ኮልፌ ቀራኒዮ ወጣቶችና ስፖርት ፅ/ቤት kolfe keranio youth and sport office

02/03/2026

ዜና ሹመት :-
የአዲስ አበባ ከተማ አስተዳደር አቶ አሰግደዉ ኃይለ ጊዮርጊስን ከየካቲት 20 /2018 ዓ.ም. ጀምሮ የከተማ አስተዳደሩ ወጣቶችና ስፖርት ቢሮ ኃላፊ አድርጎ ሾሟል።

ለተሾሙት አመራር መልካም የሥራ ዘመን እንዲሆንላቸው እንመኛለን።

17/02/2026

"የአድዋ አደራ፣ አንድነት ለሉዓላዊነትና ማንሰራራት" በሚል መሪ ቃል 130ኛው የአድዋ ድል መታሰቢያ በዓልን አስመልክቶ በክፍለ ከተማው ከወጣቶች ጋር ውይይት ተካሄደ።

ኮልፌ ኮሙኒኬሽን የካቲት 10/2018ዓ.ም

በክፍለ ከተማው አስተዳደር "የአድዋ አደራ፣ አንድነት ለሉዓላዊነትና ማንሰራራት" በሚል መሪ ቃል የ130ኛውን የአድዋ ድል በዓልን ምክንያት በማድረግ ከወጣቶች ጋር የውይይት መድረክ ተካሂዷል።

በውይይት መድረኩ አቶ ሳሙኤል አበበ የክፍለ ከተማው ወጣቶችና ስፖርት ፅህት ቤት ኃላፊ በዓሉን የሚዘክር ሰነድ ባቀረቡበት ወቅት እንደተናገሩት የአድዋ ድል የኢትዮጵያውያን የነፃነትና የብሔራዊ ክብር መገለጫ መሆኑን ገልፀው ድሉ ለዛሬው ሀገራዊ ግንባታና ለነገው ብሔራዊ ከፍታ እንደ መነሻ ያገለግላል ሲሉ ተናግረዋል፡፡

ኃላፊው ጨምረውም የአድዋ ድል በዓል ታሪክ የሚዘከርበት ብቻ ሳይሆን ወጣቶች ከአባቶቻቸው የወረሱትን ጀግንነት የሀገራችንን ብልፅግና እውን በማድረግ ታሪክን ማስቀጠልና ታሪክን መስራት ይጠበቅብናል ሲሉ አስታውቀዋል፡፡

በመድረኩ ከሁሉም ወረዳ የተውጣጡ የወጣት አደረጃጀት አባላት የተሳተፉ ሲሆን አቶ ሳሙኤል አበበ የክፍለ ከተማው ወጣቶችና ስፖርት ፅህት ቤት ኃላፊ ፣ የብልፅግና ፓርቲ የክፍለ ከተማው ቅርንጫፍ ፅህፈት ቤት ወጣቶች ክንፍ ሰብሳቢ ወጣት ሀይማኖት ዝናቡ፣የአዲስ አበባ ወጣቶች ማህበር የክፍለ ከተማው ወጣቶች ማህበር ሰብሳቢ ወጣት ሲሳይ ሙሊሳ መድረኩን መርተውታል፡፡

ፈጣን መረጃዎችን ለማግኘት ሌሎች ማህበራዊ ሚዲያ አማራጮችን ይጠቀሙ፦
https://linkmix.co/48811202

22/01/2026