NLG Law Firm

17/07/2026

⚖️სამართლიანობა არ არის მოცემულობა — ის არჩევანი და ყოველდღიური ბრძოლაა!

გილოცავთ, დღეს, 17 ივლისს, მართლმსაჯულების საერთაშორისო დღეა!

ჩვენ არ ველოდებით, როდის გაიმარჯვებს სამართლიანობა — ჩვენ მას ყოველდღიურად, თქვენთან ერთად ვაშენებთ.

თქვენი უფლებების დაცვა ჩვენი მთავარი მისიაა.

#მართმსაჯულებისდღე #თქვენიუფლებები

07/07/2026

♻️⏳ პლასტმასის კონტეინერების აკრძალვა მალე ამოქმედდება, ტაიმერი ჩართულია!

📜საქართველოს მთავრობის 2025 წლის 13 ნოემბრის #503 დადგენილებით შევიდა ცვლილება საქართველოს მთავრობის 08/06/2022 წ. #304 დადგენილებაში „ტექნიკური რეგლამენტი - სურსათთან შეხებისთვის განკუთვნილი პლასტმასის მასალებისა და ნაკეთობების (საგნების) შესახებ დამტკიცების თაობაზე“, რომლის თანახმად აიკრძალა 2026 წლის იანვრიდან პლასტმასის ჩანგლების, დანების, კოვზების, თეფშებისა, საწრუპების და კვების ობიექტების მიერ გამოყენებადი სხვა ერთჯერადი პლასტმასის პროდუქციის იმპორტი, ხოლო ამავე წლის 1 აპრილიდან აღნიშნული პროდუქციის რეალიზაცია.

⏳მოგვიანებით, ბიზნეს სექტორთან გამართული მოლაპარაკებების შედეგად, მითითებული რეგულაციის ამოქმედების ვადებმა გადაიწია, კერძოდ:

- მზა საკვებისთვის პლასტმატის კონტეინერების აკრძალვა ამოქმედდება 2027 წლის 1 იანვრიდან.

- ერთჯერადი პლასტმასის ჭიქების აკრძალვა ამოქმედდება 2027 წლის 1 ივლისიდან.

- პლასტმასის ბოთლებით სასმელის მიწოდების აკრძალვა ამოქმედდება 2031 წლის 1 თებერვლიდან.

⚖️პირველადი დარღვევისთვის კანონი ითვალისინებს ჯარიმას 1000 ლარის ოდენობით და ქონების კონფისკაციას, ხოლო განმეორებითი დარღვევისთვის დადგენილია ჯარიმა - 2000 ლარი, ქონების კონფისკაციით.

📊დღეისათვის მსოფლიოს 100-ზე მეტ ქვეყანას აქვს პლასტმასის პროდუქციის სრული ან ნაწილობრივი აკრძალვა საკვებ პროდუქტებთან მიმართებაში და სარესტორნო საქმიანობაში, აქედან ყველაზე მკაცრი რეგულაციით გამოირჩევა ევროკავშირის 27 ქვეყანა, ხოლო აზიაში ჩინეთი და ინდოეთი.

#ახალირეგულაცია #პლასტმასისკონტეინერები

29/06/2026

⚖️ კრიტიკა, თუ ცილისწამება და შეურაცხყოფა - სად გადის ზღვარი?

ბოლო დროს ყველაზე განხილვადი თემა გახდა - რა შემთხვევაში დავისჯებით Facebook-ზე გაკეთებული პოსტის გამო და რა სახის პასუხისმგებლობა შეიძლება გვემუქრებოდეს.

ყველაზე დიდი ხმაური მოყვა ცვლილებას ადმინისტრაციულ სამართალდარღვევათა კოდექსში, რომლის თანახმად თანამდებობის პირისა თუ საჯარო მოხელის მიმართ სიტყვიერი შეურაცხყოფა, ლანძღვა-გინება, მასზე შეურაცხმყოფელი გადაკიდება ან/და მის მიმართ სხვაგვარი შეურაცხმყოფელი ქმედების განხორციელება იწვევს პასუხისმგებლობას 1500-დან 4000 ლარამდე ან ადმინისტრაციული პატიმრობას 45 დღემდე.

არსებული სამოქალაქო საკანონმდებლო რეგულაციების თანახმად დაცვის ქვეშ არის მოქცეული ასევე კერძო ფიზიკური და იურიდიული პირები. მათ მიმართ ცილისწამება, პატივის, ღირსებისა და საქმიანი რეპუტაციის შელახვამ შეიძლება გამოიწვიოს პასუხისმგებლობა როგორც ამ ცნობების უარყოფის, ისე ზიანის ანაზღაურების დაკისრების სახით.

თუმცა, მეტი მკაფიოობისთვის საჭიროა განიმარტოს, რომ მოქმედი კანონმდებლობა და სასამართლო პრაქტიკა მკაცრად მიჯნავს ფაქტს და აზრს:

👉 აზრი აბსოლუტურად დაცულია! თქვენ გაქვთ უფლება დაწეროთ: „ამ კომპანიას პროდუქცია უგემოვნოა, ასორტიმენტი მწირია და ა.შ.“. ეს თქვენი სუბიექტური შეფასებაა და ამის გამო ვერავინ გიჩივლებთ.

👉 მცდარი ფაქტი ისჯება! თუ დაწერთ: „ამ კომპანიამ მე ფული მომპარა“ – ეს კონკრეტული ფაქტია და თუ ეს კომპანია სასამართლოში გიჩივლებთ სამოქალაქო წესით, თქვენ მოგიწევთ ამ ფაქტის დადასტურება.

💡 გაითვალისწინეთ, რომ ციფრულ ეპოქაში რეპუტაცია უმნიშვნელოვანესი აქტივია. თუ თვლით, რომ სოციალურ ქსელში თქვენს ბიზნესს ან პატივს მცდარი ინფორმაციით ლახავენ, ან პირიქით — გამოხატვის თავისუფლების შეზღუდვას გედავებიან, დაიცავით თქვენი უფლებები კვალიფიციურად.

#ცილისწამება #გამოხატვისთავისუფლება #პასუხისმგებლობა

23/06/2026

💻⚖️ ჩაანაცვლებს თუ არა AI იურისტს/ადვოკატს?

დღეიდან იტალიამ ხელოვნური ინტელექტის შესახებ პირველი მკაცრი კანონები აამოქმედა! იტალია გახდა ევროკავშირის პირველი ქვეყანა, რომელმაც ევროპული ხელოვნური ინტელექტის აქტი (AI Act) საკუთარ ეროვნულ კანონმდებლობაში ოფიციალურად ასახა.

🔍 რა უნდა ვიცოდეთ ახალი რეგულაციების შესახებ?
1️⃣ AI-ის გამოყენება მუშაობის პროცესში დასაშვებია, თუმცა ხელოვნური ინტელექტის მიერ დაშვებულ ნებისმიერ შეცდომაზე, არასწორ იურიდიულ დასკვნაზე თუ ფაქტობრივ უზუსტობაზე პასუხისმგებლობა მთლიანად ადამიანს (იურისტს) ეკისრება.
2️⃣ იურიდიული და სხვა მოწყვლადი სფეროების წარმომადგენლებისთვის ხელოვნური ინტელექტის ინსტრუმენტების სწორად გამოყენების სწავლება სავალდებულო ხდება.
3️⃣ იკრძალება თანამშრომლების სამსახურიდან გაშვება ან დაქვეითება მხოლოდ AI ალგორითმების ავტომატური გადაწყვეტილების საფუძველზე. საბოლოო სიტყვა ყოველთვის ადამიანს ეკუთვნის.

⚖️ ჩვენი გუნდი ფიქრობს, რომ მსგავს რეგულაციებში მნიშვნელოვანია ბალანსის დაჭერა, რომელიც ერთის მხრივ გამოიყენებს არსებულ ტექნოლოგიურ რესურებს, როგორც დამხმარე ინსტრუმენტებს, თუმცა მთავარი პასუხისმგებლობა გავა ადამიანის კრიტიკულ აზროვნებას და მორალურ-ეთიკურ ღირებულებებთან შეჯერებულ სამართლებრივ პასუხისმგებლობაზე. ეს კი ის უნარებია, რომლებსაც რობოტები ვერ ჩაანაცვლებენ.

💬 როგორ ფიქრობთ, რამდენად არის მზად ქართული რეალობა მსგავსი რეგულაციებისთვის?

#სამართალი #ხელოვნურიინტელექტი #იტალია #ტექნოლოგიები

19/06/2026

🌐 გახსოვთ ბავშვობაში ასეთი უცნაური გართობა, როცა მეგობარს ხელს სახესთან ახლოს უფრიალებდი და ეუბნებოდი „ჰაერი ყველასია... ჰაერი ყველასია...“ 😊 ჰოდა ეს გართობა მაშინ სრულიად „ლეგალური“ იყო, ვინაიდან "ცა ყველას ეკუთვნოდა" და საჰაერო საზღვრები, ქვეყნებსაც კი, არ ჰქონდათ 😊

ზუსტად 116 წლის წინ, 1910 წლის 19 ივნისს, პარიზში დასრულდა მსოფლიოში პირველი საერთაშორისო დიპლომატიური კონფერენცია, რომელმაც კაცობრიობის ისტორიაში ერთ-ერთი ყველაზე მნიშვნელოვანი სამართლებრივი გარღვევა მოახდინა.

სანამ ძმები რაიტები და სხვა პიონერები თვითმფრინავებს გამოგონებდნენ, მსოფლიო სამართალში არსებობდა ძველი რომაული პრინციპი: „ვისიც არის მიწა, მისია ცაც – კოსმოსამდე“. მაგრამ რეალურად, კანონი ზეცას საერთოდ არ არეგულირებდა.

🛩️ სრული ქაოსი ცაში: 1910 წლამდე ნებისმიერ ადამიანს შეეძლო თვითმფრინავით ან საჰაერო ბურთით გადაეფრინა სხვა ქვეყნის სამხედრო ბაზისთვის, საიდუმლო ობიექტისთვის ან მეფის სასახლისთვის. ეს კანონდარღვევად საერთოდ არ ითვლებოდა!

🛑 „საჰაერო სუვერენიტეტის“ დაბადება: სწორედ ამ დღეს სახელმწიფოები პირველად შეთანხმდნენ, რომ ქვეყნის საზღვრები მიწაზე კი არ მთავრდება, არამედ მაღლა, ცაში გრძელდება.

🛂 პირველი საჰაერო პასპორტები: ამ აქტის შემდეგ გაჩნდა იდეა, რომ თვითმფრინავებს სჭირდებათ „სახელმწიფო მოქალაქეობა“ (რეგისტრაცია) და უცხო ქვეყნის ცაზე გადასაფრენად სპეციალური ნებართვა. დღეს რომ თვითმფრინავით მგზავრობთ და პილოტი სხვა ქვეყნის საჰაერო სივრცეში შესვლისას ნებართვას ითხოვს, ეს სწორედ 19 ივნისს მიღებული პოლიტიკური გადაწყვეტილების დამსახურებაა. 😉

#ისტორია #სამართალი #საინტერესოა

17/06/2026

📅დღეს არის დღე, როდესაც ადამიანების რასებად დაყოფა კანონგარეშედ გამოცხადდა. კანონი, რომელიც გიბრძანებს, ვინ უნდა გიყვარდეს, სად უნდა იცხოვრო, რომელ სკოლაში იარო და რა უფლებები გქონდეს მხოლოდ კანის ფერის გამო — ასეთი იყო სამხრეთ აფრიკის აპარტეიდის რეჟიმი.

✊ 1991 წლის 17 ივნისს ამ სისტემამ უდიდესი სამართლებრივი დარტყმა განიცადა. სამხრეთ აფრიკის პარლამენტმა ოფიციალურად გააუქმა „მოსახლეობის რეგისტრაციის აქტი“ (Population Registration Act).

🤔 ეს კანონი დაბადებისთანავე, თითოეულ ადამიანს სახელმწიფო ოფიციალურად აკუთვნებდა ოთხიდან ერთ-ერთ რასობრივ ჯგუფს (შავკანიანი, თეთრკანიანი, ფერადკანიანი ან აზიელი). ეს „სტიგმა“ განსაზღვრავდა მთელ მათ ცხოვრებას და ართმევდა ელემენტარულ ადამიანურ ღირსებას მოსახლეობის უდიდეს ნაწილს.

⚖️ ამ დისკრიმინაციული აქტის გაუქმებით დაიწყო აპარტეიდის სრული სამართლებრივი დემონტაჟი და სამხრეთ აფრიკაში გზა გაეხსნა ადამიანთა საყოველთაო უფლებებს, თავისუფალ არჩევნებსა და საფუძველი ჩაეყარა დემოკრატიულ კონსტიტუციას.

#დღესისტორიაში #ადამიანისუფლებები #სამართალი

15/06/2026

🏛️ 1920 წლის ივნისის დიდი ნაბიჯი ევროპული მომავლისკენ!

ხშირად გვგონია, რომ თანამედროვე სამართლებრივი სტანდარტები — გენდერული თანასწორობა, ნაფიც მსაჯულთა სასამართლო თუ სოციალური გარანტიები — XXI საუკუნის მონაპოვარია. რეალურად კი, ქართველმა იურისტებმა ამ ყველაფერზე ჯერ კიდევ 106 წლის წინ იფიქრეს.

📑1920 წლის ივნისში დამფუძნებელი კრების საკონსტიტუციო კომისიამ გამოაქვეყნა საქართველოს პირველი კონსტიტუციის ოფიციალური პროექტი, რომელმაც საფუძველი ჩაუყარა ჩვენს სახელმწიფოებრიობას.

⚖️ ეს დოკუმენტი არ იყო უბრალოდ კანონი. ეს იყო იმ იურიდიული გენისა და ფასეულობების დეკლარაცია, რომელსაც დღესაც ეფუძნება ჩვენი ქვეყნის მართლმსაჯულება.

🦾ჩვენი გუნდი ამაყობს, რომ ვაგრძელებთ იმ ტრადიციებს, რომლებსაც საფუძველი ჯერ კიდევ 1920 წლის ივნისში ჩაეყარა!

#სამართლისისტორია #კონსტიტუცია1920
________________________________________

10/06/2026

⚠️ კანონთან შეუსაბამობა = პარალიზებული ბიზნესი.

2026 წლის 1 აპრილს ამოიწურა ბოლო ვადა, როცა შეგეძლოთ კომპანიის სარეგისტრაცი მონაცემების მოყვანა კანონთან შესაბამისობაში. რეალობა კი ასეთია: ასობით კომპანიას სტატუსი უკვე შეჩერებული აქვს. დირექტორებს შეზღუდული აქვთ წარმომადგენლობით უფლებამოსილებები, ბიზნესი ვერ ოპერირებს და პარალელურად, შემოსავლების სამსახურიდან სოლიდური ჯარიმები გერიცხებათ.

სიტუაციას განსაკუთრებით ართულებს შიდა დავები – როდესაც პარტნიორებს შორის 100%-იანი თანხმობა არ არსებობს და ახალი წესდების რეგისტრაცია ჩიხში შედის.

⚠️ გაითვალისწინეთ, რომ ეს პრობლემა თავისით არ მოგვარდება და ეფექტური ზომების მიღების გარეშე, დროის გაჭიანურებით, ყოველდღიურად აზარალებთ კომპანიას და მას ლიკვიდაციის რისკის წინაშე აყენებთ.

⚖️ NLG LAW firm გთავაზობთ იურიდიულ მხარდაჭერას:

- პარტნიორებს შორის დავების მედიაციას და
სამართლებრივ მოწესრიგებას;

- საჯარო რეესტრში რეგისტრაციის პროცესის სრულ
მართვას;

- შეჩერებული სტატუსის აღდგენის და მიმდინარე
ჯარიმების რისკების მინიმიზაცის მიზნით
ადმინისტრაციული დავების წარმართვას.

🤚ნუ დაელოდებით პროცესის კიდევ უფრო გამწვავებას.
📥 უფასო იურიდიული კონსულტაციის მისაღებად
მოგვწერეთ პირადში ახლავე ან დაგვიკავშირდით
ნომერზე: 032 2 306 307

#შეჩერებულირეგისტრაცია

01/06/2026

გილოცავთ ბავშვთა დაცვის დღეს!

28/05/2026