DPO Consulting

20/05/2025

👩‍🏫 გიზიარებთ მონაცემთა დაცვის საზედამხედველო ორგანოების 33-ე ევროპულ კონფერენციას (European Conference of Data Protection Authorities – Spring Conference) რომელსაც ქალაქ ბათუმში 2025 წლის 6-9 მაისს უმასპინძლა საქართველოს პერსონალურ მონაცემთა დაცვის სამსახურმა.

22/04/2025

🕊 გილოცავთ აღდგომის ბრწყინვალე დღესასწაულს!

01/04/2025

✍️წარმოგიდგენთ ზედამხედველობის სამსახურის 2024 წლის საქმიანობის ანგარიშს.

📄პერსონალურ მონაცემთა დაცვის სამსახურმა უმაღლეს საკანონდებლო ორგანოს 2️⃣0️⃣2️⃣4️⃣ წლის საქმიანობის ანგარიში წარუდგინა.

📊ანგარიში მოიცავს ინფორმაციას საქართველოში პერსონალურ მონაცემთა დაცვის მდგომარეობის, ფარული საგამოძიებო მოქმედებების ჩატარებისა და ელექტრონული კომუნიკაციის მაიდენტიფიცირებელ მონაცემთა ცენტრალურ ბანკში განხორციელებული აქტივობის კონტროლის შესახებ.

💬,,გასული წელი გამორჩეული იყო მონაცემთა დაცვის მომწესრიგებელი ეროვნული კანონმდებლობის ევროპულ სტანდარტებთან დაახლოების თვალსაზრისით. 2024 წლის მარტიდან ამოქმედდა „პერსონალურ მონაცემთა დაცვის შესახებ“ საქართველოს კანონი, რომელიც ითვალისწინებს მონაცემთა სუბიექტის უფლებათა და თავისუფლებათა ეფექტიანი დაცვის სათანადო გარანტიებს, ასევე – პერსონალურ მონაცემთა დაცვის დამოუკიდებელი საზედამხედველო ორგანოს საქმიანობისთვის აუცილებელი მექანიზმებითა და უფლებამოსილებებით აღჭურვას. ევროპული ინტეგრაციის პროცესში აღსანიშნავია პერსონალურ მონაცემთა დაცვის ეროვნული კანონმდებლობის ჰარმონიზაციის მნიშვნელობა ევროკავშირის კანონმდებლობასთან და, შესაბამისად, ახალი საკანონმდებლო სტანდარტის დანერგვის შედეგად პერსონალურ მონაცემთა დაცვის ქართული სამართლის განვითარება.’’- ნათქვამია პერსონალურ მონაცემთა დაცვის სამსახურის უფროსის ლელა ჯანაშვილის წინასიტყვაობაში.

📈აღსანიშნავია, რომ გასული წლის სტატისტიკური მონაცემების მიხედვით, გაზრდილია სამსახურის მიმართ მოქალაქეთა მომართვიანობა და განხორციელებული ინსპექტირების რაოდენობა.

⬆️საანგარიშო პერიოდში სამსახურმა ჯამურად მიიღო 1662 განცხადება/შეტყობინება, მათგან 52% (863) — განცხადება, ხოლო 48% (799) – შეტყობინება. შემოსულ განცხადებათა/შეტყობინებათა 90% (1486) შეეხებოდა მონაცემთა დამუშავებას კერძო ორგანიზაციებში, 8% (140) – საჯარო უწყებებში, ხოლო 2% (36) – სამართალდამცავ ორგანოებში.

⬆️2024 წელს სამსახურმა ჩაატარა მონაცემთა დამუშავების კანონიერების შემოწმება (ინსპექტირება) 265 ფაქტზე. მათგან 31% (83) ჩატარდა გეგმურად, ხოლო 69% (182) – არაგეგმურად.

⬆️საანგარიშო პერიოდში სამსახურმა დაადგინა პერსონალურ მონაცემთა არაკანონიერი დამუშავების 508 ფაქტი.

⬆️გაცემულ იქნა ჯამში 794 დავალება და რეკომენდაცია.

⬆️საანგარიშო პერიოდში სამსახურმა მონაცემთა უსაფრთხოების დარღვევის (ინციდენტი) თაობაზე მონაცემთა დამუშავებისთვის პასუხისმგებელი პირისგან მიიღო 11 შეტყობინება.

⬆️სამსახურის მიერ გაწეული იქნა 16 462 კონსულტაცია.

⬆️პერსონალურ მონაცემთა დაცვის სამსახურმა სატელეფონო კომუნიკაციის ფარული მიყურადება-ჩაწერის შეჩერების მექანიზმი (კონტროლის ელექტრონული სისტემის საშუალებით) 92 შემთხვევაში გამოიყენა.

⬆️პერსონალურ მონაცემთა დაცვის შესახებ ცნობიერების ამაღლების მიზნით სამსახური სისტემატურად ატარებს საჯარო ლექციებს, საინფორმაციო შეხვედრებსა და ტრენინგებს კერძო და საჯარო სექტორის, სამართალდამცავი ორგანოების წარმომადგენლებისთვის.

⬆️2024 წელს სამსახურმა გამართა 108 შეხვედრა 6522 დამსწრე პირთან, რომელთა ნაწილი წარმოადგენდა როგორც მონაცემთა სუბიექტს, ისე-დამუშავებისთვის პასუხისმგებელ/დამუშავებაზე უფლებამოსილ პირებს.

👉 ანგარიშის სრული ვერსიაhttps://pdps.ge/files/content/PDPS%20ანგარიში%202024_1743494187.pdf

31/03/2025

👩‍🏫 გაცნობებთ, რომ ზედამხედველობის სამსახურის მიერ შეიქმნა ახალი ელექტრონული სასწავლო პლატფორმა elearning.pdps.ge

📣 სამსახურის ელექტრონული სასწავლო პლატფორმა elearning.pdps.ge ახალ სასწავლო კურსს გთავაზობთ!

🎓 პლატფორმაზე რეგისტრირებული მომხმარებლები, სასწავლო კურსის ფარგლებში, შეძლებენ მიიღონ საბაზისო ცოდნა პერსონალურ მონაცემთა დაცვის კანონმდებლობით გათვალისწინებული ყველა ძირითადი ინსტიტუტის შესახებ და გაიგონ, თუ რა წესები უნდა დაიცვან პერსონალური მონაცემების კანონიერად დამუშავებისთვის.

📚 კურსი რამდენიმე მოდულისგან შედგება და მათი გავლა ეტაპობრივად არის შესაძლებელი.

✅ პლატფორმაზე განთავსებულია მოდულები პერსონალურ მონაცემთა დაცვასთან დაკავშირებული ძირითადი ცნებების და მონაცემთა დამუშავების საფუძვლების შესახებ. თითოეული მოდულის ბოლოს მოცემულია ტესტური დავალებები, რომელთა შესრულებაც აუცილებელია ონლაინ კურსის წარმატებით გასავლელად.

📌 კურსში შემავალი სხვა მოდულები პლატფორმაზე ეტაპობრივად განთავსდება.

06/03/2025

👉გიზიარებთ ზედამხედველობის სამსახურის მიერ გენერირებადი ხელოვნური ინტელექტის - ChatGPT-ის მიერ პერსონალურ მონაცემთა დამუშავებაზე მოკლე მიმოხილვას.

💡2022 წლიდან დღემდე გენერირებადმა ხელოვნურმა ინტელექტმა ChatGPT-იმ სხვადასხვა ქვეყანაში საზოგადოების დიდი ნაწილის ყურადღება მიიპყრო და ხელოვნური ინტელექტის სფეროში მნიშვნელოვანი ძვრები გამოიწვია. საჯაროდ ხელმისაწვდომობიდან 10 დღეში მისი მომხმარებლების რაოდენობამ 7.4 მილიონს მიაღწია.

👩‍💻👨‍💻ChatGPT-ი ხელოვნური ინტელექტის (AI) კვლევასა და განვითარებაზე ორიენტირებული ამერიკული კომპანიის, „OpenAI“-ის, მიერ შემუშავებული AI ჩატბოტია, რომელიც დიდი ენობრივი მოდელების (LLM) მეშვეობით არის შექმნილი.

🪪 ChatGPT-ის მეშვეობით პერსონალურ მონაცემთა დამუშავებასთან დაკავშირებული საკითხები „OpenAI“-ის კონფიდენციალურობის პოლიტიკითაა მოწესრიგებული. აპლიკაციით სარგებლობით მომხმარებელი თანხმობას აცხადებს კომპანიის მომსახურების პირობებსა და კონფიდენციალურობის პოლიტიკის გაცნობაზე.

🛜 OpenAI-ი ხაზს უსვამს რომ ინტერნეტის სარგებლობა არ არის სრულყოფილად უსაფრთხო, უშეცდომო, შესაბამისად, მომხმარებელს მოუწოდებს სათანადოდ შეაფასოს რომელ ინფორმაციას მიაწვდის მისი მომსახურებით სარგებლობისას. კომპანია არ იღებს პასუხისმგებლობას კონფიდენციალურობის პარამეტრების ან უსაფრთხოების ზომების გვერდის ავლით პერსონალური მონაცემების დამუშავებაზე.

🆘 2023 წლის 20 მარტს, „ჩატბოტის“ ბაზარზე გამოჩენიდან 5 თვეში, ტექნიკური ხარვეზიდან გამომდინარე, ChatGPT-ის მომხმარებელთა მონაცემების გამჟღავნების პირველი შემთხვევა დაფიქსირდა. შედეგად, ხელოვნური ინტელექტის სისტემის ფასიანი (ChatGPT Plus) ვერსიის გამომწერებისთვის ხელმისაწვდომი გახდა ხარვეზის დროს აქტიური მომხმარებლების ჩატბოტთან მიმოწერის ისტორიის ნაწილი, ასევე მათი სახელი, გვარი, ელექტრონული ფოსტის მისამართი, საგადახდო მისამართი, ბარათის სახე, ბოლო ოთხი ციფრი და ვადა.

ვრცლად 👉 https://pdps.ge/ka/content/1074/5971/generirebadi-xelovnuri-inteleqtis---ChatGPT-is-mier-personalur-monacemTa-damuSaveba

18/02/2025

🫵 რა უნდა ვიცოდეთ და გავითვალისწინოთ, როდესაც ვახდენთ ინტერნეტსივრცის მეშვეობით ელექტრონულ შესყიდვებს, გადასახადების გადახდას, თუ სხვადასხვა მომსახურების მიღებას.
🦾გიზიარებთ ზედამხედველობის რეკომენდაციებს აღნიშნულთან დაკავშირებით.

🌐 თითოეული ჩვენგანი ინტერნეტსივრცეს ყოველდღიურად უფრო აქტიურად იყენებს კომუნიკაციის, ელექტრონული შესყიდვების, გადასახადების გადახდის მიზნით თუ სხვადასხვა მომსახურების მისაღებად.

🔎 აღნიშნულ პროცესებში, პერსონალური მონაცემების არასათანადო დაცვა ზრდის ინტერნეტის მომხმარებლების მონაცემების დანაშაულებრივი მიზნებისათვის გამოყენების რისკებს და საფრთხის ქვეშ აყენებს თქვენი პირადი ცხოვრების ხელშეუხებლობას.

⭕ მნიშვნელოვანია, გვახსოვდეს, რომ მონაცემთა დამუშავება არა მხოლოდ სარგებლის მომტანია, არამედ მას დიდი პასუხისმგებლობა სდევს თან.

აუციელებელია გახსოვდეთ:

🔸გამოიყენეთ ძლიერი და უნიკალური პაროლები სხვადასხვა სერვისისთვის. ჩართეთ ორმაგი ავთენტიფიკაცია სოციალური ქსელებისა და საბანკო ანგარიშებისთვის. არასოდეს გააზიაროთ პაროლი მეგობრებთან ან უცნობ პირებთან.

🔸არ გაამჟღავნოთ მისამართი, ტელეფონის ნომერი, პირადი ფოტოები და სხვა სენსიტიური ინფორმაცია საჯარო პლატფორმებზე.

🔸 რეგულარულად შეამოწმეთ პირადი მონაცემების დაცვის პარამეტრები ყველა პლატფორმაზე, რომელსაც იყენებთ.

🔸 წაიკითხეთ კონფიდენციალურობის პოლიტიკისა და ,,მზა - ჩანაწერების (cookies) პოლიტიკის დოკუმენტები, სანამ აპლიკაციას ან ვებსაიტს მონაცემებზე წვდომას მისცემთ.

🔸 ყურადღებით იყავით უცნობი ბმულების, უცნაური შეტყობინებებისა და შეთავაზებების მიმართ.

🔸 არ ჩამოტვირთოთ პროგრამები ან ფაილები უცნობი ან საეჭვო წყაროებიდან.

🔸თუ თქვენი ანგარიში გატეხეს, შეცვალეთ პაროლი დაუყოვნებლივ.

17/02/2025

📕წარმოგიდგენთ ზედმხედველობის მიერ შემუშავებულ პერსონალურ მონაცემთა დაცვის სამართლის ლექსიკონის პირველ გამოცემას.

📚 წარმოგიდგენთ პერსონალურ მონაცემთა დაცვის სამართლის ლექსიკონს - კრებულს, რომელშიც გადმოცემულია პერსონალურ მონაცემთა დაცვის სამართლის ძირითადი ცნებები და მათი განმარტებები. ლექსიკონი მიზნად ისახავს საზოგადოების ფართო წრის ინფორმირებას პერსონალურ მონაცემთა დაცვის სამართლის ძირითადი ტერმინების თაობაზე.

💬“წინამდებარე გამოცემა პირველი ცდაა პერსონალურ მონაცემთა დაცვის ქართულ სამართალში. ვიმედოვნებთ, რომ ლექსიკონი დიდ დახმარებას გაუწევს პერსონალურ მონაცემთა სამართლით დაინტერესებულ პირებს, მომიჯნავე პროფესიის წარმომადგენლებს, სტუდენტებს. ნაშრომი ხელს შეუწყობს საქართველოში პერსონალურ მონაცემთა დაცვის კულტურის განვითარებასა და პრაქტიკაში ევროპული სტანდარტების ეფექტიან იმპლემენტაციას.“ - დოქტ., დოქტ. ლელა ჯანაშვილი

👉�https://pdps.ge/files/content/PDPS%20ლექსიკონი_1738574577.pdf

10/02/2025

📣 თუ თქვენი პერსონალური მონაცემების დამუშავება კანონის დარღვევით ხდება, მოქმედი კანნმდებლობა გაძლევთ შესაძლებლობას მიმართოთ ზედამხედველობის სამსახურს და მოითხოვოთ თქვენი პერსონალური მონაცემების დამუშავების კანონიერების შესწავლა.

📣 თუ თვლით, რომ თქვენი პერსონალური მონაცემები მუშავდება „პერსონალურ მონაცემთა დაცვის შესახებ“ საქართველოს კანონის დარღვევით, შეგიძლიათ სამსახურს მომართოთ განცხადებით და მოითხოვოთ თქვენი პერსონალური მონაცემების დამუშავების კანონიერების შესწავლა.

❗ გაითვალისწინეთ, რომ განცხადებაში მითითებული უნდა იყოს შემდეგი ინფორმაცია:

▪️ განმცხადებლისა და მისი წარმომადგენლის (ასეთის არსებობის შემთხვევაში) სახელი, გვარი, ფაქტობრივი მისამართი (სადაც შესაძლებელი იქნება კორესპონდენციის ჩაბარება) ან/და ელექტრონული ფოსტის მისამართი, თუ განმცხადებელს სურს კორესპონდენციის გაგზავნა ელექტრონული ფოსტის მეშვეობით, ტელეფონის ნომერი ან/და სხვა საკონტაქტო ინფორმაცია.
წარმომადგენლის მეშვეობით მომართვის შემთხვევაში, საკმარისია ერთ-ერთის (განმცხადებლის ან წარმომადგენლის) საკონტაქტო ინფორმაციის წარმოდგენა;

▪️ მაიდენტიფიცირებელი მონაცემები განმცხადებლის უფლებების სავარაუდო დამრღვევი დამუშავებისთვის პასუხისმგებელი პირის ან/და დამუშავებაზე უფლებამოსილი პირის შესახებ. წარმოდგენილმა მონაცემებმა განსაკუთრებული ძალისხმევის გარეშე უნდა გახადოს შესაძლებელი დამუშავებისთვის პასუხისმგებელი პირის ან/და დამუშავებაზე უფლებამოსილი პირის იდენტიფიცირება.

▪️ შესაძლო სამართალდარღვევის ჩადენის სავარაუდო თარიღი (რიცხვი/თვე/წელი);

▪️ შესაძლო სამართალდარღვევასთან დაკავშირებული გარემოებების აღწერა და მისი არსი;

▪️ განმცხადებლის მოთხოვნა;

▪️ განცხადების წარდგენის თარიღი;

▪️ განმცხადებლის ან მისი წარმომადგენელის ხელმოწერა.

🪪 დამატებით, თანდართული დოკუმენტის სახით წარმოდგენილი უნდა იყოს განმცხადებლის პირადობის მოწმობის ასლი (გარდა იმ შემთხვევისა, თუ განცხადება ელექტრონულად ხელმოწერილია ან/და შტამპდასმულია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად), ხოლო არსებობის შემთხვევაში შესაბამისი მტკიცებულებებიც (მაგ. ფოტომასალა).
განცხადების წარმომადგენლის მეშვეობით წარმოდგენის შემთხვევაში განცხადებას ასევე უნდა ერთვოდეს – უფლებამოსილების დამადასტურებელი შესაბამისი დოკუმენტი, განმცხადებლისა და წარმომადგენლის პირადობის დამადასტურებელი დოკუმენტების ასლები, ხოლო თუ განცხადება ელექტრონულად ხელმოწერილია ან/და შტამპდასმულია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, ხელმომწერი პირის პირადობის დამადასტურებელი დოკუმენტის წარმოდგენა არ არის სავალდებულო.

📝📥განცხადებით მომართვა შესაძლებელია როგორც წერილობითი (პერსონალურ მონაცემთა დაცვის სამსახური (მის.: თბილისი, ვაჩნაძის ქ. №7; ქ. ბათუმი, ბაქოს ქუჩა №48)), ასევე ელექტრონული ფორმით (ხელმოწერილი და დასკანერებული ან ფოტოსურათის სახით). ელექტრონული ფორმით გამოგზავნის შემთხვევაში განცხადება უნდა გამოაგზავნოთ პერსონალურ მონაცემთა დაცვის სამსახურის საქმის წარმოების პროგრამის მეშვეობით ან სამსახურის ოფიციალურ ელექტრონული ფოსტის მისამართზე - [email protected]

📎 დამატებით გაცნობებთ, რომ სამსახურის მიერ შემუშავებული განცხადების სტანდარტული ფორმის შევსება სავალდებულო არ არის, მთავარია სამსახურში წარმოდგენილი განცხადება სრულად შეიცავდეს ზემოჩამოთვლილ ინფორმაციას.

👇 იხილეთ განცხადების ფორმა: https://newadmin.personaldata.ge/wp-content/uploads/2024/03/PDPS-განცხადების-ფორმა-1.docx

07/02/2025

📣გაცნობებთ რომ 2025 წლის 20 იანვარს საზოგადოებისთვის საჯაროდ ხელმისაწვდომი გახდა ახალი გენერირებადი ხელოვნური ინტელექტი
ჩინეთმა მისი სარგებლობა დაანონსა სრულიად უსასყიდლოდ.

ℹ️გთხოვთ გაითვალისწინოთ რომ აპლიკაციამ, შესაძლებელია შეაგროვოს და შეინახოს ინფორმაცია მომხმარებლის მიერ გაგზავნილი ტექსტის ან აუდიო მასალის შესახებ, ფოტო, ვიდეომასალა, ატვირთული დოკუმენტაცია, „ჩატბოტთან“ მიმოწერის ისტორია ან სხვა ისეთი ინფორმაცია, რასაც თავად მომხმარებელი მიუთითებს.

📤გთხოვთ ასევე გაითვალისწინოთ, რომ მომსახურების მიზნებისთვის მომხმარებლის მიერ მიწოდებულ, ავტომატურად შეგროვებულ ან სხვა წყაროებიდან მოპოვებულ ინფორმაციას აპლიკაცია მომსახურების მიმწოდებელ პარტნიორ ორგანიზაციებს უზიარებს.

05/02/2025

🔸გიზიარებთ საზედამხედველო ორგანოს მიერ სარეკომენდაციო დოკუმენტს, რომელიც აანალიზებს მონაცემთა მეტად დაფარვის პრიორიტეტთან დაკავშირებულ ვალდებულებათა შინაარსს და ევროპის კავშირის „მონაცემთა დაცვის ძირითადი რეგულაციიდან“ გამომდინარე საერთაშორისო სტანდარტებს.

🔸„პერსონალურ მონაცემთა დაცვის შესახებ“ საქართველოს კანონი, ევროპის კავშირის „მონაცემთა დაცვის ძირითადი რეგულაციის“ (“GDPR”) მსგავსად, ითვალისწინებს მონაცემთა მეტად დაფარვის პრიორიტეტს, როგორც ახალი პროდუქტის ან მომსახურების შექმნისას ალტერნატიული მიდგომის არჩევამდე ავტომატურად გამოყენებულ საწყის მეთოდს.

🔸ტექნოლოგიური პროგრესისა და სხვადასხვა ელექტრონული მომსახურების განვითარებასთან დაკავშირებული რისკების პრევენციის მიზნით, კანონის 26-ე მუხლი მონაცემთა სუბიექტის უფლებების სათანადო დაცვის სტანდარტს და დამუშავებისთვის პასუხისმგებელი პირის მიერ შესასრულებელ რიგ ვალდებულებებს ადგენს.

🔸სარეკომენდაციო დოკუმენტი აანალიზებს მონაცემთა მეტად დაფარვის პრიორიტეტთან დაკავშირებულ ვალდებულებათა შინაარსს და ევროპის კავშირის „მონაცემთა დაცვის ძირითადი რეგულაციიდან“ გამომდინარე საერთაშორისო სტანდარტებს, დამუშავებისთვის პასუხისმგებელი და დამუშავებაზე უფლებამოსილი პირებისთვის მათთვის დაკისრებული მოვალეობების არსისა და ფარგლების განმარტების მიზნით.

👉იხილეთ ვრცლად https://bit.ly/4h5QtD1

04/02/2025

📚 გიზიარებთ საზედამხედველო ორგანოს მიერ წარმოდგენილ პერსონალურ მონაცემთა დაცვის სამართლის ლექსიკონს.

📚 წარმოგიდგენთ პერსონალურ მონაცემთა დაცვის სამართლის ლექსიკონს - კრებულს, რომელშიც გადმოცემულია პერსონალურ მონაცემთა დაცვის სამართლის ძირითადი ცნებები და მათი განმარტებები. ლექსიკონი მიზნად ისახავს საზოგადოების ფართო წრის ინფორმირებას პერსონალურ მონაცემთა დაცვის სამართლის ძირითადი ტერმინების თაობაზე.

💬“წინამდებარე გამოცემა პირველი ცდაა პერსონალურ მონაცემთა დაცვის ქართულ სამართალში. ვიმედოვნებთ, რომ ლექსიკონი დიდ დახმარებას გაუწევს პერსონალურ მონაცემთა სამართლით დაინტერესებულ პირებს, მომიჯნავე პროფესიის წარმომადგენლებს, სტუდენტებს. ნაშრომი ხელს შეუწყობს საქართველოში პერსონალურ მონაცემთა დაცვის კულტურის განვითარებასა და პრაქტიკაში ევროპული სტანდარტების ეფექტიან იმპლემენტაციას.“ - დოქტ., დოქტ. ლელა ჯანაშვილი

👉�https://pdps.ge/files/content/PDPS%20ლექსიკონი_1738574577.pdf