13/07/2026
💙 ერთი წელი. ასობით ისტორია. ათასობით ემოცია.
როდესაც 2026 წელი დაიწყო, ვიცოდით, რომ წინ დიდი პასუხისმგებლობა და უამრავი გამოწვევა გველოდა. მაგრამ არც კი წარმოგვედგინა, რამდენი ადამიანის ცხოვრებაში დატოვებდა ეს წელი თავის კვალს.
ამ ერთი წლის განმავლობაში 600-მდე სკოლის მოსწავლემ და სტუდენტმა გაიარა ახალგაზრდა კრიმინოლოგთა ჯგუფის ადგილობრივი და საერთაშორისო სამართლის პროექტები. თითოეული ტრენინგი, თითოეული სიმულაცია, თითოეული სასამართლო პროცესი თუ გაეროს მოდელირება იყო კიდევ ერთი ნაბიჯი იმისკენ, რომ საქართველოში ახალგაზრდებს უფრო დიდი შესაძლებლობები ჰქონოდათ.
წელს ჩვენი დელეგაციები ღირსეულად წარდგნენ იაპონიაში, იტალიაში, დიდ ბრიტანეთში, ამერიკის შეერთებულ შტატებსა და ესპანეთში. თითოეულ ქვეყანაში საქართველოს დროშა სიამაყით ავაფრიალეთ და ყველაზე მნიშვნელოვანი — ყველა ქვეყნიდან Best Delegation Award (საუკეთესო დელეგაციის ტიტული) ჩამოვიტანეთ. 🏆🇬🇪
ამ საერთაშორისო პროექტებში 150-ზე მეტმა ქართველმა მონაწილემ მიიღო მონაწილეობა, ათეულობით მათგანი კი ინდივიდუალური გამარჯვებული გახდა. ეს არ არის მხოლოდ მედლები და სერტიფიკატები — ეს არის ახალგაზრდები, რომლებმაც საკუთარი შესაძლებლობების ირწმუნეს, ისწავლეს ლიდერობა, მოლაპარაკება, საჯარო გამოსვლა და საკუთარი ქვეყნის ღირსეული წარმომადგენლობა.
საქართველოშიც არანაკლებ დატვირთული და შთამბეჭდავი წელი გვქონდა.
🏛 ჩავატარეთ გაეროს მასშტაბური მოდელირებები Dreamland Oasis-ში, Bakuriani Inn-სა და Georgian Palace-ში, სადაც ჯამში 200-მდე მონაწილე გაერთიანდა.
🔎 ბათუმში, ზღვის სანაპიროზე, ორჯერ განვახორციელეთ იმიტირებული გამოძიება, რომელმაც მონაწილეებს სრულიად განსხვავებული პრაქტიკული გამოცდილება მისცა.
🌐თბილისში ჩავატარეთ 100-კაციანი გაეროს მოდელირება, რომელიც წლის ერთ-ერთ ყველაზე მასშტაბურ პროექტად იქცა.
ამ ყველაფრის უკან კი მხოლოდ ციფრები არ დგას
ყველაზე დიდი გამარჯვებაა ყოველი ახალგაზრდა, რომელმაც ჩვენთან საკუთარი თავის ირწმუნა. ყოველი მშობელი, რომელმაც ნდობა გამოგვიცხადა. ყოველი მონაწილე, რომელმაც მსოფლიოს სხვადასხვა ქვეყანაში საქართველო ღირსეულად წარმოაჩინა.
14 წელია ვქმნით ადგილობრივ პროექტებს.
5 წელია საქართველოს სახელით საერთაშორისო წარმატებებს ვწერთ.
და ეს მხოლოდ დასაწყისია.
გულწრფელი მადლობა თითოეულ მონაწილეს, მშობელს, ტრენერს, პარტნიორსა და მეგობარს, ვინც ამ გზაზე ჩვენთან ერთად იარა.
2025 -2026 წელი ჩვენი ისტორიის კიდევ ერთი დაუვიწყარი თავი გახდა.
ახლა კი… მზად ვართ კიდევ უფრო დიდი მიზნებისთვის.
The Best Is Yet To Come. 💙🇬🇪
