25/10/2025
香港離婚須知：撫養權、贍養費、單方面離婚
🌉 無論係咩原因走到離婚呢一步，了解基本法律權利同責任都好重要。今日同大家簡單講下香港離婚常見三大課題：撫養權、贍養費、單方面離婚，等大家有個基本概念。
👨👩👧👦 子女撫養權
撫養權（管養權） 係指法庭透過判令授予照顧同監管子女既權力。離婚後，獲得撫養權既父或母要負責子女日常生活同日常福利事項既決定。
• 共同撫養：法庭而家一般都鼓勵共同撫養，等雙親繼續對子女負責，唔會因為婚姻破裂而終止責任。前提係雙方要有充分協議同合作。
• 居住與探視安排：「日常照顧及管束」與探視安排：通常子女會係其中一方家中居住平日受佢照起居生活，另一方則擁有探視權。一般法庭鼓勵家長自行安排探視而作出「合理探視令」。但若未能達到共識，會作「指定探視令」，指派「社會調查主任」作專業調查，在聽取意見後，訂出日期時間探視，除指定每週何日何時何地可探視外，亦可指定在放假時，將探視時間延長至幾日甚至幾星期。如果可行，子女亦可以平均分配時間住係雙親個別同居，類近令雙方有同等機會養育子女
法庭點樣判？ 法庭處理子女事宜時，首要考慮係子女本身既最佳利益，會考慮所有相關因素，例如盡量保持現狀、子女意願、雙親能力同財務資源、兄弟姊妹一齊生活等因素。
💰 贍養費
贍養費係指離婚時，一方需要支付給另一方既財產或生活費，可以針對配偶或子女，支付方式可以係一次性或定期付款。
法庭決定贍養費時會考慮咩因素？根據《婚姻法律程序與財產條例》，法庭會考慮：
• 雙方既收入、謀生能力、財產同其他經濟資源
• 雙方既經濟需要、負擔同責任
• 離婚前既生活水平
• 雙方年齡同婚姻持續期
• 身體或精神殘障情況
• 對家庭既貢獻
• 因離婚而喪失既利益（例如免稅額、保險保障）
子女贍養費方面，父母有法律責任供養18歲以下子女。法庭會按雙方收入比例計算，目標係令子女享有婚姻若無破裂時本應可享有既經濟狀況。
📜 單方面離婚
就算一方不同意，另一方亦可以向法庭提出離婚呈請，即係「單方面離婚」。
• 離婚理由：香港法庭唯一接受既離婚理由係「婚姻已破裂至無可挽救」。
• 證明婚姻破裂：可以透過以下情況證明：
• 配偶與人通姦
• 配偶行為不合理致無法共同生活
• 遭配偶遺棄至少一年
• 雙方分居連續至少一年並同意離婚
• 雙方分居連續至少兩年
注意：提出離婚呈請前，婚姻必須已持續一年以上，除非情況係屬例外既困難或對方行為異常殘忍。
💡 離婚係人生重大決定，涉及好多情感同實際考慮。以上資訊只係基本簡介，如果你或者你身邊既朋友正面對呢個情況，建議尋求專業法律意見，保障自己同子女既權益。
#香港離婚 #撫養權 #贍養費 #單方面離婚 #婚姻法律 #子女最佳利益 #共同撫養 #林志宇律師事務所
林志宇律師事務所
☎️(852)3428 2973
📳(852)9320 5585
📲https://wa.me/93205585
📩[email protected]
總行地址：
金鐘道89號力寶中心1座13樓04室
分行地址：
尖沙咀海港城海洋中心608A 室（社區法律支援部）
尖沙咀海港城環球金融中心南座5樓512 室（資產及財務管理部
