21/11/2025
⚖️🏛️ კეთილსინდისიერი შემძენის ინსტიტუტის მიზანია დაიცვას სამოქალაქო ბრუნვის სტაბილურობა და ნდობის პრინციპი, რათა ადამიანებს შეეძლოთ გარიგებების დადება საჯარო მონაცემებსა და გარიგების მეორე მხარის სტატუსზე დაყრდნობით.
✅ კეთილსინდისიერი შემძენი დაცულია და ხდება ნივთის მესაკუთრე,მიუხედავად იმისა, რომ გამსხვისებელი არ იყო მესაკუთრე, თუ არსებობს შემდეგი პირობები:
1. კეთილსინდისიერება - შემძენმა არ იცოდა და არც უნდა სცოდნოდა, რომ გამსხვისებელი არ იყო მესაკუთრე (შემძენი უფლებამოსილია დაეყრდნოს საჯარო რეესტრის მონაცემებს (რეესტრის უტყუარობის პრეზუმფცია);
2. დროის ფაქტორი - კეთილსინდისიერების ფაქტი უნდა არსებობდეს ნივთის გადაცემამდე (მოძრავი ნივთი) ან საკუთრების რეგისტრაციამდე (უძრავი ქონება). მნიშვნელოვანია შემძენის სუბიექტური დამოკიდებულება და გონივრული წინდახედულობის ფარგლები;
3. სამართლებრივი საფუძველი - გარიგება უნდა იყოს ნამდვილი (ბათილობის სხვა საფუძვლები არ უნდა არსებობდეს).
შემძენი არ ჩაითვლება კეთილსინდისიერად (შესაბამისად, ვერ გახდება მესაკუთრე), თუ:
- მას ჰქონდა ინფორმაცია იმის შესახებ, რომ გამსხვისებელი არ იყო უფლებამოსილი;
- არსებობდა ისეთი აშკარა გარემოებები (მაგ., მკვეთრად დაბალი ფასი, საეჭვო გარიგება), რომელთა გამოც შემძენს გონივრული წინდახედულობის ფარგლებში უნდა აღძვროდა ეჭვი და გადაემოწმებინა ფაქტები.
⚠️ შეზღუდვები:
კანონი არ იცავს კეთილსინდისიერ შემძენს, თუ:
1. ნივთი გავიდა მესაკუთრის ნების წინააღმდეგ (მესაკუთრემ ნივთი დაკარგა, მოჰპარეს ან მესაკუთრის ნების წინააღმდეგ სხვაგვარად გავიდა მისი მფლობელობიდან);
2. შემძენმა ნივთი უსასყიდლოდ მიიღო (ჩუქება, მემკვიდრეობა).
🚫 გამონაკლისი:
ეს შეზღუდვები არ მოქმედებს შემდეგ ნივთებზე:
- ფული;
- ფასიანი ქაღალდები;
- აუქციონზე გასხვისებული ნივთები.
📌კეთილსინდისიერი შემძენის ინსტიტუტი ქმნის ბალანსს: ერთი მხრივ, იცავს იმ ნამდვილი მესაკუთრის ინტერესებს, რომელმაც ნივთი ნების საწინააღმდეგოდ დაკარგა, ხოლო მეორე მხრივ, უზრუნველყოფს სამოქალაქო ბრუნვაში მონაწილე პირების ნდობას, თუ ისინი გარიგებას აფორმებენ საჯარო და გონივრულად ხელმისაწვდომ მონაცემებზე დაყრდნობით.
#კეთილსინდისიერიშემძენი #უძრავიქონება #საკუთრებისუფლება #უზენაესისასამართლო #ადვოკატილაურადავითაძე
