Waajjira Abbaa Alangaa Aanaa Booree

08/02/2026

01/06/2018 Hubannoon seera kenname!
Aanaa Booree Ganda Ingiroo Dayyaasoo¿👩‍👦👩‍👧‍👧

23/01/2026

Hubannoo seera fi Ofi Eeggannoo barbaadu Daldaltoota fi Uummata Aanaa Booree Hundaaf

Karaxitii Pilaastikii(plastic bag) Kamiiyyuu Oomishuun, Gurguruu fi Fayyadamuun Amajjii 23 Bara 2018 Irraa Eegalee Seeraan Dhoorkame.

Amajjii 13/2018- Waajjira Abbaa Alangaa Aanaa Booree Itiyoophiyaa keessatti karaxitii pilaastikiitti fayyadamuun, oomishuu ykn biyya alaatii galchuun adabbii maallaqaa fi hidhaa akka adabsiisu Abbaan Tayitaa Eegumsa Naannoo oromiyaa xalayaa gaafa guyyaa Amajjii Gaafa Guyyaa 05/05/2018 Godinaalee 21 fi magaloota 23f barreesseen beeksise jira. kana beekuun daldaltootni aanaa booree jala jirtanuufi uumatni aanaa booree baldhaan Ammajjii 23/2018 irraa eegalee Feestaala ykn pilastika kamiiyyuu kuusuu, geejjibsiisuu fi qabatanii argamuun yakka tarkaaffii qabatamaa akka fudhatus dabalataan cimsee beeksisee jira. kanuma Bu'uura godhachuun waajjirri abbaa alangaa Aanaa booree Dursee uummataaf Hubannoo seera kennuun Dursee yakka kanaaf akka ofi hin saaxille cimsinee isin Beeksisna.

👎

Labsii Oomish*tootaa, Fayyadamtootaa fi Dhiyeessitoota Korojoo /Qabee Peestaalii/ to'achuuf bahe lakk. 1383/2017 keewwata 25 jalatti adabbiin isaas akka armaan gadiitti ibsamee jira.
➡️ Namni kamiiyyuu Korojoo Pilaastikii /Plastic Bag/ ykn Feestaalii fayyadame, ykn fayyadamuuf harkatti qabatee argame adabbii Maallaqaa qarshii 2000- 5000 ta'ee ni Adabama.
➡️ Namni kamiyyuu Korojoo Pilaastikii /Plastic Bag/ ykn Feestaalii Oomishee, alarraa biyya keessaa fi alaa galchee, gurguruufi kuusee argame, ykn gurgurtaaf dhiyeesse qarshii 50,000 hanga 100,000 fi Adabbii hidhaa cimaa hanga waggaa 5 ta'uun ni Adabama.
➡️ Dhaabbilleef gaafa ta'u adabbiin maallaqaa olitti ibsame dachaa sadi baayyifamee kan adabaman ta'a.

Labsichi Mana Maree Bakka Bu'oota Ummataatiin raggaasifamee hojiirra ooluu isaatiin namni dhuunfaa fi jaarmiyaa kamiyyuu dambii haaraa kana akka kabajamu Waajjira Abbaa Alangaa Aanaa Booree ergaa isaa cimsuun dabarsee jira.

Namni seera haa beekuu
seerris nama haa beekuu
yeroosan daangaa waliif eeguu

Waajjira abbaa alangaa Aanaa Booree

05/01/2026

Daballiin gatii meeshaalee ayyaana sababeeffachuun taasifamu seeraan nama gaafachiisu ta'u Waajjirri Abbaa Alangaa Aanaa Booree ibsee jira!

Mudde 27/04/2018- Sababa Ayyaanaafis ta’ee sababa kamiinuu Gatii meeshaalee dabaluun Adabbii yakkaan nama Gaafachiisa jedhame.

kanaanis daballii Gatii sababa ayyaana fuuldura kan jiruun taasifamun wal qabatee dhimmoota daldala seeraan alaa, gatii seeraan alaa dabaluun, meeshaalee daldalaa bu'uuraa dhoksuun, kuusuun, daangeessuun, marii dabaa gaggesssuun gatii seeraan alaa dabaluun dhoorkaa ta'uu fi gochoota armaan olitti ibsaman kana fi kkf karaa baldhaan kennameera.

Gochoota asiin olitti tuqame kana raawwachuun adabbii bulchiinsaa fi yakkaan kan nama gaafachiisu tahuu fi kanaan duras namoota gatii dabalani seeratti dhiyeessa turuun keenna ni yaadatama Hawaasni keennas kanuma bu'uura godhachuun gochoota akka kanaa hordofuu eeruu kennuu fi daldala seeraan alaa saaxiluu fi qaamolee haqaa fi koree tasgabbii gabaatiif eeruu kennuu akka qaban itti Gaafatamaan waajjira abbaa Alangaa Aanaa Booree obbo Damisee Qilxaa Kolombaa himan jiru.

Gibiraa, taaksii fi ashuura kaffaluun dirqama lammii biyyaa tahuu fi kana gochuu dhabuun immoo adabbii inni hordofsiisu, Labsii Oomishaalee Qonnaa Naannoo Oromiyaa Lakk.234/2013 fi Labsii Lakk.813/2006 irratti fi daldalaan daangaa seeraan taa'e keessatti daldaluu akka qabu fi gatii gara malee dababuunis itti gaatamummaa seeraa akka hordofsiisu cinsuun Obbo Damiseen ergaa isaan cimsan dabarsani jiru.

Kolbaa Aanaa Booreef naannoo ishee hundaaf Ayyaana gaarii isiin hawwa!!
Waajjira Abbaa Alangaa Aanaa Booree irraa!

26/12/2025

murtii Barsiisaadha!

👉Adabbii Barsiisaa Waajjira Abbaa Alangaa Godina Gujii irraa
Himatamtoonni Seera Yakkaa Bara 1996 Bahe keewwaata 32(1) fi 539 (1) (A) irra darbuun Yakka Ajjeechaa Namaa Cimaa waliin ta’anii raawwatan Adabbii Hidhaa Cimaan adabaman
👉Himatamtoonni maqaan isaanii Lammaa Sallii Duubee fi Nageessaa Sallii Duubee jedhaman Abbaa isaanii Ajjeesuuf itti yaadanii gaafa guyyaa 30/10/2017tti Halkan keessaa tilmaamaan sa’aatti 4:00 yoo ta’u, Godina Gujii Aanaa Booree Ganda Haroo Milkii iddoo addaa Sokoree jedhamutti, du’aa Abbaa isaanii Sallii Duubee jedhamu haadha keenya ajjeesee jira jechuun haaloo itti qabatanii dhugaatii obaasanii macheessun harka Bitaaf Mirgaa isaa qabanii deemuun Morma du’aa qabanii hudhanii battalumatti waan ajjeesaniif yakka ajjeechaa lubbuu namaa Cimaa waliin ta’anii raawwataniiru kan jedhu yoo ta’u,
👉Kanaan booda, himannaan gama WAA Godina Gujiitiin Mana Murtii Ol’aanaa Godina Gujiitti dhiyaatee, Manni Murtiis Bitaa fi Mirga erga Wal-falmisiiseen booda himatamtoonni tumaa Seera Yakkaa himannaan irratti dhiyaate jalatti Balleessaa qabu jechuun Murtii Balleessummaa erga kennee booda, Dhaddacha gaafa Guyyaa 15/04/2018tti ooleen himatamaa 1ffaa sababa Umurii isaatiin Adabbii Hidhaa Cimaa Waggaa 10 fi Himatamaa 2ffaa Adabbii hidhaa Cimaa Waggaa 18tiin Adabee jira.

👉Yakka Raawwachuun Nama Adabsiisa !!!
👉Jiruuf Jireenya Hawaassummaa irraas adda nama baasa !!!
👉Waliin taanee Yakka haa ittifnu !!!
👉Kom. WAA Godina Gujiitu Gabaase

12/12/2025

Muddee 02/04/2018

Himatantooleen laakkofsaan 16 ta'an yakka labsii shammattotaatii fi dorgommii daldaltootaa labsi lakk 813/2006 keewwata 15/1/ fi 43/6 bira darbuun yakka gatii mana Puulii taphachiisanitti bakka fayyadamtootaaf ifa ta'u maxxansuu dhabuutiin himatamaan adabbiin maallaaqaa qarshii kuma shanii 5000/ tokko tokkoo isaaniitti yo murtaa'u adabbi hidhaa salphaa ji'a tokko (1) daangaa woggaa lamaatiin qaarshii kuma tokko qabsiisuun yo adabaman wolumaa galatti qarshiin 80,000/kuma saddeetama waajjira galii Aanaa Booreetiif ta'eera.
itti fufa.............
Waajjira Abbaa Alangaa Aanaa Booree

03/12/2025

Ulaagaa Seeraan Taa'e Osoo Hin Guutin Bajaajii fi Konkolaattota Biroo Konkolaachisuun Seeraan Kan Nama Adabsiisu Ta'uu Waajjiri Abbaa Alangaa Aanaa Booree Beeksise
===================

Sadaasa 24/2018
Godina Gujii Bahaa Aanaa Booreetti Waajjiri Abbaa Alangaa Aanichaa oolmaa Guyyaa hadhaatti taasiseen konkolaachistoota bajaajii fi konkolaattota biroo waraqaa Haayyama gahumsaa osoo hin qabaatin konkolaachisan irratti himannaa banee jira.

Waajjiri Abbaa Alangaa Aanichaa Waajjira Poolisii Aanaa Booree fi Ejensii Geejjibaa Aanichaa waliin ta'uun konkolaachistoota bajaajii fi konkolaattota biroo 10 ulaagaa seeraan taa'e osoo hin guutin konkolaachisan irratti himannaa banuun murtiin yeroo battalaa ykn RTD akka kennamu taasiseera.

Himatamtoonni himannaa Waajjira Abbaa Alangaan Mana Murtii Aanaa Booreetiif dhiyaate guutumaa guututti hambifannaa Tokko malee amananii jiru.

Mani Murtii Aanaa Boorees bu'uuruma jecha amantaa isaanitiin adabbii himatamtootaaf fakkaattota isaanii barsiisa jedhe Tokkoon Tokkoo isaanii adabbii Qarshii 3,000 (Kuma sadi) adabeera.

Haaluma kanaan Qarshiin adabbicha irraa argame 30,000(Kuma Soddomaa) Mootummaaf galii ta'ee jira.

Itti Gaafatamaan Waajjira Abbaa Alangaa Aanaa Booree Kabajamoo Obbo Damisee Qilxaa Kolombaa akka jedhanitti, seera wallaaluun adabbii jalaa nama hin baasu waan ta'eef konkolaachiftoonni ulaagaa seeraan taa'e osoo hin guuttanne konkolaachisan adabbii kanarraa barachuudhaan ulaagaa oogummichi barbaadu guutachuun konkolaachisuu qabu jedhaniiru.

Itti aansuun konkolaachistoota ulaagaa osoo hin guutin konkolaachisan irratti tarkaanfiin seeraa barsiisaan kan fudhatamu ta'uu ibsanii jiru.
itti fufa......

02/12/2025

RTD 13 GUYYAA TOKKOTTI 23/03/2018 WAAJJIRA ABBAA ALANGAA AANAA BOOREE

Himatantooleen laakkofsaan 13 ta'an yakka labsii shammattotaatii fi dorgommii daldaltootaa labsi lakk 813/2006 keewwata 15/1/ fi 43/6/ labsii 980/2016 bira darbuun yakka gatii meeshaalee daldalaa bakka fayyadamtootaaf ifa ta'u maxxansuu dhabuutiin fi scope woraqaa eeyyamaa daldalaatiin ala bahuun himatamaan adabbiin maallaaqaa qarshii kuma shanii 5000/ tokko tokkoo isaaniitti yo murtaa'u adabbi hidhaa salphaa ji'a 6 daangaa woggaa lamaatiin qaarshii kuma tokko qabsiisuun yo adabaman wolumaa galatti qarshiin 5000/kuma shanii waajjira galii Aanaa Booreetiif ta'eera.
itti fufa.............
Waajjira Abbaa Alangaa Aanaa Booree

02/05/2025

Waajirri Abbaa Alangaa Godina Gujii raawwii hojii ji'a 9 gamaaggamuu jalqabee jira. Waltajjichi guyyaa lamaaf kan turu ta'uu fi bu'aawwan raawwii kana keessatti galma'an sirnaan xiinxaluun ciminaa fi hanqina addaan baasuun kallattiin kan kaa'amu ta'u IG Waajira Abbaa Alangaa Godina Gujii Ob.Addisuu Geetaachoo haasaa baniinsaatiin ibsanii jiru. Itti aansee gabaasni Waajiraalee Abbaa Alangaa Aanaalee Godinichaa dhiyaachaa jira.

25/04/2025

1. Eenyutu Bilisaan Tajaajila Seeraa Kenna❓
2. Eenyuuf Bilisaan Tajaajilli Seeraa Kennama❓
✍️ Tajaajilli Seeraa Bilisaa mirga Haqa argachuu (the right to access to justice) Heera Mootummaan gonfatame kan mirkaneessudha.
✍️ Tajaajila kana kennuu keessatti qaamolee adda addaa kan hirmaatan yoo ta'es asii gaditti hirmaannaa fi gahee Biiroo Abbaa Alangaa Waliigalaa fi Caasaalee isaa sadarkaan jiranii kan ilaallu ta'a
✍️ Gahee fi hojii Biirichaaf labsii Lakk. 214/2011 jalatti kennaman keessaa tokko Tajaajila Deeggarsa Seeraa Tolaan kennuudha.
✍️ Labsicha kewt. 7(40) - Biirichii fi caasaan isaa sadarkaan jiru Namoota Himannaa hariiroo hawaasaa banuuf humna dhaban keessumaayyuu dubartoota, daa'imman, qaama miidhamtootaa fi maanguddoota bakka bu'ee falmuu fi akka falmamu taasisuu
✍️ Labsicha kewt. 7(41) - Namoota gocha yakkaatiin miidhaan irra gahee fi himata dhiyeeffachuu fi falmuuf humna hin qabne bakka bu'ee himannaa hariiroo hawaasaa ni dhiyeessa, ni falma, walta'insa ni taasisa.
Walumaagalatti Tajaajilli deeggarsa seeraa bilisaa kun Abbaa Alangaatiin namoota humna hin qabnee fi deeggarsa addaa barbaadaniif kan kennamudha jechuudha.

👉 Namoota deeggarsa addaa barbaadan jechuun maal jechuu akkas ta'es hiikoon Dambii lakk. 243/2016 kewt. 2(11) jalatti kennameefii kan jiru yoo ta'u innis namoota haala kamiiniyyuu Dantaa Hariiroo Hawaasaa isaanii kabachiifachuu hin dandeenye kanneen akka
A. Namoota gocha yakkaatiin miidhaan irra gahe
B. Sababa umurii isaatiin Dantaa Hariiroo Hawaasaa kabachiifachuuf humna hin qabne
C. Sababa qaama miidhamummaa isaatiin Dantaa Hariiroo Hawaasaa kabachiifachuu hin dandeenye
D. Sababa dubartummaan qabeenya qabdutti fayyadamuun Dantaa Hariiroo Hawaasaa kabachiifachuu hin dandeenyee fi
E. Harka qalleessa jechuudha
👉 Dabalataanis Sirni Tajaajilli kun itti kennamu fi ulaagaan namoonni Tajaajilli kun kennamuuf guutuu qaban Dambii labsicha raawwachasiif bahe Lakk. 243/2016 fi Maanuwaalii Tajaajila Dhimmoota Hariiroo Hawaasaa keessatti ibsameera.
Ulaagaa Tajaajilicha argachuuf guutamuu qabu itti fufuun kan barreessinu ta'a....