15/06/2026
📌რა არის ალიმენტი და ვის შეიძლება დაეკისროს ალიმენტის გადახდა? 👇
⚖️ალიმენტი არის პირისათვის ოჯახის წევრის რჩენის მიზნით სასამართლოს მიერ დაკისრებული ყოველთვიურად გადასახდელი თანხა.
⚖️ალიმენტის გადახდა შეიძლება დაეკისროთ:
📍მშობლებს საკუთარი არასრულწლოვანი ან სრულწლოვანი შრომისუუნარო შვილის/შვილების სასარგებლოდ;
📍შვილებს იმ შრომისუუნარო მშობლების სასარგებლოდ, რომლებიც დახმარებას საჭიროებენ;
📍და-ძმებს თავიანთი არასრულწლოვანი ან სრულწლოვანი შრომისუუნარო და-ძმის სასარგებლოდ, თუ კი ისინი დახმარებას საჭიროებენ და ვერ იღებენ სარჩოს მშობლებისგან, შვილებისგან, ან მეუღლისგან;
📍შვილიშვილებს, იმ შრომისუუნარო პაპის ან/და ბებიის სასარგებლოდ, რომლებიც დახმარებას საჭიროებენ და ვერ იღებენ სარჩოს თავისი შვილისაგან ან ერთმანეთისგან;
📍პაპა-ბებიას, იმ არასრულწლოვანი ან შრომისუუნარო სრულწლოვანი შვილიშვილის სასარგებლოდ, რომელიც დახმარებას საჭიროებს და ვერ იღებს სარჩოს მშობლებისგან, შვილებისაგან ან მეუღლისაგან;
📍მამინაცვალს და დედინაცვალს, იმ არასრულწლოვანი ან სრულწლოვანი შრომისუუნარო გერის სასარგებლოდ, რომელსაც დახმარება სჭირდება, თუ იგი მათთან იმყოფება აღსაზრდელად ან სარჩენად და არ ჰყავს მშობლები ან არ შეუძლია მათგან მიიღოს თავისი სარჩენი სახსრები;
📍გერს, იმ შრომისუუნარო მამინაცვლის ან/და დედინაცვლის სასარგებლოდ, რომელთაც დახმარება ესაჭიროებათ, თუ ისინი ადრე ზრდიდნენ ან არჩენდნენ გერს 5 წლის განმავლობაში მაინც და თუ ისინი სათანადოდ ასრულებდნენ გერის აღზრდის მოვალეობას;
📍პირს იმ ფაქტობრივი აღმზრდელის სასარგებლოდ, რომელთანაც პირი იმყოფებოდა მუდმივ აღსაზრდელად და სარჩენად, თუ აღმზრდელი შრომისუუნაროა, საჭიროებს დახმარებას, მაგრამ მისი მიღება არ შეუძლია თავისი შვილების ან მეუღლისაგან.
