مكتب المستشار: وليد ضاحي عبد الشافي المحامي

19/11/2024

الاحتفاظ ببطاقتي رقم قومي

10/08/2024

- عشرة معلومات قانونية هامة عن دعاوي الأسرة و قانون الأحوال الشخصية .. 👇👇

1 - لا يعتد قانوناً بأي تنازل للأم عن حضانة صغارها .. فهذا التنازل هو العدم سواء .

2- في حالة زواج الأم ثم طلاقها يجوز لها طلب حضانة الصغار مرة آخري .

3- الخلع حكم غير قابل للطعن .. بمعني لا يجوز استئناف الحكم في دعوي الخلع .

4- في دعاوي الحبس للزوج بسبب متجمد النفقة .. يكون الحكم فيها الحبس لمدة شهر و هذا الحكم لا يجوز إستئنافه .

5- يكون الحكم في دعوى الرؤية مرة واحدة أسبوعياً لمدة ثلاث ساعات .

6- دعاوي الطلاق بكافة انواعها يجوز استئناف أحكامها .. لذلك قد تطول مدة هذه الدعوي لأكثر من عام .

7- دعوي الطاعة يجوز فيها الإستئناف و يجوز للزوجة تسليم نفسها للزوج في أي من مراحل الدعوي " إذا أرادت ذلك " .

8- لا يجوز تنازل الأم عن حقوق الصغار ( نفقات الصغار بأنواعها ) و يعتبر هذا التنازل كأن لم يكن .. و ذلك كونها حقوق لا تملكها الأم بل يملكها الصغار و ما الأم إلا حاضنة لهم .

9- الرؤية قديماً كانت للأب فقط و للجدين في حالة عدم وجود الأب .. أما حالياً ف للجدين أيضا الحق في الرؤية حتي في وجود الأب .

10- قائمة المنقولات الزوجية هي عبارة عن عقد من عقود الأمانة .. و تحريك الدعوي فيها يجوز بطريقين اولهما الطريق الجنائي...وفيه يحكم علي الزوج بالحبس اذا لم يسلم المنقولات، والطريق الثاني هو رفع الدعوي عن طريق محكمة الاسرة.
مكتب الأستاذ/وليد ضاحي عبد الشافي
للمحاماه والاستشارات القانونية ⚖️

10/08/2024

10/08/2024

@الجميع

09/08/2024

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق👇👇👇

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك لو مش هنتقل عليك سواء بائع أو مشترى تمضى على كل ورقه ياريت ماتستسهلش وتكسل

٥ - قولنا مليون مره فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل.

٦ - مافيش حاجه اسمها تنازل على ظهر العقد ويبقى كده أشتريت ... أشتريت يعنى أعمل عقد بيع وشراء

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وغصب عنك هتدفعهم

٨ - صحة التوقيع مهمه وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى

١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحة توقيع للعقد المحكمه لازم يكون قدامها أصل العقد وطبعا المحامى مش هيقدر يسحب الأصل غير لما القضيه تخلص ...

١٤ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه .

04/01/2024

( وإن ليس للأنسان إلا ما سعي وأن سعيه سوف يري ثم يجزاه الجزاء الأوفي ))