أحمد أبوخضره المحامي - Lawyer Ahmed Abokhadra

22/04/2026

بحسب القانون رقم 24 لسنة 2023 في شأن تقرير التوقيت الصيفي، فإنه اعتبارًا من الجمعة الأخيرة من شهر أبريل حتى نهاية يوم الخميس الأخير من شهر أكتوبر من كل عام ميلادي، تكون الساعة القانونية في جمهورية مصر العربية هي الساعة بحسب التوقيت المتبع مقدمة بمقدار ستين دقيقة

19/04/2026

واحد أعرفه أجر شقته العقد خلص
راح يكلمه عشان يستلمها
المستأجر رد بكل هدوء: هقعد شوية كمان لحد ما ألاقي مكان

الشوية دول قعدوا شهور وهو كل يوم مش عارف يعمل حاجة
ولا عارف يطلعه بسهولة
الموقف ده بيتكرر كتير جدًا والسبب غالبًا بيكون تفصيلة صغيرة في العقد

لو بتكتب عقد إيجار في بند مهم تفصيلة صغيرة ممكن تحميك من وجع دماغ كبير
النوع ده من البنود بسيط بس الفرق بيبان لما يتكتب صح

مكتب الأستاذ أحمد أبوخضره المحامي
المنوفيه شبين الكوم بجوار المرور الجديد
01009627040

11/04/2026

هتشتري شقة من ورثة؟ 🤔.. إوعى تنسى تطلع على "إعلام الوراثة"! 📑

👈​فيه ناس لما بتلاقي شقة صاحبها توفى وأولاده بيبيعوا.. فبيعتبروها " فرصة" عشان يخدوها بسعر كويس وتروح تكتب العقد مع واحد منهم غالبا الأخ الكبير وتدفع ثمنها وتمشي وخلاص على كده .

هنا بقى الكارثة الكبيرة اللي ممكن تخليك تخسر شقا عمرك في لحظة! ✋
​طيب إيه الصح عشان تشتري وأنت حاطط في بطنك بطيخة صيفي؟

​١ـ إعلام الوراثة هو الأساس: لازم تشوف اصل اعلام الوراثة عشان تعرف مين هما الورثة بالظبط "بالعدد والأسماء"، ومين القصر (اللي تحت السن) لو موجودين.

٢ـ توقيع "الكل" أو توكيل رسمي: لازم كل اللي في إعلام الوراثة يمضوا على العقد.. طب لو حد مش موجود؟ يبقى فيه حد منهم معاه "توكيل رسمي بالبيع لنفسه وللغير" من الشخص اللي مش موجود ..يعطيه الحق في التصرف في نصيب الشخص الغائب ده.

٣ـ موافقة النيابة الحسبية: لو فيه "قاصر" (طفل صغير) من ضمن الورثة ، البيعة دي مش نافذة غير بموافقة النيابة الحسبية، وإلا العقد بيبقى "باطل" في حق القاصر ده.

٤ـ تسلسل الملكية: لازم تتأكد إن المتوفى أصلاً كان معاه عقد ملكية سليم (مسجل أو عليه صحة توقيع) عشان طبعا "فاقد الشيء لا يعطيه" 👌

​ فمن الآخر إوعى 👇
تكتب العقد مع الكبير بتاعهم وتمشي بكلمة إحنا إخوات ومفيش بينا مشاكل.. وقت الجد والأطماع، الكلمة دي بتتبخر! والمحاكم مليانة قضايا بسبب "الأخ اللي مأخدش حقه".

ف​نصيحتي ليك : الوضوح في الشراء من ورثة مش قلة ثقة، ده "أمان" ليك وليهم.
و​لو بتفكر تشتري ومحتار في الورق.. سيب سؤالك في كومنت! 👇
الأستاذ أحمد أبوخضره المحامي
المنوفيه شبين الكوم بجوار المرور الجديد
01009627040

30/03/2026

❌ يعني ايه محضر عدم تعرّض ❌
إيه اللي يحصل لو عملت محضر عدم تعرّض ، وبرضه تم التعدي عليك بعد كده؟

🚫 قانوناً ، محضر عدم التعرض مش مجرد ورقة ، ده حماية قانونية مهمة :
لأن المادة 240 من قانون العقوبات قررت إن:
• الجرح أو الضرب اللي يترتب عليه عاهة مستديمة عقوبته السجن من 3 لـ 5 سنين.
• ولو الجريمة كانت مع سبق إصرار أو ترصد، العقوبة بتتشدد وتوصل لـ السجن المشدد من 3 لـ 10 سنين.

⚖️ هنا بقى أهمية محضر عدم التعرض:
لو نفس الشخص اللي اتعمل ضده المحضر اعتدى عليك تاني ،
المحضر ده بيعتبر قرينة على سبق الإصرار والترصد ، وده بيشدد العقوبة.

⚠️ بس مهم تعرف:
• لازم إثبات واقعة التعدي (تقارير طبية – شهود – أي وسيلة إثبات).
• لأن من غير إثبات ، المحكمة هتحكم بالبراءة حتى مع وجود محضر عدم التعرض.

🔹 ببساطة:
محضر عدم التعرض مش بيمنع الجريمة، لكن بيقوي موقفك القانوني ، وبيحوّل أي اعتداء بعده لجريمة أشد عقوبة.

🔹 والكلام ده ينطبق على كل الحالات ، ومنها الزوجة اللي بتحرر محضر عدم تعرض ضد زوجها في حالة التعدي بالضرب أو الإيذاء.

تواصل معنا لأي استفسار أو استشارة قانونية
أحمد أبوخضره المحامي - Lawyer Ahmed Abokhadra
01009627040

24/03/2026

عاااجل 🚨
أمطار ورياح شديده غداً علي المدارس والجامعات، وطقس مشمس لطيف على الساده المحامين في المحاكم 🏢

23/03/2026

اللي ميجيبوش العيش والملح، بكره يجيبه العيش والحلاوه

23/03/2026

عودة العمل بالمكتب بدايةً من يوم الثلاثاء بإذن الله تعالى مواعيد المكتب من ٧م إلى ١١م وذلك بعد حجز استشارة قانونية عبر الواتساب على الرقم 01009627040

19/03/2026

*ڪل عام وأنتم بخير* 🌙✨
بمناسبة عيد الفطر المبارك ، أسأل الله أن يعيده عليڪم بالخير واليمن والبرڪات ، وأن يتقبل منا ومنڪم صالح الأعمال ، وأن يجعل أيامڪم ڪلها فرح وسعادة.🤲
*عيد سعيد عليڪم وعلى أحبابڪم*. 🤍

17/03/2026

كتير من الناس بتمضي عقود وهم فاكرين إنهم كده في الأمان… لكن الحقيقة؟

⚠️ في عقود بتكون مكتوبة بطريقة تخليك أنت الطرف الأضعف!

🔎 لان من أخطر المشاكل اللي بنشوفها في العقود الي بتتعرض علينا ان بيكون فيها:
▪️ بنود جزائية مبالغ فيها ضد طرف واحد.
▪️ عدم تحديد التزامات واضحة للطرف الآخر.
▪️ غياب آلية فسخ عادلة.
▪️ صياغة فضفاضة تسمح بالتأويل ضد مصلحتك.
▪️ عدم تحديد الاختصاص القضائي أو آلية فض النزاع.

📌 والقاعدة القانونية البسيطة بتقول:
"العقد شريعة المتعاقدين"
يعني اللي بتمضيه… هتتحاسب عليه.

✍️ قبل ما توقّع:
✔ اقرأ كل بند كويس.
✔ اسأل عن أي عبارة مش واضحة.
✔ راجع العقد قانونيًا لو فيه التزامات مالية أو جزاءات.

💼 توقيعك مسؤولية… ومراجعة العقد حماية ليك.
لو محتاج مراجعة عقد قبل التوقيع، تواصل معانا.
الوقاية القانونية دايمًا أوفر من النزاع بعد كده.
أحمد أبوخضره المحامي - Lawyer Ahmed Abokhadra
المنوفية شبين الكوم بجوار المرور الجديد
01009627040

15/03/2026

13/03/2026

🚫 أخطاء شائعة في صياغة العقود … خد بالك قبل ما تمضي!

كتير من الناس فاكرة إن العقد مجرد ورقة بتتكتب وخلاص ، لكن الحقيقة إن صياغة العقد فن قانوني ، وأي خطأ بسيط فيه ممكن يجرك لنزاع طويل قدام المحاكم.

🔴 أخطاء في عنوان العقد وتوصيفه:
• كتابة عنوان عام زي “عقد اتفاق” من غير تحديد نوعه (بيع – إيجار – توريد…)، وده خطأ شائع.
• تكييف العقد بشكل غلط ، يعني عنوانه حاجة ومضمونه حاجة تانية ، وده بيعمل مشاكل كبيرة وقت النزاع.

📆 أخطاء في التواريخ والمبالغ:
• اختلاف التاريخ الهجري عن الميلادي أو عدم دقته.
• اختلاف المبلغ المكتوب بالأرقام عن المكتوب بالحروف ، وده ممكن يضيع حق كامل.

⚖️ ثغرات قانونية خطيرة:
• شرط تحكيم مكتوب بشكل غير واضح أو من غير تحديد الجهة أو مكان التحكيم.
• إغفال بند القوة القاهرة وآثارها.
• عدم تحديد مدة العقد أو تاريخ بدايته ونهايته بدقة.

❌ أخطاء تخص الأطراف والتوقيع:
• التوقيع من شخص غير ذي صفة قانونية.
• عدم الإشارة إلى الملاحق والمستندات المكملة للعقد.
• عدم تحديد عملة السداد أو تجاهل تغير قيمة العملة في العقود طويلة الأجل.

🔍 خلاصة مهمة:
العقد هو قانون المتعاقدين ، وأي سطر مكتوب غلط ممكن يكلّفك وقت وفلوس وراحة بالك.
راجع عقدك دايماً مع مختص قبل التوقيع … الوقاية هنا أوفر بكتير من العلاج.

تواصل معنا لأي استفسار أو استشارة قانونية
أحمد أبوخضره المحامي - Lawyer Ahmed Abokhadra
المنوفيه شبين الكوم بجوار المرور الجديد
01009627040

11/03/2026

ضوابط للتعامل مع التأمينات بتوكيلات الشهر العقاري.. اعرف الشروط قبل التقديم
في إطار تنظيم إجراءات التعامل مع الهيئة القومية للتأمين الاجتماعي، صدر خطاب رسمي يحدد الشروط والضوابط الواجب توافرها في توكيلات الشهر العقاري عند قيام الوكيل بإنهاء الإجراءات أو التعامل مع الهيئة نيابةً عن صاحب الشأن.
📑 وجاءت أهم الشروط على النحو التالي:
🔹 النص الصريح في التوكيل:
يجب أن يتضمن التوكيل نصًا واضحًا وصريحًا يجيز للوكيل حق التعامل مع الهيئة القومية للتأمين الاجتماعي وإنهاء الإجراءات الخاصة بها.
🔹 مدة سريان التوكيل:
في حال مرور أكثر من عام على إصدار التوكيل، يتعين تجديده أو التأشير عليه من مصلحة الشهر العقاري بما يفيد أنه ما زال ساريًا ومعمولًا به.
🔹 نوع التوكيل المقبول:
يشترط أن يكون التوكيل توكيلًا عامًا أو توكيلًا خاصًا يتضمن صلاحيات التعامل مع الهيئة، ولا يُعتد بتوكيل القضايا في هذا الشأن.
💡 نصيحة عملية:
قبل التوجه لإنهاء أي إجراء لدى التأمينات من خلال وكيل، تأكد من وضوح نص التوكيل وصلاحيته وسريانه لتجنب رفض الطلب أو تعطيل الإجراءات.
⚖️✨

#التوكيلات