https://www.facebook.com/100677978879921/

Zurashvili Consulting, Tbilisi (2026)

08/04/2025

📣ძველი სესხი გაქვთ და ბანკი ან პრობლემური აქტივების ბიურო გიკავშირდებათ და გთხოვთ მის გადახდას?! მაშინ ეს უნდა იცოდეთ:👇

🕑სესხის ხანდაზმულობის ვადა არის 3 წელი და ეს ვადა აითვლება იმ მომენტიდან, როდესაც მსესხებელს უნდა შეეტანა შენატანი ან დაეფარა სესხი და მან ეს არ გააკეთა.
🟢ხანდაზმულობის ვადის გასვლის შემდეგ მსესხებელი უფლებამოსილია, უარი თქვას სესხის გადახდაზე. თუმცა, თუ მსესხებელი კრედიტორის წინაშე აღიარებს სესხის არსებობას - მაგალითად, შეიტანს ავანსს, გადაიხდის პროცენტს, მისცემს გარანტიას ან სხვაგვარად აღიარებს სესხის არსებობას, ასეთ შემთხვევაში სესხის ხანდაზმულობის ვადის დენა შეწყდება და მსესხებელი ისევ ვალდებული იქნება, დაფაროს სესხი.
❗️ 3 წლის გასვლის შემდეგ სესხი ავტომატურად ხანდაზმულად არ ითვლება. სესხი ხანდაზმულად უნდა აღიაროს სასამართლომ.

17/10/2021

✅კიდევ ერთი მოგებული საქმე:
წარმატებით დასრულდა კიდევ ერთი საოჯახო დავა.

მრავალი წლის გნმავლობაში მოპასუხე თავს არიდებდა არასრულწლოვანი შვილების რჩენის ვალდებულების შესრულებას, რის გამოც მოსარჩელე იძულებული გახდა, მიემართა სასამართლოსთვის.

⚖️როგორც პირველი ინსტანციის სასამართლომ, ისე სააპელაციო სასამართლომ სრულად დააკმაყოფილა მოსარჩელის მოთხოვნა და მოპასუხეს შვილების მიმართ დააკისრა ალიმენტის გადახდა მათ სრულწლოვანებამდე. ⚖️აგრეთვე სასამართლომ მოპასუხეს დააკისრა ყოველწლიური ხარჯის გადახდა ბავშვების სამედიცინო და განათლების მიზნებისათვის.
👉მოსარჩელის ინტერესებს სასამართლოში იცავდა ადვოკატი თამარ ზურაშვილი.
ბრძოლას ყოველთვის აქვს აზრი!✊

30/08/2021

❗️ადვოკატებს ხშირად მოგვმართავენ კითხვით: - ,,ამ საქმეს მოიგებთ?".
❌ყველა დაინტერესებულმა ადამიანმა უნდა იცოდეს, რომ ადვოკატთა პროფესიული ეთიკის კოდექსი ადვოკატს უკრძალავს კლიენტისათვის გარანტიების მიცემას!
❗️ადვოკატს არ აქვს უფლება კლიენტს მისცეს გარანტია საქმის შედეგებთან დაკავშირებით!

31/07/2021

🔶შრომის ანაზღაურება, ხელფასი - ეს არის შესრულებული სამუშაოს სანაცვლოდ გადასახდელი ანაზღაურება;
🔶ხელფასის ოდენობა და გადახდის წესი განისაზღვრება შრომითი ხელშეკრულებით;
🔶ხელფასი უნდა გაიცეს არანაკლებ თვეში ერთხელ;
🔶დამსაქმებელი ვალდებულია, ხელფასის დაყოვნების ყოველი დღისათვის დასაქმებულს გადაუხადოს დაყოვნებული თანხის 0.07 %;
🔶დასაქმებულს სრულად უნდა მიეცეს ხელფასი დამსაქმებლის ბრალით გამოწვეული იძულებითი მოცდენის დროისათვის;
🔶დასაქმებულის ბრალით გამოწვეული იძულებითი მოცდენა არ ანაზღაურდება;
🔶დამსაქმებელს უფლება აქვს, დასაქმებულის შრომის ანაზღაურებიდან დაქვითოს ზედმეტად გაცემული თანხა ან ნებისმიერი სხვა თანხა, რომელიც, შრომითი ურთიერთობიდან გამომდინარე, მისთვის დასაქმებულს აქვს გადასახდელი;
🔶ხელფასიდან ერთჯერადად დასაქვითი თანხის საერთო ოდენობა არ უნდა აღემატებოდეს შრომის ანაზღაურების 50 %-ს;
🔶შრომითი ურთიერთობის შეწყვეტისას დამსაქმებელმა არაუგვიანეს 7 კალენდარული დღისა სრულად უნდა მოახდინოს დასაქმებულთან საბოლოო ანგარიშსწორება.

10/07/2021

🔻ჩუქების ხელშეკრულება სახეზე გვაქვს, როცა მჩუქებელი უსასყიდლოდ გადასცემს დასაჩუქრებულს ქონებას საკუთრებაში მისი თანხმობით.
🔻არის რიგი გარემოებები, რომლებმაც შესაძლოა, ჩუქების ხელშეკრულების გაუქმება გამოიწვიოს.
კერძოდ:
📍პირს უფლება არა აქვს გააჩუქოს ქონება, თუ ქონების გაჩუქება საარსებო წყაროს უსპობს თავად მჩუქებელს ან მის კმაყოფაზე მყოფ პირებს.
📍თუ ჩუქების შემდეგ მჩუქებელი მძიმე მდგომარეობაში აღმოჩნდა და არ შეუძლია საკუთარი თავის ან მის კმაყოფაზე მყოფი პირების რჩენა, მას უფლება აქვს, დასაჩუქრებულს მოსთხოვოს გაჩუქებული ნივთის უკან დაბრუნება, თუ გაჩუქებული ნივთი რეალურად არსებობს და დაბრუნება დასაჩუქრებულს არ ჩააყენებს მძიმე მდგომარეობაში.
📍თუ ჩუქების ხელშეკრულების ნამდვილობა დამოკიდებულია ამა თუ იმ პირობის შესრულებაზე ან განსაზღვრული მიზნის მიღწევაზე და ეს პირობა არ შესრულდება ან/და ეს მიზანი არ მიიღწევა, მაშინ მჩუქებელს შეუძლია უარი თქვას ჩუქების ხელშეკრულებაზე და მოითხოვოს გაჩუქებული ნივთის/ქონების უკან დაბრუნება.
📍ჩუქება შეიძლება გაუქმდეს, თუ დასაჩუქრებული მძიმე შეურაცხყოფას მიაყენებს ან დიდ უმადურობას გამოიჩენს მჩუქებლის ან მისი ახლო ნათესავის მიმართ.
🔻ჩუქება შეიძლება გაუქმდეს ერთი წლის განმავლობაში მას შემდეგ, რაც მჩუქებელი შეიტყობს იმ გარემოების შესახებ, რომელიც მას ჩუქების გაუქმების უფლებას აძლევს.

10/07/2021

🔷მეუღლეთა მიერ ქორწინების განმავლობაში შეძენილი ქონება წარმოადგენს მათ საერთო ქონებას (თანასაკუთრებას).
🔷ქონებაზე მეუღლეთა თანასაკუთრების უფლება წარმოიშობა მაშინაც, თუ ერთ-ერთი მათგანი ეწეოდა საოჯახო საქმიანობას, უვლიდა შვილებს ან სხვა საპატიო მიზეზის გამო არ ჰქონია დამოუკიდებელი შემოსავალი.
🔷თანასაკუთრებაში არსებულ ქონებაზე მეუღლეებს აქვთ თანაბარი უფლებები. ამ ქონების ფლობა, სარგებლობა და განკარგვა ხორციელდება მეუღლეთა ურთიერთშეთანხმებით.
🔷თითოეული მეუღლის ინდივიდუალური ქონება შეიძლება ჩაითვალოს მეუღლეთა თანასაკუთრებად, თუ დადგინდება, რომ ქორწინების განმავლობაში გაწეული ხარჯების შედეგად ამ ქონების ღირებულება მნიშვნელოვნად გადიდდა (გადაგეგმარება, მშენებლობის დასრულება, გადაკეთება და სხვა).
🔷მეუღლეთა თანასაკუთრებას არ წარმოადგენს მეუღლეთა ინდივიდუალური სარგებლობის ნივთები (გარდა ძვირფასეულობისა) თუნდაც ეს ნივთები ქორწინების განმავლობაში იყოს შეძენილი მეუღლეთა საერთო თანხებით. ასეთი ინდივიდუალური სარგებლობის ნივთები იმ მეუღლის საკუთრებაა, რომელიც სარგებლობის ამ ნივთებით.
🔷პროფესიული საქმიანობისათვის საჭირო ნივთები (მუსიკალური ინსტრუმენტები, საექიმო მოწყობილობა, ბიბლიოთეკა და ა.შ.), თუნდაც ქორწინების პერიოდში იყოს შეძენილი მეუღლეთა საერთო სახსრებით, ეკუთვნის იმ მეუღლეს, რომელსაც ეს ნივთები თავისი საქმიანობისათვის სჭირდება.
🔷ასევე, მეუღლეთა თანასაკუთრებად არ ჩაითვლება: ქონება, რომელიც თითოეულ მათგანს ეკუთვნოდა დაქორწინებამდე ან/და ქონება, რომელიც ქორწინების განმავლობაში მიღებულია მემკვიდრეობით ან ჩუქებით.

26/06/2021

⚖რა უნდა იცოდეთ, თუ ვინმეს თავდებობას აპირებთ?
👩‍🎓ადვოკატი გირჩევთ:👇
🟢თავდებობა ეს არის ვალდებულება, რომელსაც პირი კისრულობს სხვის ნაცვლად. მაგალითად, თუ თქვენ ვინმეს თავდები ხართ ბანკში და ძირითადი მოვალე არ შეასრულებს ნაკისრ ვალდებულებებს, გადააცილებს გადახდის თარიღს ან მისი გადახდისუუნარობა აშკარაა, ბანკი უფლებამოსილია, ვალის გადახდა მთლიანად თავდებს დააკისროს.
🟢იმისათვის, რომ თავდებობის ხელშეკრულება ნამდვილად ჩაითვალოს, თავდებობის ხელშეკრულება აუცილებლად დადებული უნდა იყოს წერილობითი ფორმით.
🟢თავდებობის ხელშკრულებაში განსაზღვრული უნდა იყოს ის ზღვრული თანხა, რომლის ფარგლებშიც თავდები აგებს პასუხს ძირითადი მოვალის ვალდებულებისათვის. 🟢თავდები პასუხს აგებს მხოლოდ თავდებობის ხელშეკრულებაში მითითებული ზღვრული თანხის ოდენობამდე.
🟢თავდებს შეუძლია უარი თქვას კრედიტორის/ბანკის მოთხოვნის დაკმაყოფილებაზე, ვიდრე კრედიტორი/ბანკი არ შეეცდება ძირითადი მოვალის მიმართ იძულებით აღსრულებას.
🟢თავდებს უფლება აქვს, მოითხოვოს გადახდების შესახებ ინფორმაცია, როგორც ძირითადი მოვალისგან, ასევე კრედიტორისგან/ბანკისგან.
⚖თუ თქვენ გაქვთ თავდებობასთან დაკავშირებული პრობლემები, დაგვირეკეთ:👇
📞595 744 533.

20/06/2021

⭕️სამუშაო/დასაქმების ადგილზე დისკრიმინაცია აკრძალულია.
⭕️სამუშაო/დასაქმების ადგილზე დისკრიმინაცია ნიშნავს დასაქმებულისადმი განსხვავებულ, არათანაბარ მოპყრობას, რაც გამოწვეულია დასაქმებულის რასის, კანის ფერის, ენის, ეთნიკური ან სოციალური კუთვნილების, ეროვნების, წარმოშობის, ქონებრივი ან წოდებრივი მდგომარეობის, შრომითი ხელშეკრულების სტატუსის, საცხოვრებელი ადგილის, ასაკის, სქესის, სექსუალური ორიენტაციის, შეზღუდული შესაძლებლობის, ჯანმრთელობის მდგომარეობის, რელიგიური, საზოგადოებრივი, პოლიტიკური ან სხვა გაერთიანებისადმი (მათ შორის, პროფესიული კავშირისადმი) კუთვნილების, ოჯახური მდგომარეობის, პოლიტიკური ან სხვა შეხედულების გამო ან სხვა ნიშნით.
⭕️დისკრიმინაცია აკრძალულია როგორც უშუალოდ შრომით ურთიერთობაში, ისე წინასახელშეკრულებო ურთიერთობაშიც (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე).
⭕️დამსაქმებელი ვალდებულია ქალი და მამაკაცი დასაქმებულების მიერ თანაბარი სამუშაოს შესრულების შემთხვევაში მათ გადაუხადოს თანაბარი ოდენობის ხელფასი.
⭕️დისკრიმინაციის აკრძალვასთან დაკავშირებული დავის შემთხვევაში მტკიცების ტვირთი დამსაქმებელს ეკისრება, რაც ნიშნავს იმას, რომ დამსაქმებელმა უნდა დაამტკიცოს, რომ ადგილი არ ჰქონია დასაქმებულის/სამუშაოს მაძიებლის მიმართ დისკრიმინაციულ მოპყრობას.
⭕️აკრძალულია დასაქმებულის გათავისუფლება ან/და მის მიმართ ნებისმიერი სახის უარყოფითი მოპყრობა და მასზე ზემოქმედება იმის გამო, რომ დასაქმებულმა დისკრიმინაციისგან დასაცავად განცხადებით ან საჩივრით მიმართა შესაბამის ორგანოს ან ითანამშრომლა მასთან.
⚖ თუ თვლით, რომ სამუშაო ადგილზე თქვენს მიმართ ადგილი აქვს დისკრიმინაციულ მოპყრობას, დაგვირეკეთ:
📞 595 744 533.

19/06/2021

⚖ პირგასამტეხლო (ჯარიმა, საურავი) - ეს არის მხარეთა შეთანხმებით განსაზღვრული ფულადი თანხა, რომელიც მოვალემ უნდა გადაიხადოს იმ შემთხვევაში, თუ ის არ შეასრულებს ან არაჯეროვნად შეასრულებს ნაკისრ ვალდებულებას;
⚖ პირგასამტეხლოს ოდენობას განსაზღვრავენ თავად მხარეები;
⚖ შეთანხმება პირგასამტეხლოს შესახებ აუცილებლად უნდა მოხდეს წერილობითი ფორმით, წინააღმდეგ შემთხვევაში, იგი ბათილად მიიჩნევა;
⚖ სასამართლოს შეუძლია საქმის გარემოებათა გათვალისწინებით შეამციროს შეუსაბამოდ მაღალი პირგასამტეხლო.

17/06/2021

⚖ იურიდიული მომსახურება თქვენი ბიზნესისთვის.
📞 595 744 533

09/06/2021

⚖ სანდო და კვალიფიციური იურიდიული მომსახურება.
📞 595 744 533.

09/06/2021

🔷ალიმენტის გადამხდელსა და ალიმენტის მიმღებს თავად შეუძლიათ შეთანხმდნენ ალიმენტის ოდენობაზე;

🔷თუ ალიმენტის გადამხდელი და ალიმენტის მიმღები ვერ შეთანხმდებიან ალიმენტის ოდენობაზე, ალიმენტის ოდენობას განსაზღვრავს სასამართლო ყოველთვიურად გადასახდელი თანხის სახით, ალიმენტის გადამხდელისა და ალიმენტის მიმღების მატერიალური და ოჯახური მდგომარეობის გათვალისწინებით;

🔷თუ შეიცვალა ალიმენტის გადამხდელის ან ალიმენტის მიმღების მატერიალური ან ოჯახური მდგომარეობა სასამართლოს უფლება აქვს, ერთ-ერთი მათგანის სარჩელის საფუძველზე შეცვალოს დადგენილი ალიმენტის ოდენობა.

დამატებითი კონსულტაციისთვის დაგვირეკეთ:
📞595 744 533.

Zurashvili Consulting

08/04/2025

17/10/2021

30/08/2021

31/07/2021

10/07/2021

10/07/2021

26/06/2021

20/06/2021

19/06/2021

17/06/2021

09/06/2021

09/06/2021

Address

Telephone

Website

Alerts

Contact The Business

Shortcuts

Share

Category