عبد الموجود موافى المستشار القانونى والمحامى بالنقض

19/03/2026

كل عام والأمة الإسلامية بخير
بمناسبة عيد الفطر المبارك

06/03/2026

اللي عدّى مرة واتنين وتلاتة مش هيعدّي طول الوقت.

واللي سكت مرة واتنين وتلاتة مش هيسكُت على طول.

واللي إشترى خاطرك ورِضاك مرة واتنين وتلاته مش هيعمل كدا باقي عُمره.

بلاش تتعاملوا مع الناس اللي في حياتكوا على إنكو ضامنينهم أوي كدا .. وما تراهنوش على طيبة حد طول الوقت .. كُل واحد وعنده طاقة وفي لحظة واحدة مُمكن اللي قُدامك يجيب أخره وتسمع منّه لقد نفذ رصيدك .. وكدا خِلصت خلاص.🍂🍂

#قطايف

06/03/2026

من أكبر أسباب تمرد الجيل الحالي..
سعي الوالدين لإرضاء أبنائهم بالدلال وتلبية جميع مطالب الرفاهية، يجب التفريق بين تلبية الإحتياجات الأساسية كالمأكل والمشرب والملبس، وبين مطالب الرفاهية فمرة تُجاب ومرة ترفض ومرة تؤجل..
درب أطفالك على تحمل المسؤولية فالحياة ليست سهلة..

06/03/2026

من اسوء الناس اللي ممكن تتعامل معاهم ؛ هما الناس اللي طول الوقت شايفين نفسهم صح .. وانهم مابيغلطوش وان دايما الحق معاهم .. واللي شايفين ان الاخرين هما اللي دايما مقصرين .. وهما اللي دايما غلطانين .. الناس دي منعدم عندهم حاجه اسمها اعتذار .. مابيعرفوش يقولو (أنا آسف) او (حقك عليا) او غيرها من عبارات الترضية .. ناس مابيعرفوش يجبرو الخاطر بكلمة حلوة .. وفي النقد لسانهم زي المبرد ... و في نفس الوقت عايزين يسمعو كل كلمات المدح والثناء عليهم وعلي شخصهم العظيم وعقلهم الاعظم اللي مافيش منه فاكرين نفسهم من طينة تانية غير باقي البشر 🍂🤍

06/03/2026

رسالة شكر وتقدير.. من القلب إلى القدوة
​"من لا يشكر الناس لا يشكر الله"
​بصفتي فرداً من أبناء مهنة المحاماة المهنة السامية ومنذ بدايات اشتغالي بها قبل 21 عاماً
لم أشهد طفرة حقيقية ملموسة كما أراها اليوم فى نقابة المحامين
لذا وجب عليّ تسجيل كلمة حق وإشادة بمجهودات السيد الأستاذ أحمد حلمي الشريف نقيب محامين سوهاج.
​نتقدم لسيادته وللمجلس الموقر بخالص الشكر والتقدير على ما نشهده من إنجازات استثنائية
وأهمها ​صيانة الأمانة وحفظ أموالنا المهدرة والسعي الدؤوب الغير مسبوق لتجفيف منابع إهدار أموال النقابة
وخاصة في ملف العلاج لبعض الجزئيات والحديث عنه مخزى وكله الم وحرقه🤭😪
وعن ​تطوير الخدمات النقابية
والبداية كانت بانفراد نقابة سوهاج على مستوى الجمهورية بانتخاب اللجان النقابية ...
و كل الشكر لسيادتكم على التنسيق الناجح مع السيد المستشار رئيس محكمة سوهاج الابتدائية والذي أسفر عن تخصيص مصعد للسادة المحامين بمجمع محاكم سوهاج وهي لفتة تعكس حرص النقيب على راحة الزملاء وتقدير هيبتهم💯💯
♥️♥️ ونهنئ أنفسنا بكافتريا نادى المحامين والمزمع افتتاحها اليوم والتي تعكس وجهاً يليق بنا نفخر به امام الجميع ...ولا يمكن الحديث عن ما فيها من خدمات والجهد المبذول فيها الا بعد أن تشاهدوا حضراتكم هذا الحدث اليوم
​معالى السيد النقيب والمجلس الموقر شكر لكم لانكم صدقتونا الوعد ..ونأمل فى المزيد طمعا فى الوصول إلى رونق يسعى إليه كل محامى مخلص
واليوم أثبتم أن النقابة كانت تحتاج إلى اخلاصكم
وفكركم المستنير .. وأصبح لنا سيف ودرع
​دمتم سنداً للمحاماة والمحامين
​

#المحاماة.

01/03/2026

08/01/2026

إن جالك الطوفان حُطّ ولادك تحت رجليك (رواه نذل).
كل تأخيرة وفيها خيرة (رواه كسلان).
إن سرقت اسرق جمل (رواه حرامي).
يدي الحلق للي بلا ودان (رواه حاسد).
المتعوس متعوس (رواه بائس).
اتق شر من أحسنت إليه (رواه سيّئ الظن).
لا بيرحم ولا بيخلّي رحمة ربنا تنزل (رواه من لا يعرف الله حق المعرفة).
رزق الهبل على المجانين (رواه أهبل).
الأقارب عقارب (رواه قاطع رحم).
أنا وأخويا على ابن عمي (رواه جاهلي).
إن كان لك عند الكلب حاجة قل له يا سيدي (رواه دنيء).
كثرة السلام تقلّ المعرفة (رواه مكروه).
الحسنة تخصّ والسيئة تعمّ (رواه ظالم).

لا تردّد كل ما تسمع؛ فكل هذه الأمثال
جاء الشرع بنقيضها،
ودعا إلى الرحمة، والعدل، وحسن الظن، وصلة الأرحام،
وكرامة الإنسان.

04/01/2026

04/01/2026

04/01/2026

عارف يا آدم، ايه الفرق بين إنك تكون أول محام في أسرتك وإن تكون محام ابن محام صاحب مكتب معروف؟!

الأخير بيطلع يلاقي مكتب كامل متكامل، من كتب وموكلين ومكتب له اسمه، ودا بيكون عامل كبير إن الطريق يكون سهل إلى حد ما، إنما أول محام في الأسره، مُطالب إنه يبدأ من تحت الصفر يتدرب سنتين علي الأقل، إنه يخلي الناس تثق فيه، عشان يجيله شغل ودي حاجه مش بالساهل ويحوش عشان يقدر يفتح لنفسه مكتب متوسط، وإن يبني لنفسه اسم، كل دي حاجات عايزه صبر ومثابره ومجهود مضاعف دا غير معاناته مع البعض اللي بيكون كل هدفهم انهم يحقدوا عليه ويشو.هوا في صورته قدام الغير لمجرد احساسهم أنه في يوم هيكون أفضل منهم وإن الموضوع ما هو إلا مسأله وقت مش أكتر، فلو أنت أول محام في أسرتك وقدرت تعدي بكل دا ، يبقي لازم تفتخر بنفسك و باللي حققته ⚖️🧑‍⚖️

11/12/2025

⚖️
📌 إلى الزملاء الذين يرددون:“المحامي الجنائي الكبير والسياسي البارز مش هيبقى فاضي للنقابة”… وأنها ازدواجية تؤثر سلبا على العمل النقابى ..
تعالوا نشوف التاريخ بيقول إيه 👇
الحقيقة: أعظم النقباء في تاريخ المحاماة كانوا من كبار المحامين الجنائيين والسياسيين .وهم من صنعوا أقوى نهضة نقابية.
1️⃣ النقيب الراحل احمد الخواجه .. من أعظم واقوى النقباء فى تاريخ نقابة محامين مصر .. فهو المحامي والسياسي القدير؛ أكثر من تولى منصب نقيب المحامين منذ إنشاء النقابة عام 1912، فعاصر رؤساء مصر الراحلين، جمال عبد الناصر، وأنور السادات، وحسنى مبارك. وكان عضوا في التنظيم الطليعي التابع للاتحاد الاشتراكي العربي بمصر في عهد الزعيم الراحل جمال عبد الناصر .
2️⃣ النقيب والمحامي الكبير سامح بك عاشور – نقيب محامين مصر الأسبق .
🏛️قامة قانونية وسياسية ونقابية كبيرة.محامٍ جنائي وإداري من الطراز الأول، وكان من قيادات الحزب الناصرى وصاحب تاريخ مشهود في ساحات القضاء.رغم ضخامة مكتبه وقضاياه… قاد النقابة لسنوات طويلة بنجاح، وكان صوت المحامي القوي أمام الدولة.نموذج حي أن المحامي الكبير = نقيب قوي.

3️⃣النقيب الراحل الفقيه رجائي بك عطية – نقيب مصر الأسبق .
📚⚖️أحد أهم المحامين في تاريخ مصر.فقيه قانوني موسوعي، مؤلف لعشرات الكتب.جمع بين المحاماة الثقيلة والنقابة القوية…شغل العديد من المناصب الهامة كعضو بمجلس الشورى، والمجلس الأعلى للشؤون الإسلامية، واتحاد الكتاب، والمجلس المصري للشؤون الخارجيةوكان سندًا للمحامين وقائدًا عن جدارة.

4️⃣ النقيب الراحل صالح بك السنوسي – أسطورة أسيوط
🏛️🔹 مثال حي كلنا عاصرناه، وأقوى دليل أن المحامي الجنائي الكبير لا ينشغل عن النقابة.من أكبر المحامين الجنائيين في أسيوط و مصر.ومع ذلك… أصبح أعظم نقيب خدم محامين أسيوط.قدّم خدمات جليلة وتاريخ نقابي خالد يشهد له حتى اليوم.

5️⃣ النقيب والمحامي البارز حمدي بك خليفة – نقيب محامين مصر الأسبق .
⚖️محامٍ جنائي معروف بثقله المهني.قاد النقابة العامة في فترة مليئة بالتحديات، وترك بصمة واضحة فى نقابة محامين الجيزة الفرعية وفي الدفاع عن المحامين.

ولا انسى أن اختم بالسيد وكيل نقابة المحامين العامة عمر بك جلال هريدي – محامٍ جنائي بارز . وكان عضوا بمجلس النواب وعضوا بمجلس إدارة نادى الزمالك
🎓⚖️ويعتبر أحد أبرز المحامين الجنائيين الذين يجمعون بين قوة المرافعة والعمل النقابي الفاعل.

🔹 وهذا على سبيل المثال وليس الحصر…فالتاريخ النقابي مليء بأسماء لامعة من كبار الجنائيين والسياسين الذين جمعوا بين قوة المرافعة وهيبة النقابة، وأثبتوا أن المحامي الكبير لا ينشغل عن خدمة زملائه بل يكون سندًا لهم.
🎯 إذًا… الفكرة واضحة:المحامي والسياسى الكبيرمشغول؟ نعم لكن أنفع وأقوى للنقابة؟
قطعًا نعم ✅
لأن اللي يقدر يشيل قضايا تقيلة وملفات سياسة ضخمة يقدر يشيل نقابة كاملة، ويدافع عن كل محامٍ بجرأة وهيبة.
👈واحمد بك حلمى الشريف مثال صريح وواضح 💪
⚖️:محامٍ جنائي كبير وممارس للمهنة يوميًا.فاهم مشاكل المحامين لأنه عايشها في المحكمة كل يوم.وجوده نقيب محامين سوهاج = هيبة + قوة + حضور + حل للمشاكل بجدية وسرعة.
المحصلة 📝:اختيار السياسيى والمحامي الكبير نقيبًا…مش خطر ده ضمان لنقابة قوية وظهر سياسى يسند كل محامي.
✊ معًا نصنع نقابة قوية… ومعًا نكتب تاريخ جديد للمحاماة

18/11/2025