مؤسسة المنوفي للمحاماة للمستشار / علي فتحي علي المحامي

16/05/2026

بمناسبه المتداول عن قضيه تزوير البنتين بتوع الصعيد

احب اقول للجميع وهناك رجال قانون تعي ما اقول

ابوهم لا يملك انه يخرجهم ( فلا لوم عليه)

امهم هي الوحيده التي تملك انها تخرجهم من القضيه ( تشيل القضيه كلها لوحدها)
وطبعا احنا عرفنا انها كده كده متهمه في القضيه وصدرضدها حكم غيابي
فانها تشيل القضيه لوحدها بدون يناتها ده افضل شئ وخصوصا انها اكيد فاعل رئيسي فيها
كل ما عليها انها تنكر علم بناتها بحقيقه التزوير وتقول عي من قامت بذلك دون علم البنتين

وكده هيكون في امل لخروج البنتين براءه ان شاء الله
وهي اللي هتشيل القضيه كلها لوحدها
وتتحمل نتيجه افعالها وتربيتها

اي انه اذا كان فيه لوم يجب ان يقع علي الام مش الاب
وقانون الاسره كمان

11/05/2026

ماذا لو
كتب الزوجان في وثيقه زواجهم
اتفقا الزوجان علي ان هذا الزواج يحكمه شروطه وقواعده العقيده الدينيه للزوج ومذهبه؟

بالمناسبه انا لم اقول الشريعه الاسلاميه
بل العقيده الدينيه ومذهب الزوج
وحريه العقيده الدينيه ومذهب الزوج مكفوله ومحميه باحكام الدستور المصري

وقاصد كلمه مذهبه عشان ببساطه انتوا بتقوله علي الازهر مسلم والشيعه مسلم..... الخ

هتحلوها ديه ازاي يا بتوع المرأه؟

04/05/2026

سؤال للحكومه بخصوص مشروع قانون الاسره

هل انتم اعلم من الله تعالي والعياذ بالله؟
هل انتم ارحم من رب العباد علي الصغير.؟

ربنا صحيح لم يحدد سن للحضانه
ولكن
حدد بعض الضوابط تحديدا دقيقا بنص القرءان بصفه عامه وبصفه خاصه سوره الطلاق منها علي سبيل المثال لا الحصر،
1 ان الحضانه تكون للنساء فقط وليس الاب من النساء يا متخلفين ( قبل ما تفرحي يا ست الكل اقري الشرط التاني )

2 حق الاب في اختيار الحاضن حق اصيل ولا يجوز فرض الحاضنه عليه حتي وان كانت ام الصغير

3 لو اختلفوا علي مقدار النفقه فيما يجاوز حد الكفايه مقالش يروحوا للقاضي كان الرد فاصلا فلترضع له اخري وهنا تنتهي كل شئ

4 سؤال ايهما اختر الاجابه الاصح مما بين القوسين
الابن ابن ( الام _ الاب)
الاجابه الصحيحه الاب وده من القرءان وبنصوصه كمان وكمان العلم الحديث اكد صواب هذه المعلومه

فنغمه ده ابني اللي الامهات بتقولها اصلا غير صحيحه لان لو هنختار بين الاب والام هتكون الاجابه الاصح الاب
ايوه حضرتك مجرد وعاء لمده 9 شهور
اما هو نطفه ابيه ومن صلب ابيه ومن ظهر ابيه......... الخ
ابقوا اقروا مما خلق الانسان في القرءان وابقوا اقروا هو مولود له ولا لها

انتم تعبثون بالعقيده بل ضي لب العقيده الدينيه
كفايه عليكم كده دلوقت

04/05/2026

البهوات اللي بيشرعوا وبيفتوا في قانون الاسره

احب افكركم ان فيه شئ اسمه الطعن بعدم الدستوريه

ده فضلا عن ان نقاشكم اصلا عقيم اصلا لو تم تطبيقه
مثال لمناقشه الكد والسعايه بالفكر بتاعكم
انتوا عاوزين تقولوا ذمه الاسره وليس ذمه الفرد
عارفين ده معناه ايه حضرتك
من الناحيه المدنيه او الجنائيه
ان لو انا داينت الزوج ممكن ارجع علي الزوجه بدل الزوجما الاتنين ذمه ماليه واحده بقي

لو انا اتهمت شخص بالنصب ممكن ارجع علي زوجته بالجريمه كشريك
ما هي مش هتبقي شريكه في الغنيمه فقط

تخيل بقي لو هو بيتاجر في المخدرات

24/04/2026

هل تعلموا ان من حق اطفال الطلاق اقامه دعاوي تعويض علي الدوله المصريه فور بلوغهم سن الرشد 21 عام

لما تعرضوا له من ايذاء مادي وادبي من جراء قوانين الاسره في مصر الحاليه

وغالبا هنضم لها والقادم لان واضح انه سيكون اسوأ للطفل من خلال ما تناقشوه

لانك تتعاملون مع الطفل وكأنه دميه تعطي هديه ومكتسب لمن تريدون
لا كشخص له حقوق

22/04/2026

القوانين تفرض بالعدل لا بالمساواه ولا بالعواطف ولا الحوار المجتمعي
ويصيغها رجال القانون ( المحامين الحقيقيون فقط)

بالمناسبه المحامين يعلموا الكثير من خلال عملهم واحتكاكهم بالواقع سواء المحاكم او اطراف القضايا

اما ما يحدث في مصر في السنوات الاخيره ليس الا عك

لوكل ما تعملوا قانون تعملوله حوار مجتمعي مع اطرافه
بغض النظر عن العدل والحقوق

يبقي لما تعملوا قانون للجرائم
مثل النصب والسرقه وغيرهم
ابقوا اعملوا حوار مجتمعي وجيبوا المجرمين واتناقشوا معاهم عشان دول اطراف في المعادله

19/04/2026

الدوله المصريه
في قانون الاحوال الشخصيه بتلف وتدور حول نفسها الاطفال ليسوا دميه نعطيها هديه للام او الاب بل روح له حقوق علي الاب اولا ثم الدوله ثانيا

الحل الحقيقي لا بديل سيكون افضل من تطبيق الشريعه الاسلاميه بشكل صحيح دون انتقاء او تزييف وتحريف للدين

علي سبيل المثال
يعني يكون الاب هو الولي الطبيعي علي صغاره كما ورد بالاسلام
كلنا لن نختلف قبل الطلاق اي وقت الزواج علي ذلك
فما يحدث بعد الزواج ولما تحاولون نزع هذا الحق
فهل الاب طلق الصغار مع امهم؟
لا فلما تخالفون شرع الله اذا وتنتزعون ولايته ومسئوليته
وكيف لكم ان تنزعوا عنه مسئوليه كلفه بها الله عز وجل
ويا لكم من اباء تجهلون اتتخلون عن مسئوليه القاها الله عليكم بقانون وضعه بشر مثلكم

ماذا ستقولون عندما يسالك رب العرش العظيم ايها الاب لماذا تركت مسئوليتك التي وكلك الله بها ووكيف تتخلي عنها
والله امرك ان تدافع عنها حتي الشهاده وكان وعد الله حق

انت بنص القران ( سوره الطلاق ايه 6) من اعطاه رب العرش العظيم اختيار الحاضنه من النساء
هذه مسئوليتك وليس تشريف لك
لانك ستسال عنها فكيف تتنازل عنها بسهوله لاحد مهما كان

بالمناسبه الولايه مسئوليه وليست تشريف كما يعتقد البعض
ويا لها من مسئوليه لو علمها الرجل لخاف ان يكون ابا

لك ان تتخيل ايها الاب المدخن
انك ستسئل عن السجاره التي تشربها امام ابنك

ستسال عما علمته وكيف مهدته وهيئته لمواجهه الحياه حتي يكون في المستقبل رحل او فتاه ناجحه والي ربهما اقرب ونافعين في مجتمعهم

انت لست فقط مسئول عنه في الدنيا بل تسال عنها امام الله في الاخره

ومن يري عكس ما اقول
فليقل لنا من يكون مسئول عن الطفل سواء كانت العلاقه الزوجيه قائمه او طلقوا اولا؟
حتي يكون له الكلمه علي الصغار ويفصل فيما بينهم دون اراده صاحب المسئوليه الاول ( الاب) والذي كلفه بها من الله عز وجل

14/04/2026

14/04/2026

14/04/2026

في مصر عندنا مسئولين
لما نتكلم عن الاجور والحد الادني
وحد ادني للمعاش
تطلع المسئول بكل ثقه يقول المواطن يستطيع الحياه ب 2 ج في اليوم يعني 60 ج في الشهر

ولما تكلمهم في حد ادني للنفقه
نفس المسئولين عاوزينها 10000 ج في الشهر للفرد

انا مش هتكلم علي ارقام انا هحط المعاجله ديه
نفقه الفرد = راتب الزوج او الاب او دخله من عمله / 10

او تحسب قيمه النفقه طبقا لحصه الفرد من معاش المعيل ( الاب او الزوج)
وانا افضل هذه المعادله لان الغايه من المعاش ان يعيش صاحبه حياه كريمه اصلا

بفكر الجميع انا مقولتش ارقام قولت معادله اقتصاديه بحته

عشان محدش يقولي هو المرتب كام عشان تدي العشر فقط
ولا حد يطلع يقولي المعاش كام

حضرتك انا مقولتش مبالغ ولا ارقام حضؤتك شليف الرقم قليل يبقي تطالب بزياده المرتبات والمعاشات وتروح بالكلام ده للحكومه مش ليا

ويكون الحساب ده مرتبط بالملف الضريبي له مش تحريات مباحث بالمزاج
بالمناسبه كل رجال القانون بيوصفوا التحريات بانها ليست سوي راي لمجريها واسوأ دليل

او مرتبط بحساب معاش المعيل ( الزوج اوالاب) وقت الفرض

13/04/2026

🔴 النيابة العامة تُطلق خدمة إلكترونية لتتبع الهواتف المفقودة والمسروقة.