შენი ადვოკატი

21/04/2026

შენი დუმილი მნიშვნელოვანია შენი საქმისთვის!!!! დუმილის უფლება ნიშნავს, რომ ადამიანს აქვს უფლება არ გასცეს პასუხი კითხვებს, არ მისცეს ჩვენება და არ თქვას არაფერი,არ დაიბრალოს დანაშაული რაც შეიძლება მის წინააღმდეგ იქნას გამოყენებული.
ეს უფლება განსაკუთრებით მნიშვნელოვანია სისხლის სამართლის პროცესში.
რას მოიცავს შემდეგს:
შეგიძლია არ უპასუხო პოლიციის ან გამომძიებლის კითხვებს
შეგიძლია არ მისცე ჩვენება საკუთარი თავის წინააღმდეგ
შენი დუმილი არ შეიძლება ჩაითვალოს დანაშაულის აღიარებად
რატომ არსებობს დუმილის უფლება სსპროცესში.
ეს ეფუძნება პრინციპს, რომ არავინ არის ვალდებული საკუთარი თავის წინააღმდეგ იმოქმედოს (ე.წ. თვითდანაშაულის აღიარების აკრძალვა).
პრაქტიკაში:
როდესაც ადამიანს აკავებენ, ხშირად ეუბნებიან მსგავსს:
👉 „თქვენ გაქვთ დუმილის უფლება, ყველაფერი რასაც იტყვით შეიძლება გამოყენებულ იქნას თქვენს წინააღმდეგ.“

დუმილის უფლება დაცულია:
საქართველოს კონსტიტუციით
ასევე საერთაშორისო ნორმებით.. ყველაზე მნიშვნელოვანი რჩევა ისარგებლეთ დუმილის უფლებით დაკავებისას!!!! სხვა მრავალ მნიშვნელოვან რჩევებზე მოგვმართეთ:: ადვოკატები:ლია ხარაძე599623762. შორენა კაპანაძე 59942 9945.კხაბერ ჯალაბაძე.გადააზიარეთ!!!!

20/04/2026

საქართველოს კონსტიტუცია — მუხლი 31
(სამართლიანი სასამართლოს უფლება)

საქართველოს სისხლის სამართლის საპროცესო კოდექსი — მუხლი 13
(მტკიცებულებათა ძალა)

საქართველოს სისხლის სამართლის საპროცესო კოდექსი — მუხლი 14
(მტკიცებულებათა გამოკვლევა)

საქართველოს სისხლის სამართლის საპროცესო კოდექსი — მუხლი 72
(მტკიცებულებათა დაუშვებლობა)

ადამიანის უფლებათა ევროპული კონვენცია — მუხლი 6
(სამართლიანი სასამართლოს უფლება)

ევროპის ადამიანის უფლებათა სასამართლო პრაქტიკა
(გონივრულ ეჭვს მიღმა სტანდარტი)
P.s. ერთად ვიბრძოლოთ სამართლიანი სასამართლოსთვის!

18/04/2026

ტერმინი „დაზარალებული“ სამართალში ნიშნავს პირს, რომელსაც დანაშაულის შედეგად მიადგა ზიანი — ეს შეიძლება იყოს:
ქონებრივი ზიანი (ფული, ნივთი, ქურდობა, დაზიანება)
ფიზიკური ზიანი (ჯანმრთელობის დაზიანება)
მორალური ზიანი (სტრესი, შიში, რეპუტაციის შელახვა)
საქართველოს სისხლის სამართლის პროცესში დაზარალებული არის პირი, რომელიც ოფიციალურად აღიარებულია ასეთი სტატუსით გამოძიების ან სასამართლოს მიერ.
მნიშვნელოვანი უფლებები:
დაზარალებულს აქვს უფლება:
იცოდეს საქმის მიმდინარეობა
მისცეს ჩვენება და წარადგინოს მტკიცებულებები
ჰყავდეს ადვოკატი
მოითხოვოს ზიანის ანაზღაურება
გაასაჩივროს გარკვეული გადაწყვეტილებები
პრაქტიკაში:
თუ ადამიანი ამბობს „მე ვარ დაზარალებული“, ეს ავტომატურად არ ნიშნავს სტატუსს — აუცილებელია, რომ გამომძიებელმა ან პროკურორმა ოფიციალურად ცნოს დაზარალებულად.
თუ გჭირდებათ, შეგვიძლია აგიხსნათ კონკრეტულად თქვენს საქმეში როგორ გამოიყენება „დაზარალებულის“ სტატუსი ან როგორ შეიძლება მისი გასაჩივრება მოგვმართეთ რჩევისთვის ადვოკატი შორენა კაპანაძე 599429945. ადვოკატი ლია ხარაძე 599623762.ადვოკატი კახაბერ ჯალაბაძე.

09/04/2026

04/04/2026

შემოვიდა კითხვა ეგრეთწოდებული ბიტის შესახებ, რამდენად ითვლება ცივ იარაღად და რამდენად აქვს პოლიციას მისი ამოღების უფლება მანქანიდან, როგირც ცივი იარაღის.
ადვოკატის პასუხი: ბიტა ავტომატურად — არ არის ცივი იარაღი, ხასიათით ის არის- სპორტული ინვენტარი, მაგრამ თუ გამოძიებამ დაადგინა , რომ განკუთვნილია ადამიანზე თავდასხმისთვის, შეიძლება მიენიჭოს ცივი იარაღის სტატუსი.
მაგრამ აქ იკვეთება რამდენიმე სადაო გარემოება, რომელზეც უნდა იმუშაოს ადვოკატმა, თუ ეს ბიტა მაინც მიიჩნიეს ცივ იარაღად:
1. ხართ თუ არა ისეთი სპორტით დაკავებული, სადაც ეს ბიტა გჭირდებათ;
2. კონსტრუქცია შეცვლილია თუ არა, გამაგრებულია, მეტალისაა და ეს საჭირო იყო თუ არა?!
3. გამოყენების დანიშნულება რეალურად სპორტულია თუ არა)
4 და მთავარი- არსებობს თუ არა, ის ადამიანი, ვისზეც უნდა მომხდარიყო თავდასხმა ამ ბიტით;
P.s. ადვოკატის რჩევა: ჩხრეკა-ამოღების შემდეგ, რაც მალე აიყვანთ ადვოკატს, მით უკეთესია თქვენთვის)

27/03/2026

კანონი არ არის მხოლოდ ტექსტი.
და არც მხოლოდ „სიბრტყეზე“ დაწერილი ნორმები.

კანონი სივრცულია.

ის მოქმედებს ადამიანებში, ურთიერთობებში, გარემოებებში —
ყველა იმ რეალურ კონტექსტში, სადაც ცხოვრება ხდება.

როცა კანონს მხოლოდ სიტყვების დონეზე ვკითხულობთ,
ვკარგავთ მის არსს.
ვიღებთ ფორმას — და ვკარგავთ სამართალს.

კანონი უნდა აღიქვას ყველამ — არა როგორც მუხლების რიგი,
არამედ როგორც ცოცხალი სისტემა,
რომელიც უნდა მუშაობდეს რეალურ ცხოვრებაში.

სწორედ აქ იწყება სამართალი.
არა სიბრტყეზე — არამედ სივრცეში.

და როცა ამას ვერ ვიგებთ —
კანონი რჩება ქაღალდზე,
ხოლო უსამართლობა გადადის ცხოვრებაში.
P.s. არ დაელოდოთ, სანამ პრობლემა გართულდება.
თუ აღმოჩნდით დარღვეული კანონის წინაშე —
მომართეთ ჩვენს გუნდს.

15/03/2026

5 შეცდომა, რასაც დაზარალებულები
ხშირად უშვებენ

1️⃣ ფიქრობენ, რომ გამოძიება ყველაფერს თავად გააკეთებს.
რეალურად ხშირად საჭიროა პროცესის კონტროლი და მოთხოვნების დაყენება.

2️⃣ არ ითხოვენ საქმის მასალების გაცნობას.
დაზარალებულს აქვს უფლება იცოდეს, რა ხდება მის საქმეზე.

3️⃣ არ აყენებენ შუამდგომლობებს საჭირო საგამოძიებო მოქმედებების ჩატარებაზე.
ექსპერტიზა, დაკითხვა, ამოღება — ეს ყველაფერი ხშირად დაზარალებულის ინიციატივითაც ხდება.

4️⃣ დიდხანს ელოდებიან და არ ასაჩივრებენ უმოქმედობას.
თუ გამოძიება არ მოქმედებს, კანონი გაძლევთ გასაჩივრების უფლებას.

5️⃣ ადვოკატს მიმართავენ მაშინ, როცა საქმე უკვე ძალიან გაჭიანურებულია.

ისეთი დაზარალებულების საკითხები, სადაც მათ წინააღმდეგ სისტემა დგებს კიდევ ერთხელ აჩვენებს, რამდენად დაუცველი შეიძლება დარჩეს ადამიანი სისტემის წინაშე.
როცა კითხვები ბევრია და პასუხები — ძალიან ცოტა, საზოგადოებას ბუნებრივად უჩნდება უნდობლობა.
სამართლიანობა მხოლოდ მაშინ არსებობს, როცა ყველა კითხვა რეალურ პასუხს იღებს და ვერ ვიტყვი რომ ასეთ საქმეებზე , თუნდაც თავდაუზოგავი ბრძოლის შემდეგ, შედეგი დადგება, მაგრამ ბრძოლას მაინც ყოველთვის აქვს აზრი!

10/03/2026

სისხლის სამართლის კოდექსის 273-ე მუხლი – ანუ, რას ვსჯით რეალურად?

სისხლის სამართლის სამართალში ქმედება მაშინ ხდება დასჯადი, როდესაც ის აზიანებს ან რეალურ საფრთხეს უქმნის სამართლებრივად დაცულ სიკეთეს – მაგალითად სიცოცხლეს, ჯანმრთელობას, საკუთრებას, საზოგადოებრივ უსაფრთხოებას.
ანუ სისხლის სამართალი მოქმედებს იქ, სადაც არსებობს საზოგადოებრივი საშიშროება.
სწორედ ამიტომ ჩნდება კითხვა:რას იცავს და რა სამართლებრივ სიკეთეს აზიანებს ნარკოტიკული საშუალების მოხმარება?
როდესაც ადამიანი მოიხმარს ნარკოტიკულ საშუალებას, ის პირველ რიგში აზიანებს საკუთარ ჯანმრთელობას. ამ შემთხვევაში კი სახელმწიფო რეაგირებს არა როგორც სოციალური და ჯანდაცვის პრობლემაზე, არამედ როგორც დანაშაულზე.
შედეგად, სისხლის სამართლის კოდექსის 273-ე მუხლი ქმნის პარადოქსს —ადამიანი შეიძლება იქცეს სისხლის სამართლის დამნაშავედ საკუთარი თავის მიმართ განხორციელებული ქმედების გამო.
სისხლის სამართლის სამართალი კი თავისი ბუნებით უნდა იცავდეს საზოგადოებას სხვა პირების მიმართ მიმართულ საფრთხისგან და არა ადამიანს საკუთარი თავისგან. პრაქტიკაში 273-ე მუხლი ხშირად იწვევს იმას, რომ:
• ადამიანი ხდება კრიმინალიზებული მხოლოდ მოხმარების გამო
• იზრდება სტიგმა და სოციალური იზოლაცია
• სამართალდამცავი რესურსი იხარჯება ისეთ ქმედებაზე, რომელიც რეალურად სამედიცინო და სოციალური პოლიტიკის სფეროა
სახელმწიფოს მიზანი უნდა იყოს პრევენცია, მკურნალობა და რეაბილიტაცია, და არა ადამიანის კრიმინალიზაცია მისი დამოკიდებულების გამო.
ამიტომ მიმაჩნია, რომ 273-ე მუხლი საჭიროებს სერიოზულ გადახედვას, რადგან ის არ ჯდება სისხლის სამართლის ძირითადი პრინციპების ლოგიკაში.

16/07/2024

ძალიან დაიხვეწა თაღლითობის გზები და ამას ემატება ისიც რომ ძალიან უჭირთ სამართალდამცავებს მსგავს საქმეებზე სისხლის სამართლის საქმის აღძვრა, ამიტომ
იყავით ყურადღებით ნებისმიერი ურთიერთობის დროს, განსაკუთრებით როდესაც ეს ეხება ნდობაში შემოსვლას, ანგარების მიზნით, ან ცრუ იმფორმაციის მოცემას, ან თქვენთვის საკრედიტო ბარათის მონაცემების გამოთხოვას
ნებისმიერი მიზეზით, ყიდვა-გაყიდვას - განსაკუთრებით მშენებარე კორპუსებში!
P.s. ადვოკატი გაფრთხილებთ და გიფრთხილდებით )

12/07/2024

ამინისტიის კანონპროექტზე დავწერ იმას რომ, 1.ადამიანები როდესაც პატიმრობაში გყავს იმ მუხლების 90 პროცენტს , რომელთაც ამინისტია შეეხო , სახელმწიფოდ კარგა ხანს ვერ ცამოყალიბდები!
2. იმ დანარჩენი 10 პროცენტიდან, რომლებიც შედარებით მძიმეა 8 პროცენტი ნარკოტიკულ დანაშაულებზე მოდის და თუ სახელმწიფოს მიდგომებით ვიმსჯელებთ ამ დანასაულებტან მიმართებაში, უმეტესობა ისევ ციხეში შებრუნდება!
3. ნახევარზე მეტი პატიმარი ოჯახურ ძალადობებზე ზის, თან ჩამორიგებული აქვთ 144 მესამე პრიმა მუხლები, დამამცირებელი ან არაადამიანური მოპყრობის , რომელთა ბრალის დაზუსტებაზე , ბევრს არ ფიქრობს პროკურატურა და სამწუხაროდ ამ მძიმე ბრალით ის ადამიანები სხედან, ვის 126-ე მუხლსაც (ცემა) ვერ ამტკიცებს პროკურატურა და უმრავლეასდ ბრალი აქვთ წარდგენილი დაზარალებულის ჩვენებით, რომ შეაფურთხა და ამას ბევრი მტკიცებულება არ სჭირდება ერთი-ორი დაზარალებულის დაქალის გარდა, ვინც დაუდასტურებს რომ კი, შეაფურთხა...
4. ამინისტიის პროექტებზე უნდა იმუშაონ პრაქტიკოსმა ადვოკატებმა, ვინც გაცილებით მეტი იცის იმ უკანონობებზე და საკანონმდებლო ხარვეზებზე.
P.S. "გირჩის" ამინისტიის პროექტი გაცილებით სჯობდა!

20/05/2023

სისხლისსამართლებრივი პასუხისმგებლობის საფუძველია დანაშაული, ესე იგი ამ კოდექსით გათვალისწინებული მართლსაწინააღმდეგო და ბრალეული ქმედება.
მართლწინააღმდეგობა უნდა გავიგოთ როგორც წინააღმდეგობა კულტურის ნორმებისადმი, ხოლო ბრალი, როგორც ნორმატიული შეფასებითი კატეგორია.
გაუფრთხილებელი. განზრახი დანაშაული გულისხმობს, რომ ადამიანმა იცის, რომ მისი ქმედება დანაშაულია, ასევე ითვალისწინებს ამ დანაშაულის მძიმე შედეგებს, მაგრამ მაინც, ან არ ითვალისწინებს მას.
მნიშვნელოვანია აღინიშნოს, რომ დანაშაულის ჩადენაზე ნებაყოფლობით ხელის აღება ათავისუფლებს ადამიანს პასუხისმგებლობისაგან. ანუ, თუ ადამიანი ფიქრობდა, გეგმავდა, ჰქონდა ყველანაირი საშუალება ჩაედინა დანაშაული, მაგრამ ბოლო მომენტში მასზე სინანულის გრძნობამ გაიღვიძა და დანაშაული აღარ ჩაიდინა.
დანაშაული შეიძლება ჩადენილ იქნეს როგორც ერთი პირის მიერ, ასევე პირთა ჯგუფის მიერ. პირთა ჯგუფის მიერ ჩადენილი დანაშაული ყოველთვის უფრო ამძიმებს პაუხისმგებლობას.

28/04/2023

საქართველოს კონსტიტუციის 31-ე მუხლის პირველი პუნქტით განმტკიცებულია სასამართლოსთვის მიმართვისა და საქმის სამართლიანად და დროულად განხილვის კონსტიტუციური უფლება.
ამ მუხლის პირველი პუნქტის თანახმად, „ყოველ ადამიანს აქვს უფლება თავის უფლებათა დასაცავად მიმართოს სასამართლოს. საქმის სამართლიანი და დროული განხილვის უფლება უზრუნველყოფილია“. აღნიშნული კონსტიტუციური დებულება განამტკიცებს სამართლიანი სასამართლოს უფლებას. საქართველოს საკონსტიტუციო სასამართლოს დამკვიდრებული პრაქტიკის მიხედვით, სამართლიანი სასამართლოს უფლება ინსტრუმენტული ხასიათისაა, მისი მიზანია ადამიანის უფლებების და კანონიერი ინტერესების სასამართლოს გზით ეფექტური დაცვის შესაძლებლობის უზრუნველყოფა. ამა თუ იმ უფლებით სრულად სარგებლობის უზრუნველყოფის უმნიშვნელოვანესი გარანტია ზუსტად მისი სასამართლოში დაცვის შესაძლებლობაა. თუკი არ იქნება უფლების დარღვევის თავიდან აცილების ან დარღვეული უფლების აღდგენის შესაძლებლობა, სამართლებრივი ბერკეტი, თავად უფლებით სარგებლობა დადგება კითხვის ნიშნის ქვეშ.
კონსტიტუციით გარანტირებული სამართლიანი სასამართლოს უფლება იზღუდება, როდესაც ის ადმინისტრაციული ორგანოები, ვისაც ევალებათ საქმეზე ობიექტური ჭეშმარიტების დადგენა და ამას აიგნორებენ სხვადასხვა მერკანტილური ინტერესებიდან გამომდინარე. არღვევენ არამხოლოდ სისხლის სამართლის შესაბამის კანონმდებლობას, ასევე არ აძლევენ ადამიანებს კონსტიტუციური უფლებების გამოყენების საშუალებას.
P.S. ჩვენი გუნდი გაგიწევთ სათანადო იურიდიულ დახმარებას, თქვენი საჭიროებებიდან ( სისხლის, სამოქალაქო და ადმინისტრაციულ საკითხებზე )გამომდინარე.
ადვოკატები შორენა კაპანაძე 599429945
ლია ხარაძე 599623762