პარტნიორობა ადამიანის უფლებებისთვის-PHR

03/08/2026

#შოვი #გამოძიება
შოვის ტრაგედიიდან სამი წელის შემდეგ გამოძიება კვლავ გრძელდება.

🔴 2023 წლის 3 აგვისტოს კურორტ შოვში განვითარებულმა სტიქიურმა მოვლენებმა 33 ადამიანის სიცოცხლე იმსხვერპლა. შინაგან საქმეთა სამინისტრომ სისხლის სამართლის გამოძიება იმავე დღესვე დაიწყო.

🚩 მიუხედავად ამისა, სამი წლის გასვლის შემდეგ არცერთი პირი არ არის სისხლის სამართლის პასუხისგებაში მიცემული.

🟡 ორგანიზაცია „პარტნიორობა ადამიანის უფლებებისთვის“ (PHR) წარმოადგენს გარდაცვლილი დავით ბერიაშვილის დედის, ია მერებაშვილის ინტერესებს. PHR-ის შეფასებით, გამოძიების მიმდინარეობა აჩენს სერიოზულ კითხვებს მისი ეფექტიანობის, ინსტიტუციური დამოუკიდებლობისა და დაზარალებულთა უფლებების კონსტიტუციურ და საერთაშორისო სტანდარტებთან შესაბამისობის თვალსაზრისით.

🔴 სამი წლის განმავლობაში დაზარალებულის უფლებამონაცვლეს, არაერთი წერილობითი მოთხოვნის მიუხედავად, კვლავ არ აქვს სრული წვდომა სისხლის სამართლის საქმის მასალებზე. რის გამოც, მოკლებულია შესაძლებლობას განახორციელოს ეფექტიანი კონტროლი გამოძიებაზე, შეაფასოს მისი მიმდინარეობა და სრულყოფილად დაიცვას საკუთარი ინტერესები. აღნიშნული პრაქტიკა არსებითად ეწინააღმდეგება როგორც საქართველოს კონსტიტუციით გარანტირებულ ინფორმაციის მიღების უფლებას, ისე ეფექტიანი გამოძიების საერთაშორისო სტანდარტებს.

🚩 განსაკუთრებით საგანგაშოა, რომ დღემდე არ არის შეფასებული, შეასრულა თუ არა სახელმწიფომ მასზე დაკისრებული პოზიტიური ვალდებულებები.

🔴 სწორედ ამ ვალდებულებების შეფასება წარმოადგენს ადამიანის უფლებათა ევროპული კონვენციის მე-2 მუხლის ერთ-ერთ მთავარ მოთხოვნას, რომელიც სახელმწიფოს ავალდებულებს არა მხოლოდ თავი შეიკავოს სიცოცხლის ხელყოფისგან, არამედ მიიღოს ყველა გონივრული პრევენციული და რეაგირების ღონისძიება ადამიანის სიცოცხლის დასაცავად, რაც, მათ შორის, გულისხმობს სტიქიური რისკების პრევენციას, ადეკვატურ რეაგირებასა და სამაშველო ღონისძიებების ეფექტიან განხორციელებას.

⚖️🇬🇪 სისხლის სამართლის კოდექსის 342-ე მუხლის მე-2 ნაწილი (სამსახურებრივი გულგრილობა, რამაც გამოიწვია ადამიანის სიცოცხლის მოსპობა) წარმოადგენს შესაბამის ეროვნულ ინსტრუმენტს აღნიშნული ვალდებულებების შეფასებისთვის. სახალხო დამცველის რეკომენდაციების უგულებელყოფა ამ კონტექსტში აძლიერებს ეჭვს გამოძიების ობიექტურობასა და მიუკერძოებლობასთან დაკავშირებით.

🟡 საქართველოს სახალხო დამცველმა 2025 წლის ყოველწლიურ ანგარიშში პირდაპირ მიუთითა, რომ გამოძიებამ უნდა შეაფასოს, შეასრულეს თუ არა სახელმწიფო უწყებებმა მათზე დაკისრებული ვალდებულებები სტიქიის პრევენციის, რეაგირებისა და სამაშველო ღონისძიებების განხორციელების პროცესში, მათ შორის, არსებობდა თუ არა სამსახურებრივი გულგრილობის ნიშნები. მიუხედავად ამისა, სახალხო დამცველის რეკომენდაციები ამ დრომდე არ არის გაზიარებული.

🚩 განსაკუთრებულ შეშფოთებას იწვევს გამოძიების ინსტიტუციური დამოუკიდებლობასთან დაკავშირებული კითხვები. საქმეს იძიებს შინაგან საქმეთა სამინისტროს ტერიტორიული ორგანო, მაშინ როდესაც შეფასებას ექვემდებარება იმავე სამინისტროს საგანგებო სიტუაციების მართვის სამსახურის ქმედებები.

⚖️🇪🇺 ადამიანის უფლებათა ევროპული სასამართლოს პრაქტიკით (მათ შორის, გირგვლიანის საქმეში დადგენილი სტანდარტებით), ეფექტიანი გამოძიება მოითხოვს არა მხოლოდ ფორმალურ, არამედ რეალურ ინსტიტუციურ და პრაქტიკულ დამოუკიდებლობას იმ უწყებისგან, რომლის ქმედებებიც გამოძიების საგანს წარმოადგენს. ინტერესთა კონფლიქტის არსებობა თავისთავად ქმნის ეჭვს მიუკერძოებლობასთან დაკავშირებით და შეიძლება გახდეს ადამიანის უფლებათა ევროპული კონვენციის მე-2 მუხლის დარღვევის საფუძველი.

⚖️❓ სამი წლის შემდეგაც გამოძიების გაჭიანურება, დაზარალებულთა პროცესიდან ფაქტობრივი გამორიცხვა, ინსტიტუციური დამოუკიდებლობის შესახებ არსებული კითხვები და სახელმწიფოს პოზიტიური ვალდებულებების შეფასების არარსებობა მიუთითებს არა მხოლოდ ცალკეულ პროცედურულ ხარვეზებზე, არამედ სისტემურ პრობლემებზე, რომლებიც საფრთხეს უქმნის სამართლის უზენაესობის პრინციპს, სახელმწიფოს ანგარიშვალდებულებასა და საზოგადოების ნდობას მართლმსაჯულების სისტემის მიმართ.

#შოვისტრაგედია #შოვისსაქმე #პარტნიორობაადამიანისუფლებებისთვის

31/07/2026

ბექას და PHR-ის ერთობლივი ბრძოლა სასამართლოში 👩🏼‍⚖️🚀

#დიუშენი #გამარჯვებისისტორია #ბექაშონია

✔️ ტელეკომპანია პირველი სოციალურ მედიაში:🔴 https://www.facebook.co...

29/07/2026

💬 „იბრძოლეთ, აუცილებლად გამოგივათ“ - ბექა შონია, შეზღუდული შესაძლებლობის მქონე პირთა უფლებადამცველი, 29 ივლისი, 2026 წელი.

#ესწუთია თბილისის სააპელაციო სასამართლომ, დროებითი ღონისძიების გამოცემის გზით, დააკმაყოფილა ბექა შონიასთვის სუნთქვის აპარატის და სამედიცინო მომსახურებების შინ მიღების მოთხოვნა 🎉🎉🎉

🟡 ბექა შონია 5 წელია ვერ გამოდის სახლიდან, გარემოს მიუწვდომლოიბის გამო ვერ იღებს ვერანაირ სამედიცინო მომსახურებას, ხოლო სუნთქვის აპარატის საყიდლად მისმა ოჯახმა საცხოვრებელი ბინა გაყიდა.

🟡 ბექამ სასამართლოს თავის უფლებების დასაცავად 2026 წლის მაისში მიმართა და თავად მონაწილეობდა სასამართლო სხდომებში ონლაინ ჩართვის გზით ⚖️🚀

🟡 ეს არის პირველი შემთხვევა, როდესაც დიუშენის დისტროფიის მქონე პირმა საკუთარი და მსგავსი დიაგნოზის მქონე პირებისათვის, სასამართლოსთვის მიმართვის გზით, მოიპოვა სამედიცინო მომსახურება და სასიცოცხლოდ აუცილებელი აპარატი, მიმართვიდან 1 თვის განმავლობაში 🚀

🟡 აღნიშნული პრეცედენტი საშუალებას მისცემს ყველა შეზღუდული შესაძლებლობის მქონე პირს ისარგებლოს ანალოგიური მომსახურებით, აგრეთვე სასამართლოსთვის მიმართვის გზით 👩🏼‍⚖️ ✅

🟡 PHR- ის ადვოკატები, პარტნიორ ორგანიზაცია Validity Foundation-თან ერთად აგრძელებენ შშმ პირთა თანასწორობისთვის ბრძოლას და სისტემური ცვლილებების განხორციელებას მართლმსაჯულების გამოყენებით.

🟡 ბექა შონიას საქმის განხილვა გაგრძელდება მის მიერ განცდილი ზიანის სრულად ანაზღაურებისა და ჯანდაცვის სამინისტროს პროგრამებში ძირეული ცვლილებების მიღწევამდე, დიუშენის დისტროფიის მქონე ყველა პირის უფლებების დაცვის მიზნით!

#გამარჯვებისისტორია #ბექაშონია #დიუშენისსინდრომი #სასამართლო

27/07/2026

#დიუშენი
ბექა შონიამ დიუშენის დისტროფიის მქონე პირთა უფლებების დასაცავად, სააპელაციო სასამართლოს სხდომაში მონაწილეობა მიიღო ⚖️📣

🟡 ხუთ წელზე მეტია დიუშენის დისტროფიის მქონე ბექა სახლიდან ვერ გამოდის. დღეს იგი სასამართლო სხდომაზე დისტანციურად ჩაერთო და თავად მიმართა მოსამართლეს ⚖️🚀

🟡 აღნიშნული სასამართლო პროცესი ბექასთვის სასიცოცხლოდ მნიშვნელოვანი სერვისების მოთხოვნას ეხებოდა. ის სუნთქვის აპარატი, რომელიც ბექას დედამ სახლის გაყიდვის შედეგად შეიძინა შეცვლას საჭიროებს, ხოლო ის სამედიცინო სერვისები, რომელიც დიუშენის სინდრომის მქონე პირებმა და მათმა ოჯახებმა სამოქლაქო პროტესტის შედეგად მოიპოვეს, ბექასთვის ჯერ ისევ მიუწვდომელია ❌

🔴 საქართველოს მთავრობამ 2026 წლის 22 აპრილს, „ჯანმრთელობის დაცვის სახელმწიფო პროგრამების“ ცვლილების დროს, არც სუნთქვის აპარატი გაითვალისწინა და არც სამედიცინო სერვისების სახლში მიწოდება გადაადგილების შეზღუდვის მქონე დიუშენის პაციენტებისთვის. ბექამ საკუთარი უფლებების დასაცავად სასამართლოს მიმართა.

🟡 მიმდინარე წლის 21 ივლისს გამართულ სასამართლო სხდომაზე ბექას მხოლოდ საკუთარ საჭიროებებზე არ უსაუბრია. სასამართლოსთვის მიმართვის გზით ბექამ აღნიშნული სერვისები დიუშენის მქონე ყველა ადამიანისთვის მოითხოვა:

💬 „იმედია გაიგო მოსამართლემ ჩემი ხმა, ნაწყვეტ-ნაწყვეტ ვსაუბრობდი, რადგან ტრაქეოსტომა მიშლის ხელს საუბარში, მაგრამ მინდოდა მეთქვა ჩემი სათქმელი: მე მინდა, რომ სხვა დიუშენელმა ბავშვებმა და დედებმა ის არ გაიარონ, რაც ჩვენ გავიარეთ. დედას სახლის გაყიდვა მოუწია, რომ მე მესუნთქა და არ მინდა სხვასაც ამის გაკეთება მოუწიოს. ამისთვის ღირს ეს ბრძოლა და იმედია შედეგს მივაღწევ! “- აღნიშნა ბექამ პროცესის შემდეგ.

🟡 ბექას მონაწილეობა მართლმსაჯულების პროცესში წარმოადგენს იმ შემთხვევას, როდესაც შეზღუდული შესაძლებლობის მქონე პირი ხდება უფლებადამცველი და სახელმწიფომდე აღწევს მისი ხმა. მიუხედავად ბექას თავისუფლების იძულებით შეზღუდვისა, რაც მისაწვდომობის არქონით და სახლში 5 წლიანი იზოლაციითაა გამოწვეული, ბექას მონაწილეობა ადვოკატირებისა და მართლმსაჯულების პროცესში არის გადამწყვეტი. ბექა ითხოვს საკუთარი და სხვა შშმ პირების უფლებების დაცვას და მონაწილეობას გადაწყვეტილების მიღების პროცესში - საქართელოს კონსტიტუციითა და გაეროს შეზღუდული შესაძლებლობის მქონე პირთა უფლებების კონვენციით დადგენილი შესაძლებლობით.

💬 „ჩვენ ორგანიზაცია მუშაობს იმისათვის, რომ ყველა შეზღუდული შესაძლებლობის მქონე ბავშვს და ზრდასრულს ჰქონდეს ის სერვისები, რაც სახელმწიფოსგან ეკუთვნით. მათ არ უნდა ჰქონდეთ მომავლის შიში, რადგან სახელმწიფო უნდა იცავდეს მათ არსებული და სამომავლო საფრთხეებისგან. ამ დაცვის პროცესში მათი ხმა უნდა ისმოდეს გამოკვეთილად. ისინი არ ითხოვენ დახმარებას, არამედ იმ ვალდებულების შესრულებას სახელმწიფოსგან, რასაც ადამიანის უფლებების დაცვა ჰქვია“ - სასამართლო პროცესზე აღნიშნა ორგანიზაციის „პარტნიორობა ადამიანის უფლებებისთვის“ ხელმძღვანელმა თამარ გაბოძემ.

🚀 PHR-მა საერთაშორისო ორგანიზაცია „Validity Foundation“’-თან ერთად, სახელმწიფოსგან უკვე მოიპოვა ბექასთვის შშმ პირებისთვის განკუთვნილი ამწე და ნებართვა ბექას საცხოვრებელ კორპუსში ლიფტის დამონტაჟებისათვის. ლიფტის მოწყობის პროცესი ამ წუთებშიც მიმდინარეობს ✅

⚖️ თბილისის სააპელაციო სასამართლო გადაწყვეტილებას ბექასთვის სუნთქვის აპარატისა და სახლში სამედიცინო სერვისების მისაწვდომობის შესახებ 29 ივლისის სხდომაზე გამოაცხადებს 📣

🟡 ეს იქნება მნიშვნელოვანი გადაწყვეტილება არა მხოლოდ ბექასთვის, არამედ ყველა იმ ადამიანისთვის, რომელსაც ჯანმრთელობის მდგომარეობიდან გამომდინარე ინდივიდუალურად მორგებული, დროული და ეფექტიანი სამედიცინო მომსახურება სჭირდება, რათა ღირსეულად და უსაფრთხოდ იცხოვროს საკუთარ სახლში 🚀

#ბექაშონია #დიუშენისსინდრომი #სასამართლო

22/07/2026

GEO/ENG
სოლიდარობა ვახო სანაიას

⭕ ქართული სამოქალაქო საზოგადოება საგანგაშოდ მიიჩნევს ტელეკომპანია „ფორმულას“ წამყვანისა და ჟურნალისტის, ვახო სანაიას დაპატიმრებას, რაც გამოხატვის თავისუფლების წინააღმდეგ გადადგმულ კიდევ ერთ ნაბიჯს წარმოადგენს. მიგვაჩნია, რომ სასამართლოს ეს გადაწყვეტილება დამოუკიდებელი მედიისა და კრიტიკული ხმების ჩახშობის მორიგი მცდელობაა, რაც რუსულ-ბელარუსული სტილის ავტორიტარული რეჟიმების დამახასიათებელი ქმედებაა, როდესაც განსხვავებული, კრიტიკული აზრი ავტორიტარების მთავარი მტერი და სამიზნეა. ფაქტია, „ქართული ოცნების“ ხელისუფლება ზედმიწევნით ზუსტად აკოპირებს და ამკვიდრებს საუკეთესო რუსულ გამოცდილებას და ცდილობს საზოგადოება შეაგუოს მოცემულობას, როდესაც ადამიანები მათი პირადი მოსაზრებებისა და შეხედულებების გამოხატვისთვის ისჯებიან და ამგვარი მიდგომა ნორმად აქციოს.

⭕ 22 ივლისს, სანქცირებულმა მოსამართლემ, ზვიად ცეკვავამ ვახო სანაიას სოციალურ ქსელში გამოქვეყნებული სტატუსის გამო 14-დღიანი ადმინისტრაციული პატიმრობა შეუფარდა. ეს პირველი შემთხვევაა, როდესაც მოქალაქეს სოციალურ ქსელში გამოქვეყნებული პოსტის საფუძველზე ადმინისტრაციული პატიმრობა შეეფარდა. მანამდე, იმავე მიზეზით, ვახო სანაია 6 000 ლარით დააჯარიმეს.

აშკარაა, რომ „ქართული ოცნებისთვის“ დამოუკიდებელი მედია და თითოეული კრიტიკული ხმა მნიშვნელოვან წინაღობას წარმოადგენს, რადგანაც სწორედ ისინი ამხელენ „ქართული ოცნების“ ხელისუფლებისა და მათთან დაახლოებული პირების სავარაუდო კორუფციულ თუ სხვა შესაძლო დანაშაულებრივ კავშირებს და საზოგადოებას სახელისუფლებო შტოებში არსებულ მანკიერებებზე უყვებიან. ნაცვლად იმისა, რომ სახელმწიფო რეალურ დანაშაულებს იძიებდეს და პასუხისმგებელ პირებს სათანადოდ სჯიდეს, „ქართული ოცნება“ მამხილებლების დევნით არის დაკავებული და მათ გასაჩუმებლად მისმიერვე მიღებულ რეპრესიულ კანონებს იყენებს. ამ კონტექსტში, ხელისუფლების განსაკუთრებული სამიზნე დამოუკიდებელი და კრიტიკული მედიაა, რომლის წინააღმდეგაც მთელი სახელმწიფო რეპრესიული აპარატია მომართული.

წლებია, სამართალდამცველი ორგანოები, სასამართლო სისტემა, კომუნიკაციების კომისია და პარლამენტი „ქართულ ოცნებას“ დამოუკიდებელი მედიისა და ჟურნალისტების წინააღმდეგ ბრძოლისა და მათი გაჩუმების ინსტრუმენტებად აქვს ქცეული. „ქართული ოცნების“ ხელისუფლება კოორდინირებული შეტევებითა და რეპრესიული მექანიზმების გამოყენებით კრიტიკული მედიის საბოლოოდ განეიტრალებასა და საჯარო სივრციდან განდევნას ცდილობს.

„ადმინისტრაციულ სამართალდარღვევათა კოდექსის“ 17316 მუხლი, რომლის საფუძველზეც ვახო სანაიას ადმინისტრაციული პატიმრობა შეუფარდეს, „ქართული ოცნების“ პარლამენტმა ამ კოდექსს 2025 წლის თებერვალში დაუმატა დაჩქარებული პროცედურით, რაც ეუთო-ოდირისა და ვენეციის კომისიის მიერ უარყოფითად შეფასდა. სწორედ ამ მუხლის აღსასრულებლად შეიქმნა შინაგან საქმეთა სამინისტროში სპეციალური სტქრუტურა, რომელსაც საზოგადოებაში ირონიულად „სქროლვა-სქრინვის დეპარტამენტს“ უწოდებენ.

⭕ სოლიდარობას ვუცხადებთ ვახო სანაიას, კრიტიკულ მედიასა და ყველა იმ ჟურნალისტს, რომელიც ბოლო პერიოდში „ქართული ოცნების“ ხელისუფლების რეპრესიული პოლიტიკის სამიზნე გახდა. დამოუკიდებელი მედია ფასდაუდებელ სამსახურს სწევს ქვეყნისთვის ამ კრიტიკულად გადამწყვეტ მომენტში და შეზღუდული რესურსების პირობებშიც სათანადოდ ახდენს საზოგადოების ჯეროვან ინფორმირებას.

🔗 ხელმომწერი ორგანიზაციების სრული სია https://bit.ly/4fKk2M1

Solidarity with Vakho Sanaia

⭕ Georgian civil society organizations consider the imprisonment of Formula TV host and journalist Vakho Sanaia alarming, as it represents yet another step taken against freedom of expression. We believe that this court decision constitutes another attempt to suppress independent media and critical voices - a practice characteristic of authoritarian regimes of the Russian and Belarusian models, where dissenting and critical opinions are viewed as the main enemy and target by authoritarian leaders. It is evident that the Georgian Dream government is meticulously copying and implementing the worst practices of Russia, attempting to normalize a reality in which people are punished for expressing their personal opinions and views.

⭕ On 22 July, sanctioned judge Zviad Tsekvava sentenced Vakho Sanaia to 14 days of administrative detention over a social media post. This is the first case in which a citizen has been placed under administrative detention based on a post published on social media. Prior to this, Sanaia was fined GEL 6,000 for the same reason.

It is evident that independent media and every critical voice represent a significant obstacle for the Georgian Dream government, as they expose alleged corruption and other possible criminal links involving government officials and individuals affiliated with the ruling party, while informing the public about systemic problems within state institutions. Instead of investigating actual crimes and ensuring that responsible individuals are held accountable, the Georgian Dream government is engaged in persecuting whistleblowers and using repressive laws adopted by itself to silence them. In this context, independent and critical media remain a particular target of the authorities, against which the entire state repressive apparatus is mobilized.

For years, law enforcement agencies, the judicial system, the Communications Commission, and the Parliament have been turned into instruments used by the Georgian Dream government to fight against independent media and journalists and to silence them. Through coordinated attacks and the use of repressive mechanisms, the Georgian Dream government is attempting to ultimately neutralize critical media and remove it from the public sphere.

Article 173¹⁶ of the Code of Administrative Offences, under which Vakho Sanaia was sentenced to administrative detention, was added to the Code by the Georgian Dream-controlled Parliament in February 2025 by expedited procedure and it was negatively assessed by OSCE/ODIHR and Venice Commission.. A special unit was established within the Ministry of Internal Affairs to enforce this provision, which has been ironically referred to by the public as the “scrolling-and-screenshotting department.”

⭕ We express our solidarity with Vakho Sanaia critical media outlets and all journalists who have become targets of the Georgian Dream government’s repressive policies in recent years. Independent media is providing an invaluable service to the country at this critically important moment, ensuring that the public remains properly informed despite operating under severely limited resources.

🔗 Full list of signatory organizations: https://bit.ly/3R4A9uA

21/07/2026

💬 "ეს მასწავლებელი გააგრძელებს ბავშვებთან მუშაობას?" - ყველაზე ხშირად ამ კითხვას გვისვამენ.

👇 პასუხობს თამარ კაპანაძე, PHR-ის იურისტი.

📺 პირველად საქართველოში სასამართლომ სკოლაში მასწავლებლის მხრიდან მოსწავლეზე სექსუალური შევიწროების ფაქტი დაადგინა. თემაზე სრული გადაცემა იხილეთ ლინკზე: https://www.facebook.com/share/v/1LypQzBfAq/

#სკოლა #ბავშვთაუფლებები #სექსუალურიშევიწროება #თამარკაპანაძე

21/07/2026

❓სად გადის ზღვარი თბილ მოპყრობასა და სექსუალურ შევიწროებას შორის.

🟡 პირველად საქართველოში სასამართლომ სკოლაში მასწავლებლის მხრიდან მოსწავლეზე სექსუალური შევიწროების ფაქტი დაადგინა.

📺 გადაცემა "ყოველდღეს" სტუმარია თამარ კაპანაძე, PHR-ის იურისტი, რომელიც აღნიშნულ საქმეზე მუშაობს: https://www.facebook.com/share/v/1LypQzBfAq/

#სკოლა #ბავშვთაუფლებები #სექსუალურიშევიწროება #თამარკაპანაძე

20/07/2026

💬 "ეს არის საქართველოში პირველი ფაქტი, როდესაც სასამართლოს მხრიდან სკოლაში სექსუალური შევიწროების ფაქტი დადგინდა".

🟡 ეთერის სტუმარია თამარ კაპანაძე, PHR-ის იურისტი, რომელიც აღნიშნულ საქმეზე მუშაობს 🚀

20/07/2026

💬 "ოჯახმა არჩია მეზობელთან დაპირისპირებას თავისი შვილის გაწირვა".

🚩 Ნატა ვიბლიანის ამბავი და ბავშვები ძალადობის პირისპირ.

📺 თემაზე გადაცემა ღია სივრცე: https://www.facebook.com/share/v/1DEcW7ukNe/

🟡 გადაცემის სტუმარია თამარ გაბოძე, PHR-ის ხელმძღვანელი და უფლებადამცველი.

#ბავშვთაუფლებები #სექსუალურიძალადობა #ძალადობა #უფლებადამცველები #თამარგაბოძე

20/07/2026

💬 როდესაც ბავშვი დახმარებას ითხოვს, ის არასდროს იტყუება".

📺 Ნატა ვიბლიანის ამბავი და ბავშვები ძალადობის პირისპირ. თემაზე გადაცემა ღია სივრცე: https://www.facebook.com/share/v/1DEcW7ukNe/

🟡 გადაცემის სტუმარია თამარ გაბოძე, PHR-ის ხელმძღვანელი და ქალთა უფლებადამცველი.

#ბავშვთაუფლებები #სექსუალურიძალადობა #ძალადობა #უფლებადამცველები #თამარგაბოძე