My Legal Group

12/01/2022

https://www.linkedin.com/posts/nino-togonidze-123b481a_legal-corporatelawyer-companyregistration-activity-6886775740193353728-Lwkr

07/07/2020

📍 საქართველოს მოქალაქეობას დაბადებით მოიპოვებს:

✅ პირი, რომლის დაბადების მომენტისათვის მისი ერთ-ერთი მშობელი საქართველოს მოქალაქეა;

✅ საქართველოს ტერიტორიაზე ექსტრაკორპორული განაყოფიერების შედეგად (სუროგაციით) დაბადებული პირი, თუ მისი არცერთი მშობლის მოქალაქეობის ქვეყანა მას საკუთარ მოქალაქედ არ მიიჩნევს;

✅ საქართველოში სტატუსის მქონე მოქალაქეობის არმქონე პირთა შვილი, რომელიც საქართველოს ტერიტორიაზე დაიბადა;

✅ საქართველოს ტერიტორიაზე დაბადებული პირი, რომლის ერთ-ერთი მშობელი საქართველოში სტატუსის მქონე მოქალაქეობის არმქონე პირია, ხოლო მეორე მშობელი უცნობია.

06/07/2020

27/06/2020

🎯 "ბრენდი არის სახელის, სიტყვის, სიმბოლოს და დიზაინის ერთობლიობა, რომელიც ახასიათებს გარკვეულ პროდუქტს და მას სხვა პროდუქტებისგან გამოარჩევს.
❗️ ბრენდი ეს არის სავაჭრო ნიშანს დამატებული ღირებულებები... ინდივიდუალური ღირებულება, რომელიც ახასიათებს პროდუქტს..."

💡წყარო: Civil ენციკლოპედიური ლექსიკონი; ბიზნესი: ადამიანები, მეთოდები, სტრატეგიები – 2008 №4 (13) აპრილი – რედ.: ამირან ბაბუნაშვილი.

20/06/2020

❓რა არის ავტორის პირადი არაქონებრივი უფლებები?
ნაწარმოების ავტორის პირადი არაქონებრივი უფლებებია:
✅ აღიარებულ იქნეს ნაწარმოების ავტორად და მოითხოვოს ასეთი აღიარება ნაწარმოების ყოველ ეგზემპლარზე ან/და ნებისმიერი სახით გამოყენებისას, სათანადო წესით, ავტორის სახელის მითითების მოთხოვნის უფლების ჩათვლით (ავტორობის უფლება);
✅ მიუთითოს ფსევდონიმი სახელის ნაცვლად და მოითხოვოს ასეთი მითითება ნაწარმოების ყოველ ეგზემპლარზე ან/და ნებისმიერი სახით გამოყენებისას, სათანადო წესით, აგრეთვე უარი თქვას სახელის აღნიშვნაზე (სახელის უფლება);
✅ გადაწყვიტოს, როდის, სად და რა ფორმით გახადოს ცნობილი ნაწარმოების შექმნის ფაქტი;
✅ ნება დართოს სხვა პირებს, შეიტანონ ცვლილებები როგორც თვით ნაწარმოებში, ისე მის სახელწოდებაში (სათაურში) და ავტორის სახელში, აგრეთვე წინ აღუდგეს მისი თანხმობის გარეშე ნაწარმოებში ცვლილებების შეტანას (ნაწარმოების ხელშეუხებლობის უფლება);
✅ დაიცვას ნაწარმოები ყოველგვარი დამახინჯებისაგან ან სხვაგვარი ხელყოფისაგან, რომელმაც შეიძლება შელახოს ავტორის პატივი, ღირსება ან საქმიანი რეპუტაცია (რეპუტაციის პატივისცემის უფლება);
✅ ნება დართოს სხვა პირებს, დაურთონ ნაწარმოებს სხვა ავტორთა ნაწარმოებები (ილუსტრაცია, წინასიტყვაობა, ბოლოსიტყვაობა, კომენტარი, განმარტება და სხვა);
✅ მოითხოვოს ნაწარმოების გამოყენების შეწყვეტა (ნაწარმოების გამოხმობის უფლება). ამ შემთხვევაში ავტორი ვალდებულია საჯაროდ განაცხადოს გამოხმობის შესახებ❗️ ნაწარმოების გამოხმობის უფლება არ ვრცელდება სამსახურებრივ ნაწარმოებზე.

18/06/2020

📌"ინტელექტუალური საკუთრება მოიცავს უფლებებს, რომლებიც შეეხება:
✅ლიტერატურის, ხელოვნებისა და სამეცნიერო ნაწარმოებებს;
✅ მსახიობ-შემსრულებელთა გამოსვლებს, ფონოგრამებსა და საეთერო მაუწყებლობის პროგრამებს;
✅ გამოგონებებს ადამიანის საქმიანობის ყველა სფეროში;
✅ მეცნიერულ აღმოჩენებს;
✅ სამრეწველო ნიმუშებს;
✅ სასაქონლო ნიშნებს, მომსახურების ნიშნებს, საფირმო სახელწოდებებსა და კომერციულ აღნიშვნებს;
✅ არაკეთილსინდისიერი კონკურენციის აღკვეთას ❗️ და ყველა სხვა უფლებას, რომლებიც გამომდინარეობს ინტელექტუალური საქმიანობიდან მრეწველობის, მეცნიერების, ლიტერატურის ან ხელოვნების სფეროებში”.
⚖️ „ინტელექტუალური საკუთრების მსოფლიო ორგანიზაციის დამფუძნებელი კონვენცია” სტოკჰოლმი, 1967 წლის 17 ივლისი

16/06/2020

📌მომიჯნავე უფლებები, საავტორო უფლებებისგან წარმოებული განსაკუთრებული უფლებების სახესხვაობა. შემსრულებლების, ფონოგრამის ან ვიდეოგრამის დამამზადებლებისა და მაუწყებლობის ორგანიზაციების უფლებები, რომლებიც ხორციელდება ფონოგრამაზე ან ვიდეოგრამაზე ჩაწერილი, ანდა ეთერში ან კაბელით გადაცემული ნაწარმოების ავტორსა და შემსრულებელთან დადებული ხელშეკრულებით მინიჭებული უფლებამოსილების ფარგლებში. მომიჯნავე უფლების განცხადებისათვის გამოიყენება მომიჯნავე უფლების დაცვის ნიშანი, რომელიც დაისმება ფონოგრამის ყოველ ეგზემპლარზე ან/და მის ფუტლარზე და შედგება სამი ელემენტისაგან:
✅ ლათინური ასო P წრეწირში: P;
✅ განსაკუთრებული მომიჯნავე უფლების მფლობელის სახელი (დასახელება);
✅ ფონოგრამის პირველი გამოცემის წელი.

წყარო: სამოქალაქო განათლების ლექსიკონი.

13/06/2020

📌თვალის ფერადი გარსი, რომელსაც ასევე „ირისს“ უწოდებენ, თვალის გუგის ირგვლივ მდებარე ფერადი კუნთოვანი რკალია. იგი ბიომეტრიულ მონაცემს განეკუთვნება და პირის იდენტიფიცირების უტყუარი საშუალებაა.
თვალის ფერადი გარსის მეშვეობით პირის იდენტიფიცირება დასაშვებია უსაფრთხოების, საკუთრებისა და საიდუმლო ინფორმაციის დაცვის მიზნებისათვის, თუ ამ მიზნების სხვა საშუალებით მიღწევა შეუძლებელია ან გაუმართლებლად დიდ ძალისხმევას საჭიროებს. 🎯🎯