21/11/2025
პრეზიდენტმა დონალდ ტრამპმა გამოაცხადა, რომ აშშ-ის საელჩოები სავიზო გასაუბრების თარიღს პრიორიტეტულად მისცემენ მათ, ვისაც 2026 წლის მსოფლიო ჩემპიონატზე ბილეთები ექნებათ შეძენილი
„ფიფას პრიორიტეტული დანიშვნის სისტემა (PASS) საშუალებას მისცემს მსოფლიო ჩემპიონატის ბილეთის მფლობელებს, რომლებსაც ხანგრძლივი ლოდინის პერიოდი აქვთ, ფიფასთან ერთად აირჩიონ დაჩქარებული გასაუბრება“, – განაცხადა ტრამპმა თეთრ სახლში გამოსვლისას.
ტურნირის ბილეთის მფლობელებს, რომელიც 2026 წლის ივნის-ივლისში აშშ-ში, კანადასა და მექსიკაში გაიმართება, რა თქმა უნდა ტურისტული ვიზა ავტომატურად არ მიეცემათ, განაცხადა სახელმწიფო მდივანმა მარკო რუბიომ.
თუმცა უცხო ქვეყნის მოქალაქეები, რომლებსაც მსოფლიო ჩემპიონატის საფეხბურთო მატჩებზე ბილეთები აქვთ, განაცხადის შეტანიდან მაქსიმუმ 6-8 კვირაში შეძლებენ გასაუბრების თარიღის არჩევას საელჩოში ან საკონსულოში, თქვა რუბიომ.
„თქვენი ბილეთი ვიზა არ არის; ის არ გაძლევთ აშშ-ში შესვლის გარანტიას“, – აღნიშნა რუბიომ.
„ჩვენ ბილეთების მფლობელებს იმავე შემოწმებას ჩავუტარებთ, როგორც ყველა სხვას. ერთად-ერთი განსხვავება ისაა, რომ მათ რიგში წინ წავწევთ.“
2026 წლის ფეხბურთში მსოფლიო ჩემპიონატს ჩრდილოეთ ამერიკაში ერთობლივად უმასპინძლებენ აშშ, მექსიკა და კანადა, თუმცა მატჩების უმეტესობა აშშ-ში ჩატარდება.
ოვალ ოფისში ტრამპთან და რუბიოსთან ერთად სიტყვით გამოსვლისას ფიფას პრეზიდენტმა ჯანი ინფანტინომ თქვა, რომ აშშ-ში მსოფლიო ჩემპიონატის საყურებლად 10 მილიონამდე ვიზიტორი შეიძლება ჩამოვიდეს.
„ფიფა-PASS-ის წყალობით ჩვენ შეგვიძლია უზრუნველვყოთ, რომ ბილეთის მფლობელები ნამდვილი გულშემატკივრები იქნებიან, რომლებსაც საშუალება ექნებათ ჩამოვიდნენ და დაესწრონ მსოფლიო ჩემპიონატს, დაწყებული ვიზის მიღებით“, – აღნიშნა მან.
ბევრ იმ ქვეყნების მოქალაქეებს, რომელთა ნაკრებებიც უკვე გავიდნენ მომავალი წლის ტურნირზე, ამჟამად ვიზის გასაუბრების ხანგრძლივი ლოდინის პერიოდი აქვთ.
მაგალითად, კოლუმბიაში აშშ-ის ვიზაზე განაცხადის შემტან, სახელმწიფო დეპარტამენტის მონაცემებით, ადამიანებს ამჟამად გასაუბრებამდე საშუალოდ 11 თვე უწევთ ლოდინი.
მექსიკაში საშუალო ლოდინის პერიოდი 9,5 თვეა, ტორონტოში (კანადის არამოქალაქეებისთვის) – 14 თვე.
თუ ეს ლოდინის დრო შენარჩუნდება, ზოგიერთი ქვეყნის გულშემატკივრებს სავიზო გასაუბრება მხოლოდ მსოფლიო ჩემპიონატის დასრულებისა და ოქროს თასის გადაცემის შემდეგ შეიძლება ჩაენიშნოთ, რასაც არანაირი აზრი არ ექნება.
განცხადებას მოწონებით შეხვდა აშშ-ის ტურიზმის ასოციაცია. „ფიფას ბილეთის მფლობელებისთვის დაჩქარებული გასაუბრების დანიშვნის საშუალება სავიზო პროცესს საჭირო ეფექტიანობას მატებს უსაფრთხოების დაკარგვის გარეშე“, – თქვა ასოციაციის პრეზიდენტმა ჯეფ ფრიმანმა.
„ეს არის პრაქტიკული ქმედება, რომელიც აძლიერებს უსაფრთხოებას, ზრდის შესაძლებლობებს და ამცირებს ლოდინის დროს – ამერიკას აძლევს უკეთეს პოზიციას მილიონობით ვიზიტორის მისაღებად მომავალ წელს.“
გაურკვეველია, გავრცელდება თუ არა ახალი წესები იმ ქვეყნების ბილეთის მფლობელებზე, რომელთა მოქალაქეებს აშშ-ში შესვლა აკრძალული აქვთ. ივნისში ტრამპმა ხელი მოაწერა ბრძანებას, რომლითაც 12 ქვეყნის მოქალაქეებს აშშ-ში შესვლა აეკრძალათ უსაფრთხოების მიზეზებით.
ამ ქვეყნებს შორისაა ირანი, რომლის ნაკრებიც მსოფლიო ჩემპიონატზე გავიდა. ივნისის ბრძანება სპორტსმენებსა და მწვრთნელებს ათავისუფლებს 2026 წლის მსოფლიო ჩემპიონატისა და 2028 წლის ოლიმპიადისთვის, მაგრამ გულშემატკივრები შესაძლება ისევ აკრძალვის ქვეშ დარჩნენ.
რა თქმა უნდა, ყველა მოგზაურს, ვინც მომავალ წელს აშშ-ში ჩამოვა, ვიზა არ დასჭირდება. ვიზის გარეშე რეჟიმის ქვეყნების (Visa Waiver Program) მოქალაქეების უმეტესობას, მათ შორის ევროპელების უმეტესობას (დიდ ბრიტანეთთან ერთად), იაპონიას, ავსტრალიას და სხვებს, შეუძლია 90 დღემდე იმოგზაუროს ვიზის გარეშე.
ბოლო ორ მსოფლიო ჩემპიონატზე – რუსეთსა და ყატარში – მატჩის ბილეთი გულშემატკივარს Fan ID-ს აძლევდა, რომელიც ვიზის ნაცვლად გამოიყენებოდა მასპინძელ ქვეყანაში შესასვლელად.
კარგი იდეაა, მაგრამ ნაკლებად სავარაუდოა ტრამპი ამ ვარიანტს დათანხმდეს :)
იმის მიუხედავად, რომ ბილეთების ფასები შეიძლება შეიცვალოს დინამიური ფასწარმოქმნის გამო, 2026 წლის აშშ-ის FIFA-ს მსოფლიო ჩემპიონატის ბილეთების ფასი, როგორც წესი, იწყება ყველაზე იაფი ბილეთისთვის $60-დან (ჯგუფური ეტაპი) და შეიძლება აღემატებოდეს $7,875-ს ყველაზე ძვირი ბილეთისთვის (ფინალი). ფასი მნიშვნელოვნად განსხვავდება ადგილის კატეგორიისა და ტურნირის ეტაპის მიხედვით.
აშშ-ში ფეხბურთის მსოფლიო ჩემპიონატზე დასწრების მსურველებს კი შეგახსენებთ, რომ ჩვენი ოფისი გთავაზობთ კვალიფიციურ, პროფესიონალურ სავიზო მომსახურებას. გაითვალისწინეთ, რომ ვიზის მისარებად ყურადღება მიექცევა კავშირებს თქვენს ქვეყანასთან, მოგზაურობის ისტორიას, შედარებით მაღალანაზღაურებად დასაქმებას, საოჯახო მდგომარეობას და სხვა ფაქტორებს, რასაც სავიზო ოფიცრები ყურადღებას აქცევენ გადაწყვეტილების მიღების პროცესში.
თუ გსურთ სავიზო განაცხადის გაკეთება, ჩვენი 20-წლიანი გამოცდილება დაგეხმარებათ პროცესის გაიოლებაში.
რა თქმა უნდა, საბოლოო გადაწყვეტილებას აშშ კონსული იღებს და ვერავის ვიზის მიღების გარანტიას ვერ მივცემთ, მაგრამ მნიშვნელოვანწილად გავუზრდით მისი მიღების შანსებს.
მისამართი: თბილისი, რუსთაველის გამზირი N18.
დეტალებისთვის აუცილებლად დარეკეთ. კომენტარებში სავიზიო რჩევებს ვერ გაგიწევთ რადგან ყველა შემთხვევა ინდივიდუალურია:
555 56 65 66
