Chargeishvili Law Inn / ჩარგეიშვილის საადვოკატო დარბაზი

07/09/2026

🤔 კრიპტოვალუტაზე ბევრს ვსაუბრობთ, მაგრამ რას ნიშნავს რეალურად ეს ტერმინი?

კრიპტოვალუტა არის ციფრული აქტივი, რომლის გადაცემა და აღრიცხვა, როგორც წესი, ბლოკჩეინის ტექნოლოგიით ხდება.

ბლოკჩეინი კი არის განაწილებული ციფრული რეესტრი, სადაც ტრანზაქციების ისტორია ფიქსირდება.

ხოლო კრიპტოაქტივის ღირებულება? ის, როგორც წესი, მოთხოვნისა და მიწოდების საფუძველზე ყალიბდება, ამიტომ მისი ფასი შესაძლოა სწრაფად შეიცვალოს.

📌 კრიპტოაქტივის ბუნების გაგება მისი სამართლებრივი და ეკონომიკური რისკების შეფასების პირველი ნაბიჯია.

03/09/2026

უცხო ქვეყნის მოქალაქის დასაქმება საქართველოში მხოლოდ შრომითი ხელშეკრულების გაფორმებით არ სრულდება.

2026 წლის 1 აპრილიდან პროცედურა რამდენიმე ეტაპს მოიცავს და დამსაქმებლისთვის მნიშვნელოვანია, თითოეული მათგანი სწორად გაიაროს.

რა ეტაპებია საჭირო უცხო ქვეყნის მოქალაქის დასაქმებისთვის? 👇

27/08/2026

სასტუმროში ნომერი გაქვს და მის გაქირავებას აპირებ?

თუ ნომერი სასტუმროს ინფრასტრუქტურის ნაწილია და სასტუმროს სისტემის ფარგლებში გამოიყენება, გაქირავებიდან მიღებული შემოსავალი, შესაბამისი პირობების არსებობისას, 20%-ით იბეგრება.

📌 საქართველოს ფინანსთა სამინისტროს საჯარო გადაწყვეტილება №143, 14 მაისი 2026.

24/08/2026

მორიგი წარმატებული საქმე!

ჩვენი გუნდის მიერ წარმოებულ სამოქალაქო საქმეზე, რომელსაც უძღვებოდნენ Kiria Ucha და Salome Lasareishvili, სასამართლომ სრულად დააკმაყოფილა ჩვენი მარწმუნებლის სარჩელი და აღადგინა მისი დარღვეული საკუთრების უფლება.

საქმე ეხებოდა გამოსყიდვის უფლებით ნასყიდობის ხელშეკრულებას, რომლის საფუძველზეც ჩვენი მარწმუნებლის ერთადერთ საცხოვრებელი ბინა გადაფორმებული იყო სხვა პირზე.

სასამართლომ სრულად გაიზიარა ჩვენი პოზიცია და:
✔ ბათილად ცნო გამოსყიდვის უფლებით ნასყიდობის ხელშეკრულება, როგორც თვალთმაქცური გარიგება;
✔ აღადგინა ჩვენი მარწმუნებლის საკუთრების უფლება;
✔ ქონება ჩვენს მარწმუნებელზე დარეგისტრირდა ყოველგვარი იპოთეკისა და სხვა სანივთო უფლებისგან თავისუფალი.

ეს გადაწყვეტილება კიდევ ერთხელ ადასტურებს, რომ სწორ სამართლებრივ სტრატეგიას შეუძლია ადამიანის ყველაზე მნიშვნელოვანი უფლების: საკუთრების უფლების ეფექტიანად დაცვა.

თუ მსგავსი სამართლებრივი საკითხის წინაშე დგახართ, დროული იურიდიული კონსულტაცია ხშირად გადამწყვეტ მნიშვნელობას იძენს.

20/08/2026

🤖 AI და სამართალი - შესაძლებლობა თუ რისკი?

დღეს AI უკვე ეხმარება იურისტებს დოკუმენტების ანალიზში, სასამართლო პრაქტიკის კვლევაში, ხელშეკრულებების მომზადებასა და იურიდიული რისკების პირველადი შეფასების პროცესში.

მისი მთავარი უპირატესობა დროისა და რესურსების დაზოგვაა, თუმცა არსებობს მნიშვნელოვანი საკითხიც, AI არ იღებს სამართლებრივ პასუხისმგებლობას.

საბოლოო გადაწყვეტილება, პროფესიული შეფასება და პასუხისმგებლობა ყოველთვის იურისტის მხარეს რჩება.

სწორედ ამიტომ მნიშვნელოვანია ვიცოდეთ, სად მთავრდება AI-ის შესაძლებლობები და სად იწყება ადამიანის პროფესიული განსჯა.

💬 თქვენ როგორ ფიქრობთ, რამდენად უსაფრთხოა იურიდიულ საკითხებში მხოლოდ AI-ზე დაყრდნობა?

18/08/2026

18/08/2026

სანდო იურიდიული პარტნიორი თქვენი ბიზნესის უსაფრთხო განვითარების გარანტია.

ჩვენ ვართ იურიდიული გუნდი, რომლის მთავარი მიმართულება ბიზნეს სამართალია. კომპანიებს ვეხმარებით არა მხოლოდ მაშინ, როდესაც პრობლემა უკვე არსებობს, არამედ მაშინაც, როდესაც მისი თავიდან აცილებაა შესაძლებელი.

ჩვენი მომსახურება მოიცავს:
✔️ ბიზნეს სამართალს;
✔️ საგადასახადო საკითხებს;
✔️ სასამართლო წარმომადგენლობას;
✔️ მედიაციას;

მრავალწლიანი გამოცდილება, სხვადასხვა სფეროში პრაქტიკა, საგადასახადო ცოდნა და თითოეულ კლიენტზე ინდივიდუალური მიდგომა გვაძლევს შესაძლებლობას, ვიყოთ სანდო პარტნიორი თქვენი ბიზნესისთვის.

📩 თუ ეძებთ გუნდს, რომელიც თქვენი ბიზნესის ინტერესებს ისეთივე პასუხისმგებლობით დაიცავს, როგორც საკუთარ საქმეს, მოხარული ვიქნებით, გაგიცნოთ.

18/08/2026

ხშირად ხელშეკრულების ტიპს მისი სახელწოდება განსაზღვრავს, თუმცა სამართლებრივად გადამწყვეტი შეიძლება იყოს არა ის, თუ რა ეწოდება ხელშეკრულებას, არამედ ის თუ როგორია მხარეთა რეალური ურთიერთობა.

მაგალითად, მომსახურების ხელშეკრულებით გაფორმებული ურთიერთობა შესაძლოა თავისი შინაარსით შრომითი იყოს, თუ პირი:

• დამსაქმებლის მითითებებსა და კონტროლს ექვემდებარება;
• მუშაობს განსაზღვრული სამუშაო გრაფიკით;
• ინტეგრირებულია კომპანიის ყოველდღიურ საქმიანობაში;
• იღებს რეგულარულ ანაზღაურებას;
• ექვემდებარება კომპანიის შინაგანა წესს.

ასეთ შემთხვევაში, ხელშეკრულების ფორმალურად მომსახურების ხელშეკრულებად გაფორმებამ შესაძლოა კომპანიას დამატებითი სამართლებრივი და ფინანსური რისკები შეუქმნას.

დავის შემთხვევაში სასამართლო ურთიერთობის სამართლებრივ ბუნებას აფასებს მისი ფაქტობრივი შინაარსისა და შესრულების პრაქტიკის მიხედვით.

📌 ამიტომ, ხელშეკრულების გაფორმებისას მნიშვნელოვანია არა მხოლოდ სწორი ფორმის შერჩევა, არამედ იმის უზრუნველყოფაც, რომ ხელშეკრულება რეალურ ურთიერთობას შეესაბამებოდეს.

სწორად გაფორმებული ხელშეკრულება მხოლოდ დოკუმენტი არ არის, ის ბიზნესის რისკების მართვის ერთ-ერთი ინსტრუმენტია.