19/11/2024
Gaggeessaa Obbo Eeliyaas Kaasaa (well go)
Wal-gaggeessuun Aadaa Keenya
Akkuma beekamu Obbo Eeliyaas bara 2005 irraa eegalee hanga ammaatti ogummaa A/Seerummaa fi leenjisummaa ILQSO’tiin haala addaatiin nu tajaajilaa tureera. Yeroo ammaa immoo ogummaa kana dhiisanii gara hojii abukaatummaatti imalanii jiru. Nuti hawaasni ILQSO jirru obbo Eeliyaas geggeessuuf socho’aa akka jirru ogeeyyiin hedduu dhagahanii Ogeessa akka agartuu ija keenyaatti nu fayyadaa ture kana mana hojii keenya keessaa dhabuun kan nu naasise ta’us, iddoo adeemetti akka milkaa’u jaalalaaf kabajaan eebbisnee geggeessuun dirqama waan ta’eef abadan isin qofti geggeessuu hin qabdan gumaacha nuu godheef carraa kanaan yaa galateeffannu waan jedhaniif koree geggeessituu hundeessinee yaada kana isin biraan gahuun dirqama nutti ta’eera.
Obbo Eeliyaas wantootni inni nuuf gumaache keessaa muraasni:-
Gama ogummaa isaaniitiin yeroo mana murtii turanittis ta’e turtii ILQSO keessatti beekumsa, muuxannoo fi dandeettii qaban hunda daguuganii dhaloota qaruu, rakkoo sirna haqaa furuu, haqa ummataatiif dursa laachuudhaan beekumsaa fi dandeettii qabaniin haqummaan ummata tajaajilaa turaniiru.
Toora telegiraamiitiin seerotaa fi barruulee ogeeyyii seeraatiif barbaachisu kamiyyuu dhiyeessuudhaan abbootii seeraa, abbootii alangaa, abukaatotaa fi ogeeyyii seeraa hundumaaf gumaachaa turaniiru.
Toora miidiyaatiinis ta’ee qaamaan lubbuu ogeessota seeraa fi kanneen biroo rakkoo fayyaatiif saaxilaman baraaruu keessatti odeeffannoo dafanii ummata biraan gahuudhaan deeggarsi akka godhamu adda dureen qindeessaa turaniiru.
Haata’u malee, obbo Eeliyaas kana hunda yeroo gumaachan nama waan qabu hiixachuu malee jireenya ofiitiif hin dhiphanne akka ta’e hunduu ragaa baha.
Kanaaf, nutis irraa fayyadamuu qofa otoo hin taane yoo xiqqaate gaggeessaa isa madaalu gochuudhaan, namni kun iddoo adeemetti milkaa’ee waan qabate kanas daran cimsee, akka guutuu biyyaatti babal’isee akka itti fufuuf hamileef jaalala keenya agarsiisuuf murteessi
