15/06/2026
راجل اتجوز من ست وللاسف لم يرزقهم الله باولاد
الست اقنعته انه لو مات في اي وقت اهلها هيبهدلوها ويطردوها من الشقة اللي عايشين فيها والمملوكة للزوج وهتترمي في الشارع
واقترحت عليه يعملها توكيل بالبيع للنفس والغير علي الشقة لمجرد الأمان فلو حصله حاجه هي تطلع التوكيل وتعمل عقد بيع لنفسها بتاريخ قديم وكده مفيش حد من اهله هيبهدلها ويطردها من الشقة
الراجل صدقها وعملها التوكيل وبعد فترة اتفاجيء انها رفعت عليه قضية خلع واتحكم لصالحها 😒
وبعدها استغلت التوكيل اللي معاها وباعت الشقة صوريا لشخص تاني 📃
والشخص ده رفع عليها دعوي تسليم - عشان يستلم الشقة منها بحكم محكمة وبعدها يردها للست تاني 😈
والزوج يفضل يلف حوالين نفسه وميعرفش يرجع شقته
الزوج اول ما عرف راح الشهر العقاري وحاول يلغي التوكيل لكن الشهر العقاري رفض 🚫
بحجة ان التوكيل فيه مصلحة للوكيل
الزوج قرر يلجأ للقضاء ورفع دعوي بطلان التوكيل لكن محكمة أول درجة رفضت
⬅️ هنا الزوج المخدوع قرر يلجأ لنا في الاستئناف 💪 وعلي مدار ٦ سنين قدرنا نثبت للمحكمة ان التوكيل كان خدعه من الزوجة وضمان لاستمرار الحياة الزوجية وانها لم تشتري الشقة ولم تدفع ثمنها
عشان أخيرا وبفضل الله يغلق الستار علي حكم ولا اروع لصالح الزوج بفسخ التوكيل 🏛️
