09/09/2022
💵💶 ვადიანი და უვადო სესხის ხელშეკრულება ⬇️
სესხის ხელშეკრულება შეიძლება იყოს, ვადიანი ან უვადო.⏳⏰
ვადიანი სესხის ხელშეკრულების დროს მხარეები განსაზღვრავენ სესხის დაბრუნების ვადას. ასეთ შემთხვევაში მსესხებელი ვალდებულია დააბრუნოს სესხი, განსაზღვრული ვადის შესაბამისად.✔️
ზოგადი წესის მიხედვით, როცა სესხის ვადა განსაზღვრულია, გამსესხებელს არ შეუძლია დადგენილ ვადაზე ადრე მოითხოვოს სესხის დაბრუნება. ✖️
⚠️ ამ ზოგადი წესიდან არსებობს გამონაკლისი, რომლის მიხედვითაც გამსესხებელს უფლება აქვს დაუყოვნებლივ მოითხოვოს ვალის დაბრუნება, როცა:
ა) მსესხებლის ქონებრივი მდგომარეობა არსებითად უარესდება, რითაც საფრთხე ექმნება სესხის დაბრუნების მოთხოვნას ან ქონებრივი მდგომარეობის გაუარესება წინ უსწრებდა სესხის ხელშეკრულების დადებას, მაგრამ გამსესხებლისთვის აღნიშნული არ იყო ცნობილი სესხის გაცემის დროს. ❗️
შეუძლია თუ არა მსესხებელს ვადაზე ადრე დააბრუნოს სესხი?
ამ საკითხთან დაკავშირებით უნდა გამოვყოთ ორი შემთხვევა- ერთი, როდესაც სესხი პროცენტიანია და მეორე, როდესაც სესხი არ არის პროცენტიანი.
⚠️ როცა სესხი უპროცენტოა, მსესხებელს ნებისმიერ დროს შეუძლია დააბრუნოს სესხი, ხოლო როცა სესხი პროცენტიანია, მისი ვადამდე დაბრუნება დასაშვებია მხოლოდ მხარეთა წინასწარი შეთანხმებით ან გამსესხებლის თანხმობით.
ვადიანი სესხის შემთხვევაში, სესხიც და პროცენტიც გადახდილ უნდა იქნეს ვადის დადგომისას, თუ ხელშეკრულებით სხვა რამ არ არის განსაზღვრული.
➡️ უვადო სესხის ხელშეკრულების შემთხვევაში გამსესხებელი უფლებამოსილია ნებისმიერ დროს მოითხოვოს სესხის დაბრუნება, ხოლო მსესხებელი უფლებამოსილია ნებისმიერ დროს დააბრუნოს სესხი. ✅
ასეთ შემთხვევაში გამსესხებლის მიერ სესხის დაბრუნების მოთხოვნისას, მსესხებელი ვალდებულია დააბრუნოს სესხი მოთხოვნიდან 3 თვის განმავლობაში.💶✅
