரசு சார்ந்த நிறுவனம் சட்ட விரோதமான உத்தரவைப் பிறப்பிக்கப் போகிறது என்று தெரிந் தாலோ, அந்தக் காரியத்தை செய்யாமல் தடுக்க, ஆணையிட வேண் டும் என்று ‘ரிட் மனு’ தாக்கல் செய்யலாம்.
சாலையின் பிளாட்பார ஆக் கிரமிப்புகளை அகற்ற உத்தர விடக்கோரி ரிட் மனுவைத் தாக்கல் செய்யலாம்.

*அடுத்தது ‘செர்ஷியோரரி (certiorari) ரிட்.’*

ஒரு ஹை கோர்ட்டின் அதிகாரத்தில் உள்ள, ஒரு கோர்ட் அல்லது, தீர்ப்பு கொடுக்கும் அதிகாரமுள்ள ஒரு அரசு அதிகாரி, சட்ட விரோதமாக, ஒரு உத்தரவு போட்டால், அந்த உத்தரவை ரத்து செய்யவும், அல்லது அந்த குறிப்பிட்ட நீதி மன்றத்துக்கோ அல்லது அரசு அதிகாரிக்கோ, சரியான வழிமு றையை உணர்த்து ம்படி உத்தரவிடக்கோரி கேட்பதுதான் இந்த ரிட் மனுவின் அடிப்படை. என்ன புரியவில்லையா? உதாரணமாக, ஒரு சினிமா தியேட்டர் கட்டுவதற்கு கலெக்டரிடம் ‘நோ அப்ஜக்ஷன்’ ஒருவர் கேட்கிறார். அங்கே இருபத்தைந்து அடி தூரத் தில் ஹாஸ்பிடல் இருக்கிறது. சினிமா தியேட்டரால் ஹாஸ் பிடலுக்கு பாதிப்பு வரும், அதனால், நோ அப்ஜக்ஷன் கொடுக்கக் கூடாது என்று பொதுமக்கள் ஆட்சேபித்தும் அந்த ஆட்சேஷப ணையைப் பரிசீலி க்காமல், நோ அப்ஜக்ஷனை கலெக்டர் தந்தால், அந்த உத்தரவை எதிர்த்து ‘செர்ஷியோரரி ரிட்’ மனு தாக்கல் செய்யலாம்.

மூன்றாவது ரிட் மனுவிற்கு ‘கோவாரண்டோ’ (Quowarranto) என்று பெயர். எந்த ஒரு அரசாங்க அதிகாரியாவது, தகுதி இல்லாமல், ஒரு பதவிக்கு நியமிக்கப்பட்டாலோ அல்லது தனது பதவி யின் அதிகார வரம்பை மீறி அவர் உத்தரவு பிறப்பித் தாலோ, அதை எதிர்த்து ‘கோவாரண்டோ ரிட்’ தாக்கல் செய்ய லாம்.
அடுத்தது பிரொகிபிஷன் (Prohibition) ரிட். அதாவது ஒரு நீதி மன்றம் தனது அதிகார வரம்பு மீறி செயல்படாதவாறு தடுப்பதற்காகப் போடப்படுவது.

அடுத்தது ‘ஹெபியஸ் கார்பஸ்’ (Hebeas corpus) ரிட். இதற்குத் தமிழில் ‘ஆள் கொணர் ஆணை’ என்று பொருள். நமக்குத் தெரிந்த ஒருவர் தவறாகக் காவலில் வைக்கப்பட்டிருந்தாலோ அல்லது ஒருவரைக் காணவில்லை, அவரை யாரோ கடத்தி, அடைத்து வைத்து இருக்கிறார்கள் என்று சந்தேகப்பட்டாலோ, இந்த ரிட் மனுவை நாம் தாக்கல் செய்யலாம். இந்த மனுவை விசாரிக்கும் நீதிமன்றம், காவல்துறைக்கு அந்த நபரை, நீதிமன்றத்திற்கு ஆஜர் படுத்தச் சொல்லி உத்தரவிடும்.
இதில் கவனிக்க வேண்டிய முக்கியமான விஷயம், ‘ஹெபியஸ் கார்பஸ்’ மற்றும் ‘கோவாரண்டோ ரிட்’ மனுக்களை யார் வேண்டு மானாலும் போடலாம்.
ஆனால், மற்ற ரிட் மனுக்களான ‘மாண்ட மாஸ்’, ‘செர்ஷியோரரி’ மற்றும் ‘ப்ரோகிபிஷன் ரிட்’ மனுக்களை பாதிக்கப்பட்ட நபர்கள்தான் தாக்கல் செய்யலாம்.

23/08/2026

⚖️ 🚨 “உங்கள் வீட்டிற்கு செல்லும் பழைய பாதையை திடீரென அடைத்துவிட்டார்களா?”

🚧 பல வருடங்களாக பயன்படுத்திய பாதை என்ற காரணத்தால் மட்டும் உரிமை தானாக நிரூபிக்கப்படாது.
ஆனால் ஆவணங்கள் + நீண்டகால பயன்பாடு + நிலத்தின் தன்மை போன்றவை முக்கியமாக இருக்கலாம்.

➡️ பாதை மறிக்கப்பட்டிருந்தால், உடனடியாக Advocate Notice மூலம் உங்கள் உரிமையை பதிவு செய்வது முக்கியமான முதல் நடவடிக்கையாக இருக்கலாம்.

⚖️ முக்கிய தீர்ப்பு:

Hero Vinoth (Minor) v. Seshammal
(2006) 5 SCC 545 – Supreme Court

📌 Observation:
Easement (பாதை உரிமை) தொடர்பான உரிமை, ஆவணங்கள் மற்றும் வழக்கின் உண்மை நிலையைப் பொறுத்து தீர்மானிக்கப்படும்.

🚨 பாதை மறைக்கப்பட்ட பிறகு மட்டும் ஆவணங்களைத் தேடாதீர்கள் — இப்போதே சரிபாருங்கள்.

❓உங்கள் வீடு / விவசாய நிலத்திற்கு செல்லும் பாதை தடுக்கப்பட்டுள்ளதா?

23/08/2026

⚖️*காவல்துறை பதிவு செய்த பொய் வழக்கை நிருபிக்க தேவையான ஆதாரங்களை காவல் துறையிடம் இருந்தே பெற்று பொய் வழக்கு என்று நிருபிக்கலாம்…!*

மாதிரி மனு வெளியீடு..

*தகவல் அறியும் உரிமை சட்டம் 2005 பிரிவு 6 உட்பிரிவு 1 இன் கீழ் மனு.*

மனுதாரர்:

பெறுநர்:
பொதுத் தகவல் அலுவலர்,
மாவட்ட காவல் கண்காணிப்பாளர் அலுவலகம்,
________ மாவட்டம்.

*பொருள்:* ________ மாவட்டம், _______ காவல் நிலையத்தில் தொடர்பான கீழ்காணும் தகவல்களை வழங்க வேண்டுகிறேன்.

*பார்வை:*

______ காவல் நிலையத்தில் பதிவு செய்யப்பட்ட முதல் தகவல் அறிக்கை எண்: ----- / 2024, நாள்: .2024.

*மதிப்பிற்குரிய அலுவலர் அவர்களுக்கு,*

*கோரப்படும் ஆவணங்கள்.*

1. புகார்தாரர் அளித்த புகார் மனுவின் ஒளி நகல்கள் வழங்க வேண்டுகிறேன்.

2. முதல் தகவல் அறிக்கையின் ஒளி நகல்கள் வழங்க வேண்டுகிறேன்.

3. புகார்தாரர் மற்றும் எதிர் மனுதாரர்களுக்கு அனுப்பிய அழைப்பாணை யின் ஒளி நகல்கள் வழங்க வேண்டுகிறேன்.

4. புகார்தாரர் மற்றும் எதிர் மனுதாரர்களிடம் விசாரணை செய்து விசாரணை அலுவலர் பெற்ற வாக்குமூலத்தின் ஒளி நகல்கள் வழங்க வேண்டுகிறேன்.

5. விசாரணை அலுவலர் இறுதியில் தயார் செய்து தங்கள் மேல் அலுவலர்களுக்கு அனுப்பிய விசாரணை இறுதி அறிக்கையின் ஒளி நகல்கள் வழங்க வேண்டுகிறேன்.

6. மேற்படி முதல் தகவல் அறிக்கையில் கைதாகி பிணையில் வந்த அந்த பிணை ஆவணங்களின் ஒளி நகல்கள் வழங்க வேண்டுகிறேன்.

7. மேற்படி முதல் தகவல் அறிக்கை மீது கு.வி.மு.ச 1973 பிரிவு 161(3) இன் படி அரசு தரப்பு சாட்சியாக எத்தனை நபர்கள் விசாரிக்கப்பட்டனரோ அவர்கள் ஒவ்வொருவரும் அளித்த வாக்குமூலங்களின் ஒளி நகல்கள் வழங்க வேண்டுகிறேன்.

8. மேற்படி முதல் தகவல் அறிக்கையில் புலன் விசாரணை முடிக்கப்பட்டு நீதிமன்றத்தில் தாக்கல் செய்த குற்றப்பத்திரிகை முகப்புரை கடிதத்துடனான ஆவணங்களின் ஒளி நகல்கள் வழங்க வேண்டுகிறேன்.

9. மேற்படி முதல் தகவல் அறிக்கை சம்பந்தமான வழக்கு எந்த நீதிமன்றத்தில் எந்த தேதியில் எண்ணிப் பட்டுள்ளது என்ற விவரங்கள் அடங்கிய ஆவணங்களின் ஒளி நகல்கள் வழங்க வேண்டுகிறேன்.

10. மேற்படி முதல் தகவல் அறிக்கை சம்பந்தமாக புலன் விசாரணை நடத்திய புலன் விசாரணை அலுவலரின் பெயர், பதவி, தொடர்பு எண், தற்போது பணிபுரியும் காவல் நிலையம் மற்றும் பதவி ஆகியவற்றை வழங்க வேண்டுகிறேன்.

11. மேற்படி முதல் தகவல் அறிக்கை சம்பந்தமாக தயார் செய்த படிவம் - 93 இன் அனைத்து பக்கங்களின் ஒளி நகல்கள் வழங்க வேண்டுகிறேன்.

12. மேற்படி முதல் தகவல் அறிக்கை சம்பந்தமாக இந்திய குற்றவியல் நடைமுறைச் சட்டம் பிரிவு 173 இன் கீழ் தயார் செய்த இறுதி அறிக்கையின் ஒளி நகல்கள் வழங்க வேண்டுகிறேன்.

13. மேற்படி முதல் தகவல் அறிக்கை சம்பந்தமாக ------------ ஆம் தேதி முதல் ---------------நளது தேதி வரை பராமரிக்கப்பட்ட பார்வை மகஜர் (Observation Mahazar) இன் அனைத்து பக்கங்களின் ஒளி நகல்கள் வழங்க வேண்டுகிறேன்.

14. -------------ஆம் தேதி முதல் --------------நளது தேதி வரை பராமரிக்கப்பட்ட வழக்கு நாட்குறிப்பு (Case Diary) இன் அனைத்து பக்கங்களின் ஒளி நகல்கள் வழங்க வேண்டுகிறேன்.

15. --------------------ஆம் தேதி முதல் ------------------நளது தேதி வரை பராமரிக்கப்பட்ட பொது நாட்குறிப்பு (General Diary) இன் அனைத்து பக்கங்களின் ஒளி நகல்கள் வழங்க வேண்டுகிறேன்.

16. மேற்படி முதல் தகவல் அறிக்கை சம்பந்தமாக பதிவு செய்யப்பட்ட சமுதாய பணிப் பதிவேட்டின் (Community Service Register - CSR) இன் ஒளி நகல்கள் வழங்க வேண்டுகிறேன்.

17. ----------------ஆம் தேதி முதல் -----------------நளது தேதி வரை பராமரிக்கப்பட்ட உயர் அலுவலர்கள் ஆய்வு பதிவேட்டின் (Inspection Register) இன் அனைத்து பக்கங்களின் ஒளி நகல்கள் வழங்க வேண்டுகிறேன்.

18. ----------------ஆம் தேதி முதல் -----------------நளது தேதி வரை பராமரிக்கப்பட்ட அலுவல் பதிவேடுகள் (Duty Register) இன் அனைத்து பக்கங்களின் ஒளி நகல்கள் வழங்க வேண்டுகிறேன்.

19. ----------------ஆம் தேதி முதல் -------------------நளது தேதி வரை பராமரிக்கப்பட்ட பணப் பதிவேடுகள் (Cash Register) இன் அனைத்து பக்கங்களின் ஒளி நகல்கள் வழங்க வேண்டுகிறேன்.

20. முதல் தகவல் அறிக்கை அட்டவணைப் பதிவேடு (FIR Index Register) இன் ஒளி நகல்கள் வழங்க வேண்டுகிறேன்.

21. ----------------ஆம் தேதி முதல் ----------------நளது தேதி வரை பராமரிக்கப்பட்ட கட்டளைப் பதிவேடுகளின் (Process Register) அனைத்து பக்கங்களின் ஒளி நகல்கள் வழங்க வேண்டுகிறேன்.

22. மேற்படி முதல் தகவல் அறிக்கை சம்பந்தமாக விசாரணை அலுவலர் தயார் செய்த பார்வை மகஜர் இன் அனைத்து பக்கங்களின் ஒளி நகல்கள் வழங்க வேண்டுகிறேன்.

23. மேற்படி முதல் தகவல் அறிக்கை சம்பந்தமான படிவம் 81 (பொது நாட்குறிப்பு) இன் அனைத்து பக்கங்களின் ஒளி நகல்கள் வழங்க வேண்டுகிறேன்.

24. மேற்படி முதல் தகவல் அறிக்கை சம்பந்தமாக விசாரணை அலுவலர் குற்றம் நடைபெற்ற இடத்தை நேரில் சென்று பார்வையிட்டு தயார் செய்த மாதி வரைபடத்தின் அனைத்து பக்கங்களின் ஒளி நகல்கள் வழங்க வேண்டுகிறேன்.

25. மேற்படி FIR இல் சொல்லப்பட்ட குற்றவாளிகள் கைது செய்யப்பட்டு பிணையில் விடுவிக்கப்பட்டிருந்தால் பிணைப்பத்திரத்தின் ஒளிநகல்கள், பிணை வழங்கியதற்கான ஜாமீன் மனுவின் ஒளி நகல்கள் or ஜாமீன் பெறப்பட்டு இருக்குமாயின் நீதிமன்ற உத்தரவு நகல்களை தர வேண்டுகிறேன்.

26. மேற்படி முதல் தகவல் அறிக்கையில் குறிப்பிடப்பட்டுள்ள எதிரிகளுக்கு அனுப்பிய 41A அழைப்பாணை யின் அனைத்து பக்கங்களின் ஒளி நகல்கள் வழங்க வேண்டுகிறேன்.

*இடம்:*

*நாள்:*

*மனுதாரர்:*
தகவல் அறியும் உரிமை
சட்டம்

Address

Chennai

Telephone

+919940456669

Website

Alerts

Be the first to know and let us send you an email when Legal and law services Chennai சட்ட ஆலோசனை வழங்கப்படும் posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Legal and law services Chennai சட்ட ஆலோசனை வழங்கப்படும்:

Shortcuts

Share

Category