იურიდიული დახმარების სამსახური / Legal Aid Service

13/05/2026

საქართველოს პრემიერ-მინისტრი ირაკლი კობახიძე იურიდიული დახმარების სამსახურის ახლად დანიშნულ დირექტორს ოთარ ჩახუნაშვილს შეხვდა.

მთავრობის მეთაურმა სამსახურის ახალ ხელმძღვანელს თანამდებობაზე დანიშვნა მიულოცა და წარმატებები უსურვა.

ოთარ ჩახუნაშვილმა პრემიერ-მინისტრს სამსახურის საქმიანობის ძირითად მიმართულებებსა და პრიორიტეტებზე დეტალური ინფორმაცია მიაწოდა.
სსიპ იურიდიული დახმარების სამსახური მოქალაქეებისთვის უფასო სამართლებრივი დახმარების ხელმისაწვდომობას უზრუნველყოფს.

ოთარ ჩახუნაშვილი სამსახურის დირექტორად პრემიერ-მინისტრის ბრძანებით პირველი მაისიდან დაინიშნა. მას საჯარო სექტორში მუშაობის მრავალწლიანი გამოცდილება აქვს. სხვადასხვა პერიოდში ოთარ ჩახუნაშვილი იყო პერსონალურ მონაცემთა დაცვის სამსახურის უფროსის პირველი მოადგილე, იუსტიციის სახლის აღმასრულებელი დირექტორი, თავდაცვის სამინისტროს რეფორმების კოორდინაციისა და მონიტორინგის დეპარტამენტის უფროსი, ასევე ხელმძღვანელობდა სახელმწიფო ინსპექტორის სამსახურის საჯარო და კერძო სექტორზე ზედამხედველობის დეპარტამენტს.

ოთარ ჩახუნაშვილი არის სამართლის დოქტორი. უმაღლესი განათლება მიღებული აქვს ივანე ჯავახიშვილის სახელობის თბილისის სახელმწიფო უნივერსიტეტში, სადაც მოიპოვა ბაკალავრის, მაგისტრისა და დოქტორის აკადემიური ხარისხები. ასევე სწავლობდა კავკასიის უნივერსიტეტის სამართლის სკოლაში. 2019 წელს იყო მოწვეული მკვლევარი გერმანიის საჯარო ადმინისტრაციის კვლევით ინსტიტუტში (შპაიერი, გერმანია).

13/05/2026

23/04/2026

2026 წლის 21 აპრილს, გაეროს სახლში გაიმართა სამუშაო შეხვედრა თემაზე:„იურიდიული დახმარების სამსახურის როლი შეზღუდული შესაძლებლობის მქონე პირთა ეფექტიან სამართლებრივ მხარდაჭერაში“.

შეხვედრა გახსნეს გაეროს განვითარების პროგრამის (UNDP) კანონის უზენაესობის პროექტის მენეჯერმა ლევან ასათიანმა და ინფორმაციის, ანალიტიკური და საერთაშორისო ურთიერთობების დეპარტამენტის ხელმძღვანელმა მაია ნოზაძემ. მათ ყურადღება გაამახვილეს ინკლუზიური მართლმსაჯულების მნიშვნელობასა და შეზღუდული შესაძლებლობის მქონე პირთათვის სამართლებრივი სერვისების ხელმისაწვდომობის გაუმჯობესების საჭიროებაზე.

ღონისძიების ფარგლებში გაიმართა შეზღუდული შესაძლებლობის მქონე პირთა უფლებების დაცვის სახელმძღვანელოს პრეზენტაცია, რომელიც წარადგინა შშმ პირთა უფლებების ადვოკატმა ნანა გოჩიაშვილმა. პრეზენტაციისას განხილულ იქნა პრაქტიკული მიდგომები, რომლებიც მიზნად ისახავს შშმ პირთათვის სამართლებრივი დახმარების ხარისხისა და ეფექტიანობის გაუმჯობესებას, აგრეთვე არსებული გამოწვევები და შესაბამისი რეკომენდაციები.

შეხვედრის მეორე ნაწილი დაეთმო დისკუსიას, რომელშიც აქტიურად ჩაერთნენ შეხვედრის მონაწილეები, მათ შორის იურიდიული დახმარების სამსახურის ადვოკატები, შშმ თემის წარმომადგენლები და შშმ პირთა უფლებადამცველები. აქტიური ჩართულობის შედეგად დეტალურად იქნა განხილული არსებული გამოწვევები, საჭიროებები და სამომავლო ნაბიჯები. განსაკუთრებული ყურადღება გამახვილდა სერვისების ადაპტაციასა და შშმ პირთა რეალურ საჭიროებებზე მორგებულ მიდგომებზე.

ღონისძიება განხორციელდა გაეროს განვითარების პროგრამისა UNDP Georgia და გერმანიის მთავრობის მხარდაჭერით.

17/04/2026

📝16 აპრილს, იურიდიული დახმარების სამსახურის მობილური საკონსულტაციო ცენტრი ლეჩხუმში, ცაგერის მუნიციპალიტეტის სოფლებს - ორბელსა და გაგულეჩს ესტუმრა.
📝ქუთაისის იურიდიული დახმარების ბიუროს კონსულტანტებმა მაია ხვადაგიანმა და ინა მელაძემ ადგილობრივ მცხოვრებლებს გააცნეს იურიდიული დახმარების სამსახურის სერვისები და გაუწიეს ინდივიდუალური კონსულტაციები მათთვის მნიშვნელოვან სამართლებრივ საკითხებზე.
📝აღნიშნული ვიზიტით დასრულდა იურიდიული დახმარების სამსახურის მობილური საკონსულტაციო კამპანია იმერეთის ნაწილსა და რაჭა-ლეჩხუმი-ქვემო სვანეთის მხარეში.
📝ჩატარდა ორ ათეულამდე შეხვედრა მოსახლეობასთან და ათეულობით ადამიანს გაეწია ინდივიდუალური სამართლებრივი კონსულტაცია კონფიდენციალურობის დაცვით.
📝კამპანია განხორციელდა გაეროს განვითარების პროგრამისა UNDP Georgia და გერმანიის მთავრობის Deutsche Botschaft Tiflis გერმანიის საელჩო თბილისი მხარდაჭერით.

17/04/2026

🔰2026 წლის 15-16 აპრილს, თბილისში, იურიდიული დახმარების სამსახურის ადვოკატებისათვის ჩატარდა ტრენინგი თემაზე "ადვოკატის უნარ-ჩვევები ნაფიც მსაჯულთა სასამართლოზე".
🔰ტრენინგს უძღვებოდნენ იურიდიული დახმარების სამსახურის აღმოსავლეთ საქართველოს განსაკუთრებით მნიშვნელოვან საქმეთა ბიუროს ხელმძღვანელი სულხან კომახიძე და დასავლეთ საქართველოს განსაკუთრებით მნიშვნელოვან საქმეთა ბიუროს ხელმძღვანელი გელა სიორდია.
🔰აღსანიშნავია, რომ იურიდიული დახმარების სამსახური წლების განმავლობაში ჩართულია ნაფიც მსაჯულთა სასამართლო პროცესებში და არსებობს აღნიშნულ დავათა გადაწყვეტის პოზიტიური სტატისტიკა - დასაცავ პირთა სასარგებლოდ.
🔰ტრენინგზე განიხილებოდა ნაფიც მსაჯულთა შერჩევის, შესავალი სიტყვის, პირდაპირი დაკითხვის ტექნიკის და სტრატეგიის, ჯვარედინი დაკითხვის, მოწმის იმპიჩმენტის, პროტესტის, დასკვნითი სიტყვის მომზადების საკითხები.
🔰ადვოკატებმა გელა სიორდიამ და სულხან კომახიძემ, მათ პირად გამოცდილებაზე დაყრდნობით, კოლეგებს წარმოუდგინეს პრაქტიკული სამუშაოები.
🔰ღონისძიება ჩატარდა გაეროს განვითარების პროგრამისა UNDP Georgia და გერმანიის მთავრობის Deutsche Botschaft Tiflis გერმანიის საელჩო თბილისი მხარდაჭერით.

14/04/2026

🔰2026 წლის 7-8 აპრილს, იურიდიული დახმარების სამსახურის ადვოკატებისათვის ჩატარდა ტრენინგი შეზღუდული შესაძლებლობების მქონე პირთა უფლებების დაცვის ხელშეწყობის თემაზე
ტრენინგს უძღვებოდნენ დარგის ექსპერტები ნანა გოგიჩაიშვილი და ოლგა კალინა.
🔰ორდღიანი ტრენინგის ფარგლებში ვრცლად იქნა განხილული შშმ პირებთან კომუნიკაცია და ძირითადი მიდგომები, ფსიქოსოციალური ან ინტელექტუალური შეზღუდვის მქონე პირებთან მუშაობის ეთიკური საკითხები, ნებაყოფლობითი და არანებაყოფლობითი სტაციონარული ფსიქიატრიული დახმარება და იძულებითი ფსიქიატრიული მკურნალობა და სხვა მნიშვნელოვანი საკითხები.
🔰ღონისძიება ჩატარდა გაეროს განვითარების პროგრამისა UUNDP Georgiaდა გერმანიის მთავრობის მხარდაჭერით DDeutsche Botschaft Tiflis გერმანიის საელჩო თბილისი

09/04/2026

08/04/2026

2026 წლის 2 აპრილს, იურიდიული დახმარების სამსახურის წარმომადგენლები ბათუმში მდებარე უკრაინულ სახლს ეწვივნენ.

ინფორმაციის, ანალიტიკისა და საერთაშორისო ურთიერთობების დეპარტამენტის უფროსმა, მაია ნოზაძემ, საქართველოში მყოფ უკრაინის მოქალაქეებს იურიდიული დახმარების სამსახურის სერვისები და მათზე წვდომის სამართლებრივი მექანიზმები გააცნო.
სპეციალიზებულ საქმეთა ბიუროს ადვოკატმა, თეა ყაულაშვილმა, შეხვედრის მონაწილეებს მიაწოდა ინფორმაცია საქართველოში უცხო ქვეყნის მოქალაქეთა ხანგრძლივად დარჩენის პირობების, ბოლოდროინდელი საკანონმდებლო ცვლილებების, მათ შორის დასაქმებულთა რეგისტრაციისა და ლეგალური ყოფნის საკითხების შესახებ.

შეხვედრის დასრულების შემდეგ, უკრაინის მოქალაქეებმა ისარგებლეს ინდივიდუალური სამართლებრივი კონსულტაციებით. შეხვედრა გაიმართა გაეროს განვითარების პროგრამისა (UNDP) და გერმანიის მთავრობის მხარდაჭერით, პროექტის — „კანონის უზენაესობის გაუმჯობესება და მართლმსაჯულებაზე ხელმისაწვდომობის გაზრდა ყველასთვის“ — ფარგლებში.

On April 2, 2026, representatives of the Legal Aid Service visited the Ukrainian House in Batumi.
The Head of the Information, Analytics, and International Relations Department, Maia Nozadze, introduced Ukrainian citizens residing in Georgia to the services of the Legal Aid Service and the legal mechanisms for accessing them.

Tea Kaulashvili, a lawyer from the Specialized Case Bureau, provided participants with information on the conditions for long-term stay of foreign citizens in Georgia, recent legislative changes, including employment registration, and issues related to legal residence.

Following the meeting, Ukrainian citizens benefited from individual legal consultations. The meeting was held with the support of the United Nations Development Programme (UNDP) and the Government of Germany, within the framework of the project “Improving the Rule of Law and Access to Justice for All.”

06/04/2026

2026 წლის 1 აპრილს, იურიდიული დახმარების სამსახურის საკონსულტაციო ცენტრი ქვემო სვანეთში ავიდა.
ქუთაისის იურიდიული დახმარების ბიუროს კონსულტანტები მაია ხვადაგიანი და ინა მელაძე ლენტეხის მუნიციპალიტეტის სოფლების - სასაშის და ჟახუნდერის მოსახლეობას შეხვდნენ. იურისტებმა ადგილობრივ მცხოვრებლებს მიაწოდეს ინფორმაცია იურიდიული დახმარების სამსახურის სერვისების შესახებ და გაუწიეს ინდივიდუალური კონსულტაციები მიწის რესიტემური რეგისტრაციის, მემკვიდრეობის, ხე-ტყის მოჭრის, სოციალური დახმარების მიღების სამართლებრივ საკითხებზე.
შეხვედრებში მონაწილეობდა ცაგერისა და ლენტეხის საკონსულტაციო ცენტრის კონსულტანტი ნინო ურთმელიძე, რომელიც კვირაში ერთხელ, ლენტეხში (თამარ მეფის ქ. #24) იურიდიული დახმარების სამსახურის საკონსულტაციო ცენტრში გასცემს სამართლებრივ რჩევებს.
რაც შეეხება ქვემო სვანეთის სხვა სოფლების მოსახლეობას, რომლებსაც მუნიციპალურ ცენტრთან ხშირი გადაადგილების პრობლემა აქვთ, შეუძლიათ ისარგებლონ იურიდიული დახმარების სამსახურის მობილური საკოსნულტაციო ცენტრის მომსახურებით და მიიღონ ინდივიდუალური კონსულტაციები კონფიდენციალურობის დაცვით.
კამპანია მიმდინარეობს გაეროს განვითარების პროგრამისა UNDP Georgia და გერმანიის მთავრობის Deutsche Botschaft Tiflis გერმანიის საელჩო თბილისი მხარდაჭერით.

06/04/2026

ბავშვთა უფლებების დაცვა მხოლოდ ვალდებულება არ არის, ეს ჩვენი პასუხისმგებლობაა, შევქმნათ ისეთი სისტემა, სადაც თითოეული ბავშვი თავს უსაფრთხოდ და დაცულად იგრძნობს. სწორედ ამ მიზნის მისაღწევად, იურიდიული დახმარების სამსახურმა, ევროკავშირის მხარდაჭერითა და UNICEF-ის ხელშეწყობით, პროექტის „ბავშვთა მართლმსაჯულებაზე წვდომის გაძლიერება საქართველოში“ ფარგლებში, გახსნა ბავშვზე მორგებული ოთახი.

ეს სივრცე წარმოადგენს მნიშვნელოვან ნაბიჯს ბავშვზე ორიენტირებული მართლმსაჯულების გაძლიერების მიმართულებით. სპეციალურად მოწყობილ ოთახში ბავშვებს შესაძლებლობა ექნებათ მიიღონ სამართლებრივი კონსულტაცია და დახმარება მათ საჭიროებებზე მორგებულ, უსაფრთხო და მეგობრულ გარემოში, რათა პროცესმა არ გამოიწვიოს დამატებითი სტრესი ან შიში.

ჩვენთვის განსაკუთრებით მნიშვნელოვანია, რომ სამართლებრივი დახმარება არ იყოს მხოლოდ ფორმალური სერვისი, არამედ იყოს ხელმისაწვდომი, გასაგები და ბავშვებისთვის ადაპტირებული. სწორედ ამიტომ, ასეთი სივრცეების შექმნა არის მნიშვნელოვანი წინგადადგმული ნაბიჯი ბავშვის საუკეთესო ინტერესების დაცვის გზაზე.

Protecting children’s rights is not only an obligation, it is our responsibility to build a system where every child feels safe, protected, and heard. With this goal in mind, the Legal Aid Service, with the support of the European Union and the assistance of UNICEF, has opened a child-friendly room within the framework of the project “Enhancing Access to Justice for Children in Georgia.”

This newly established space represents an important step towards strengthening a child-centred justice system. In a specially designed, welcoming environment, children will be able to receive legal consultation and assistance tailored to their needs, ensuring that the process is not intimidating and does not cause additional stress or fear.

We strongly believe that legal aid should not be merely a formal service, but one that is accessible, understandable, and adapted to children. Creating such spaces is a meaningful step forward in safeguarding the best interests of every child and ensuring that justice is truly inclusive.

01/04/2026

იურიდიული დახმარების სამსახური აგრძელებს გაეროს ბავშვთა ფონდთან (UNICEF) წარმატებულ თანამშრომლობას ბავშვთა უფლებების დაცვის, მათზე ხელმისაწვდომობის გაზრდისა და საზოგადოების ცნობიერების ამაღლების მიმართულებით.

თანამშრომლობის ფარგლებში, გაეროს ბავშვთა ფონდის წარმომადგენლის მოვალეობის შემსრულებელმა, ალექსანდრუ ნარტეამ და იურიდიული დახმარების სამსახურის დირექტორმა დავით სიმონიამ 2026 წლის ერთობლივ სამოქმედო გეგმას მოაწერეს ხელი.

სამოქმედო გეგმა მოიცავს ბავშვებზე მორგებული სამართლებრივი სერვისების განვითარებას, ბავშვებისთვის უსაფრთხო და მხარდამჭერი გარემოს შექმნას, ასევე ბავშვთა უფლებებისა და მათი დაცვის მექანიზმების შესახებ ცნობიერების ამაღლების კამპანიებს ქვეყნის მასშტაბით.

UNICEF Georgia

The Legal Aid Service continues its successful cooperation with UNICEF to strengthen the protection of children’s rights, improve access to services, and raise public awareness.

Within the framework of this cooperation, the Acting Representative of UNICEF in Georgia, Alexandru Nartea and the Director of the Legal Aid Service, Davit Simonia, signed a joint work plan for 2026.

The work plan includes the development of child-friendly legal services, the creation of safe and supportive environments for children, as well as raising awareness of children’s rights and protection mechanisms across the country.