17/03/2020
Consellos d@s Administrador@s de Fincas colexiad@s: QUEDA NA CASA
• Tamén no teu edificio hai que manter a distancia de seguridade (mínimo un metro).
• Usa o ascensor o imprescindible, a escaleira axudarache a estar en forma. Se se usa o ascensor non máis dun usuario por proximidade. E pulsar o botón de destino co dedo protexido.
• Está prohibido o uso das zonas comúns tales como xardíns, parques infantís, bancos, aparatos deportivos, zonas de recreo, piscinas, solariums, así como os recintos ou espazos pechados destinados a reunións nas Comunidades.
• Ao realizar as tarefas de limpeza e mantemento todo o persoal ao servizo do edificio empregados, limpadores, vixiantes, persoal de mantemento, debe observar as medidas de protección necesarias (lavado de mans frecuente, uso de luvas, máscaras...) en especial nas zonas máis sensibles ( pomos das portas, botoeiras dos ascensores, porteiros automáticos, pasamáns etc.).
• Todas as reunións de comunidades de propietarios deben aprazarse.
• Se se pide comida a domicilio, ao manipular billetes e moedas lavar as mans antes do pago e posteriormente de maneira inmediata.
• O mellor antiséptico é a auga con xabón, recomendable en áreas domésticas.
• Se se toca ou acariña unha mascota dun veciño, lavar inmediatamente as mans, aínda que non estea definido que se transmita desde os animais.
• Tranquilos cos asuntos pendentes: todos os trámites administrativos e procesuais están paralizados.
• Usa os servizos do teu Administrador de Fincas só cando sexa estritamente necesario.
